احوالات عید قربان #گریز به حضرت علی اکبر علیه السلام . مرحوم سعدی زمان . او بزمیده که اوتورموشدوم اوز خیالمیله انیسیدیم اورگیمده اولان ملالمیله . کسوب توجّهمی سربسرخلایقدن نه تک خلایق اوزیمده اولان علایقدن . محبت اهلی کیمی عالم وَلَه دَیدیم بسان یوسف صدّیق قَعرِ چَه دَیدیم . گلوب او حالیده بیردوست با وفا وصدیق دیدی منه که ای اخباریده ایدن تحقیق . بو گون سرور و فرح خلق ایچینده برپادی مه مبارک ذِی الحَجّه – عید اضحی دی . بو قدر رشتۀ نظمه دوزوب دُر و مرجان ندندی یازماموسان بس وقایع قربان . اونون همین سوزی پوزدی مَنِ پریشانی مجسّم ایلدی اوضاع عید اضحانی . علاوه قلبیمه یول تاپدی هنگ شیون و شین گوزومده جلوه گر اولدی حریم پاک حسین . دیدیم خوشا اولارون حالینه مِناده دیلر و یا مِنای حقیقی ده کربلاده دیلر . ویرولّه سیل کیمی گوزده اذن گوز یاشنا ایدولّه شوط او قبر مقدّسین باشنا . وروبلا دوره او شش گوشه قبره چون هاله باسوبلا جان کیمی آغوشه سینه ده ناله . نجه ضریح نه ششگوشه قبردور نه منا که غبطه ایلر او قبره منا و عرش خدا . دیسم بهشت خطا دور غلط شباهتدور او پاک بقعه بهشت برینه زینت دور . نه کربلا که اونون وار بهشته رجحانی بهشته طعنه ویرا کربلا حسین جانی . نه کربلا اونی حق مایۀ سعادت ایدوب که تک به تک او یری انبیا زیارت ایدوب . نه کربلا که اونا کعبه رتبه ده یتمز اونون فضیلتنی عقل و وَهم درک ایتمز . نه کربلا که هامی یرلرین او یرگوزیدور نه کربلا که اونون زایری خدا اوزیدور . نه کربلا که اولوب ذات حق اونا بانی همان یره توکولوب حی لم یزل قانی . نه کربلا که شرفده بیوک مقامه چاتوب نه کربلا که حسین اکبریله اوردا یاتوب . نه کربلا که آدی طاقت و توان آپارور نه کربلا که اونون ماجراسی جان آپارور . نه کربلا آقامون قاننه باتان یریدور منیم حبیبیمون الله بُلور یاتان یریدور . او پاک بقعه ده بیر قبر وار که عرش الاه اوزون حقیر دوتار تا ایدر او قبره نگاه . او قبرین عرش معلا تک آلتی گوشه سی وار یارالی قلبرین پرده سیله پوشه ی وار . اوقبر صاحبی الدن ایله آلوب صبری اوزی گوزومده دی قلبیمده دور ولی قبری . او قبرصاحبی آئینه دور خداونده تمام خلق اونا عبد رقّ تک بنده . او قبری خلق ایلیوب قبله کعبیه الله دلیل چوخدی بسمدور فَثَمَّ وجه الله . او قبرعرشیدن افضلدی خلددن اعلا ایدوبدی مظهر کلّ اوردا مسکن و مأوا . بولر بونی او که وار قلب پاک و آگاهی باسوبدی باغرینا آلّلهی قبری واللهی(1) . تصوّر ایتمه عقیدم بودور خدادی حسین ولی او کیمدی خدادن دیسون جدادی حسین . اگرچه من دیمورم بو خدای اکبردور ولیک ذات عدیم المثاله مظهردور . او قانلی یوزدی که مشهوراولوب جمال الله اونون عیالینه وار اختصاص آل الله . زیارت ایلیین اول بیکفن ئولن شاهی ایدوبدی عرشیده گویا زیارت اللهی . میسّر اولمادی افسوس اخذ کامه گیدم او توزلی قبره بو ایل منده بیر سلامه گیدم . ایدوم نه چاره که قلبیمده قالدی بو حسرت سعادت ابدی اولمادی منه قسمت . نه استطاعت اولوب بیت لاینامه گیدم نه بیته علّت غائی اولان مقامه گیدم . یازور زیارته گوز یاشینی عوض اخبار توکوب سرشگ گرک آغلیام چو ابر بهار . بهانه گوز یاشیما بیر قلمدی بیردفتر یازور الیمده قلم گاه لیلی گه هاجر . مقام خُلَّته بیجا ... #اکبریه_شهادت لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

آتاسیزلیق دردی #ختم_خوانی #گریز #حضرت_رقیه_شهادت . جعفر فتح اللهی (شاکر) . زمانه نین یوزونه گولمز هئچ زمان آتاسیز آتالیق عاطفه سین ایلمز نهان آتاسیز . گئدر گزر دولانار بلکه غصه سی داغیلا بیر آزدا غصه سی آرتار ائدر فغان آتاسیز . گورنده تای توشونی نوز آتاسی ایله گزور چکر بیر آه اولار قلب زاری قان آتاسیز . ایکی الینی قویار قوینونا باخار مأیوس ایکی گوزوندن ائدر اشکینی روان آتاسیز . آتاسی ایله گزن گونلری دوشر یادینا دانیشار ئوز ئوزونه محنته نشان آتاسیز . باشین اشاقه سالار ناگران ائوه قییدر ائدر قاپونی آچاندا بئله گمان آتاسیز . آتاسی ائوده دی تئز تئز بابا بابا چاغیرار سسین ائشیدمز ئوزون گورمز آختاران آتاسیز . اتاقه وارد اولار غم دورار قباقینده دیر آتان یرینه غمدی میهمان آتاسیز . آتاسینون