طالع باکویی #ورود _محرم یئنه ماه عزا گلیر یانان اورهدن نوا گلیر یئل اسنده اورهلره صفایه کرب بلا گلیر هامی درده دوا گلیر هامی درده دوا گلیر گینه اسدی قاره علملر قورولوبدی مجلس غملر اوجالوب عرشه واحسین قاره گی سسله یا حسین خبر ای دل که باشلانیر عزای سلطان کربلا سالاجاخ نوحی حیرته حدیث طوفان کربلا اولاجاخ قبله ی خلیل منای قربان کربلا بودو اعلان کربلا بودو اعلان کربلا گینه اسدی قاره علملر قورولوبدی مجلس غملر اوجالوب عرشه واحسین قاره گی سسله یا حسین ای ابوالفضلین عاشقی گلور محرم نوایه گل دوت الیندن مریضیوون ادبله دارلشفایه گل آلاسان دردیوه دوا مطب شاه والایه گل حرم کربلایه گل حرم کربلایه گل سو یانیندا دوشن قولا بو شیعه لردن سلام اولا آقامین اوخلی مشکینه بو شیعه لردن سلام اولا در عباسیوه گرگ تمام شاهلار غلام اولا اونا بیزدن سلام اولا اونا بیزدن سلام اولا گینه اسدی قاره علملر قورولوبدی مجلس غملر اوجالوب عرشه واحسین قارا گی س #ورود_محرم_

#زنجیرزنی #ورود محرم @turki_nohemajma #کانال_ترکی_مجمع_الذاکرین

#ورود به کوفه #(اَهل کوفه گوردیلر بیر کاروان غم گلور) ▪️🍂🍂▪️🍂🍂▪️🍂 اَهل کوفه گوردیلر بیر کاروان غم گلور زینبِ کُبرا حسینه ساخلیوب ماتم گلور زادهء مرجانه دن بیر حُکم اولوب عالم یانوب بو مصیبت ده نه یا لقوز زینبِ کُبری یانوب قلب هاجَر خاطرِ اِنسیّهء حورا یانوب زلفینی سارا یولار هم شیونه مریم گلور بی حیالر اِیتدیلر بیر مجلس عشرت بنا قوردولار اسباب نَردی ظلمی له اَهل جفا حکم ایدوب گلسون گرک بو بزمه آل مُصطفی آه او دَم دن عترتِ پیغمبرِ خاتم گلور باخدی زینب مجلسه گوردی دوروب بیگانه لر شمعه یان دوردی اوزون گورجک یانان پروانه لر سالدی غملی خاطرینه اوزگه بیر غم خانه لر گزلنوب عورت ایچره گوردی نامحرم گلور زادهء مرجانه بو اوضاعی دن آلدی خبر کیم دی بو عورت که عورتلر ایچنده گزلنر دیدیلر بنت علی دور زینبِ خونین جگر سرّی وار گوزیاشی گوزدن صورته هر دَم گلور زینبین آدین ایشیتدی سویلدی گورکیم نِیدوب شکر اولا خلّاق عالم سیزلری رُسوا ایدوب زینبین کلاً قرار و طاقتی اَلدن گیدوب غصّه اُستن غصه پی در پی غم اُستن غم گلور سویلدی لال اول شقی اولاد پیغمبر بیزوُق زُهرۀ زَهرا آنام دور زادهء حیدر بیزوُق جمله اهل کایناته هادی و رهبر بیزوُق باش آچوب حوّا یانیم جا حضرت مریم گلور فانی دور دنیا (ثریا) عمریده یوخ اعتبار چوخ عزیزی عاقبت ناکام ایدوب بو روزگار بو یولی چوخ طی ایدر عالمده هر خرد و کُبار کاروان مرگ بیری آخر بیری اقدم گلور

#ورود به کوفه #گوردولر نوک جدادن صوت الرحمان گلور ▪️🥀🍂▪️🥀🍂▪️🥀🍂 گـــوردولر نوک جدادن صوت الرحمان گلور سوره ی کهفی اوخور صوت خوش قران گلور قانلی باش اعجاز ایدوب قـــران تلاوت ایلیور کوفه شهرین غم دوتوب سبط نبی گور نیلیور صوت زیبا ریشه ی اعــــــدای کُفری پیلیور آسمانلاردان یره حور و ملک گریان گلور یوز دوتوب زینب باخوب بیردن سوسوز قارداشینه گه باخوردی کفرین اهلـــــــی اللرینده داشینه وورمیون داش فاطمـــه اوغلی حسینون باشینه چوخ یارالیدور باشی هر یاره دن بیر قان گلور باخدی زینب گوردی الله اوچ یاشیندا قیز باخور باخدوقیجا اشکیلر چون قطره ی باران آخور سسلیور یاندیم ننه هی اشکــــینی قانه یاخور آغلیولار قیزلاری چوخ ناله و افغان گلور اولمادی کرب وبلاده بو بـــــاشا بیر سو ویرن قالدی عریان پیکری ایستی قوم اوسته بی کفن باتدی عالم ماتمه قیزلار اولــــوب غرق محن سبط پیغمبر باشیدور کوفیه مهمان گلور بو همان باشدور که پیغمبـــــر اوپردی لبلرین بو همان باشدور کسوبدور ساربان اول اللرین آت چاپوپلار نعشی اوستونده او نازلی پیکرین قتلگاهه انبیـــــالر باش آچــــوخ نالان گلور رحم ایدون آخر بو باش ریحانه دی پیغمبره مالک یوم جزا عـــــزت ویــرندور محشره بند قلب فاطمه نــــــور دو عینـدور حیدره آغلیاندا خیر نسوان لــــرزیه ارکان گلور من مصیبت دیده یم باری منیم گوگلوم آلون یاسلیم سیز کول یرینــــه باشیمه معجر سالون لا اقل داش وورمیون بیر جه بو حالتده قالون چون سوسوزدور قارداشوم صوت اناالعطشان گلور نهرون اوسته قارداشوم قولسوز یاتوبدور یالقیزام دوغرانوبدور اکبریم تک قالمیشام یولداشسیزام وور میون طعنه داخی بی یاورم قـــارداشسیزام چون رباب اوز اصغریندن بی خبر نالان گلور آنـــــــد ویرم کوفده اول زینبین احوالینه خـــــردا قیزلار یا حسین و یا عمو فریادینه (پوریـــایم ) دردمندم چات بو نوکر دادینه قسمت ایلــــه کربلا کی اربعین یولدان گلور