#خبر_در_وسطی_کلا گزارش تصویری از مراسم آئینی عید مردگان #خاکسر تیرماه ۱۴۰۲ در مسجد محل و در جوار گلزار شهدا وسطی کلا با حضور خانواده های محترم شهدا و مردم خوب محل جهت احترام به ارواح طیبه شهدای وسطی کلا شادی روح پرفتوح شهدا صلواتی را هدیه نمایید 📸هادی اکبری وسطی کلایی ✅کانال وسطی کلای قائمشهر @vostakola_Ghaemshar

سلام دوستان عزیز به مناسبت عید #مردگان داستان شب امشب را تقدیم میکنم به محضر شما مهربانان داستانی که بعد از تحقیقات بسیار زیاد تلاش کردم این داستان واقعی را بنویسم و هدیه کنم به محضر تمام مردم خوب وسطی کلا و روح عزیزانی که نامشان در این داستان قید شده امیدوارم عزیزان بپسندند و بنده رو از دعای خیرشون بی بهره نکنند با نهایت احترام #هادی_اکبری_وسطی_کلائی #کبلایی ✅کانال وسطی کلای قائمشهر @vostakola_Ghaemshar

#داستان_رضا_علامه بر اساس ماجرای کاملا واقعی اون قدیما تقریبا ۱۵۰ سال پیش تِرِک وسطی کلای دله بی نیاز تپه ی ور اتا زنا مردی دهینه خجیر و خارک اتا گل بی یه و اتا شاپرک مردی نومّه #گل_ممد گتنه و زنای نومّه #صُراحی جان خدای مهروون وشون ره چنتا اولاد هدا اما دنیا نمه بمردنه اتا روز نماشون گدر که اذان صدا بموئه مشتی #صراحی دل بشکسه و وضو بیته نماز سر هنیشته و دعا هاکرده و ونگ هدا امام رضا ره و بته ای آقاجان نی یل منا و مه مردی ارمون به دل بوریم گل بن اماره اتا اولاد هاده تا امه نوم گم نووه و امه خنه ی در دَوِس نَوّه مره گمون که همون گدر ملائک آسمون دله آمین بتنه اتی مدت که بگذشته مشتی #صراحی بدیه ونه حال نامیزون هسه رو هاکرده مشتی #گل_ممد و بته جان دلخواه خدا امه ونگ ره جواب هدا و دواره دره مه دامن ره سبز کنده مشتی #گل_ممد چش او سر هاکرده و سجده شکر بجا بیارده جان خدای جا ممنون داری هاکرده نه ماه بگذشته و مشتی #صراحی اتا پسر دنیا بیارده و وشون آرزو بر آورده بَیّه رو هاکرده شه مردی روبته جان مردی وچه نومه چه چی بیریم مشتی #گل_ممد بته این وچه حکما نظر کرده امام رضا هسه اینسه ونه نوم #رضا گیرمبی تا نومدار بووشه مشتی #صراحی وچه ره هدا مردی کشه و بته ونه گوش بن اذان و اقامه بعو #رضا یواش یواش دس مجی کر بَیّه و شه پی یر و مار دلخشی راه شو که بَیه بنه و بالا ره مته و پِر و مار ذوق کردنه اتی چن سال بگذشته #رضا اسا دیگه نوجوون بَیه اتا روز مشتی #صراحی رو هاکرده شه مردی و بته جان دلخواه ونه این وچه ره راهی هاکنیم ملاخنه قرآن سواد بوه ولکوم امه بمرده روز بی امه قور سر قرآن بخونده این بی یه #رضا ره راهی هاکردنه ملا خنه و قرآن سواد بَیّه ملا خنه ی ملا متوجه بهیه که این وچه با وچوونهای دیگه فرق کنده #رضا ویشتر از سنش فهمنه انگار اتا نفر همه چی ره وره از قبل یاد بدا تا اتا سئوال ونه جا پرسینه #رضا ویشتر از اون جواب سئوال وشون‌ره جواب دا ملا موندسه که این وچه ایناره کنه‌جا یاد بَیته #رضا دیگه مزیر مرد بَیه ونه نوم مله جا که نا تا اون سر مازندرون در بورده خَوِر به گوش آخوندهای اون زمون برسیه بتنه که مازندرون شاهی دله اتا مله دره ونه نوم وسطی کلا هسه و مله دله اتا جوون ریکا دره درس نخونس هسه ولی همه چی ره دونده و همه چی ره از بر هسه قاصد برسندینه وسطی کلا مله دله پرس جو هاکردنه و #رضا ره پیدا هاکردنه و ونه پِر و ماره جا اجازه بیتنه #رضا ره بَوردنه حوزه علمیه آخوندهای اون زمون ونه جا اتا خله سئوال هاکردنه #رضا بلبل واری وشون‌ره