یرینی بوش گورر اوتاقینده اوخور ئوزی ئوزینه غملی داستان آتاسیز . اولاندا بایرام هامی آل یاشیل گییوب دولانار قرا گییوب ئوزون ایلر غم آشیان آتاسیز . اوشاقینه آتا بایرامدا عیدیانه آلار قالار ولی گوزی اللرده ناگران آتاسیز . گئدر هامی گوروشه خویش و اقربا ائوینه قالوب ائوینده قورا بزم جان بستان آتاسیز . اوشاق أَولجه دییر ئوز آتاسینا تبریک دییر منی آتاجان گورمسین زمان آتاسیز . مشاهده ایلیرسوز چیخاندا قبر اوسته آتا مزارین ائدر بهترین مکان آتاسیز . گورر آناسینی غم دیزلرین قوجاقه آلوب باخار یانا یانا نار غمه یانان آتاسیز . آچار قولون دولیار بوینونا سیلر گوزونی دییر چوخ آغلاما گرچه قالوب بالان آتاسیز . سن آغلاسان بو قدر من ئوزومی ئولدورّم بو درده دوزمز اوشاق اولسا یا جوان آتاسیز . آتام کمی منی دیندیر سینقدی گویلومی آل سولار، سینار، سارالار گویلون آلماسان آتاسیز . آتام حسینه فدا من فدا رقیه سینه ایتیم اوشاقلارا سردسته دی همان آتاسیز . گئدردی زینیین آغوشینه گلردی دیله دییردی پس منی کیم قویدی عمه جان آتاسیز . بابام گئدندن آی عمه یاتانمورام گئجه لر مگر یاتار بو بیاباندا قورخودان آتاسیز . مدینیه گئده بیلسن یوبانما تئز یولا دوش روا دگیل اولا دشمنله همزبان آتاسیز . من ئولمه میش آپار عمه مدینه میزده ئولوم عزاسی خوار اولی غربتده وئرسه جان آتاسیز . بو غربت ئولکه ده که خوار اولوب آتام یاسی دوشنده یاده بو مشگل ییوبدى قان آتاسیز . من آغلادیم باباما قمچی ووردیلار باشیما آتاسین اوخشیا لازمدی هر زمان آتاسیز . گوزوم دوشور آتامی ئولدورنلرین گوزونه آلور قراریمی الان منی قویان آتاسیز . اوتوندا الله اوشاقین یامان گونه قویسون منیم کیمی اودا بیلسین اولار یامان آتاسیز . اونوندا قلبی داریخسین تفاقی اودلانسین بئله نقدری یانور خیمه سی یانان آتاسیز . . #آتا #پدر #فتح_اللهی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حسینچی ام ... #گریز ، ورود به مدینه 📝 محمد علی مصیبی تبریزی ذرّ عالمینده تابع پیمان حسینچیَم فیض ولانی حقدن آلاندان حسینچیم قلبیمده ثبت اولوبدی بو عنوان حسینچیم چوخ چوخ گوناهیم اولساداهرآن حسینچیم مولا منی قووما قاپوندان حسینچیم من بادۀ محبّتیوه ساغر اولموشام کنز ولایتونده آغیر گوهر اولموشام ایللر بویی گوزل آدیوی ازبر اولموشام شه لرگلوب گئدوب سنه من نوکراولموشام تا وار بو تنده هر نه قدَر جان حسینچیم من جوشش و خروشیمی دریادن آلمیشام اوج شرف ده اوچماقی عنقادن آلمیشام صدق و صفانی دلبر طاهادن آلمیشام حبّ ولانی زادۀ زهرادن آلمیشام دار فنایه من گوز آچاندان حسینچیم تنها نه من کی عالم و آدم حسینچی دی گویلرده سیر ائدن گل مریم حسینچی دی علقم حسینچی اولماسا زمزم حسینچی دی ام البنین، اوغوللاری با هم حسینچی دی بیربیر دیوبله دیل دانیشاندان حسینچیم #گریز #ورود_مدینه سس دوشدی یثرب اهلی گلون کاروان گلور بیرکاروان کی ظلم گوروب بی امان گلور سجّاد بوینی یاره ، جفادن نشان گلور زینب سالوبدی باشه قرا باغریقان گلور هر بیر قدم آتور ائدور افغان حسینچیم هردم سیزیلدور آغلاشوری ائللریم ئولوب دوغراندی اکبریم صودامر اصغریم ئولوب قوللار قلم ماه ملک منظریم ئولوب باشی جداده سیر ائلین رهبریم ئولوب عالم بولور آنادان اولاندان حسینچیم بو حین ده دوشوبدی سس ام البنین گلور یعنی همان مام علمدار دین گلور گوزدن عذاره سیل ائدن اشک ترین گلور دورد اوغلونین آناسیدی آغلار، غمین گلور گوزیاشلارین گورن ائدور عنوان حسینچیم حُضّار گوزلری او کلام و بیان دادی آیا تمام غصه سی یوزده عیاندادی؟ فکری اوغوللاریندادی یا آیری یاندادی؟ اوّل سوزی بو اولدی حسینیم هایاندادی؟ عباسه مادرم ولی جاندان حسینچیم بو سوزده آغلاشوب حرمین اهلی زار زار زینب وروبدی باشه ائدوب گوزیاشین نثار آلدی جوابین امّ بنین مام داغدار دوندی او حالیله اولا تا شهره رهسپار سویلوردی دورد بالام اولا قربان حسینچیم سسلندی بیر مدینه لی ای مام خونجگر بیلدون کی گون هایاندا باتوب گوزگوروب نلر آیا سوروشمیسان کی هایاندا یاتوب قمر آخر نه دن سن آلمادین عباسیدن خبر؟ منده سنیله هر دم و هر آن حسینچیم بیرآن دایاندی امّ بنین طیِّ راهیدن بیر آه چکدی سینه یانوب سوز آهیدن بیرباخدی جَمعه حسرت آخوراول نگاهیدن بیرسوزدئدیعیان ائدوب عشقین گواهیدن هرکس ائشیتدی ایله دی اعلان حسینچیم گر باغبانیم اولماسا من یاسی نیلورم بی اذن باده ، ساغر احساسی نیلورم بارماق کسیلسه حلقۀ الماسی نیلورم آخر حسینیم اولماسا عباسی نیلورم ائتدیم بو نوعی عشقیمی عنوان حسینچیم کیم نوکر اولدی درگه شاه مدینیه مشمول اولوندی مرحمت بی قرینیه حق رحمت ایله سین بو « رسول عظیمیه »(1) ایللر سوروندی بو قاپودا چالدی سینیه یعنی آقا قووما قاپوندان حسینچیم لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#در مدح ، توسل و ورود حضرت معصومه سلام الله علیها به قم و غربت ایشان #گریز به #ورود_شام . مرحوم حاج محمد حسین جنتی مقام ( صحاف تبریزی ) . ای درد غربتیله اولان باغری قان خانیم دلدن شرار آتش هجره یانان خانیم . اهل قبیله ائل وطنیندن جدا اولان قارداش جمالینه گوزی حسرت قالان خانیم . کان حیا و عصمت و گنجینۀ وفا خورشید چرخ عفت و عرش آستان خانیم . معصومۀ زمانه و مظلومۀ جهان ریحانۀ پیمبره همنام اولان خانیم . گلمز مقام و شأن و جلالون تصوّره وار کیمده بو جلالت و بو عزّ و شان خانیم . بنت امام اُخت امام عمۀ امام حیراندی عقل شانیوه ای باغری قان خانیم . ایلر طواف قبرون ئوپر آستانه وی شام و سحر ملائک هفت آسمان خانیم . بو صحن و بو رواق بو ایوان زرنگار ایلوب بو قم دیارینی رشگ جنان خانیم . قبرین گورن بهشت برین ائتمز آرزو دوشمز خیال جنته تا وار جهان خانیم . یاد ایلدوقجا حالیوی قانه دونر گوگول بی اختیار اولور یوزه اشکیم روان خانیم . شهریزدن آیریلاندا سنی سالدیلار یولا چوخ عزت و جلالیله پیر و جوان خانیم . طیّ منازل ایلدون آغلار گوزیله سن باشدا هوای وصل امام زمان خانیم . قارداش دالینجا چوللره دوشدون فغانیله هم ناله اولدولار سنه لاهوتیان خانیم . وارد اولاندا عزتیله قم دیارینه چخمیشدی پیشوازیوه مرد و زنان خانیم . الده گلاب شیشه لری عود مجمری شا باش ایلردیلر باشیوا گول عیان خانیم . آلمیشدیلار کجاوه وون اطرافینی تمام بعضی دعا و بعضی ویرردی اذان خانیم . قرآن اوخوردولار قاباقونجا نظاملن آچمیشدیلار تلاوته نطق و بیان خانیم . دوشموشدی بیر منادی قاباقدا چکوردی جار شهر اهلینه ویروردی سنی کیم نشان خانیم . آگاه اولون بو شهره امام عمه سی گلور موسی الرضا باجیسی ملک پاسبان خانیم . باب الحوائجون قیزیدور احترامینی واجب ایدوبدی خلقه حقِ مستعان خانیم . . #گریز :: #ورود_شام . . اما اولاندا وارد شام آل مصطفی چخمشدی پیشوازه هامی شادمان خانیم . عَمَّه ن بتوله نایبه زینب علی قیزین بیر پیشواز ائتدی او گون شامیان خانیم . اللرده چنگ و بربَط و طنبور نای و نی آغلار او حاله ایندیده قدوسیان خانیم . گَه کول توکردیلر باشینا گاه اودلی نی ویران اولیدی کاش بو کون و مکان خانیم گاهی دیردیلر که بولار خارجیدولر نه حاله دوشدی اوندا او بی خانمان خانیم . قرآن اوخوردی نیزه ده لَحن حجازیله رأس مُنیر پادشه انس و جان خانیم بیر داش آتوب عجوزه دگوب سجده گاهینه دلدن دوشوب آخوب یوزونه تازه قان خانیم . گوردی او حالی زینب عُلیا مخدره عرشه اوجاتدی شیون و داد و فغان خانیم . بی اختیار چالدی باشین چوب محمله قانه بویاندی زلفی یوزی لاله سان خانیم . #تخلص . « صحّافه » ایله گوشۀ چشمونله بیر نظر مدتدی درد الیندن اولوب ناتوان خانیم . ویرّم سنی امام رضا جانینه قسم قیل چاره دردیمه ئوزون ای مهربان خانیم . دریای لطف سن صِله می ایله تئز عطا تا وار حیات اولوم سنه من نوحه خوان خانیم . اولما رضا حضور امام رضاده من سندن آچوم شکایته بیرده زبان خانیم . صِدقیله پاک درگهیوه دوشموشم دخیل مأیوس اولوب بیری بو قاپودان هاچان خانیم 🕌🌺🌺💐 ((خوش گلموسن بو ئولکیه ای خوش)) قدم قوناق! باشدان باشا قم اولدی سنیله حرم، قوناق! (همسایه سایه ات به سرم مستدام باد) کولگون باشیمدان اولماسین عمریمجه کم، قوناق! شهر قما گلن گونووی بیز اونوتماروق واجبدی حُرمتون بیزه ای محترم قوناق! 🔰 23 ربیع الاول : سالروز ورود حضرت معصومه (س) به قم #صحاف_تبریزی  لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

