🏴درشهادت امام جعفر صادق (علیه السلام)🏴 #سبک_می_گذرد_کاروان #سبک_ای_بوغازین_اوچ_پر_اوخ ✍زلفی تبریزی باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... #گریز به #کوفه جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا #شهادت_امام_صادق_علیه_السلام لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

درشهادت امام جعفر صادق (ع) 🎵سبک: میگذرد کاروان... 📝 زلفی تبریزی باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... #گریز به #کوفه جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا #شهادت_صادقیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در توسل به پنج تن آل عبا و شهدای کربلا #گریز به #شام_غریبان . . سید بشیر حسینی میانجی . . اى خداحضرت پيغمبره جانيم قربان جانشين نبوى حيدره جانيم قربان . علت غائى خلقت قمربرج حيا حضرت فاطمه‏ى اطهره جانيم قربان . عالم حُسنيده يوخدورحسنين همتاسى اوّلين جام مىِ‏کوثره جانيم قربان . خامس آل عبايعنى شه کرب وبلا پيکرى بى سراولان سروره جانيم قربان – خوشدى سوز تاپسين ادامه شهدا شاهيندن شاه بى ياوروبى لشکره جانيم قربان – ائلدى حقّه فدا يتمیش ايکى قربانين لاله تک پرپراولان گوللره جانيم قربان – آل هاشمدن اَول قانه باتوب اوزاوغلى شبه پيغمبرعلى اکبره جانيم قربان – قاسمين نسگيلينه آغلادى مظلوم حسين غم باغندااوگل احمره جانيم قربان – مرتضااوغلى، خانم ام بنينين بالاسى يعنى عباس وفاپروره جانيم قربان – تشنه لرخاطرينه نهرى آلوب ايچمدى سو مشکى دولدوردى، نکومنظره جانيم قربان – گوئيا نهر ديوردى قوى ئوپوم لبلريوى سوکنارينده سوسوزلبلره جانيم قربان – قولارى اولدى قلم مشکى گوزى اوخلاندى يره السيزيخيلان پيکره جانيم قربان – هرقولى بيريانا، مشکى، علمى، بيريانه اوزى بيريانه دوشن ياوره جانيم قربان – اونى گورجک بئلينه قويدى حسين اللرينى ائله حالدادئديگى سوزلره جانيم قربان – دئدى داى چاره‏م آزالدى بوزمان سيندى بئليم

پندیات – در بی وفائی دنیا عروسی حضرت علی(ع) و حضرت زهرا (س) #گریز به حالات هجوم به خانه وحی و … . مرحوم منعم اردبیلی . بلالی باشوون بشر قباقدا چوخ بلاسی وار جهان بلادی سربسر یالانچی بیرجلاسی وار . بو مادرِ دنی صفت مینین دوغور مینین بوغور داغتدی دودمانلاری نه شرم ونه حیاسی وار . سنیله آشنا دگول بو روزگار فتنه گر بَزَکلی اژدها کیمی نه صلح ونه صفاسی وار . ✔️ تمثیل . نراقی بیر مثل یازار جواهر کلامیدور قیزیل سوئیلا ثبت اولار مثالنون بهاسی وار . جهانی فرض ایدور قوئی بیریسی ایپدن آسلانوب یاواش یاواش اَنُور گورور دیبینده اژدهاسی وار . او ایپ که آسلانوب گورور ایکی سیچان ییور ایپی سیچانلارون بیریسی‌آغ بیریسینون قراسی وار . ایپی ییوبله نصفیدن کچوبدی آز قالور دوشه اگر قیریلسا گور بونون باشندا نه بلاسی وار . آچوبدی آغزین اژدها بو بختی قاره نیلَسون اوزون کناره چکمگه بونون گورون هاراسی وار . باخورگورور او حالیده قاباقدا پُهره بال قویوب ورور بال اوسته بیر ‌بیرین مگسلرون نواسی وار . او بال همین بو مالیدور مگس لر اهلِ روزگار ورولّا بیر بیرین بشرنه خوف و نه هراسی وار . قوئی همان جهانیدور یاپیشدیغی ایپ عمریدور ایکی سیچان دیوم ندور هم آغدی هم قراسی وار . بیری