بدیه ۱۲ تا صندلی شبیه منبر دره اتا از این منبرها بقیه توم گتر هسه بدیه اتا سبز پوش بورده اون گت منبر بالا و بته متهم ره بیارین #رضا_علامه شه پیش بته خدایا متهم کی یه اینجه چه خَوِره بدیه وِره بَوردن اون گت منبر پلی بتنه متهم ره بیاردمی اون سبز پوش که منبر سر دَیّه رو هاکرده به #رضا_علامه و بته با کمینتا دس به اولاد ما بی احترامی هاکردی #رضا_علامه متوجه حال و کار ماجرا بَیه شه پیش ای داد بیداد اینجه دادگاه الهی هسه و من گنهکار این محکمه بته با این دس شه دس جلو بیارده اون سبز پوش بته اون داغی ره بیارین بعد با همون ماشه ای که #رضا_علامه #سی_نسای دس داغ هاکرده وِنه دس سر داغی بِشتنه درد تا ونه استخون برسیه یکدفعه خوی جا ویشار بَیه شه پیش بته خدایا اینتا چه خویی بی یه من بدیمه ات کم ونه تن ریس بکرده راس بَیه بوره وضو بیره اوره که شه دس پشت بشندیه بدیه سوزه کنده بمو سوپیش بدیه ونه دس پزغاله بکرده و داغی مال دره #رضا_علامه بمو #سی_نسا پلی و ونه سر ره خش هدا بته جان دلخواه مره حلال هاکن #رضا_علامه تا زنده بی یه اون داغی مال ونه دس پشت دَیّه #رضا_علامه اسا دیگه در دانش علم فقه همتا نداشته با اینکه مدرسه نشیه ولی به لطف جان خدا و هر روز به علم #رضا_علامه اضافه بی یه جان خدای مهروون وره ویشتر نظر کرده وره اتا چی هدا که به بقیه آدما ندا اتا نماشون که نماز ره بخونسه و شوم‌ره بخرده رو هاکرده به شه دلور و بته #سی_نسا جان خوامبه بورم دشت کنار شوپه هاکنم ولکوم حرامی نی یه بینج حرام حرش نکنه دازه دوش هایته بمو وسطی کلا آئش و شه دشت کنار کیمه بن دم بزو و آسمون اساره ره اشمارسه شوسری و دشت کنارو #رضا_علامه و لطف جان خدای مهروون یک دفعه بدیه گپ گپ صدا هسه شه پیش بته اینگدری اینجه کی دره اتی تن تر بورده بدیه دشت دله ی جا صدا انه گوش هدا بدیه لته دله بینج خوشه دره با بینج خوشه پایین لته جا گپ‌زنه بینج خوشه رو هاکرده خوشه ی روبرو ره بته خش بحال ته امسال #رضا_علامه ی خراک بونی خله می دل خواسه منم ونه سفره دَووم اما حیف که من امسال اتا غریبه مردی فیروزکوهی خراک هسمه #رضا_علامه شه پیش بته خدایا خداوندا نکنه اعی دری مره امتحان کندی من راضی به رضای ته هسمه این بی یه که صواحی سری افتاب آئش نور هدا #رضا_علامه بورده اون قسمت لته که بینج خوشه گته من ونه خراک نی مه ره نشون بیشته و پعئیز ماه اون یندشر ره سیوا بتاشی و سیوا کر بزو بورده بوم لو دکرده وله وله ورده دونه کرده اتا شو #سی_نسا بته جان مردی دونه تموم بیه #رضا_علامه اون لته بینجه بورده دونه هاکرده بیارده سره #سی_نسا ره بته امشو وره پلا بپچ هارشیم خدا چی مصلحت بیته افتاب کوی پشت مار بورده و شو هنتا شه لابند ره لا نکرد بی یه بدینه سرپیش دله اتا نفر یاعلی یاعلی گنه #سی_نسا بورده بیرون بدیه درویش هسه وره تعارف هاکرده و بیارده