«زبانحال حضرت معصومه(س) باامام هشتم درحال احتضار» #گریز به #زینبیه_شهادت سبک : تا مشکتو تو آب زدی ... حسین دوشوبدی مقتله ... حاج افشین بابک اردبیلی بو غربت ئولکه ده دوشوب باشیم بلایه یا رضا چخور جانیم آدامسیزام یتیش هرایه یا رضا بو غربت یرده انیسیم آه و فغاندی هایاندا قالدون رضا جان صبریم تالاندی گوزوم یوللاردا قالوب قارداش باغریقانم باجون معصومه وئرور جان تئز گل اماندی غریبم هارام وار اؤرکده یارام وار رضا جان ... باشی بلالی باجیام کمند عشقه بسته ام ئولوب آتام عزالیام غمین و دلشکسته ام الون قربانی گوزومی گل باغلا قارداش اؤرگیوی غم اوتوندا سن داغلا قارداش اجل گلدی ، باشیم اوسته بیر آغلیان یوخ منه گل ایندی عزا ساخلا آغلا قارداش غریبم هارام وار اؤرکده یارام وار رضا جان ... قرا گونه بو باجوی سالوب زمانه هارداسان بهار عمرومی فلک وئروب خزانه هارداسان وصالوندن ای گل زهرا بی نصیبم مریض عشق اولموشام امّا بی طبیبم فراقون سالدی منی چوخ درد و بلایه غریبانون ضامنی گل منده غریبم غریبم هارام وار اؤرکده یارام وار رضا جان ... اگر چه باشیمی فلک سالوبدی غصّه و غمه بلالریم هاچان چاتار بلایِ زینب عمّه مه وئروردی جان شامیده یورقون هم عزالی بدن خسته اللری یاره باش یارالی اؤرک غملی قانلی بیر کوینک سینه سینده دیوردی گل هارداسان ای زهرا مارالی غریبم هارام وار اؤرکده یارام وار حسین جان ... رشیده قدّی دوندروب داخی کمانه آیریلیق منی ئوز عشقیم ئولدورور اولوب بهانه آیریلیق باجون سندن آیریلاندان یانموش بلاده قوجالتدی دردون منی دشت نینواده باجون ئولسون قالدی گل جسمون قوملار اوسته چخور جانیم گوزلریم قالدی کربلاده غریبم هارام وار اؤرکده یارام وار حسین جان ... لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

رجز غارت خیام #گریز به #کوچ_کربلا مرحوم یحیوی اردبیلی اولدی شاهی کربلاده، تیره باران زینبین ظلم الیله خانمانی، قالدی ویران زینبین بیر گونون عرضینده الد‌ن آلتی قارداشی گئدیب سیل تک جاری اولوب توپراقه گوز یاشی گئدیب نوجوانلاری ئولوب هم یار و یولداشی گئدیب قالمیوب بیر دادخواهی دیده گریان زینبین صُبحید‌ن ظُهره کیمی محو اولدی جاه و عزّتی گئتدی یغمایه اونون مال و منال و دولتی اولمادی گوز آچماغا ظلم و جفاد‌ن فُرصتی محنتی ساعت به ساعت آرتدی نالان زینبین گه گوروب میناده یاتمیش یان یانا قربانلاری هر ایکی نهرین آراسیندا دوشن عطشانلاری گه گورور شادلیق ائد‌ر آت اوینادور عُدوانلاری صبرینی الد‌ن آلور بو ظلم عُدوان زینبین خیمه و خرگاهینه دشمن ووروب اود یاندیریب زینبه چادر کی عبّاسی قوروب اود یاندیریب خیمه‌لرد‌ن قاچمیوب هرکس دوروب اود یاندیریب قورخودان دوتموش الین بیر عدّه طفلان زینبین تیره‌ گون اولموش گوروب بُرج فلکده اولدوزی محنت ایّامه بیرد‌ن توش اولوب زهرا قیزی شمرین الده خنجری قانیله اولموش قرمیزی مقتله دوشموش حسینی قانه غلطان زینبین بیلمییر بیچاره هانسی محنته صبر ایله‌سین قویماسون دوشسون حَرَملر وحشته صبر ایله‌سین قمچی آلتیندا اوشاقلار زحمته صبر ایله‌سین دوشمسین تا خورداجا قیزلاری جاندان زینبین اوز الیله لشگره غارت‌لری تقسیم ائدیب وئرمیوب عُدوانه مُهلت بیربه‌بیر تسلیم ائدیب قسمتین غارتد‌ن آلدی حمله کی هرکیم ائدیب تا اولوبدور خیمه و خرگاهی تالان زینبین کربلاده قانه غلطان صاحب معراج اولوب جامه و رخت و زره پیراهنی تاراج اولوب پرده‌پوش عورت‌لری بیر معجره مُحتاج اولوب حالینه قان آغلیوب سلطان عطشان زینبین قوللاری باغلی طنابه گوزیاشی یوزده روان باش باشا صحراده وئرمیش نازدانه دُختران اکبری الده ئولن لیلا ائد‌ر آه و فغان اود دوتوب قلبی یانار بو غمده پنهان زینبین زینبی ناقه سوار اول قوم عُدوان ایلدی غم قطاری قتلگهده کوفیه راه ایلدی غمزده گوزلرده جلوه پیکر شاه ایلدی ناقه اوسته عقلی باشدا قالدی حیران زینبین ناله چکدی دختر خاتون محشر آغلادی قارداشین حالین گوروب غمدیده خواهر آغلادی واحسینیم وای دئدی اولدی مکدّر آغلادی جانیوه قارداش دئدی بو جانی قربان زینبین زنده یاد استاد یحیوی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت معصومه سلام الله علیها #گریز #زینبیه_شهادت سبک :: دولانور علی قیزی مقتلی و ... بالام آغلاما ... باجی دور گئداخ ... نه قدر دالینجا دولانموشام ئولورم رضا ئولورم رضا بیلوسن فراقیوه یانمشام ئولورم رضا ئولورم رضا باجی دوشسه قارداشین عشقینه اونی عشق ئوزی چکر هر یانا وطنی مدینه دی معصومه سنین عشقیوه گلوب ایرانا ئولورم سنی گوره بیلمدیم نیه دونمسون اورگیم قانا گل اجل یولوندا دایانمشام ئولورم رضا ئولورم رضا او گونی که شهر مدینه ده سنی آغلیوب یولا سالمشام اورگیم دوشوبدی تلاطمه بیر اسفلی حالته قالمشام دئموسن که من گله بیلمورم باشیما عزا شالی سالمشام سنه چوخ وفالی یارانمشام ئولورم رضا ئولورم رضا .  