گجه بیری گونوز ییّوله عمری متّصل کسوبله عمری آز قالور قیریلسا ماجراسی وار . او اژدها که گورسنور یاتوبدی قعر چاهیده اوخوفناک قبریدور بلاسی وار بلاسی وار . کسیلدی‌عمرون‌آی‌بشر ‌بش‌آلتی ساپدان آسلانوب دولان او اژدهایه باخ خطاسی وار خطاسی وار . نه عمرینون قیریلماغین نه قاره گونلرین گورور نه اژدهانی درک ایدور نه قبره اعتناسی وار . ازل که ایستیور بشر اولا گناهه مرتکب اورک دوشر طلاطمه گورر که چوخ هراسی وار . ایکیمجی ده جری اولار حدود حقّیدن چخار گورر که قوخمیور داخی گناهه اشتهاسی وار . اوچومجی دفعه ایلَسه سینار تمام سدّیلر دیمز نظام عالَمون غضبلی بیر خداسی وار . تمرّد ایلسون اگر او یرده ایله گورمسون اویر هایاندی گورمیه یرون گوون هاراسی وار . بابام تمرّد ایلدی بهشتیدن چخارتدیلار اونون یری بهشتیدی هوای جانفزاسی وار . بهشتی ساتدی بوغدیابیزی گتوردی غربته بوغربتون صفاسی یوخ وفاسی یوخ جفاسی وار . اودور که اَلَّشور بشر جهانی ایلسون بهشت جهان بهشت اولا دَگول ایچینده مین بلاسی وار . گیدور چخور ستاریه گزور بهشته یول تاپا اگر مین ایل گیدوب گزه تاپانماز ادّعاسی وار . ✔️ وحشت قبر . بهشته قبریدن گیدر کِچَر دیار برزخه او برزخیکه یولّاری اوزاقدی چوخ هراسی وار . نقدری یاخشی دوست اولا یامان گونونده تز قاچار رفیق اولار او شخصیلن جیبینده اسکناسی وار . تصوّر ایله سون سنه اوغولدا آشنا دگول ایونده اهل بیتوون وفاسی یوخ جفاسی وار . ائشیتمیشم ویروردی جان قباق زماندا بیرنفر اوغول چخارتدی دیشلرین نچونکه بیر طلاسی وار . امان او وقتیدن گلر اجل تری جبینووه آخوب تمام گیزلنر گوزونده کی قراسی وار . ایلیکه آخدی گوزلرون باخوب ائو اهلی قورخوشار نچونکه نسل آدمون جنازه دن هراسی وار . آغاج سناندا سسلنر صداسی الفراقیدور او آیریلیق صداسیدور صداسینون نواسی وار . ائویندن آیریلوب گیدور بیر آیری ائوده قالماقا او ایو بیر ایودی قورخولی نه فرشی نه اساسی وار . یغوبدی مال دولتی حقوق حق ویریلمیوب حلال اولا حسیابی وار حرام اولا جزاسی وار . ایلیکه گیتدی توپراقا دوزولدی داشلار اوستونه قنلوق ایوده قالدی تک باشیندا ماجراسی وار . دِیَر کنار ایدون منی ویروم تمام ثروتی بو خوفناک منزلون ئورک سخان هواسی وار . دونَمّیور ساقا صولا او قدری تنگیدور مکان دوروب اوتورسا آلننا دَگَن داشون یاراسی وار . نه دربی وار نه پنجره نه بیر نفس چخان یری قالوب او یالقیز ایوده تک نه خویش و اقرباسی وار . تمام دوره قونشودور ولی گلوب گیدن هانی گلوب گیدن او منزله ایلاندی چوخ خطاسی وار . وجود پاکه ای بشر بو قبر طوی اطاقیدور خوشا او شخصه که انون نمازی وار دعاسی وار . گلون او طوی اطاقینه چراغ و فرش گوندرون دالونجا یولّاماز اوغول باشیندا طوی هواسی وار . ✔️ تمثیل . ئولوردی بیر نفر کیشی وصیت ایتدی اوغلونا منه نماز قیلدیرون نمازیمون قضاسی وار . آیردی ویردی اوغلونا او پول که واجباتیدی دیدی ویرون نمازیمه آتاوون التماسی وار . بو پوللاری چراغ ایدون منیم دالیمجا گوندرون قرنقلوخدی یوللاریم او یوللارین هراسی وار . تصادفاً شفا تاپوب دیریلدی دوردی ئولمدی گلوب قوناق چاغردیلار قوناقلیقون صفاسی وار . دیدی همان او اوغلونا الونده بیر فَنَر گوتور قرنقلوخدی کوچه لر یولون قرا لباسی وار . ایلیکه دوشدولر یولا اوغول دایاندی اون قدم