بالا کرسی هنیشندیه #رضا_علامه ی نماز که تموم بَیه بمو درویش جا حال و تعارف هاکرده بته مشتی کجایی هسی اینگدری اینجه چیکار کندی درویش رو هاکرده وره و بته ای ملا عمو جان من فیروزکوهی هسمه شومه مله ملا اتی گدایی کمبه شه وچوون خرج فِرَم کمبه #رضا_علامه تا بشتونسه مردی فیروز کوهی هسه وره یاد اون شوی بینج خوشه دکته ونه چش او سرهاکرده و بته جان دلخواه بور تموم اون دونه ره بیارکه این دونه امه خراک نی یه غریبه مردی صوی سری اون یتا کیسه دونه ره بیته و مله ی جم بورده بعد از اینکه #رضا_علامه دنیا بمو اِسّا کریم مشتی #گل_ممد و مشتی #صراحی ره اتا کیجا هدا ونه نوم #نسا بیتنه #نسا با اتا جوون ریکا عروسی هاکرده که ونه نوم #شیر_آقا گتنه خدا وشون ره سه تا کیجا هدا #گل_بوته #زاغی و #زوبیده #شیر_آقا و #نسا متاسفانه زیاد زنده نمونسه و بوردنه جان خدای مهمون بهینه #رضا_علامه و جان دلخواه مهروونی هاکردنه و این سه تا کچیک کیجا ره بیاردنه شه پلی و وشون ره گت هاکردنه #مشتی_زاغی هم حاج #عین_الله_داوردان مار بی یه و ونه مردی نوم ره #مشتی_مهدی گتنه #مشتی_زوبیده هم #مشتی_ذلفعلی_خداشناس جا عروسی هاکرده اِسا کریم #رضا_علامه و مشتی #صراحی ره دتا ریکا هدا اولی ریکا #ثارالله نوم داشته که جوون مرگ بیه و در تاریخ ۱۲۸۶/۱۱/۷ اتا ریکای دیگه دنیا بمو که پی یر مار ونه نوم #ابراهیم بیتنه و اتی گت تر که بیه وره ملاخنه راهی هاکردنه #ابراهیم قرآن سواد بهیه مردم وچه ره قرآن یاد دا اون سالی که شناسنامه باب بیه مرحوم #شیر_آفای برارون فامیلی #عبدی_نژاد بیه و #رضا_علامه فامیلی ره خوشرو بیتنه چون ونه سه تا خرزا پی یر مار نداشتنه وشون فامیلی ره هم #خوشرو ثبت هاکردنه
👇👇👇👇
#رضا_علامه و #مشتی_صراحی مثل تموم پی یر و مارون وشون دل خواسه شه #ابراهیم ره داماد هاکنن این بی یه که #گلبوته ره بیتنه شی عاروس هاکردنه #گلبوته متولد ۱۲۸۹/۴/۱۹ بی یه و سه سال #ابراهیم توم خوردتر وشون خرا خشی عروسی هاکردنه جان خدا وشون ره چهار تا اولاد هدا دتا ریکا و دتا کیجا اتا ریکا نوم ره #صمد بیتنه و اتا دیگه نوم #عزت بیتنه #عزت همون کچیکی دنیای جا پر بزو وبورده آسمون دله اونجه شی وسه کا کرده در تاریخ ۱۳۲۲/۱/۱۸ سومین وچه که دنیا بمو دتر بی یه اتا خجیر دتر که دل خشی شه پی یر و مار بهیه از اونجه که هم مشتی #ملا_ابراهیم و هم مشتی #گل_بوته مار نوم #نسا بی یه اینتا دتره نومه #نسا بیتنه پی یر گته وِ مه ماره مار هم گته وِ مه جان مار نوم دارنه و وشون دتا این وچه ره ونگ کردنه ته امه جان ماری و یواش یواش وشون دتر معروف بیه به #ماری تموم مله مردم هم وره #ماری صدا زونه #ماری که اتی گت تر بیه اتا دتر دیگه هم دنیا بمو #ملا_ابراهیم شه گت مار ره نوم ره ونه سر بشته و وره #صراحی ونگ کردنه #ملا_ابراهیم شونه همسایگی همون بی نیاز تپه اتا مردی دَیه بنوم #مشتی_کرم_اکبری که اتا دلخواه داشته وره #مشتی_خواخری ونگ کردنه در سال ۱۳۲۰ وشون اتا پسر ره جان خدای جا هدیه بیتنه که ونه نومه #علی_آقا بیشتنه اتی سال که بگذشته #ماری ره شه پسر وسه خازندی هاکردنه وره شه پسر زن بیتنه #علی_آقا و #ماری بوردنه شه زندگی سر مثل تموم آدمهای اون زمون با سختی و داشتی و نداشتی زندگی ره پیش وردنه وشون هم ده تا اولاد پی یر و مار بینه هفتا ریکا و سه تا کیجا اتا ریکا که وره #داوود ونگ کردنه در تیر ماه ۱۳۷۴ جوون مرگ بیه اون گدر که وچوون کچیک بی نه وشون ریکا بنوم #محمود وقتی گهره دیه اتا شو #مشتی_ماری خو بدیه سیل بمو در مله ره ورنه سر دگاردنی یه بدیه #محمود گهره دله اوی سر سواره او دره وچه ره با گهره ورنه #مشتی ماری شه دس بلند هاکردنه بته یا امام زمان مه وچه ره نجات هاده منم نذر کمبه تا زنده هسمه از پنج تا در آمد من و مه مردی و مه وچوون اتا ته بووه و نیمه شعبان جشن میلاد بیرم همون گدر بی یه که #مشتی_ماری خوی جا راس بهیه و وضو بیته رو به قبله هنیشته اتا خله برمه زاری هاکرده و خدا ره شکر بته این بی یه تا اون گدر که #محمود کچیک بی یه ونه پی یر و مار شه قول عمل کردنه وقتی #محمود گت بیه و مزیر مرد تلاش هاکرده شه جان مار نذر ادامه هاده و هنوز هم که هسه هر سال نیمه شعبان جشن گیرنه در تاریخ ۱۳۸۰/۹/۹ #مشتی_علی_آقا داغ جوون پسر ره نتونسه تحمل هاکنه و بورده اسمون دله اونجه خدای مهمون بیه اون گدر که وِ دنیای جا شی یه پنج تا وچه هنوز عزب بی نه #مشتی_ماری بمو جان دلخوای گوش بته جان مردی مره سر بشتی بوردی اما ته جا خوامبه دعا هاکنی من انده نمیرم تا وشون ره جابه جا هاکنم مه خیال راحت بووه #مشتی_ماری بعد از اینکه تینار بیه و شه جان یار ره و جان پسر ره از دست هدا خواسه همیشک وشون پلی دوه بی یمو متولی آستان سید سه تن بیه و شه خدره وقف این امام زاده هاکرده تا یواش یواش مریضی وره تن دکته و وچوون پاپلی واری شه مار دور گردسنه وره پرستاری کردنه اتا روز تاریخ ۱۴۰۲/۳/۲۹ جارچی مله اعلام هاکرده که انا لله و انا الیه راجعون اهالی محترم وسطی کلا اتا جان مار نازنین بنوم #نساء_خوشرو (ماری) آسمونی بهیه و بورده جان خدای سرپیش اونجه شه وسه دم زنون هاکردنه مله مردم و فامیلون جم بهینه و #مشتی_ماری ره ونه جان مردی و جان پسر پلی دفن هاکردنه و خنه خالی از پی یر و مار بیه و وچوون تن سیو لواس بورده خاطره بمونسه و چش اصری
چنده آدمهای مهروون دهینه امه مله دله که با گذشت این همه سال هنتا وشون نوم امه ورد زوون هسه وشون بدی ین امه دل ارمون انشاالله جان خدای بزرگ روح وشوون ره با اهل بیت محشور هاکنه امه عاقبت ره ختم بخیر هاکنه
با تشکر از همه شما که وقت بشتنی و این داستان واقعی ره بخونسنی
#شمه_خنابدون
#نویسنده
#هادی_اکبری_وسطی_کلائی
#کبلائی
۱۴۰۲/۳/۲۳
https://telegram.me/ksmkh