گینه دلخوشام بو مسافرت منی سالدی درد و مشقته سنی گورمسم گئده بیلمرم گوزی یاشلی بیرده ولایته باجین ایندی قمدا مریض اولوب اونا لطف ایله گل عیادته سنی حجت حق اینانموشام ئولورم رضا ئولورم رضا . بو دیاره بش دنه قارداشی سنه خاطر ایلدوم همسفر(۱) او خرابه ساوه ده جنگ اولوب هاموسی شهادته یتدیلر بویانوبلا لاله کیمین قانا سنین عشقیوه عمو زاده لر او گونی عزا گونی سانموشام ئولورم رضا ئولورم رضا . . یتیشوب ئولوم خبرین منه ساری گل مثالی سارالمشام او گونی که گلمیشم ایرانا چمنیندن عطریوی آلمشام او قدر رضا دیوب آغلادیم اودی آز زماندا قوجالمشام گهی غش ائدوب گه اویانمشام ئولورم رضا ئولورم رضا . . . بو خانمدا فاطمه دور فلک یخلوبدی بستره اشگبار نه ووروبلا محسنی سقط اولوب نه دگوبدی سینه سینه فشار نه ده وار علی کیمی شوهری نه حسین کیمین گوزل اوغلی وار او دیین سوزه من اینانمشام ئولورم رضا ئولورم رضا . . . ایکی باجینین چوخ علاقه سی نه دن اولدی بو ایکی قارداشا بیری فاطمه، بیری زین اب دئمیون دویوبدیلا گوزیاشا بیری جان وئرور گوزی یولدادی بیری نیزه لرده باخور باشا نه دیوردی قانه بویانمشام ئولورم رضا ئولورم رضا . . . اورگی یارالیدی «جعفری» دیه بیلمیوبدی یارالیام نچه که بو آل پیمبرین محنی اورکده عزالیام ای عزیز حضرت فاطمه سیزه بیر غلام وفالیام علمون دالیجا دولانموشام ئولورم رضا ئولورم رضا #سبک_بالام_آغلاما_گلوم_آغلاما ( 7 سبک برای سینه زنی و زنجیر ) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در مدح و شهادت حضرت زهرا سلام الله علیها #گریز به #اصغریه_شهادت اصغر الماسی اهری جهاندا ماخلقون اعتباریسن زهرا خدای لم یزلون افتخاریسن زهرا حمیده دخت نبی،اٌسوه ی کمال وسعید جزا گونی نجبانون عیاریسن زهرا نجیب و عاطفه مسلک زکیّه و طاهر بطون حکتمه سن آشکاریسن زهرا بویوردی خالق کون و مکان مقامینده حبیبه و هنر کردگاریسن زهرا معرفی الییَنده کساده فاطمه نی بویوردی آل عبا شاهواریسن زهرا و فاطمه و أبوها و بَعلٌها و بنو اَزَل چاغیردی سنی شهسواریسن زهرا آتان نبیّ و رسول و امینِ خلق الله اَلوندن اوپدی دئدی رستگاریسن زهرا بخاری نقل ایلیوب راوی تسنندور پیمبرون اورگینده قراریسن زهرا فَاِنّما هِیَ صدیّقه بَضعَهٌ مِنّی نبیِّ اکرمین آیینه داریسن زهرا علینی خلق إلماقدا تعجب أتدی خدا علی بویوردی منه سن وقاریسن زهرا علی دیلینده اولان حمد حقّ و ذکر و دعا علی اَلینده اولان ذوالفقاریسن زهرا طریق عشقیده یوخدور سنه زوال و مثال حسین آناسی علینون نگاریسن زهرا نه سیرتینده مگر وار که امّ تقواسن مدار عصمته سن سرمداریسن زهرا نه حکمتی وار آدیندا شفادی مضطرّه شرف نشانه سی سن نامداریسن زهرا طلیعه ی ازلیدور یوزونده کی نورین جهان مدارینه سن اقتداریسن زهرا دوشر ایشیقدان او دم شمس و ماه و انجم و غیر نقابین اولماسا ذوالاختیاریسن زهرا ثنای فاطمه نی شاعرا دینمزسن طفیلی سن خانمین حکمتین بیلنمزسن مسیر شعریوی چک ایندی ایندی غملی آثاره ایکی نفر بو جهاندا قالوبدی آواره بیری علی اورگینده غمین غباری اولان بیری حسین بالاسی حرمله شکاری اولان به استناد مقاتل اولوب غم عنوانی حسین آناسی گوزون یومدی عصر میزانی نه حالدا منزله مولا گئدیب وقوعیم یوخ نه شکلی غسل وئروب دفن ائدیب رجوعیم یوخ یتیم اولان بالالار تک قالوبلا منزلده مدینه ده گجه تنها علی قالوب چولده بقیعه باخدی دئدی قلبیمه دولوبدی تعب فراق فاطمه دن غصه مرگ اولار زینب خیالیدن گجه سوزین آتین مدینه لیلر ئولوبدی فاطمه راحت یاتین مدینه لیلر نه گتماقا اَیاقی گلدی منزله ساری نه