عید قربان #گریز به شهادت حضرت علی اکبر(ع) #سبک_زینبم_جان_اوستیم علی مظفری(مظفر) وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا

 قربان #گریز به دهه محرم و شهادت حضرت علی اکبر (ع) . مرحوم انور اردبیلی . امر ایلدی خلیلینه خلاق ماسوا اسماعیلی گرک ایده سن شوقیله فدا . آندیردی اوغلونا بو سوزی حضرت خلیل ایستور فدا اوغول سنی خلاق بی دلیل . امر اِلهیه دیدی دلدن موافقم هر امره سن رضا اولاسان منده شایقم . قلبی رقیق اولار آنون ایلمز توان هاجردن ایتدیلر اودی که مطلبی نهان . حکم خدانی قویمادیلار بی عمل قالا قربان گونی منایه گلوبدور آتا بالا . حاضر اولوبلا دائرۀ امتحانده اوز اوغلونا دئدی آتا آخر زمانیده . اولسا وصیتون منه اوغلوم منه بیان ایله هر بیر سوزون آنووا واروندور عیان ایله . عرض ایلدی واریمدی نچه خواهشیم آتا سر منزله یاخوندی وفا قافلون چاتا . باغلا الیمی گوزلریمی شوقیله اوزون باشیم کسنده گوزلریمه دوشمسون گوزون . باشسیز جنازه نی بابا حمل ایتمه منزله بیرده مناده قال بو گیجه گیتمه منزله . مشگلدی چوخ مصیبته تاب ایده آنام آسوده بلکه بو گیجه نی خواب ایده آنام . بیرده بابا سولاندا منیم عمر گلشنیم باشیم کسنده قوی یوزیمی تپراقا منیم . ایتدی بیان هامی سوزونی ایلدون قبول آخر سوزون ولی منی چوخ ایتدی دل ملول . گلشنده گل سولاندا دوشر یاپراق اوستونه من قویمارام سنون یوزوی تپراق اوستونه . #گریز . ای جامۀ نشاطینی هر دهّه ده سویان قاره گیوب آدینی حسین عاشقی قویان . بو مجلس عزاده گلون همّت ایلیک دشت غمه خلیلون اوزین دعوت ایلیک . میدان کربلاده دوروب سینه داغلاسون گلسون حسینون اکبرینه باخسون آغلاسون . تپراقلار اوسته گوردی حسین اوغلینون یوزون قان لخته سی باشیندان آخوب دولدوروب گوزون . نظم وجودینی ووروب اوخ نیزه بیربیره صد برگ گل کیمی داغیلوب گوئیا یره . معبودون عشقی باشدا دیز اوسته اوغول باشی آز قالدی قان اولا او شهون گوزده گوز یاشی . قویدی یوزون اوغول یوزینه دینجَلَنمَدی هی سسلدی آتا بالانی نطقه گلنمدی . بو صحنۀ بلانی ویرن اولمیوب سراق باخدی آتا جوان بالاسی چالدی ال ایاق . آهیله سالدی عالم امکانه شور و شین بیر کیمسه اولمادی دیه که آغلاما حسین . مشکل اولوب حسینینه درک ایتدی مسئله زهرا قیزی یتوردی اوزین فوری مقتله . اولموشدی اشک ماتمه آلوده معجری تلّی انوب قاچا قاچا اوخشوردی اکبری . ای محنتی حسینی سالان حالیدن حالا ای برج معرفتده ایشیقلی آیوم بالا . وی دشت کربلایه آخان سو کیمی قانی قربان اولا آخان قانوا عمّه وون جانی . بیر حالدا گوردی زینبینی شاه کربلا یاددان چخوبدی اکبرینون دردی برملا . تاب ایتمدی باجیسنی اُول حالیده گوره فوراً اوغول باشینی دیز اوستن قویوب یره . سنسیز دئدی دئمه اورگیم دینجلور بالا مندن گلایه ایلمه عَمّون گلور بالا . یوخسا آتون قوراردی عزا مجلسی گنه قویمازدی قان دوتان یوزوی تپراق اوستونه . دلده آدون قویوبدی گوزی یاشلی قزلاری منله دانشموسان دو بیبونله دانش باری