بدیه ۱۲ تا صندلی شبیه منبر دره اتا از این منبرها بقیه توم گتر هسه بدیه اتا سبز پوش بورده اون گت منبر بالا و بته متهم ره بیارین #رضا_علامه شه پیش بته خدایا متهم کی یه اینجه چه خَوِره بدیه وِره بَوردن اون گت منبر پلی بتنه متهم ره بیاردمی اون سبز پوش که منبر سر دَیّه رو هاکرده به #رضا_علامه و بته با کمینتا دس به اولاد ما بی احترامی هاکردی #رضا_علامه متوجه حال و کار ماجرا بَیه شه پیش ای داد بیداد اینجه دادگاه الهی هسه و من گنهکار این محکمه بته با این دس شه دس جلو بیارده اون سبز پوش بته اون داغی ره بیارین بعد با همون ماشه ای که #رضا_علامه #سی_نسای دس داغ هاکرده وِنه دس سر داغی بِشتنه درد تا ونه استخون برسیه یکدفعه خوی جا ویشار بَیه شه پیش بته خدایا اینتا چه خویی بی یه من بدیمه ات کم ونه تن ریس بکرده راس بَیه بوره وضو بیره اوره که شه دس پشت بشندیه بدیه سوزه کنده بمو سوپیش بدیه ونه دس پزغاله بکرده و داغی مال دره #رضا_علامه بمو #سی_نسا پلی و ونه سر ره خش هدا بته جان دلخواه مره حلال هاکن #رضا_علامه تا زنده بی یه اون داغی مال ونه دس پشت دَیّه #رضا_علامه اسا دیگه در دانش علم فقه همتا نداشته با اینکه مدرسه نشیه ولی به لطف جان خدا و هر روز به علم #رضا_علامه اضافه بی یه جان خدای مهروون وره ویشتر نظر کرده وره اتا چی هدا که به بقیه آدما ندا اتا نماشون که نماز ره بخونسه و شوم‌ره بخرده رو هاکرده به شه دلور و بته #سی_نسا جان خوامبه بورم دشت کنار شوپه هاکنم ولکوم حرامی نی یه بینج حرام حرش نکنه دازه دوش هایته بمو وسطی کلا آئش و شه دشت کنار کیمه بن دم بزو و آسمون اساره ره اشمارسه شوسری و دشت کنارو #رضا_علامه و لطف جان خدای مهروون یک دفعه بدیه گپ گپ صدا هسه شه پیش بته اینگدری اینجه کی دره اتی تن تر بورده بدیه دشت دله ی جا صدا انه گوش هدا بدیه لته دله بینج خوشه دره با بینج خوشه پایین لته جا گپ‌زنه بینج خوشه رو هاکرده خوشه ی روبرو ره بته خش بحال ته امسال #رضا_علامه ی خراک بونی خله می دل خواسه منم ونه سفره دَووم اما حیف که من امسال اتا غریبه مردی فیروزکوهی خراک هسمه #رضا_علامه شه پیش بته خدایا خداوندا نکنه اعی دری مره امتحان کندی من راضی به رضای ته هسمه این بی یه که صواحی سری افتاب آئش نور هدا #رضا_علامه بورده اون قسمت لته که بینج خوشه گته من ونه خراک نی مه ره نشون بیشته و پعئیز ماه اون یندشر ره سیوا بتاشی و سیوا کر بزو بورده بوم لو دکرده وله وله ورده دونه کرده اتا شو #سی_نسا بته جان مردی دونه تموم بیه #رضا_علامه اون لته بینجه بورده دونه هاکرده بیارده سره #سی_نسا ره بته امشو وره پلا بپچ هارشیم خدا چی مصلحت بیته افتاب کوی پشت مار بورده و شو هنتا شه لابند ره لا نکرد بی یه بدینه سرپیش دله اتا نفر یاعلی یاعلی گنه #سی_نسا بورده بیرون بدیه درویش هسه وره تعارف هاکرده و بیارده