#تقدیم‌به‌روح‌ملکوتےامام‌راحل #و‌ملت‌باغیرت‌وباشرف‌ایران ــــــــــــــــــــــــــــــــــــــ تا عرشه عروج ایلدی خورشید جماران قاره گیینوب، یاسه باتوب ملّت ایران سَرتاسَرِ ایرانیمیزه قاره چکیلدی گوزلردن آخوب گوزیاشے چون نم‌نمِ باران گلزاریمیزی دست خزان سالدی صفادن بو اولکه‌ده پاییزه دونوب فصل بهاران ترک ائتدی بیزی رهبریمیز نیمهٔ خرداد دوشدی غم الیندن گئنه‌ده دللره طوفان هِی نوحه دیوب سینه ویرور قاره گینلر ئوز رهبرینون ماتمینه ایلیور افغان اون میلیون عزاداری گلوب دفنینه بَهبَه بو عشق و بو دلداده‌گیه مات اولور انسان تکدور بوتون عالَمده یقین ملّت ایران تأیید ایلییَر بوسوزی هر صاحبِ وجدان ایرانّیلارون بیعتینون یوخدی نظیری مردانه دوروب قویمادیلار بوش قالا میدان رهبرلرینه عشقیله لبّیک دیوبلر بو بیعته عشق اهلی دییَر، بیعت ایمان یاز(فیضے)که ظالیملره باش ایَمروک اصلا چون باغلامیشوخ حیدر کرّاریله پیمان تا آلنیمیزا باغلیدی سربند ابالفضل عالَمده‌ برافراشته‌دی پرچم قرآن #رحیم‌فیضےاردبیلے ــــــــــــــــــــــــــــــــــــــ @yousefezahra