عید قربان #گریز به شهادت حضرت علی اکبر(ع) #سبک_زینبم_جان_اوستیم علی مظفری(مظفر) وئردی زینت اوغلونا سالدی اوگون هاجر یولا سَپدی گوزیاشین دالیجا بینوا مادر یولا گوردی که گوزدن اوزاقلاشدی داشوبدور غملری توکدی رخساره دمادم اشگ حسرت گوزلری قالدی محنتدن اورکده بی نوانین اللری سوز آهیله سپردی قلبیدن اخگر یولا باخدی حسرتلن قد رعنایه چکدی دلدن آه یوز دوتوب عرشه دئدی ای عالمه امّیدگاه یولّادیم اسماعیلی کوه منایه اُول گواه نیلیوم دوزمور اورک حسرت باخور گوزلر یولا هئچ آنا دؤزمز غمه ای خالق عرض و سما ئوز الیله اوغلونا زینت وئروب سالسین یولا ایلدیم اسماعیلی ئوز امروه خاطر فدا حَقلیم گوزدن توکم هجرینده اشگ تر یولا اگلشوب ائوده چکوب غملن قاپوسین باغلادی اوغلونی یاده سالوب هی قلب زارین داغلادی قویدی باشین غم دیزی اوسته دویونجان آغلادی سَرمدی لیلا کیمین هاجر ولی مَعجَر یولا قیتروب اسماعیلی سالم حقِ یکتا اوگون آیری بیر قربان گلوب گوگدن یره گویا اوگون بیلمورم بس نیلدی قلبی یانان لیلا اوگون ئوز الیله گیدیروب خلعت دوشوب اکبر یولا باخدی دقّتلن قدِ رعناسینه دلگیر اولوب ائتدی فرمایش علی قلبیم باشی غملن دولوب لیلینین گلزار عمری بادِ ظلمیلن سولوب گل منی قوی قبره اوندان دوش گلِ احمر یولا صبر ائله اوغلوم ایاقون آلتدا قوی معجر سالوم وقت هجراندور دایان تا عطروی بیرده آلوم اولما راضی بو بلالی دشتیده یالقوز قالوم طاقت ایستور گوز قباقیندن دوشه دلبر یولا آیریلوب گئتدی آناسیندان او نورسته جوان ائتدی لیلانین یارالی قلبینی هجرینده قان اللری قالدی اورکده ایلدی آه و فغان عرض ائدوب اکبر دوشور ای خالقِ اکبر یولا چوخ آنانین اوغلی ایلوب دهریده عزم سفر باتمادی ئوز قانینه اکبر کیمی هئچ بیر نفر اولمادی اسماعیلین باشی اوگون شقّ القمر توکمدی غمدن یوزه گوزیاشی پیغمبر یولا گلدی اسماعیل سلامت غم کشیده هاجره دگمه میشدی نیزه و پیکان او زیبا پیکره هئچ زمان اسماعیلی اوخشاتماق اولماز اکبره چونکه سالم دوشدی قربانگهدن اول سرور یولا بیرگون هاجر توکدی حسرتله عذاره گوزیاشین آچمادی اسماعیلین نعشینین اوسته ئوز باشین وردی امّا قلب لیلایه فلک ظلمین داشین توکدی گوزیاشین اوگون لیلای غم پرور یولا دگمدی اسماعیلین باشینه خنجر یاره سی ئولمه میشدی هاجرین اللرده ماه پاره سی گئتمدی لیلا کیمین اصلا الیندن چاره سی توکمدی لیلا مثالی زلفینی هاجر یولا قطعه قطعه پیکری دوغرانمادی اسماعیلین ائتمدی ئوزقانی الوان پیکرین نه کاکلین عمرینین باد ستم سولدورمامیشدی حاصلین اولمادی بیر کس دییه لیلایه معجر سر یولا چکمدی هاجر اوگون لیلا چکن بو غملری سولمادی اللرده ظلمیلن گل نیلوفری دوغرادی دشمن ولی لیلانین اوغلی اکبری مرکب اوستن دوشدی گویا نوگل پرپر یولا جمع ائدوب نعشین عبایه شهریار محتشم گتدی اخیامه اورک داغلی گوزینده اشگ غم باش آچوب اکبر غمینده جملگی اهل حرم دوشمدی ئوز خیمه سیندن مادر مضطر یولا

خروج از مکه #گریز به مصائب در راه کربلا و #راه_شام . مرحوم یحیوی اردبیلی . ذیحج آیینون سگّیزی ایش مشکله دوشدی ائو صاحبی اَل چکدی ائویندن چوله دوشدی ترک ائتدی حجازی یولا بیر قافله دوشدی دروازه ده چاووش اجل دوشدی قباقه یول باشلادیلار گئتمگه صحرای عراقه . . عفریت جهان باشه قرا معجری سالدی یعنی گئجه نون عالمی آفاق قرالدی گویده سیخیلوب پارچا بولوط گوشه ده قالدی چوخ صاف چوخ آرامیدی صحرانون هواسی ترس آوریدی کوهلرون دور نماسی . . نه سس نه صدا وار نه ندا دشت و بیابان چکمیش فلکه