زبانحال #حضرت_رقیه_س به پدرش در خرابه **** گونلر گیچور ولی گینه صوت فغان گلور هر دم نظرده ذهنیمه بیر داستان گلور مدتدی آیریلیق سالوب احوالیمی غمه راحت یاتانمورام غم و غصه هر آن گلور یاده دوشور مدینه ده کی خاطراتیمیز هر دم نظرده اکبر تازه جوان گلور سنسیز خدا بولور که نلر گلدی باشیمه شام اهلی خارجی دئدیلر میهمان گلور هر چند ایستورم کی سکوت ایلییم بابا اما ائدوم نه چاره که سوزلر روان گلور آتلار دوشینده عابله اولموش ایاقلاریم هر قدر باغلیرام گینه ده تازه قان گلور هر وقت ایستدیم سنی من نیزه داریدن گوردوم الینده تیغیله قمچی سنان گلور تا ایستورم یوموم گوزومی,قورخورام بابا فرض ایلورم بابا گینه ده ساربان گلور یولاردا هر نه واردی بلا منده چکموشم گاهی نفس گئدور,گهی تازه جان گلور بیر دمده ساکت اولموری ویرانه ده آنام اصغر خیالینه بابا جان همچنان گلور قول بوینونا سالور آنامین آغلوری بی بیم هرچند دینموری ئورگی باغریقان گلور بو سوز ئورک سوزومدی بابا جانه گلموشم سنسیز رقیه نون نفسی بی توان گلور سیندیردیلار غروریمی بو شهریده منیم هر لحظه بو گولاقیمه زخم زبان گلور نینیم منیمده بختیمی بیله یازیب یازان ئولسه آتا اوشاقلارینا چوخ گران گلور #کربلایی_سیامک_پندی (خاکسار) #حضرت_رقیه_س #خرابه_شام