اینکی آیریلا بیلدی مزاریدن باری بویوردی بیر گجه سنسیز قالانمارام زهرا یتیمه زینبیوی یوخلادانمارام زهرا مزارین اوسته قالیب أل چکنمورم نیلوم نه چاره منزله سنسیز گدنمیرم نیلوم غرض گلوبدی بو ایش کربلاده تکراره حسینده عین علی قالدی چولده آواره اَلینده صودامرون بعد ازاینکه اوخلادیلار ربابی اهل حرم خیمده قوجاخلادیلار نه خیمه سمتینه گتدی نه سوی میدانه باخوردی یالقیز امام اصغر الده هر یانه باتوبدی قانه دئدی من نجور خیامه گئدیم سلامت آلمیشیدیم بس ربابه من نه دئییم نه چاره حالیمه گویده ستاره سوزولر باشی بدندن اگر اللریم چکم اوزولر عجیبه منظره دی گردش زمانه قوروب مدینه ده اولان ایش کربلاده بیرده اولوب او گون امام ئورگی غمده تاب ائدنموردی بوگون امام ولی خیمیه گئدنموردی او گون امام اوتانوردی غم اضطرابیندن بو گون امام اوتانوردی فقط ربابیندن #فاطمیه_مدح #فاطمیه #الماسی_اهری لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

تسلیت به امام زمان (عج) شهادت امام علی النقی الهادی علیه السلام #گریز به #مجلس_یزید . حاج غلامرضا عینی فرد زنجانی . بو گجه هادی باباون ئولمه سین یاد ایلوسن گوزیاشین بی اختیار اولموش رها یاابن الحسن . لیک حسینه آغلاسان هر دیده سنلن آغلاشلار دوتمادی بیرکس حسینه چون عزا یاابن الحسن . جان ویروب هادی وجودی تیرباران اولمادی دوشمیوبدور جسمیدن باشی جُدا یاابن الحسن . وورمیوبلار خیمه گاه هادیِ دین اودلانا اولمیوب یر باشنه نوک جدا یاابن الحسن . گرچه هادینی چکوبلر مجلس شُربه ولی صحبت ایلوب اوردا دهُم مقتدا یاابن الحسن . گرچه اوّلده اهانت هادیه اولدی ولی آخرالامر آغلیوب اهل دغا یاابن الحسن . کربلا سلطانینون کاخه کسوک باشی گئدیب پشت سر اطفالی باغلی قول قولا یاابن الحسن . طشت زرده باخدی دقّتلن حسینون باشنه خیزران الده یزید بی حیا یاابن الحسن زینب کبرا باخوردی طشته ساری مضطرب مجلس اهلی مات اولوبدور اول باشا یاابن الحسن . لرزیه دوشدی بدنلر نادم اولموشدی گلن رُعب و وحشت دوتدی بزمی جابجا یاابن الحسن . چوخ حریفون باشینی گورموش مقابلده حریف غالب و مغلوب گورموش دهر ما یاابن الحسن . تازه دن اما دانشسین بیر کسوک باش اولمیوب باشلادی قرآن ذبیحاً مِن قَفا یاابن الحسن . کاخ خضرایه سالوبدور طنطنه قرآن سسی اولدی رسوا ظلم و فسقه مبتلا یاابن الحسن . گوردولر زهرا بالاسین ئولمیوبدور زنده دور بلکه ده ئولدی یزید ای ذوالعطا یاابن الحسن . خیزرانیله حسینی ایستدی دلدن سالا دوردی عمّنده یزیدی سندیرا یاابن الحسن . طشت زر سسلندی سس چکدی ملک لر آغلادی لاله طشت ایچره گویردی گویئا یاابن الحسن . ذوالفقار منطقی یاردی سکوتین قلبینی صحبتین باشلوبدی دخت مرتضی یاابن الحسن . بُلدیروب بیر جمله ده اول ظالمین ماهیّتین تیغ یا ابن الطُّلقا ویردی اونا یاابن الحسن . یعنی اجدادون بابام آزاد ایدوبدور مکّه ده جدّیم احمد یعنی ختم الانبیا یاابن الحسن . بی حیا ال ساخلا پیغمبر او لبلردن ئوپوب خارجی آد قویموسان سن وورماقا، یاابن الحسن . خطبه ی زینب قالوبدور جاودان تاریخده هر زمان احرار اوندان درس آلا یاابن الحسن . حضرت هادی غمینده آغلار عینی فرد تا دردینه سیزدن آلا شاید دوا یاابن الحسن . لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🏴شهادت حضرت امام جعفر صادق علیه السلام #گریز به #قتلگاه 🎼سبک:ای کربلانون تشنه لب قربانی قاسم . ✍بقلم مرحوم تائب تبریزی . ای جعفری مذهبلرین آرام جانی گیتدون عزادار ایلدون اهل ولانی . واگیر :: ای صادق آل عبا اولسون سنه جانلار فدا ای وای آقام وای . . . ای دللره داغلار قویان ای وای آقام وای امید ائوین باغلار قویان ای وای آقام وای ای شیعه نی اغلار قویان ای وای آقام وای ای ایلین ماتم زده پیر و جوانی . ای سینه سی گنجینۀ علم الهی ای محضر درسی اولان دین پایگاهی ای سایۀ قدسی اولان حق شاهراهی مذهبده روشن ایلین اهل ولانی . جسم بیانه ای ئوزی بیر روح ناطق ای خالق فضل و ادب مخلوق خالق تعلیم ائدن ای اهل صدقه فقهِ صادق ای اوستاد مکتب علم و معانی . گمراه ایدوبدی امتی باطل یازنلار حق علمینی مدفون ایدوب مدفن قازانلار تاپمازدی یول سن اولماسیدون یول آزانلار فقهیله آگاه