باش او جبال عربستان مکه چولینون قوملاری دریا کیمی لرزان آتلار ایاقی آلتدا خاریلداردى او قوملار اولدوز ایشیقی آلتدا پاریلداردى او قوملار . . سسلندی حَرا داغی او دم کهف وفادن آواز بلند اولدی داخی کوه منادن بیت الحرم و مشعر و زمزمله صفادن آخر گئدیشون اولدوقینا سرعت ائدورسن خوش گلدون حسین ایستدیگون یولدا گئدورسن . . ای جدّیمون اصل وطنی خانۀ معبود ای شاه ولایت آتاما منزل مولود ای مکّه خدیجه آناما مرکز مقصود آیریلدی حسین گئتدی خداحافظون اولسون اوز مقصدینه یتدی خداحافظون اولسون . . زینب اوتوروب تخت روان اوسته موقّر اطرافینی آلموشدی جوانان هنرور اجلالینی آرتیرمیش اونون آلتی برادر نجدی دوه لر سو کیمی یولّاردا آخوردی زینب دولانوب مکّیه حسرتله باخوردی . . اشرافی عمارتلری درک ائتدی اوزاقدان ظلمت بورویوب یوخدی اثر شمع و چراغدان هر دم گورونور ذرّه ایشیق بعضی اتاقدان بو منظره دن قلبی اونون نسگله گلدی اول شهره خطاب ائتدی او خاتون دیله گلدی . . ای مرکز وحی ازلی مهبط جبریل وی مولَد ختم نبوی صاحب تجلیل دروازه سی پروازگه طیر ابابیل ای حضرت ابراهیمون ارزشلی مقامی مشهور اولان ای مذبح اسماعیله نامی . . ای دوره ده کی باش باشا چاتمیش اوجا داغلار وی بو گئجه نون عالمی یاتمیشلار اویاقلار ای حجّده لبیک دین زنده دوداقلار ای حاضر اولان مقتل اضحیده فدالر وی جامه ی احرامده مشغول دعالر . . ای صحنه ی جانبازی بدرون شهداسی وی جنگ احدده بابامون عضو جداسی ای حمزه نون اسلامده تکبیر صداسی شاهد اولون هنداوغلی جفا فرصتین آلدى اللهون ائویندن بیزی چولدن چوله سالدى . . وقتیکه اولور محکمۀ یوم قیامت اوردا قورولار حُکمه ترازوی عدالت سیز اوندا وئرون مالک دیوانه شهادت اسلامه یزیدون ستمی ریشه کن اولدی ریحانۀ اسلام جلای وطن اولدی . چوخ تند گئدور قافله آسوده و آرام منزللری طی ایلدیلر تا سحر آخشام زینب بیر امیدیله ائدردی اورگین رام بیر کوفه ده که بش ایل اونون حکمی یروردی بو گئتمگی گویا او گونه مثل گوروردی . ناگاه ایکی مرد عرب اولدی نمایان مکه طرفین قصد ائلیوب تند و شتابان احضار ائلدى اونلاری سلطان غریبان فرمایش ائدوب هاردان ائدوبسوز سفر آیا عرض ایلدیلر کوفه دن ای سرور بطحا . حضرت سوروشوب کوفه ده آیا نه خبر وار عرض ایلدیلر آلما خبر خوف و خطر وار یوخ خیر اثری کوفه ده چوخ فتنه و شر وار #مسلم طرفیندن باشون ای شاه سلامت تنها دایانوب نوش ائلدى جام شهادت . بو اوّل ماتمدو سر راهده دوردی زینب او بیاباندا عزا مجلسی قوردی اوراق بلا دفترینی بیر بیره ووردی آینده سینی گوردی او بانوی دل افکار بو فاجعه دن بولدی که باشینده نه لر وار . ذیحج آینون تا ایگیرمی یدّیسی اولدی گون ایستیسی گرمای عطش دللره دولدی اهل حرم آشفته نوب گل کیمی سولدی افسرده لنوب حالت مردان سلحشور حتی یئریمک اولمادی حیوانلارا مقدور . فرمان یتوب عباسینه میراب سفردن مین طشت مس اندیردیله کوهان شتردن دشت عربستاندا اونی دوزدیله یئردن سو مشک لرین آچدیلا سو توکدیله طشته لب تشنه لرون یتدی الى نهر بهشته آتلار دوه لر ایچدی ازل آب گوارا خوردا بالالار اوندان اولوب سیر من الماء سیراب اولوب آخرده زن و مرد سراپا مرسومدی بو گونده اودور طشت گذاری احبابی ائدر سو یئرینه گوز یاشی جاری ظهریدی همین قافله ی