#در مدح ، توسل و ورود حضرت معصومه سلام الله علیها به قم و غربت ایشان #گریز به #ورود_شام . مرحوم حاج محمد حسین جنتی مقام ( صحاف تبریزی ) . ای درد غربتیله اولان باغری قان خانیم دلدن شرار آتش هجره یانان خانیم . اهل قبیله ائل وطنیندن جدا اولان قارداش جمالینه گوزی حسرت قالان خانیم . کان حیا و عصمت و گنجینۀ وفا خورشید چرخ عفت و عرش آستان خانیم . معصومۀ زمانه و مظلومۀ جهان ریحانۀ پیمبره همنام اولان خانیم . گلمز مقام و شأن و جلالون تصوّره وار کیمده بو جلالت و بو عزّ و شان خانیم . بنت امام اُخت امام عمۀ امام حیراندی عقل شانیوه ای باغری قان خانیم . ایلر طواف قبرون ئوپر آستانه وی شام و سحر ملائک هفت آسمان خانیم . بو صحن و بو رواق بو ایوان زرنگار ایلوب بو قم دیارینی رشگ جنان خانیم . قبرین گورن بهشت برین ائتمز آرزو دوشمز خیال جنته تا وار جهان خانیم . یاد ایلدوقجا حالیوی قانه دونر گوگول بی اختیار اولور یوزه اشکیم روان خانیم . شهریزدن آیریلاندا سنی سالدیلار یولا چوخ عزت و جلالیله پیر و جوان خانیم . طیّ منازل ایلدون آغلار گوزیله سن باشدا هوای وصل امام زمان خانیم . قارداش دالینجا چوللره دوشدون فغانیله هم ناله اولدولار سنه لاهوتیان خانیم . وارد اولاندا عزتیله قم دیارینه چخمیشدی پیشوازیوه مرد و زنان خانیم . الده گلاب شیشه لری عود مجمری شا باش ایلردیلر باشیوا گول عیان خانیم . آلمیشدیلار کجاوه وون اطرافینی تمام بعضی دعا و بعضی ویرردی اذان خانیم . قرآن اوخوردولار قاباقونجا نظاملن آچمیشدیلار تلاوته نطق و بیان خانیم . دوشموشدی بیر منادی قاباقدا چکوردی جار شهر اهلینه ویروردی سنی کیم نشان خانیم . آگاه اولون بو شهره امام عمه سی گلور موسی الرضا باجیسی ملک پاسبان خانیم . باب الحوائجون قیزیدور احترامینی واجب ایدوبدی خلقه حقِ مستعان خانیم . . #گریز :: #ورود_شام . . اما اولاندا وارد شام آل مصطفی چخمشدی پیشوازه هامی شادمان خانیم . عَمَّه ن بتوله نایبه زینب علی قیزین بیر پیشواز ائتدی او گون شامیان خانیم . اللرده چنگ و بربَط و طنبور نای و نی آغلار او حاله ایندیده قدوسیان خانیم . گَه کول توکردیلر باشینا گاه اودلی نی ویران اولیدی کاش بو کون و مکان خانیم گاهی دیردیلر که بولار خارجیدولر نه حاله دوشدی اوندا او بی خانمان خانیم . قرآن اوخوردی نیزه ده لَحن حجازیله رأس مُنیر پادشه انس و جان خانیم بیر داش آتوب عجوزه دگوب سجده گاهینه دلدن دوشوب آخوب یوزونه تازه قان خانیم . گوردی او حالی زینب عُلیا مخدره عرشه اوجاتدی شیون و داد و فغان خانیم . بی اختیار چالدی باشین چوب محمله قانه بویاندی زلفی یوزی لاله سان خانیم . #تخلص . « صحّافه » ایله گوشۀ چشمونله بیر نظر مدتدی درد الیندن اولوب ناتوان خانیم . ویرّم سنی امام رضا جانینه قسم قیل چاره دردیمه ئوزون ای مهربان خانیم . دریای لطف سن صِله می ایله تئز عطا تا وار حیات اولوم سنه من نوحه خوان خانیم . اولما رضا حضور امام رضاده من سندن آچوم شکایته بیرده زبان خانیم . صِدقیله پاک درگهیوه دوشموشم دخیل مأیوس اولوب بیری بو قاپودان هاچان خانیم 🕌🌺🌺💐 ((خوش گلموسن بو ئولکیه ای خوش)) قدم قوناق! باشدان باشا قم اولدی سنیله حرم، قوناق! (همسایه سایه ات به سرم مستدام باد) کولگون باشیمدان اولماسین عمریمجه کم، قوناق! شهر قما گلن گونووی بیز اونوتماروق واجبدی حُرمتون بیزه ای محترم قوناق! 🔰 23 ربیع الاول : سالروز ورود حضرت معصومه (س) به قم #صحاف_تبریزی  لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ورود پربرکت حضرت معصومه (س) به شهرمقدس #قم #گریز به #کوفه .. علیرضا حضرتی . .. های دوشدی قم دیارینه بیرکاروان گلور اول کارواندا سویملی بیر میهمان گلور . گلزاره دؤندره بو یئرین شوره زارینی چادرشبینده عطر ریاض جنان گلور گولدی که اهل عشقه وئرور مژدهٔ بهار ائتسون وجودی چوللری چون گلستان گلور . حورا هوسله مقدمینه ساچلارین سَریر حلقه ویروب باشیندا اونون پرزنان گلور . مژده وئرون که