جواب دا اونا شه پیش بتنه احسن الله به این جوان این وچه نظر کرده هسه وِ دیگه نیاز ندارنه اینجه دَوه درس بخونده وِره لقب #علامه هدانه و بتنه بور شه مله که ته اِما همه ی توم بیتر دوندی و اینتری بهیه که #رضا معروف بَیه به #رضا_علامه ونه نوم تا اون سر دنیا جه در بورده اتا روز #مشتی_صراحی بته جان مردی بِرو تا نمردمی شه آرزو برسیم و جان پسر وِسه اتا پلا پچ پیدا هاکنیم مشتی #گل_ممد خشال بَیّه و بته امه پسر قرآن ره از بره وِنه اتا عاروس پیدا هاکنیم وِنه جور با خداو با ایمون بوئه وشون دتای دل اتا کیجای پلی گیر هاکرده بی یه همیشک آرزو داشتنه اونتا کیجا وشون عاروس بووه کیجا کی بی یه #میر_هادی_هادیزاده  کیجا #میر_هادی کی بی یه وشون همسایه اتا سید پاک و مومن که هر وقت خواسنه وره پیدا هاکنن سجاده سر دَیّه نماز خوندسه گتنه #میر_هادی پچوک نماز اتا صواحی تا ظهر طول کشیه این بی یه مشتی #صراحی بورده #میر_هادی سره و ونه زنا مشتی #فاطمه جا صحبت هاکرده و بته منا مه جان مردی دل خوانه ته جان دتر #سید_نسا ره شه پسر زن هاکنیم مشتی #فاطمه خشال بَیّه و بته اِما در مقابل شما صاحاب وچه نی می این بهیه که اتا شو فامیلون جم بهینه و خازندی هاکردنه و اره ره بیتنه و اتی چند وقت بهی نهی عاروسی هاکردنه و #رضا_علامه و #سَی_نسا بوردنه شه زندگی سر جان خدای مهروون وشون ره چنتا اولاد هدا اتا روز که #رضا_علامه ویشه جا بمو سره بدیه #سَی_نسا تش کله په همینتی که وچه ره شیر دا خستگی جم خو بورده و دکلوم متوجه نیه ونه مردی بمو #رضا_علامه چند بار ونگ هاکرده آ #سی_نسا ها #سی_نسا بدیه نا #سی_نسا دَکِل ویشار ننه #رضا_علامه عصبانی بهیه و اون ماشه ای که تش کله دله دَیّه ره بیته بزو شه زنای دس و #سی_نسای دست داغ بَیه و خوی جا ویشار بَیه و شه مردی جا عذر خواهی هاکرده شو که #رضا_علامه بعد از نماز و عبادت خو بورده خو بدیه که خو دله اتا نفر وره ونگ کنده ها رضا ها رضا #رضا_علامه جواب هدا بته بله بدیه خو دله وره گنه بِرو بیرون تره کار دارمی #رضا_علامه بورده بیرون بدیه اتا اسب سوار دم در دره و بته بِرو مه اسب سر سوار بواش خوامبی بوریم اتا جا تره کار دارنه #رضا_علامه و اسب سوار بمونه وسطی کلای مسجد سقانفار بن 👇👇👇👇👇

بدیه ۱۲ تا صندلی شبیه منبر دره اتا از این منبرها بقیه توم گتر هسه بدیه اتا سبز پوش بورده اون گت منبر بالا و بته متهم ره بیارین #رضا_علامه شه پیش بته خدایا متهم کی یه اینجه چه خَوِره بدیه وِره بَوردن اون گت منبر پلی بتنه متهم ره بیاردمی اون سبز پوش که منبر سر دَیّه رو هاکرده به #رضا_علامه و بته با کمینتا دس به اولاد ما بی احترامی هاکردی #رضا_علامه متوجه حال و کار ماجرا بَیه شه پیش ای داد بیداد اینجه دادگاه الهی هسه و من گنهکار این محکمه بته با این دس شه دس جلو بیارده اون سبز پوش بته اون داغی ره بیارین بعد با همون ماشه ای که #رضا_علامه  #سی_نسای دس داغ هاکرده وِنه دس سر داغی بِشتنه درد تا ونه استخون برسیه یکدفعه خوی جا ویشار بَیه شه پیش بته خدایا اینتا چه خویی بی یه من بدیمه ات کم ونه تن ریس بکرده راس بَیه بوره وضو بیره اوره که شه دس پشت بشندیه بدیه سوزه کنده بمو سوپیش بدیه ونه دس پزغاله بکرده و داغی مال دره #رضا_علامه بمو #سی_نسا پلی و ونه سر ره خش هدا بته جان دلخواه مره حلال هاکن #رضا_علامه تا زنده بی یه اون داغی مال ونه دس پشت دَیّه #رضا_علامه  اسا دیگه در دانش