مرگ حمایل ناگاه اولوب لشکر #حرّیله مقابل طوفانه طرف گئتدیله ال وئرمدی ساحل گرچه اولاری حر، بلا بحرینه سالدى بعدا آیلوب گلدی وفا رتبه سین آلدی تا شهر حرامون ایکیسی کرب و بلاده فُلک شهدا لنگر آچوب بحر بلاده وئردیله بو جریانی خبر ابن زیاده سعد اوغلونا امریه ی لشکر کشی اولدی پی در پی او صحرایه قشون سیل کیمی دولدی . القصه شب قتل کئچوب اولدی سحرگاه میداندا صف آرالوق ائدوب لشکر گمراه مردان خدا پرچم آچوب با دل آگاه حر و وهب و مسلم و فرزند مظاهر انصار و مهاجر ائدوب حمله متواتر . اوز سینه لرین آچدیلا پیکان اورا دگدی باش وئردیله تا خنجر برّان اورا دگدی قول وئردیله شمشیر شتابان اورا دگدی هر تک تکی آتدان یخلا قلبی أسردی گوردوکلری منزللره روحی تله سردی . بیر عاشق أولا ایستدیگی یاری اوزاقدا دلدار ائوینه عزم ائده عشق عطری دماغدا بو یولدا تیکان نیزه سی سانجیلسا ایاقدا بارماقینه داش دگسه داشون قهرینی بیلمز مستغرق اولان عشقه تیکان زهرینی بیلمز . چون خانه ی دلداره گئدوردی شهدالر 👇👇ادامه

شجاعت حضرت امیرالمومنین علیه السلام در خیبر #گریز به حضرت ابوالفضل علیه السلام 📝 صادقی مراغه ای هانسی گروهین بئله سالاری وار شیعه لرین حیدر کراری وار کیمدی علی عارف ذی جاهیدور خلقتین اسرارینه اگاهیدور شانی بویوکدور اسد الله یدور ملک ولایتده شهنشاهیدور نوریدن افلاکیده درباری وار کیمدی علی ؟ تیغ دوسر صاحبی زبده مبارزدی هنر صاحبی تک دئمه دعواده ظفر صاحبی بلکه مولف دی اثر صاحبی نهج بلاغه کیمی اثاری وار خلقه وئریب درس شرافت علی شه لره اورگتدی عدالت علی اولمادی پابند ریاست علی قلبلره ائتدی حکومت علی گور نه قدر ایندی طرفداری وار صدقیله (صادق )گینه عنوانی یاز مدحت شاهنشه مردانی یاز خیبری فتح ائتدیقی جریانی یاز ذکر ائله یا فاطمه ؛دیوانی یاز چون خانیمین دستمدد کاری وار غزوه خیبرده نبی پیر حق امر ایلدی یا علی ای میر حق ال الیوه قهریله شمشیر حق تا گوره لر عرصه ده ای شیر حق سن کیمی اسلامین علمداری وار امره اطاعت ایلدی بو تراب عرصه ده فورا یارادیب انقلاب پوزدی یهودین سپهین اول جناب سسلدی دین پایه سی اولماز خراب راس ده چون احمد مختاری وار مرحب او دم اگه اولوب مطلبه بیلدی دوشوب لشکری تاب وتبه قلعه نی ترک ائتدی مینوب مرکبه عرصه ده باخدی او شه اطیبه گوردی عجب قامت ستواری وار مرحب ئوزی جنگده مشهوریدی بیر یل گردنکش و پرزوریدی قدرت بازو سینه مغروریدی ظالمیدی چشم دلی کوریدی حقی او گورمیردی نه انواری وار چکدی قلیج یکه سوار عدو سسلدی غیظیله او بی ابرو صحنه دعواده منم جنگجو عرصه نی الان ائدرم زیرو رو منله کیمین جرات پیکاری وار شیر خدا قویدی قدم عرصیه دوشدی ایله لرزه او دم عرصیه صولتیلن ویردی علم عرصیه باخدی او دریای کرم عرصیه گوردی کی بیر دشمن غداری وار مرحب ظالم دئدی برتر منم جنگیده مین فرده برابر منم نعره چکیب قان توکن اژدر منم فخر یهودم یل خیبر منم هانسی دژین من کیمی خونخواری وار سسلدی مولا ده دلاور منم تیغ دو دم صاحبی صفدر منم گر تانیمورسان تانی حیدر منم شیر خدا یار پیمبر منم هانسی شهین من کیمی سرداری وار جنگی غرض باشلادی پیل یهود تیغی گلوب فرق امامه فرود چاتدی جراهت باشینا سیندی خود ایلدی بیر حمله شه ملک جود پنجه ده شمشیر شرر باری وار