شاد اولا عشاق فاطمه شهره دئیون که فاطمه دن بیرنشان گلور . شأن ومقامی شأن من الشأنیدور اونون حیران جلال وعزتینه قدسیان گلور . پیغمبرین عزیزه سیدی دخت مرتضی آل رسول مریمی دی مهربان گلور . بلبل سرود وصل اوخویور دیلده مین درود شوق وصالیدن پر آچوب نغمه خوان گلور . قلب کویر قمدا او بانوی بانوان قؤرسون بیر آستان ملک پاسبان گلور . رحمت هماسی سایهٔ مهرین سالوب یئره آل اللهین حریمین ائده آشیان گلور . کیمدی کی عصمتیله شرف هم رکابی دی حجب وحیا وعفتیلن توأمان گلور . دخت امام,اخت امام,عمه ی امام کوتاه عز و رفعتینه آسمان گلور . هجران یوروبدی قلبینی مین شور وعشقیلن دیلده رضارضا دئیور اشکی روان گلور . ترک ایلیوب مدینه نی سودای طوسیلن قلبینده موج ائدور غم ودرد نهان گلور . هرکیم اشیتدی چکدی الین کار و باریدن اؤپسون تراب مقدمینی جانفشان گلور . بیر عده لر که قوچ قوزی قربان دوزوب یولا قربان ائده بیر عده سیده نقد جان گلور . عرشه چیخیبدی هلهله لر شور وشوقیدن ائتسون نظاره منظره نی عرشیان گلور . گولدی گول اوسته مقدمینه هی نثار اولور گویا آشوب داشور طبق کهکشان گلور . دیلده وَ اِن یَکاد اوزرلیک توکور اودا مین شوقیلن زیارتینه بانوان گلور . دورین آلوبلا محملینون بیر نگین کیمین گؤر نه شکوهیلن او ملک پاسبان گلور . دوتموش مهار ناقه نی موسای اشعری موسایه افتخار ائلیور شادمان گلور . به به بو ازدحامه بو شور و ارادته اخت الرضادی راکب تخت روان گلور . اما دوشوبدی یادیمه بیرآیری منظره فکر ایلینده قلبیمه غم بی کران گلور . کوفه قیامتی گؤز ائوینده اولور عیان شرح ایلسم فغانه زمین و زمان گلور . فریاد اوجالدی خارجی لر گلدی هارداسوز غوغائیلن چخوب قاباقا کوفیان گلور . زینب سینیق کجاوه ده افسرده حالیلن غمدن رشیده قامتی اولموش کمان گلور . یوخ یددی قارداشی ئولنه تسلیت وئرن الده حنا زنان قاباقا کف زنان گلور . یوللار کسیلدی بسکی جماعت هجوم ائدوب کیم ماجرایه آگه اولوب بی گمان گلور . کیمسه دئمور پیمبرون اولادیدی بولار امت الیندن اولموش هامی باغریقان گلور . زینبدی فاطمه بالاسی مرتضی قیزی باشینده بیر بولوک قره معجر سالان گلور . بیلمم کی هانسی دینده دی کوفه ملتی آل رسوله ظلمون ائدوبدی عیان گلور . تصویره هئچ قلم چکه بیلمز او صحنه نی دیللر بیان حادثه دن ناتوان گلور . داش کوفه ده یاغوردی او گون آسمانیدن عالملره دوشوب شرر عرشه فغان گلور . قویموشدی کوفه اهلی او دمده مسابقه ویرسین نشانیه داشینی داش آتان گلور . بعضی دئیوردی خیرداجا قیزلاری داشلیون داد و فغانه گؤر نجه اول کودکان گلور . اول اوچ یاشیندا سویگوله وئرمیون امان بو ایش او قدی خم خانیما چوخ گران گلور . عباس هایاندا زینبینون بو گونون گوره او یوخدی جرأته بو ستم پیشگان گلور لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ورود پربرکت حضرت معصومه (س) به شهرمقدس قم #گریز به #کوفه .. .. روح الله رمضانی ( خاکی ) .. .. .. .. آیلار ایچره نه گوزل آیدی ربیع اول آیی ائتمه ایراد دئسم گر بو آیین یوخدی تایی اولدی بو آیدا قومون بانوی اسلام پایی ائله کی ییرمی اوچی گلدی یتیشدی بو آیین گوردیلر فاطمه نون قملولار ایراندا تایین .. .. .. .. ساوه دن گوردیله بانوی کرامتدی گلور اسوه حجب و حیا الگوی عفتدی گلور آدی معصومه اوزی پیک جلالتدی گلور باش ایوریولدا کی گوللر قره چادر شبینه هامی ایستوردی جلودار اولا اول مرکبینه .. .. .. .. شوق و ذوقیله چیخوب فوری قم اهلی قاباقا گه کنارینده کچوردیله صولا گاهی ساقا حکم قرآندی گرک حرمت اولونسون قوناقا دئدیلر بیز سنه قربان ائدروک جانیمیزی قدمون جنت ائدوب حسنیده ایرانیمیزی .. .. .. .. گوزلر اوسته دئدیلر قوی قدمون قویما یره شهپرین مقدموه وار یری جبریل سره کیمدی گرد قدمون لعل بد اخشانه وئره هم آتوندی بیزه هم دهریده قارداشون امام بیز غلاموک سنه ای بانوی ارزنده مقام .. .. .. .. هرکس اوز عشقینی اول حضرته اعلان ائلدی خاک راهیندن ئوپوب خدمت شایان