علم فقه همتا نداشته با اینکه مدرسه نشیه ولی به لطف جان خدا و هر روز به علم #رضا_علامه اضافه بی یه جان خدای مهروون وره ویشتر نظر کرده وره اتا چی هدا که به بقیه آدما ندا اتا نماشون که نماز ره بخونسه و شوم‌ره بخرده رو هاکرده به شه دلور و بته #سی_نسا جان خوامبه بورم دشت کنار شوپه هاکنم ولکوم حرامی نی یه بینج حرام حرش نکنه دازه دوش هایته بمو وسطی کلا آئش و شه دشت کنار کیمه بن دم بزو و آسمون اساره ره اشمارسه شوسری و دشت کنارو #رضا_علامه و لطف جان خدای مهروون یک دفعه بدیه گپ گپ صدا هسه شه پیش بته اینگدری اینجه کی دره اتی تن تر بورده بدیه دشت دله ی جا صدا انه گوش هدا بدیه لته دله  بینج خوشه دره با بینج خوشه  پایین لته جا گپ‌زنه  بینج خوشه رو هاکرده خوشه ی روبرو ره بته خش بحال ته امسال #رضا_علامه ی خراک بونی خله می دل خواسه منم ونه سفره دَووم اما حیف که من امسال اتا غریبه مردی فیروزکوهی خراک هسمه #رضا_علامه شه پیش بته خدایا خداوندا نکنه اعی دری مره امتحان کندی من راضی به رضای ته هسمه این بی یه که صواحی سری افتاب آئش نور هدا #رضا_علامه بورده اون قسمت لته که بینج خوشه گته من ونه خراک نی مه ره نشون بیشته و پعئیز ماه اون یندشر ره سیوا بتاشی و سیوا کر بزو بورده بوم لو دکرده وله وله ورده دونه کرده اتا شو #سی_نسا بته جان مردی دونه تموم بیه  #رضا_علامه اون لته بینجه بورده دونه هاکرده بیارده سره  #سی_نسا ره بته امشو وره پلا بپچ هارشیم خدا چی مصلحت بیته افتاب کوی پشت مار بورده و شو هنتا شه لابند ره لا نکرد بی یه بدینه سرپیش دله اتا نفر یاعلی یاعلی گنه #سی_نسا بورده بیرون بدیه درویش هسه وره تعارف هاکرده و بیارده بالا کرسی هنیشندیه #رضا_علامه ی نماز که تموم بَیه بمو درویش جا حال و تعارف هاکرده بته مشتی کجایی هسی اینگدری اینجه چیکار کندی درویش رو هاکرده وره و بته ای ملا عمو جان من فیروزکوهی هسمه شومه مله ملا اتی گدایی کمبه شه وچوون خرج فِرَم کمبه #رضا_علامه تا بشتونسه مردی فیروز کوهی هسه وره یاد اون شوی بینج خوشه دکته  ونه چش او سرهاکرده و بته جان دلخواه بور تموم اون دونه ره بیارکه این دونه امه خراک نی یه غریبه مردی صوی سری اون یتا کیسه دونه ره بیته و مله ی جم بورده بعد از اینکه #رضا_علامه دنیا بمو اِسّا کریم مشتی #گل_ممد و مشتی #صراحی ره اتا کیجا هدا ونه نوم #نسا بیتنه #نسا با اتا جوون ریکا عروسی هاکرده که ونه نوم #شیر_آقا گتنه خدا وشون ره سه تا کیجا هدا #گل_بوته #زاغی و #زوبیده #شیر_آقا و #نسا متاسفانه زیاد زنده نمونسه و بوردنه جان خدای مهمون بهینه #رضا_علامه و  جان دلخواه مهروونی هاکردنه و این سه تا کچیک کیجا ره بیاردنه شه پلی و وشون ره گت هاکردنه   #مشتی_زاغی هم‌ حاج #عین_الله_داوردان مار بی یه و ونه مردی نوم ره #مشتی_مهدی گتنه #مشتی_زوبیده هم #مشتی_ذلفعلی_خداشناس جا عروسی هاکرده  اِسا کریم #رضا_علامه  و مشتی #صراحی ره دتا ریکا هدا اولی ریکا #ثارالله نوم داشته که جوون مرگ بیه و در تاریخ ۱۲۸۶/۱۱/۷ اتا ریکای دیگه دنیا بمو که پی یر مار ونه نوم #ابراهیم بیتنه و اتی گت تر که بیه وره ملاخنه راهی هاکردنه #ابراهیم قرآن سواد بهیه مردم وچه ره قرآن یاد دا اون سالی که شناسنامه باب بیه مرحوم #شیر_آفای برارون فامیلی #عبدی_نژاد بیه و #رضا_علامه فامیلی ره خوشرو بیتنه چون ونه سه تا خرزا پی یر مار نداشتنه وشون فامیلی ره هم #خوشرو ثبت هاکردنه 👇👇👇👇