#امام_جواد_ع_ولادتی ❤️❤️❤️❤️❤️ دشمنین نَحس یوزی غملی گورونن گوندی بوگون آقامیز ضامن آهو سویونن گوندی بو گون فاطمه ٱوغلی رضانین ایوی نوردان بزنوب آقامی ایستَمین لر باشینا کول اَلنوب گون ایوینده دییه سن آی پاراسی جلوه لنوب شیطانین وای گونی؛ قلبی دوگونن گوندی آقامیز ضامن آهو سویونن گوندی بو گون آرزو مرکبینی کوچهٔ جوده ساری چاپ کوچهٔ جودیده گز؛ جود و کرم بابینی تاپ ٱوردا اخلاصیله نیّت چورگین تَندیره یاپ معرفت رختینه آخر بورونن گوندی بو گون آقامیز ضامن آهو سویونن گوندی بو گون سائلا باب کرامتده گورونسَن خوش ٱولار قاپوسوندا نوکری گورسه آقا دلخوش ٱولار غافل ٱولسا نوکر حتماً اَلی پایدان بوش ٱولار درگهِ جوده یوز ٱوسته سورونن گوندی بوگون آقامیز ضامن آهو سویونن گوندی بو گون درگه جوده دخیل دوش گوزلیم گیتمه ٱوزاق ٱوزاق ٱولسان گوره سن بوشدی اَلون گوزدن ایراق چون رضا ٱوغلونا خاطر هامویا پای ویره جاق غفلت ایتمه گوزلیم؛ پای بولونن گوندی بوگون آقامیز ضامن آهو سویونن گوندی بو گون آیری بیر یرده بیله بابِ سَخا ٱولمیاجاخ گویلووی آلسالادا؛ قلب رضا ٱولمیاجاخ هیچ کرامتلی کیشی اِبنِ رضا ٱولمیاجاخ پایهٔ جودینون حَدّی بولونن گوندی بوگون آقامیز ضامن آهو سویونن گوندی بو گون شاهلار ایستَر نوکرین گویلون آلا تا شاد ٱولا قالمیا غصّه سی قلبینده ٱورک آزاد ٱولا ویرسه ده؛ ویرمه سه ده؛ سویله ایوین آباد ٱولا معرفت پایه سی چونکه بولونن گوندی بوگون آقامیز ضامن آهو سویونن گوندی بو گون (نوحه خوانم) تانومام اَهلِ فسادین قاپوسین مشکولوم ٱولسادا دوگمم هر عِنادین قاپوسین نوکرم من دویَرَم شاه  جوادین قاپوسین عیدیدور بابِ ولایت دوگونن گوندی بوگون آقامیز ضامن آهو سویونن گوندی بو گون ❤️❤️❤️❤️❤️ شعر:شمارهٔ (230) #گلچین_مولودی_یازینب_سلام_الله_علیها ✍ به قلم :کربلایی مهدی محمدپور(نوحه خوان)