ایلدی اشعری طایفه سی قوچ قوزی قربان ائلدی موسی خزرج اونا اولدی جلودار اوزی خدمتینده واریدی گونده گجیله گونوزی .. .. .. .. موسی خزرجه اون یدی گجه اولدی قوناق هی دولوب هی بوشالوردی خانیما خاطر اتاق یاندیروردی اورگین لیک گنه نار فراق آرزوسی بوئیدی دردی دوایه یتشه گوزونون ایشیقی قارداشی رضایه یتشه .. .. .. .. نگرانسان دئدیلر سن ندن ای محرم راز ندو رعلت ائلییورسن بو قدر سوز و گداز نیه حالون پوزولوب بانوی والای حجاز دوتولوبدی اورگون غملی گلورسن نظره گوزلرون لحظه به لحظه بویانور اشک تره .. .. .. .. سن وفا محورینون جلوه لی بیر کوکبی سن طی ائدوبسن بو اوزون یولاری روز و شبی سن گر رضا اولسا حسین سنده اونون زینبی سن سنده زینب کیمی باشلاره سعادت تاجی سان عشقیده عالم آرا زینبه بنزر باجی سان .. .. .. .. سنده زینب تک اوزون غرق محن ایلموسن قارداش آردیجا دوشوب ترک وطن ایلموسن بو کویر اولکه نی سن باغ عدن ایلموسن ای حجازه ملکه سن هارا قم شهری هارا برکت خلق ائلیوبدی قدمون قملولارا .. .. .. .. #قم دیارین بیزه منت دیکی ترک ائتمییسن طوسه گِتسون بودی قورخی هدفه یتمییسن هارا گِتسون گِدَه سن کوفیه کاش گتمییسن کوفه اهلی نین اولا یوزلری محشرده قرا کوفه ده حرمت ائدن اولمادی یورقون قوناقا .. .. .. .. قمون اهلین ائلمه کوفه نین اهلیله قیاس کوفه لیلر کیمی بیزلر دگولوک حق نشناس تسلیت عرض ائدروک گیسه قوناق قاره لباس رسمیمیزدی قوناقین باشینه بیز گول سپروک کوفه لیلر کیمی نه طعنه وئروب کول سپروک .. .. .. .. آتماروق بیز قوناقین سمتینه طعنه داشینی ویرماروق قارداشینون نیزیه قانلی باشینی حالینه یانوق اورکدن توکروک گوز یاشینی تیر طعنیله داخی داغلی دیلین داغلاماروق کوچه لرده قولی باغلی قوناقی ساخلاماروق لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ورود پربرکت حضرت معصومه (س) به شهرمقدس قم #گریز به #کوفه .. .. روح الله رمضانی ( خاکی ) .. .. آیلار ایچره نه گوزل آیدی ربیع اول آیی ائتمه ایراد دئسم گر بو آیین یوخدی تایی اولدی بو آیدا قومون بانوی اسلام پایی ائله کی ییرمی اوچی گلدی یتیشدی بو آیین گوردیلر فاطمه نون قملولار ایراندا تایین .. .. ساوه دن گوردیله بانوی کرامتدی گلور اسوه حجب و حیا الگوی عفتدی گلور آدی معصومه اوزی پیک جلالتدی گلور باش ایوریولدا کی گوللر قره چادر شبینه هامی ایستوردی جلودار اولا اول مرکبینه .. .. شوق و ذوقیله چیخوب فوری قم اهلی قاباقا گه کنارینده کچوردیله صولا گاهی ساقا حکم قرآندی گرک حرمت اولونسون قوناقا دئدیلر بیز سنه قربان ائدروک جانیمیزی قدمون جنت ائدوب حسنیده ایرانیمیزی .. .. .. گوزلر اوسته دئدیلر قوی قدمون قویما یره شهپرین مقدموه وار یری جبریل سره کیمدی گرد قدمون لعل بد اخشانه وئره هم آتوندی بیزه هم دهریده قارداشون امام بیز غلاموک سنه ای بانوی ارزنده مقام .. .. هرکس اوز عشقینی اول حضرته اعلان ائلدی خاک راهیندن ئوپوب خدمت شایان ایلدی اشعری طایفه سی قوچ قوزی قربان ائلدی موسی خزرج اونا اولدی جلودار اوزی خدمتینده واریدی گونده گجیله گونوزی .. .. .. .. موسی خزرجه اون یدی گجه اولدی قوناق هی دولوب هی بوشالوردی خانیما خاطر اتاق یاندیروردی اورگین لیک گنه نار فراق آرزوسی بوئیدی دردی دوایه یتشه گوزونون ایشیقی قارداشی رضایه یتشه .. .. نگرانسان دئدیلر سن ندن ای محرم راز ندو رعلت ائلییورسن بو قدر سوز و گداز نیه حالون پوزولوب بانوی والای حجاز دوتولوبدی اورگون غملی گلورسن نظره گوزلرون لحظه به لحظه بویانور اشک تره . .. .. سن وفا محورینون جلوه لی بیر کوکبی سن طی ائدوبسن بو اوزون یولاری روز و شبی سن گر رضا اولسا حسین سنده اونون زینبی سن سنده زینب کیمی باشلاره سعادت تاجی سان عشقیده عالم آرا زینبه بنزر باجی سان .. . .. سنده زینب تک اوزون غرق محن ایلموسن قارداش آردیجا دوشوب ترک وطن ایلموسن بو کویر اولکه نی سن باغ عدن ایلموسن ای حجازه ملکه سن هارا قم شهری هارا برکت خلق ائلیوبدی قدمون