ایلدون کلّ جهانی . سن آچماسیدون مکتب درس و دیانت سن سالماسیدون عالمه نور فقاهت تاریک اولاردی عالم دین و شریعت سن زنده ائتدون شرع حکم مصطفانی . سن فقهیله دانانی جاهلدن آیردون سن علمیله نادانی عاقلدن آیردون چکدون ریاضت حقی باطلدن آیردون واردور سنون فقهونده روح جاودانی . مولا سنون اسلامیده چوخ خدمتون وار هر بیر پریشان جمعده جمعیتون وار اهل تشیُّع گردنینده منتون وار سنسن سرافراز ایلین بو شیعیانی . سن حکم شرع ذات بیچونی دیریتدون عاشورده ناحق آخان قانی دیریتدون قاندان حسین یازمیش او قانونی دیریتدون دوتدون مرام شهسوار کربلانی . آچدون سن اسلام اهلینه راه سعادت منصور جانی ائتدی بو امره حسادت آری اولار گمراه اولان لاردا بو عادت قصد ائتدی خاموش ایلسون نور خدائی . ائتمیشدی بسکه سست اونی جام غروری حقی گورنده خیره اولدی چشم کوری حقّونده آرتوردی سنون هر ظلم و زوری ظلمینده چخدی حددن اول خصم جانی . باخموب که سن دلبند پاک مصطفاسن باخموب که سن فرزند شاه لافتاسن باخموب که سن صبر دل خیرالنساسن بُلدی روا حقونده هر جور و جفانی . باخموب که سن چشم چراغ ماسواسن باخموب که سن بیر یادگار مجتباسن باخموب که نور چشم شاه کربلاسن گتدی بلالی باشیوه هر بیر بلانی . ئوز کینه سین زهرایه معلوم ائتدی آخر سن تک امید خلقی مظلوم ائتدی آخر انگور مسمومیله مسموم ائتدی اخر سندن او زهر آلدی داخی تاب و توانی . آچدون گوزون باخدون دوشنده احتضاره گوردون بالان موسا آلوب باشون کناره جدون حسین اما دوشنده پاره پاره گوردی باش اوسته زینب بی خانمانی . فرمایش ائتدی ای منه جانانه زینب شمع وفایه ای اولان پروانه زینب بوردا دایانما بوردا وار بیگانه زینب گئت خیمه گاهه باشه یغ آل عبانی . ال آچسا ظلمه آل فرزند سمیه قویما وورا قزلاریمی آل امیه قویما خصوصاً آغلاسون نازلی رقیه چوخ ایسترم اول دختر شیرین زبانی . بیر کوچه مشگی نوحه خوان ائتدی تقاضا شوقیله تائب ائتدی بیله نوحه انشا امیدوار روز جزا خاتونی زهرا اوتدان قوتارسون شاعریله نوحه خوانی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شهادت حضرت امام جعفر صادق علیه السلام . . حاج مجید بدایعی (اشکی تبریزی) . شیعه لر قان آغلیون صاحب زمان آغلار بو گون حضرت صادق غمینده قدسیان آغلار بو گون . باد ظلمیله گل گلزار پیغمبر سولوب صادق آل محمد زهریله مسموم اولوب گر دیسم زیبنده دور زهرا بو گون زلفین یولوب عالم معناده میر مومنان آغلاربوگون . بغضیله منصور نور وحدتی خاموش ایدوب پیشوای دین حق جام شهادت نوش ایدوب جعفری مذهبلری محنتله هم آغوش ایدوب گوز یاشی گوزدن توکر اهل جهان آغلار بوگون . باعث ایجاد عالم حامی دین خدا نور یزدان مظهر توحید سبط مصطفا مذهبه رونق ویرن دینه بویوک بیر پیشوا درک ایدوب فیض شهادت انس و جان آغلار بوگون . شور محشر شهر یثربده بو گون اولدی عیان وا اماما ناله سی خلقه اولوب ورد زبان بوینی چگنینده توکردی گوز یاشی اسلامیان تابعان حضرت صادق عیان آغلار بوگون . جان ویروب جانانه یتدی بو امام ممتحن ایلدی اوز اوغلی موسی جسمینه غسل و کفن اولدی چوخ اجلالیله تشییعینه چوخلی گلن کربلا مظلومینی یاده سالان آغلار بوگون . #گریز #دفن_شهدا . قالدی اوچگون یرده گل جسمی یارالی بیکفن اولمادی بیر کس او گون پیغمبر اوغلین دفن ایدن گون ایوینده قانه غلطان قالدی یتمیش بیر بدن بیله بیر احواله هر شیعه یانار آغلار بوگون . یتدی اوچگوندن صورا بیماره چون فرمان حق دفن اولونسون تا نقدری وار سوسوز قربان حق کربلا صحراسینه اعجازیله سلطان حق گلدی بو اعجازیدن آگاه اولان آغلار بوگون . بیر قبیله اهلینی گوردی ملول و دلفکار قصد دفنیله گلوب اللرده حفر اسبابی وار دفنینه اما او گل پیکرلرین حیراندیلار بو سوزه اول جمع تک حیران قالان آغلار بوگون . باخدی اوّل بیر آتاسی نعشینه چکدی فغان سویلدی ای بذل ایدن جانانینه لب تشنه جان کربلانی ایتموسن اوز قانویله گلستان یاسمن سر و سمن هر گلستان آغلار بوگون . بیر مزار اول شهریاره قازدی با شور و محن گوردی لازمدور اولا شاهانه بیر عالی کفن قالدی حیرتده او گل جسمه کفن ایتسون ندن بو مصیبتده تمام افلاکیان آغلار بوگون . امر ایدوب اول جمعه سوز آهیله یالقیز امیر