✅غزل انتطار            ✅السلام علیک یا صاحب الزمان(عج ) سویگلوم گل احتیاجیم سن کیمی دم سازه وار یوخ دئوزوم هجرانه،اما احتیاجیم نازه وار پیکریم بیر مملکتدور شهرشهروکو به کو بوردابیرقلبیم آدینداشهر بی دروازه وار عشقی بو دروازه سیز شهره نگهبان قویموشام وارد اولماق اذنی بیر سن دلبر طنازه وار گل ئوزون بوشهر عشقه یول چکوب دروازه سال قوی نیاز اهلی دیسون مالک دیار رازه وار مالک ملک وفاسن،ای بلند آوازه یار کشور راز ایچره سندن شهرت و آوازه وار عاجزم من باخ منه معجز نشان ویر عاجزه گوزلرون قربان ، اولطفون اوخشاری اعجازه وار سن گیدنده اولمادی امکان ایدیدیم بدرقه ایندی گلسن اشتیاقیم قلبیدن پیشوازه وار هارداسان،هر یرده سن تز گل قادان گلسین منه آخر ای آرام جان هجراندا بیر اندازه وار محضرونده لحظه اگلشماخ منه بیر عمریدور ویرمرم چوخ درد سر سوزده قناعت آزه وار سندن اوتری گیچمیشم جاندان،باشیملان اوینورام قوی یولوندا جان ویریم لطفون اگر سربازه وار "سیفیم"گرچه عشقیم کهنلیب اما صفادن دوشمیوب کهنه عشقیمده قیزل گل تک صفای تازه وار... ✍#سیفی_افشار 95/12/4 💚💚💚💚💚💚💚 👌تقدیم شد به ساحت مقدس آقا امام زمان(عج ) اللهم عجل  الولیک الفرج... اللهم عجل فی فرج مولانا صاحب الزمان #گلچین_مولودی_یازینب_سلام_الله_علیها ﷽🍁 ✨اَللّهُمَّ عَجِّل لِوَلیِّکَ الفَرَج✨