قملولارا .. . .. #قم دیارین بیزه منت دیکی ترک ائتمییسن طوسه گِتسون بودی قورخی هدفه یتمییسن هارا گِتسون گِدَه سن کوفیه کاش گتمییسن کوفه اهلی نین اولا یوزلری محشرده قرا کوفه ده حرمت ائدن اولمادی یورقون قوناقا .. .. قمون اهلین ائلمه کوفه نین اهلیله قیاس کوفه لیلر کیمی بیزلر دگولوک حق نشناس تسلیت عرض ائدروک گیسه قوناق قاره لباس رسمیمیزدی قوناقین باشینه بیز گول سپروک کوفه لیلر کیمی نه طعنه وئروب کول سپروک . .. .. آتماروق بیز قوناقین سمتینه طعنه داشینی ویرماروق قارداشینون نیزیه قانلی باشینی حالینه یانوق اورکدن توکروک گوز یاشینی تیر طعنیله داخی داغلی دیلین داغلاماروق کوچه لرده قولی باغلی قوناقی ساخلاماروق لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

عزیمت و ورود حضرت معصومه سلام الله علیها به شهر مقدس قم #گریز به #ورود_شام .. .. مرحوم سید احمد یاسر نجفی (ثریا تبریزی) .. .. گلدی خیالیمه گینه بیر ماجرا غریب بو ماجرایه لطف ایله لطفیله یا غریب . موسی بن جعفرین قیزی زینبدن ارث آلوب یوز قویدی طوسه گیتماقا اول باوفا غریب . چیخدی وطندن حضرت معصومه شوقیله یازموشدی اول غریبه امام رضا غریب . زرّین کجاولرده چیخوب ناتوان غم تختین آلوب آرایه ایدوب خوش صفا غریب . دوشدی قباقه قرای قرآن نظامیله آوازیله تلاوت ایدوب هل اتی غریب . بیر نوعی احترامیله زرّین کجاوده ویردی او شهره مقدمی نور و ضیا غریب . صلوات گوندرن او قدر التفات ایدوب دریای چرخی موجه سالوبدور صدا غریب . یانموشدی عود مجمرده دور تختیده دولموشدی عطر و مشکیله صحن و سرا غریب . گور خواهر امام رضانین جلالتین دوشدی خیاله زینب بی اقربا غریب .. .. .. .. #گریز #ورود_شام .. .. گور شام شومه داخل اولوب نه جلالیله یاندی بو حالیدن جگر مرتضا غریب . مرکب سنیق کجاوه ،جلو داری شمر اولوب شامه گیدوب نه حالیله اول با وفا غریب . شام اهلی مجمر عوضینده ووروبلار اود شعله چکوب عمامۀ زین العبا غریب . قرآن تلاوت ایلینی نوک نیزه ده اولموشدی رأس شه کربلا غریب . گزدوردی شام اولونجا او ویرانه شامیده شامه یتوشدی منزل آل عبا غریب . بیرمسجد خرابه ده منزل ویروبدولر نه شام و نه چراغ نه بیر آشنا غریب . گزدی نقدری زینب نالان تاپانمادی بیماره فرش ایتماقا بیر بوریا غریب . یازمور قلم، سنده «ثریا» دایان بس ائت تحریر قیلما، عمَّندن ایله حیا غریب لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

▪️زبانحال حضرت معصومه سلام الله علیها #گریز #زینبیه_شهادت 🎼سبک :: دولانور علی قیزی مقتلی و ... بالام آغلاما ... باجی دور گئداخ ... نه قدر دالینجا دولانموشام ئولورم رضا ئولورم رضا بیلوسن فراقیوه یانمشام ئولورم رضا ئولورم رضا باجی دوشسه قارداشین عشقینه اونی عشق ئوزی چکر هر یانا وطنی مدینه دی معصومه سنین عشقیوه گلوب ایرانا ئولورم سنی گوره بیلمدیم نیه دونمسون اورگیم قانا گل اجل یولوندا دایانمشام ئولورم رضا ئولورم رضا او گونی که شهر مدینه ده سنی آغلیوب یولا سالمشام اورگیم دوشوبدی تلاطمه بیر اسفلی حالته قالمشام دئموسن که من گله بیلمورم باشیما عزا شالی سالمشام سنه چوخ وفالی یارانمشام ئولورم رضا ئولورم رضا .  گینه دلخوشام بو مسافرت منی سالدی درد و مشقته سنی گورمسم گئده بیلمرم گوزی یاشلی بیرده ولایته باجین ایندی قمدا مریض اولوب اونا لطف ایله گل عیادته سنی حجت حق اینانموشام ئولورم رضا ئولورم رضا . بو دیاره بش دنه قارداشی سنه خاطر ایلدوم همسفر(۱) او خرابه ساوه ده جنگ اولوب هاموسی شهادته یتدیلر بویانوبلا لاله کیمین قانا سنین عشقیوه عمو زاده لر او گونی عزا گونی سانموشام ئولورم رضا ئولورم رضا . . یتیشوب ئولوم خبرین منه ساری گل مثالی سارالمشام او گونی که گلمیشم ایرانا چمنیندن عطریوی آلمشام او قدر رضا دیوب آغلادیم اودی آز زماندا قوجالمشام گهی غش ائدوب گه اویانمشام ئولورم رضا ئولورم رضا . . . بو خانمدا فاطمه دور فلک یخلوبدی بستره اشگبار نه ووروبلا محسنی سقط اولوب نه