گویدن انیب ساعقه تک ذولفقار مرحبی ائتدی درکه رهسپار روح المین نازل اولوب بی قرار ئوپدی امامین الینی پیک یار دست حقین گور نئجه زواری وار راوی دیور گوردوم علینی عیان قوزادی خیبر قاپیسین ناگهان قلعه نی فتح ایلدی شاه جهان قهریده چاتماز اونا هئچ قهرمان چون قولونون قدرت قهاری وار سالدی بوقول یادیمه بیر آیری قول طبعیمه ای روح قدس یاور اول نهر فرات اوستونه سال فوری یول کیمدی دئیر گور سووا تئز مشکه دول حیدره تای قوه لی قولاری وار کیم دی بو مولا شرف ناسی دور گنج شرافتده کی الماسیدور روح صفا صاحب احساسیدور کان وفا حضرت عباسیدور ماه کیمی جلوه لی رخساری وار #شجاعت_حیدریه #شجاعت_عباسیه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

پندیات - عبرت نامه #گریز به احوالات کوفه حاج داود بیدق داری دنیایه گَلَن قالمیاجاق درک ائله ای دل بئل باغلاما سالما ئوزیوی مشگله ای دل کیم گَلسه بش اون گوندن علاوه قوناق اولماز دلخوش ائلمه نفسووی بومنزله ای دل هرگُل خوش اولارپرپرائدرتئز اونی امّا چولده تیکانی یوخلاماز ایلدن ایله ای دل تبدیل ائلیرگلشنی مخروبه مزاره گوزداغی وئررآیری دوشن بلبله ، ای دل چوخ شاهلاری بیرگونده یخوب توپراقا سالدی یاندیردی ائوین وئردی کولونده یِله ، ای دل گورنیلدی آخرده علی اوغلی حسینه سالدی یارالی باشینی اَلدن اَله ای دل خُردایلدی گُل تک بدنین قوملارین اوسته وُردی قالانین بوینونا بیرسلسله ای دل زهرا قزینی گوزلری آغلارقولی باغلی میندیردی اوزون یولدا سنق محمله ای دل #گریز به کوفه قارداش باشی سرنیزده زینب قولی باغلی هئچ باجی دوزنمَز بئله بیر نسگله ای دل گوردی باجی قارداش باشنی نیزه نین اوسته دقّت ائله بوصبری کَسَن مشگله ای دل عرض ایلدی قرآن اوخی ای ناطق قرآن سرنیزده قرآن اوخیان باشووه قربان ای شیعه لرین قانه باتان سروری قارداش آدوندی بلاکش باجووین ازبری قارداش تارِسرِزلفون الیمی باغلادی یوخسا باغلانمازیدی زینبووین اللری قارداش چوخ دوز یئدیلرکوفه لیلرخوان علیده ئولدوردولرآخرده ولی حیدری قارداش حقّّ ِنمکی گورنه ادا ایلدی کوفه؟ چوخ سختیدی حقّی بیلَنَه باوری قارداش داشلاری یغوب دامنه بومردم نادان سندیردیلا مِرآت حقِ داوری قارداش داش صحبتی یاندیردی منیم قلبیمی ایکاش ویران اولا بوشهرِجفاپروری قارداش بیرگوزلرون آچ گورنه قیامتدی حسینیم برپا ائدوب الله ائله بیل محشری قارداش بیریانداچخورعرشه بالا قیزلارین آهی بیریاندا اولورشهریده خُنیاگری قارداش کول هاردان اوتوردی اوجمال اللهین اوسته؟ گرچه ،کول آپارمازآرادان گوهری قارداش سن گوهرنابِ ایکی دریایِ شرفسن ای فاطمه نین قانه باتان دلبری قارداش ای نیزده کی قانلی هلالیم نه باتوبسان اولما قوجالان زینبووی گوزدن آتوبسان؟ #پندیات #کوفه #دنیایه_گلن_قالمیاجاق_درک_ائله_ای_دل #بیدق_داری