بالا کرسی هنیشندیه #رضا_علامه ی نماز که تموم بَیه بمو درویش جا حال و تعارف هاکرده بته مشتی کجایی هسی اینگدری اینجه چیکار کندی درویش رو هاکرده وره و بته ای ملا عمو جان من فیروزکوهی هسمه شومه مله ملا اتی گدایی کمبه شه وچوون خرج فِرَم کمبه #رضا_علامه تا بشتونسه مردی فیروز کوهی هسه وره یاد اون شوی بینج خوشه دکته ونه چش او سرهاکرده و بته جان دلخواه بور تموم اون دونه ره بیارکه این دونه امه خراک نی یه غریبه مردی صوی سری اون یتا کیسه دونه ره بیته و مله ی جم بورده بعد از اینکه #رضا_علامه دنیا بمو اِسّا کریم مشتی #گل_ممد و مشتی #صراحی ره اتا کیجا هدا ونه نوم #نسا بیتنه #نسا با اتا جوون ریکا عروسی هاکرده که ونه نوم #شیر_آقا گتنه خدا وشون ره سه تا کیجا هدا #گل_بوته #زاغی و #زوبیده #شیر_آقا و #نسا متاسفانه زیاد زنده نمونسه و بوردنه جان خدای مهمون بهینه #رضا_علامه و جان دلخواه مهروونی هاکردنه و این سه تا کچیک کیجا ره بیاردنه شه پلی و وشون ره گت هاکردنه #مشتی_زاغی هم حاج #عین_الله_داوردان مار بی یه و ونه مردی نوم ره #مشتی_مهدی گتنه #مشتی_زوبیده هم #مشتی_ذلفعلی_خداشناس جا عروسی هاکرده اِسا کریم #رضا_علامه و مشتی #صراحی ره دتا ریکا هدا اولی ریکا #ثارالله نوم داشته که جوون مرگ بیه و در تاریخ ۱۲۸۶/۱۱/۷ اتا ریکای دیگه دنیا بمو که پی یر مار ونه نوم #ابراهیم بیتنه و اتی گت تر که بیه وره ملاخنه راهی هاکردنه #ابراهیم قرآن سواد بهیه مردم وچه ره قرآن یاد دا اون سالی که شناسنامه باب بیه مرحوم #شیر_آفای برارون فامیلی #عبدی_نژاد بیه و #رضا_علامه فامیلی ره خوشرو بیتنه چون ونه سه تا خرزا پی یر مار نداشتنه وشون فامیلی ره هم #خوشرو ثبت هاکردنه
👇👇👇👇
#رضا_علامه و #مشتی_صراحی مثل تموم پی یر و مارون وشون دل خواسه شه #ابراهیم ره داماد هاکنن این بی یه که #گلبوته ره بیتنه شی عاروس هاکردنه #گلبوته متولد ۱۲۸۹/۴/۱۹ بی یه و سه سال #ابراهیم توم خوردتر وشون خرا خشی عروسی هاکردنه جان خدا وشون ره چهار تا اولاد هدا دتا ریکا و دتا کیجا اتا ریکا نوم ره #صمد بیتنه و اتا دیگه نوم #عزت بیتنه #عزت همون کچیکی دنیای جا پر بزو وبورده آسمون دله اونجه شی وسه کا کرده در تاریخ ۱۳۲۲/۱/۱۸ سومین وچه که دنیا بمو دتر بی یه اتا خجیر دتر که دل خشی شه پی یر و مار بهیه از اونجه که هم مشتی #ملا_ابراهیم و هم مشتی #گل_بوته مار نوم #نسا بی یه اینتا دتره نومه #نسا بیتنه پی یر گته وِ مه ماره مار هم گته وِ مه جان مار نوم دارنه و وشون دتا این وچه ره ونگ کردنه ته امه جان ماری و یواش یواش وشون دتر معروف بیه به #ماری تموم مله مردم هم وره #ماری صدا زونه #ماری که اتی گت تر بیه اتا دتر دیگه هم دنیا بمو #ملا_ابراهیم شه گت مار ره نوم ره ونه سر بشته و وره #صراحی ونگ کردنه #ملا_ابراهیم شونه همسایگی همون بی نیاز تپه اتا مردی دَیه بنوم #مشتی_کرم_اکبری که اتا دلخواه داشته وره #مشتی_خواخری ونگ کردنه در سال ۱۳۲۰ وشون اتا پسر ره جان خدای جا هدیه بیتنه که ونه نومه #علی_آقا بیشتنه اتی سال که بگذشته #ماری ره شه پسر وسه خازندی هاکردنه وره شه پسر زن بیتنه #علی_آقا و #ماری بوردنه شه زندگی سر مثل تموم آدمهای اون زمون با سختی و داشتی و نداشتی زندگی ره پیش وردنه وشون هم ده تا اولاد پی یر و مار بینه هفتا ریکا و سه تا کیجا اتا ریکا که وره #داوود ونگ کردنه در تیر ماه ۱۳۷۴ جوون مرگ بیه اون گدر که وچوون کچیک بی نه وشون ریکا بنوم #محمود وقتی گهره دیه اتا شو #مشتی_ماری خو بدیه سیل بمو در مله ره ورنه سر دگاردنی یه بدیه #محمود گهره دله اوی سر سواره او دره وچه ره با گهره ورنه #مشتی ماری شه دس بلند هاکردنه بته یا امام زمان مه وچه ره نجات هاده منم نذر کمبه تا زنده هسمه از پنج تا در آمد من و مه مردی و مه وچوون اتا ته بووه و نیمه شعبان جشن میلاد بیرم همون گدر بی یه که #مشتی_ماری خوی جا راس بهیه و وضو بیته رو به قبله هنیشته اتا خله برمه زاری هاکرده و خدا ره شکر بته این بی یه تا اون گدر که #محمود کچیک بی یه ونه پی یر و مار شه قول عمل کردنه وقتی #محمود گت بیه و مزیر مرد تلاش هاکرده شه جان مار نذر ادامه هاده و هنوز هم که هسه هر سال نیمه شعبان جشن گیرنه در تاریخ ۱۳۸۰/۹/۹ #مشتی_علی_آقا داغ جوون پسر ره نتونسه تحمل هاکنه و بورده اسمون دله اونجه خدای مهمون بیه اون گدر که وِ دنیای جا شی یه پنج تا وچه هنوز عزب بی نه #مشتی_ماری بمو جان دلخوای گوش بته جان مردی مره سر بشتی بوردی اما ته جا خوامبه دعا هاکنی من انده نمیرم تا وشون ره جابه جا هاکنم مه خیال راحت بووه #مشتی_ماری بعد از اینکه تینار بیه و شه جان یار ره و جان پسر ره از دست هدا خواسه همیشک وشون پلی دوه بی یمو متولی آستان سید سه تن بیه و شه خدره وقف این امام زاده هاکرده تا یواش یواش مریضی وره تن دکته و وچوون پاپلی واری شه مار دور گردسنه وره پرستاری کردنه اتا روز تاریخ ۱۴۰۲/۳/۲۹ جارچی مله اعلام هاکرده که انا لله و انا الیه راجعون اهالی محترم وسطی کلا اتا جان مار نازنین بنوم #نساء_خوشرو (ماری) آسمونی بهیه و بورده جان خدای سرپیش اونجه شه وسه دم زنون هاکردنه مله مردم و فامیلون جم بهینه و #مشتی_ماری ره ونه جان مردی و جان پسر پلی دفن هاکردنه و خنه خالی از پی یر و مار بیه و وچوون تن سیو لواس بورده خاطره بمونسه و چش اصری
چنده آدمهای مهروون دهینه امه مله دله که با گذشت این همه سال هنتا وشون نوم امه ورد زوون هسه وشون بدی ین امه دل ارمون انشاالله جان خدای بزرگ روح وشوون ره با اهل بیت محشور هاکنه امه عاقبت ره ختم بخیر هاکنه
با تشکر از همه شما که وقت بشتنی و این داستان واقعی ره بخونسنی
#شمه_خنابدون
#نویسنده
#هادی_اکبری_وسطی_کلائی
#کبلائی
۱۴۰۲/۳/۲۳
https://eitaa.com/hadi9655