دگوبدی سینه سینه فشار نه ده وار علی کیمی شوهری نه حسین کیمین گوزل اوغلی وار او دیین سوزه من اینانمشام ئولورم رضا ئولورم رضا . . . ایکی باجینین چوخ علاقه سی نه دن اولدی بو ایکی قارداشا بیری فاطمه، بیری زین اب دئمیون دویوبدیلا گوزیاشا بیری جان وئرور گوزی یولدادی بیری نیزه لرده باخور باشا نه دیوردی قانه بویانمشام ئولورم رضا ئولورم رضا . . . اورگی یارالیدی «جعفری» دیه بیلمیوبدی یارالیام نچه که بو آل پیمبرین محنی اورکده عزالیام ای عزیز حضرت فاطمه سیزه بیر غلام وفالیام علمون دالیجا دولانموشام ئولورم رضا ئولورم رضا 🎼#سبک_بالام_آغلاما_گلوم_آغلاما ( 7 سبک برای سینه زنی و زنجیر ) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

«زبانحال حضرت معصومه(س) باامام هشتم درحال احتضار» #گریز به #زینبیه_شهادت . سبک : 👇🙏 تا مشکتو تو آب زدی ... حسین دوشوبدی مقتله ... . . حاج افشین بابک اردبیلی . . بو غربت ئولکه ده دوشوب باشیم بلایه یا رضا چخور جانیم آدامسیزام یتیش هرایه یا رضا . بو غربت یرده انیسیم آه و فغاندی هایاندا قالدون رضا جان صبریم تالاندی گوزوم یوللاردا قالوب قارداش باغریقانم باجون معصومه وئرور جان تئز گل اماندی . غریبم هارام وار اؤرکده یارام وار رضا جان ... . باشی بلالی باجیام کمند عشقه بسته ام ئولوب آتام عزالیام غمین و دلشکسته ام . الون قربانی گوزومی گل باغلا قارداش اؤرگیوی غم اوتوندا سن داغلا قارداش اجل گلدی ، باشیم اوسته بیر آغلیان یوخ منه گل ایندی عزا ساخلا آغلا قارداش . غریبم هارام وار اؤرکده یارام وار رضا جان ... . . قرا گونه بو باجوی سالوب زمانه هارداسان بهار عمرومی فلک وئروب خزانه هارداسان . وصالوندن ای گل زهرا بی نصیبم مریض عشق اولموشام امّا بی طبیبم فراقون سالدی منی چوخ درد و بلایه غریبانون ضامنی گل منده غریبم . غریبم هارام وار اؤرکده یارام وار رضا جان ... . . اگر چه باشیمی فلک سالوبدی غصّه و غمه بلالریم هاچان چاتار بلایِ زینب عمّه مه . وئروردی جان شامیده یورقون هم عزالی بدن خسته اللری یاره باش یارالی اؤرک غملی قانلی بیر کوینک سینه سینده دیوردی گل هارداسان ای زهرا مارالی . غریبم هارام وار اؤرکده یارام وار حسین جان ... . . رشیده قدّی دوندروب داخی کمانه آیریلیق منی ئوز عشقیم ئولدورور اولوب بهانه آیریلیق . باجون سندن آیریلاندان یانموش بلاده قوجالتدی دردون منی دشت نینواده باجون ئولسون قالدی گل جسمون قوملار اوسته چخور جانیم گوزلریم قالدی کربلاده . غریبم هارام وار اؤرکده یارام وار حسین جان ... . لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

«زبانحال حضرت معصومه(س) باامام هشتم درحال احتضار» #گریز به #زینبیه_شهادت محمد علی مصیبی تبریزی غربت   مکاندا    دوشدوم   ایاقدان گل باشیم اوسته باجون وئرور جان واگیر: باخ گوزده کی _ قان یاشیمه گل   سایه وی _ سال باشیمه سن شمع بزم هرانجمن سن شمس الشموسِ وجه الحسن سن تنها   امید  معصومه سن سن گل باشیم اوسته باجون وئرور جان بیر مرغ عشقم شهپرشکسته جان اوستیم  من نالان  و خسته گل باشیمی آل قارداش دیز اوسته گل باشیم اوسته باجون وئرور جان ای  باغبانیم   صولدی   گولونده جان اوسته  باجون غم محفلینده سن  یازدیقون   بیر نامه  الینده گل باشیم اوسته باجون وئرور جان کیم سویلرآخماز غربتده کوکب جان وئردی حتی غربتده زینب هردم  حسینون  ایلوب مخاطب گل باشیم اوسته باجون وئرور جان غوغای  زینب  چاتدی  تمامه شمشیر عشقی  قویدوم  نیامه سالدیم گینه من یول شهرشامه گل باشیم اوسته باجون وئرور جان گل قویما صولسون گلشنده یاسیم هم گلسین عباس هم نازلی قاسیم بوردا قورولسون عالی مراسیم گل باشیم اوسته باجون وئرور جان ایستیردی گویلوم ای شاهزاده اولسون مزاریم کرب وبلاده شام اولدی قبریم قالدیم آراده گل باشیم اوسته باجون وئرور جان لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شهادت حضرت زهرا (ع) #گریز به #کوچ_کربلا مرحوم نادری میانجی او