💠 #یا_بنت_الحسین_س _______________ عاشقدی روحیمیز گل رضوان رقیّه یه شائقدی جانیمیز اولا قربان رقیّه یه روح القدُس گرک ائده الهام یوخسا من بیر بیتده ائدنمرم عنوان رقیه ّیه شعریم نقدر اوجالسادا چاتماز مقامینه الله وئروبدی رتبهٔ شایان رقیّه یه ذرّیّة النبی ،نوهٔ خیرة النّسا باخ شأنه فخر ائدر شه مردان رقیه یه دخت الإمامدور خانم، اخت الإمامدور زینب اولوب معلم عرفان رقیه یه سنّی چیچکده اولسا بویوکدور جلالتی عزّت وئروبدی خالق سبحان رقیه یه فوج ملک اوپر حرمین آستانه سین روح الأمین اولوب ئوزی دربان رقیه یه گؤرمز حقیقتی او کی یوخدور بصیرتی واردور یئری عقول اولا حیران رقیه یه اسناد معتبرده کراماتی ثبت اولوب غافلدی کیم گتورمسه ایمان رقیه یه صدقیله کیم دوتوب اتگین حاجتین آلوب اول سنده ایندی دست به دامان رقیه یه ائو صاحبی خانیم اوزودی اولسا هر سؤزون بیت الرقیه دن یئتور الان رقیه یه چوخ چوخ سئور بو ذکری خانم سسله(یاحسین) ایله اورکدن عشقیوی اعلان رقیه یه گئت سورهٔ «ضحی» ده فَامّاالْیَتیمه باخ واردور یئری که آغلیا قرآن رقیه یه عمری غزلدی،غصه سی اما قصیده دی آزدور یازیلسا غم بویی دیوان رقیه یه ✍️ #اثر_صادق_مراغه_ @yazahramadadi135 کانال متن ،سبک شعر #مداحی #ویژه_مادحین #رضاابوالحسنی @yazahramadadi135