#ضربت_خوردن_امیرالمومنین_حضرت_علی_علیه_السلام_گریز_به_کوفه بُو همان گُون دور بو گُوندَه اِبنِ مُلجُم کُوفه دَه اِیلدی قانیله قرآنی مُترجم کُوفه دَه بِدعَته تَبدیل اُولوندی شَرع و آئین و رسُوم سندی اَرکانِ هُدی، باغلاندی اَبوابِ عُلوم رُکنِ اِسلامین باشیندان ووردی بیر صَدمه او شُوم حقّ صِراطِ المُستقیمین اِیلدی خَم کُوفه دَه دَگدی بیر کاری یارا قرآنِ ناطق باشینه یازدی بیر مَدَِّ مَشدّد، یاره یِتدی قاشینه آخدی باشدان ثارِ ثارُالله یُوزه، اُوز باشینه نورِ صبحِ صادق اُولدی لِیلِ مُظلَم کُوفه دَه قان آخوب دوتدی جَمال اللّهی پَردَه پَردَه قان عِینِ عِین اللّهی دوتدی او خونِ اَرغوان ساعتِ مُوعُود وَانشَقَّ القَمَر اُولدی عَیان آیتِ یُومٌ عَسِر اُولدی مُسلّم کُوفه دَه حُجّةُ الله طاعته مَشغولیدی جانانیله وَجه وَجهُ الله بویاندی لَخته لَخته قانیله گُویدَه سَسلندی اَمینِ وَحی بو عُنوانیله ئولدی ظلمیله وَلیُّ اللهِ اَعظم کُوفه دَه اَهلِ کُوفه مَسجدَه یُوز قویدولار خُرد و کُبار گُوردولَر وَجهُ اللهِ باقی دوشوب دور زَخمدار وا عَلیّا ناله سیندَن اُولدی مَحشر آشکار اَشگ لَر مُوج اِیتدی، اُولدی چشم لَر یَم کُوفه دَه قالمادی اِیولَردَه بیر پَرده نِشین، تازه گَلین مَسجدَه گَلدی مَگر گُوز یاشلی مَحزون و حَزین شیعه لَر باشین دِیز اُوسته آلدیلار دلدَه اَنین کَربلادَن ظاهر اُولدی سِرَِّ مُدغم کُوفه دَه وا اِماما ناله سیندَن دولدی اَرض و نُه سماء بو سَسی ناگه اِیشیتدی دُختِ شاهِ اُولیاء خارج اُولسُون اِیستدی اِیودَن او بانوی حَیاء مُضطرب قَلبیله گُورسُون وار نه عالم کُوفه دَه گَلدی یِتمیش دَفعه دربِ خانیه عُلیا جَناب چخماقا اِیودَن وَلی اُوز عِصمتی اُولدی حِجاب بُلمورم امّا نه چَکدی باش آچوق قولدا طَناب پَردَه سیز مَحملدَه اُول بانوی اَکرم کُوفه دَه دولدوروب دور کُوفه شَهرین گُوردی بانگِ های و هُو نامُناسب آد قویوب آلُ اللّهه قُومِ عَدو سُویلدی من زینبم یا عالم رُویادی بُو عالمِ ظاهردی بُو یا خوابِ مُبهم کُوفه دَه بو هَمان یِر دور که من بانوی عِزّ و جاهیدیم کَنزِ عِصمتدَه گُهر، بُرجِ شَرفدَه ماهیدیم کَف چالان عُورتلَره مَخدومه، دُختِ شاهیدیم اِیمدی خَندان دور بُولار من دیده پُر نَم کُوفه دَه واریدی بیر گُون هَمین بو شَهریدَه من بینَوا یِتدی یِردَن جان گَلوردی سَسلیندَه یا اَخا اِیمدی امّا دَستگیرم، دوره دَه اَهلِ جَفا یِتدی قارداشدان قالان یُوخ کیمسه مَحرم کُوفه دَه آز قالوردی رُوحی چخسُون باشه یِتسُون ناله سی گُوردی بیردَن قارداشین گَلدی گُوزل قرآن سَسی باخدی گُوردی نیزه دَه رَاسِ اِمامِ بی کسی وِیردی روحُ اللهِ اَعظم تازه دَن دَم کُوفه دَه قارداشین قرآن سَسی آلدی اَلیندَن اِختیار یُوز دولاندوردی جِدایه عِصمتِ پَروردگار سُویلدی ای ناطقِ قرآن، شَهِ ذُوالاِقتدار یاخشی سالدون بُو یارالی قَلبه مَرهم کُوفه دَه ای هِلالی زینبون، ای مَظهرِ جان آفرین اِیلیوب کیم وَجهِ وَجهُ اللّهی خاکستر نِشین گُون دوروب نُوکِ جدا اُوسته قیامت دور یَقین گُوز گُورور زلفیم کیمی دنیانی بَرهم کُوفه دَه بو گِئجه هاردِیدون ای من بی کسه آرامِ جان قیزلاروندان اُلفتون کَسمیشدون ای شاهِ جَهان نا مُناسب یِردَه یُوخسا یِر وِیروب دور میزبان گُورسَنور قانلی قاشوندا تازه بیر غَم کُوفه دَه گُور نجه بَرپا اُولوب شُورِ قیامت بیز لَره هر گَلَن بو نُوعیله اِیلور شَمادَت بیز لَره اِیلیوب بیر پایه دَه اَعدا جَسارت بیز لَره ناقهء صَبریم یاخون دور اِیلسون رَم کُوفه دَه ای #حسینی کُوفه نین اُوضاعینی اِیتمه رَقم آز قالور دَفتر آلشسُون، اُود توکُور اَلدَه قَلم آغلا یالوار اِیلسُون دَعوت اِمامِ مُحتشم اهلِ بَزمیله قوراق بیر بَزمِ ماتم کُوفه دَه التماس دعای فرج #زنده_یاد_سید_رضا_حسینی_سعدی_زمان