گون که دار فنانی وداع ایدوبدی بتول اولوبدی موج غمه غرق دودمان رسول . . اوچوبدی طایر غم بوش قالوبدی بیت حزن فضای یثربی دولدوردی آه و درد و محن حسین عزایه باتوب قاره پوش اولوبدی حسن یتیشدی بارش غم ابری زینبون گوزینه یتیملگین توزی قوندی حسن حسین یوزینه . . سنیق قولیلا شکسته دلیله جسمی نزار اگر چه ئوز وطنیدی اولوب غریبه مزار ایدوبدی پیک اجل دخت مصطفانی شکار جهان قرا گینوب دوشدی شور واهمیه عزا دوتوب هامی عالم جناب فاطمیه . . قالوبدی ورطۀ ماتمده شیر لم یزلی دوباره بیکس اولوب شیر کرد گار جلی حسن حسین ایکی قیز قالدی بیر جناب علی وفات فاطمه مشگل ایدوب علینون ایشین حقوقی غصبدی ظُلّام الینده خانه نشین . . گجه زمانی کومک یوخ اولوبلا دلخسته سویوندوروبلا او خاتونی تخته نین اوسته غریبلر کیمی غسل ایلوبله آهسته شرار آتش غم قلب حیدری دَلدی جنازه اوسته او وقته حسن حسین گَلدی . . حسن دیردی حسینون امید ایوین یخما اوشاقدی دیندیر اونی قلبنی آنا سخما حسین دیردی سوزومدن منیم آنا چخما محبت آتشینه قلبیمی آلیشدیر آنا منی چوخ ایستیوسن گر منی دانشدر آنا . . بو آز زمانیده دویماز جوان آنا بالادان کیچیک اوشاقه چتیندور یتیم اولا آنادان آنا محبتین اولماز اوشاق آلا آتادان قولون سنقدی دیمم دور منی قوجاقیوه آل ولی شکسته قولون بیرده آچ بو بوینوما سال . . سن اولماسون دئ کیمون سایه سینده دالدالانیم کیمون امیدینه یثرب ایچینده آرخالانوم آناسیز ایتمه منی باشیوه آنا دولانوم سن اولماسون کیم اولار باشیمی دیز اوسته آلا سیلوب گوزوم یاشنی بوینوما قولونی سالا . . حسینوم منی گل ایتمه بو زمانه ده خوار گیدوبدی جدّیم الیمدن سنه گمانیم وار آناسیز اولسا اوشاق رنگی گل کیمی سارالار یاتار آنالی اوشاقلار آنا قوجاقنده آناسیز اولسا قالار کوچه لر بوجاقنده . . یتیم اولان اوشاقین دهرده یوزی گولمز آناسیز اولسا اونون دردین اوزگه لر بیلمز نقدری آغلاسا بیر کیمسه گوز یاشین سیلمز توجهون منه یوخدور سولان بو کوکبه باخ دوروب یانوندا الى قولتوقندا زینبه باخ . . یتنده سوز بویره زینب اول وفا کانی قوجاقلیوب بالاجا قیز آناسی زهرانی یانوخلی دیللریلن آغلادوبدی دنیانی دیدی بلالی باشیم دوشدی غملره ایوای جوانلقندا سولان گل لری آنام لالای . . اولوم ملالیوه قربان بلالیسان مادر وطن غریبی اولوبسان هارالیسان مادر قوجاقلیوم نجه نعشون یارالیسان مادر حسن حسینله کلثوم ایستیور آناسین آنانین اولسا علاجی نجه آتار بالاسین . . همان حسیندی که مادر جهانی داغلیاجاق ئولونجه زینب غمدیده قاره باغلیاجاق حسینیم آغلاسا گوگده ملک لر آغلیاجاق گوروبله گلمدی سس توکدی گوزلریندن یاش جنازه اوستنه آتدی ئوزون ایکی قارداش . . مقاتل اهلی یازوب دوشدی عالمه شیون گلوب تلاطمه ناگه همان یارالی بدن معاینه گورونوبدور آچیلدی بند کفن وروبدی فاطمه اود ئوز دل حزینه سنه آچوب قولون حسنینی آلوبدی سینه سنه . . بو حالتیله خانم عالمی غمه گتدی بئشیک کیمی اولاری سینه اوسته ترپتدی یتیم نوازلقی زهرا حسینه ئورگتدی سالور خیاله بو سوز کربلا بلیّه سنی حسین ده آلدى قوجاقه او گون رقیّه سنی . . محرم آیی یتوب اون بیر محرم اولوب على عیالینه اولگون دوباره ماتم اولوب سوار ناقه اولاندا قزین بیری کم اولوب او قیز رقیه ایدی گلدی چیخدی گوداله قوجاخلیوب یارالی نعشی ایلدی ناله : . . دور ای رقیه نی گوزدن سالان یارالی بابا بلالی باشیوه قربان اولوم بلالی بابا باشی جداده گزن جسمی کربلالی بابا بیزی اسیر آپارور شمر اولوبدی مستحفظ دیدوم بابامه گیدوم عرض ایدوم خداحافظ . . حجازه سروریدون ای بابا تلون واریدی رقیه آدلی سنون بیرجه سؤگلون واریدی گجه گورنده باشون یوخ ولی الون واریدی ندندی گلشن دینه خزان یلی اَسدی باشیوی شمر کسوب بس الیوى کیم کَسدی . . رقیه دور سنه مهمان ، گوب ایا شه دین بو رسم دور که قوناقه ایده له خوشگلدین قوناقوین نه دی علت سوروشموسان دردین بدنده یوخدی سنون صاف یرون هاروندان اؤپوم اجازه ویر بابا قلبونده کی یاروندان اؤپوم . . نه گوندی من گورورم نفرت اولسون ایّامه نه ال قالوبدی نه باش وار نه باشدا عمامه قوجاقه آلمیاسان گیتمرم بابا شامه خیال ایتمه سودان اوتری باشون اوسته گلم سو ویردیلر بیزه سندن صورا سوسوز دگولم ادامه دارد👇👇 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