وصیت امام حسن (ع) #گریز به حضرت قاسم (ع) # میانجی گل ای زمین بلاده یوزه توکن قانیاش سنه وصیت ائدوم قارداشون ئولور قارداش فنا جهاندا منیم گولمیوب یوزوم قارداش سنی گورنده ایشیق کسب ائدور گوزوم قارداش گلوب یانمدا اوتور وار سنه سوزوم قارداش آلوبدی طاقتیم الدن بو زهر الماسیم اماندی جان سنون جان منیم بالام قاسم یتیم دور آتام اوغلی اونا نظر سالاسان ملول اولاندا اونون گوگلونی اله آلاسان آتاسی یوخ بالامون سن اونا آتا اولاسان یتمیدور اونون عالمده نسگلی چوخدور یتیمه کیم ائده حرمت ثوابی آرتوخدور زمین ماریه ده غم گونونده آغلاماسون اونی شکنجۀ دوران عذابی داغلاماسون مواظب اول اونی دشمن او گون ایاقلاماسون بودور توقعیم آخر شفیع محشردن آییرما قاسمی هئچ وقته اوغلون اکبردن اگر چه عصریده باشی بلالی قارداشیدوم حلیم نفس، کریم و سخالی قارداشیدوم سنه حسین بو جهاندا وفالی قارداشیدوم بو چرخ کج روشون یا حسین الیندن داد ئوزیوه ایله گیلن قاسم اوغلومی داماد اولاندا خواهشی سندن توجه ائت سوزینه یتیملگین توزی قویما قونا اونون یوزینه که دولماسون بالامون اشک درد و غم گوزینه یانوب امام حسن شاهزاده نسگلینه گتوردی قاسم الین تاپشوروب حسین الینه قلم صحیفۀ قرطاسده دولانسون گر قوتار بو رشته نی گئت کربلایه ایله گذر وصیته نجه باخدی حسین تشنه جگر سپاه کوفه ائدوب کربلاده بیر بیداد حسینی قویمادیلار قاسمی ائده داماد دوتوبدی هر طرفی چنگ نای زمزمه سی دوتون وورون سسی آت شیهه سی قوشون هوسی یتشدی خیمۀ شاهه ، عمو هرای سسی یخوبلا قاسمی آتدان عمو هرایه یتش قالوبدی قربانون اللرده گل منایه یتش سالوبدی عرصه گهه فوری شاه دین توسن قیروب توکردی قوشوندان یره امام زمن گلوبدی سس : ایاق آلتدا عمو اَزیلدیم من ئوزون یتور منه یوخدور داخی کمک ایده نیم چاپوبلا نعشیمه آت خرد اولوب عمو بدنیم هرایه «نادری» یاز شاه کربلا گلسون باشی قلجلانان اول شاه لافتا گلسون اوغول آتاسیدی باش اوسته مجتبا گلسون خزان یتنده دوشر بلبلون یولی چمنه گلوبدی فاطمه باش ساقلقی وئره حسنه

#آرزوی کربلا #گریز به حضرت ابوالفضل العباس علیه السلام 📝 رحیم شایان دَیَر تمام جنانه صفاسی کرب وبلانون صفا و مروه دن افضل، مناسی کرب و بلانون نه کربلا که مطاف ملایک ایله بشردی عجیبهجلوه سی واردی نماسی کرب و بلانون بهشته طعنه وورور حد فاصل ایکی گنبد نه دلربادی خدایا فضا سی کرب و بلانون او سمت قبر حسین و بو سمت قبر ابوالفضل وزیر اوزاقدا بو باش پادشاسی کرب و بلانون سبب نه دور که دوشوبدی بو فاصله او مکاندا گریزه حاضر اول ای آشنا سی کرب وبلانون دوشنده آتدان ابوالفضل کنار علقمه ده دییردی داده گل ای مبتلاسی کرب وبلانون دگوبدی مشگیمه اوخلار یاتیبدی پرچم حسینیم دوشوبدی صاق سولوم ای مقتداسی کرب وبلانون یامان گونومدی حسین جان یوبانما تیز گل هرایه دوشوب کمند جفایه هماسی کرب و بلانون آنان دا سینه سی داغلی گلوبدی دشت بلایه شروع اولوب دی برادر عزاسی کر بو بلانون بو پاره پاره وجودی آپارما خیمه یه ساری خجلدی تشنه لروندن فدا سی کرب وبلانون یانا یانا او دلاور چاغوردی حضرتی داده گلوب دی تا شه گلگون قباسی کرب وبلانون عمود ازن باشین آلدی دیز اوسته آغلادی بیر آز دییردی آچ گوزون ای مه لقاسی کرب وبلانون منیم پناهیم ابوالفضل امیدگاهیم ابوالفضل گوز آچ که ال چالوری اشقیاسی کرب و بلانون بلیم بوکولدی برادر ایوی ییخیلدی حسینین سنیله گیتدی دا قارداش صفا سی کرب وبلانون اءولوبدی اکبریم الان یوخومدی بیر کسیم عباس فقط قالیبدی او دیلسیز بالا سی کرب و بلانون نه حالته قالیب الان رباب آناسی او طفلین اونیلان ایتمدی سازش هواسی کرب و بلانون سرشک چشمیله شایان یازیبدی نوحه حسینه که بلکه بیر نظر ایتسین آقاسی کرب و بلانون