بیکفن دفن اولماسون مقتول اشرار شریر تاپدیلار اول دشتیده زحمتله بیر پاره حصیر قبره شه جسمین حصیریله قویان آغلار بوگون . گوردی لیلانین علی اکبر اوجالدوب باشینی گل کیمی خندان اولوب توکدی یوزه گوز یاشینی دفن ایدوب پایین پاده اول جوان قارداشینی ایمدی اول ششگوشه قبره هر باخان آغلار بوگون . سن امام صادقه صدقیله «اشکی» دوش دخیل حاجتین ایلر روا فورا او میر بی بدیل ناامید ائتمز او شهدور سن اونا نوکر ذلیل اولسا گر نومید سائل شاهه دور نقصان بوگون #شیعه_لر_قان_آغلیون_صاحب_زمان_آغلار_بو_گون #اشکی_تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شهادت امام صادق (ع) #گریز به #مجلس_یزید . . #سبک_ساخلا_ناقه_می_کاروانیدن.... ✍مرحوم شوری تبریزی . . قبریدن ایا فاطمه دوروب وای اوغول دیوب ایت گیلن نوا آغلا جعفر بن محمّدین حالینه خانم سن یانا یانا جان ویروب دیور هارداسان آنا . . کون و مایکون اود دوتار یانار شرح ایدم اگر درد و محنتین صبر ایدوب بلا و مصیبته واضح ایتدی دینین حقیقتین زنده ایتدی جدّی پیمبرین زحمتیله اُلموش شریعتین حقّی گون کیمی ایتدی آشکار اهل عالمینه او مقتدا . . جور و ظلم آل امیّه دن آز زمان اگرچه خلاص اولوب ظلم آل عبّاسیدن ولی قلب اطهری قانیلن دولوب دردینی ایدنمزدی آشکار، گولمیوب یوزی گل کیمی سولوب چوخ ایدردی توهین او سروره دمبدم او منصور بیحیا . . نقل ایدر ربیع بو حکایتی بیر گجه او منصور بدسیر سویلدی ربیع بول بو قدر سن قلبیمی منیم چوخ دوتوب کدر جدّ و جهد ایدوب جعفری بو آن حاضر ایلسن سن اوزون اگر اُلدوروم او زهرا بالاسینی قلبیمه منیم تا اولا شِفا . . واردی نچّه اوغلوم دیر ربیع وار بیرینون امّا شقاوتی بو شقاوتیندن علاوه وار بیله ایشلره چوخ جسارتی امر ایدوب خلیفه دیدیم اوغول حاضر ایت او شاه ولایتی امرینی قیل اجرا خلیفه نین اولما راضی امرینده نقص اولا . . گلدی اول شقی بامیدن دوشوب خاندان آل رسالته اهل بیت عصمت بویوک کیچیک بولمورم قالوبلا نه حالته گوردی اول امامی قیامیده خالقیله مشغول عبادته ظاهر ایلیوب اوز شقاوتین قویمیوب نمازین ایده ادا . . اول شقی امامی او حالیلن دوتدی،مقصده اولدی رهسپار پا پیاده مظلوم امامی گور آت دوشونده امّا اوزی سوار بولمرم ندن گویلر ای خدا گلمدی یره اولدی بیر قرار دشمنین الینده بو نوع زار دستگیر اولوب پور مرتضی . گوردی اول لعین ازل ابد چوخ دوشوب او مولا اذیّته بولمورم نه نوعی او سرورین حالینی گوروب گلدی رافته ترکینه سوار ایتدی اول شهی اُفّ اولا بو بی شرم امّته آل حیدری تک به تک ایدوب جور و ظلم و توهینه مبتلا . . قوزیوب باشین سویلدی بِئلون باغلیوب کیمه دالدالانموسان یوخسا چوخ گوروبسن مریدیوی نامه لر یازوبلار اینانموسان ایلیوب اشاره محاسنین دوتدی سویلدی هیچ اوتانموسان آز منه اذیّت ایله داخی ایشلروندن ال چک ایله حیا . . چوخلی نامه توکدی یره دیدی یازمیسان هامی مسلمینه سن حجّت خدا سویلدی که ای میرمومنین خسرو زمن نامه لردن اصلا خبر یوخوم یازمادیم بیرین بیر بِلاده من ایتمدیم جوانلیقدا آرزو ایمدی من هارا سلطنت هارا . ساخلیوبدی شمشیر الینده چون قصد ایدوب امامی ایده شهید چکدی تیغی اوچ دفعه،قِیتروب ساخلیوب غلافینده اول پلید گوردی قولّارین چرمیوب گلور ختم انبیا سویلور ای پلید ال گوتور بالامدان،گوتورمسن ایلرم بدندن باشون جدا . . یر ویروب یانیندا دیدی بویور یابن عمّ السّاعه کیف حال بو عم اوغلوا لطفون آز اولور گلماقا بیزه تاپموسان مجال ایلیوب معطّر،دیدی ظنین اولما ایلمه اوزگه بیر خیال احترام و حرمت ایدوبدی چوخ چوخلی عزّتیله سالوب یولا . . شام شومیده ای رسول حق بیرجه سن گلیدون او بزمه کاش اهل بیتیوی ساخلیوب یزید مجلسینده،کفرین ایدوبدی فاش بیر طرفده شطرنجیلن شراب طشت ایچینده وار بیر یارالی باش ساخلیوب ایاق اوسته خسته تن اول امام تبداری،بیحیا . . زهریلن او منصور بیحیا عاقبت امامی ایدوب شهید «شوریا» بو مولایه عشقیلن نوحه یازدون اولدون عجب سعید اوز زیارتین ایسته ویر قسم اوز آناسینا اول گیلن امید قسمتیم اگر اولماسا بو ایل قسمتیم اولا بلکه کربلا . #شهادت_امام_صادق_علیه_السلام لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