در مدح و شهادت حضرت امیرالمومنین علیه السلام #گریز به #قتلگاه . . #سبک_زینبم_جان_اوستیم ... 4 سبک . مرحوم خوندل تبریزی . ای جمالی کعبه ی اهل حقیقت یا علی سن شهید اولدون شهید اولدی عدالت یا علی . . کوفه ده ظاهرده بیر یعسوب دین ئولدوردولر باطناً آیات قرآن مبین ئولدوردولر یعنی کفر اهلی امیرالمومنین ئولدوردولر قویدولار اسلامیده ظلم اهلی بدعت یا علی . . بیر نه تک آل علینون قلبینی قان ایتدیلر بیر غلط منظوری بو مورد ده عنوان ایتدیلر وجه وجهُ اللهی القانیله الوان ایتدیلر قانیویله دولدی محراب اطاعت یا علی . . بو غلط حکمه بو گون دشمنده ایلر اعتراف عمروعاصیله ایدوب تا پور سفیان ائتلاف حُکم منفور حَکَم اسلامیدی آچدی شکاف قالدی بو آثار شومی تا قیامت یا علی . . زاده ی ملجم، او بی شرم خطاکار و لعین اولدی تا بیر بی حجابیله گئجه خلوت نشین وعده ی وصل آلدی اولسون مُنهَدم ارکان دین قتلیوه اولدی اودا بیر عمده علّت یا علی . . اوز جمالین بی حیا قُطّامه تا ویردی نشان زاده ی ملجمدن آلدی جلوه سی ... لینگ کانال در ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

نوحه و روضه امیرالمومنین علیه السلام . . #سبک_ای_باد_صبا (بیش از 7 سبک ) ✍سید بشیر حسینی میانجی . ضربت ویریلوبدور شهِ مردانه الهی! محراب عبادت بویانوب قانه الهی! . شمشیر جفادن سر حیدر یارالاندی حتّی دل خونین پیمبر یارالاندی سانکی تئزَدن سینه‌ی کوثر یارالاندی قان آخدی گئنه صفحه‌ی قرآنه الهی! .. تا زهریلی شمشیر، باشا ائتدی اصابت یئر گؤی آراسیندا دئدی جبریل او ساعت سیندی قسَم آللّهیمه ارکان هدایت حتّی ائشیدوب اُول سسی بیگانه الهی! یئر تیتره‌دی گؤی تیتره‌دی اسدی قئره یئل‌لر قان آغلادی داشلاردا، آخوب قؤرخولی سئل‌لر یوز مسجده ساری گتیروب غصّه‌لی ائل‌لر ووردیلا باشا گلدیله افغانه الهی! جان و دیلیلن ایلیورم محنتی احساس القصّه حسین و حسن و حضرت عباس گَتدیله ائوه حضرتی اُول لحظه‌ی حسّاس غم رنگی دوتوب خانه و کاشانه الهی! . قیز خَلقی مصیبت‌لی زمانی دؤزَه بیلمز خاصّه آناسیز قیز غمه، آنی دؤزه‌بیلمز گؤرسه آتا باشینده یارانی دؤزه‌بیلمز صبر ایله عطا زینب نالانه الهی! . آچدی قاپونی گؤردی آتاسین قانا غلطان بیردن ایکی الّی باشینا ووردی هراسان سسلندی بابا! زینبون اولسون سنه قربان اُول صحنه وورار اؤد دل انسانه الهی! . . #گریز . دوزدور بو گئجه عترته بیر غملی ماجالدی بیر غم گونی وار اوندا فغان عرشه اوجالدی زینب یارالی قارداشینی گوردی قوجالدی عرض ائتدی: نظر ایله بو قربانه الهی! . اوغلانلاری قارداشلاری القانه باتوبلار بو چولده باتار کَن قانا، آماله چاتوبلار چوخ گورمَلی‌دی یاره‌لی یان یانه یاتوبلار قان سو تک آخور غصّه‌لی میدانه الهی! . گوزیاشیم آخور یاره‌سینه، سیلمورم آلله! من باغلیوم هانسی یاراسین بیلمورم آلله هئچ بیلمورم آخر نیه من ئولمورم آلله! دردیم وار الیم چاتموری درمانه الهی! . درده دؤزَرم سن کیمی چون دادرسیم وار دوزدور او قوشام کی غم و محنت قفسیم وار عهد ایلیورم تا نقَدر کی نفسیم وار قان آغلیارام شاه شهیدانه الهی! . یارب! سنی آندا وئریرم “یاربَ”ه خاطر خوار ائتمه “بشیر”ی بو گوزل مطلبه خاطر عفو ایله حسین و حسن و زینبه خاطر شایسته ائله روضه‌ی رضوانه الهی! لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🏴#شهادت_حضرت_علی_ع ▪️#یتیم نوازی حضرت علی علیه السلام ▪️#گریز به #حضرت_رقیه_شهادت باب سخا علی علی درده دوا علی علی سینۀ اهل حقّیدن عقده گشا علی علی مشکلون اولسا هر زمان صدقیله سسله یا علی پیکرۀ کرم علی بندۀ محترم علی فلسفۀ قِدَم علی فرصت مغتنم علی مائدۀ نِعَم علی نفس مسیحه دم علی ورد زباندی دمبدم شیعیه مقتدا علی سرور و رهبریم علی مسجد و منبریم علی ساقی کوثریم علی شافع محشریم علی دافع غملریم علی دیلده که ازبریم علی من سگ آستانیم هی دیرم آقا علی مرشد و مفخریم علی عشق مقدَّریم علی مونس و یاوریم علی قلبیده باوریم علی حافظ سنگریم علی اوچماقا شهپریم علی سوزلریمه جلا علی گوزلریمه ضیا علی ذکر و اطاعتیم علی حسن عبادتیم علی عمریمه زینتیم علی خلقه وصیتیم علی عزت و شوکتیم علی شأن وشرافتیم علی هر ایکی دهریده منه مونس علی رجا علی زینت انجمن علی لذت هر سخن علی سجده ده راضی ایلیوب سائلی قیترن علی هاردا گلر زمانیه قاتله رحم ائدن علی سویلدی عفو ائدر سنی ئولمه سه مرتضی علی صحنۀ هر جهادیده پنجه سی اود توکن علی فعل مدبرانه سی تخم وفار اکن علی بیوه لره یتیم لره هر گئجه باش چکن علی آج یاتوب عاجز امته بذل ایلین غذا علی مسند حقده اگلشوب کهنه قبا گین علی نوکرینه لباسینون تازه سینی وئرن علی کوچه به کوچه نصف شب ناله ائدوب گزن علی هر آتاسیز آدامسیزا چاره سیزه آتا علی قید مقدراتیده قوللاری باغلانان علی باب سخا و عزتی شعله چکوب یانان علی فاطمه سی یارالانان سینه سی داغلانان علی حکمت حقدن ایلین همتیله حیا علی پنجۀ عدلی ایلین پایۀ ظلمی ریشه کن آتمیش اوچ ایل حیاتیده سِلم خدا یولون گئدن قلبینی غصه لر یاران دردینی چاهه کشف ائدن سوز دل یتیمیلن مونس و همصدا علی بیر گونی مرتضی علی کوچه دده طی راهیده بازی ائدولَّه بیر نچه طفلی ائدوب مشاهده لیک اولارون دوروب بیری غرقیدی سوز آهیده حسرتیلن باخوب یانار گوردی او بینوا - علی گلدی اونون کنارینه مهر و وفالی مرتضی آلدی او طفلیدن خبر حجت حیّ لایری وار نه دلیلی سن گیدوب اویناموسان گوزل بالا دردیوی قیل بیان اوغول تا ایله سون دوا علی باخدی علی جمالینه حسرتیلن او طفل زار سویلدی روزگار ایدوب قلبیمی غملره دچار غصه لیم ئولوب آتام بختیم اولوبدی تیره تار تنگیدی بیر قفس کیمی روحیمه ماسوا علی شعلۀ آهیمه وورار جور زمانه دامه قوی بو ئورکده دردیمی ایندی آچوق دیوم سنه یوخدی آتام قوشولمیور کوچه ده تای توشوم منه ایلیوب اهل ناریدن غصه منی جدا علی بیلدی او نیک منظرون تا که علی ئورک سوزون قلبینی یاردی تیر غم دولدوروب اشکیله گوزون آلدی اونی قوجاقینه ناز ایلیوب ئوپوب یوزون اولدی او غملی طفلکون دردینه آشنا علی قیلدی بیان او کودکِ غم کشه خسرو انام سنده قوشول اوشاقلارا اوینیوب اول خجسته کام کیمدی سوروشسالار آتون سویله علینون اوغلیام سنده بو مدعا ایچون دیلدن اولار رضا علی نازیله گز بو شهریده ای گل ناز خوشمرام غم یمه غمگساریوم هر سوزون اولسا من وارام اوغلوم حسینیدن سنی عاطفه ده آیرمارام بیکس و بینوالری دائم ائدر دعا علی عارفه « #سیفی » سوز گرک جلب توجه ایلیه یغدیلا آل حیدری شامیده بیر خرابیه ئولدی رقیه گلمدی دفنینه مرتضی نیه زینبی سینه داغلیوب هی چاغوروردی یا علی گل بابا بو خرابه ده آتش ظلمه یانمیشام قارداشیمون سولوب گولی اشک غمه بویانمیشام یوخدی کفن رقیّمه هر طرفی دولانمیشام نازلی نَوون ننم کیمی اولدی گونی قرا علی جور زمانه سوزدوروب حقّ ائوینون ستاره سین کسدیله نازدانه مون ظلمیله راه چاره سین ئولدی علاج ائدنمدیم یوزده کی سیلی یاره سین تاپمادی درد و غصه دن نازلی نَوَن شفا علی غنچه نی سولدوروب فلک وئردی بو چولده یللره هامّی چوخ ایستین قزون ماتمی دوشدی دیللره بوکدوم علاجیم اولمادی آغ گولی قاره معجره دفن الیدیم خرابه ده قلبی یانان یانا علی گون سحر ایستیر چخا گوگده دان اولدوزی باتار بلبل اوچار چمنلره ساحتِ وصلته چاتار هاردا منیم رقیه سیز بیرده ملر گوزوم یاتار باتدی ایشیقلی اولدوزوم قلبیم اولوب یارا علی عمر ایلیوب اوچ ایل بالام عزته نایل اولمادی فاطمه تک حیاتینه دهریده مایل اولمادی چون یارالیدی قوللاری عسلیده کامل اولمادی گور نجه قاره بخت ایمیش بو قره گوز بالا علی ✍سیفی اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