گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان امام حسین ،ع،و حضرت ابالفضل(ع) https://t.me/Asheghane_Hazrate_Abalfazll در تلگرام کانال اشعارمداحی ترکی

درده دوادی آقام ابوالفضل محمدباقر منصوری صوتی قسمتی از متن این مداحی : #عباسیه_مدح درده دوادی آقام ابوالفضل باب شفادی آقام ابوالفضل معدن جودو سخاوت دی بو کوه وقار و شجاعت دی بو معنی عشق و شرافت دی بو روحه صفا دی آقام ابوالفضل درده دوادی آقام ابوالفضل باب شفادی آقام ابوالفضل آدی مریضه شفا پایلار عشقی قلوبه شفا پایلار دردی اولان گه دوا پایلار بهر سخادی آقام ابوالفضل درده دوادی آقام ابوالفضل باب شفادی آقام ابوالفضل .بانوای زنده یاد مرحوم منصوری ☝️😔 التماس دعا از همه مادحین گرامی🙏 #نوحه_حضرت_ابالفضل_، ع، https://eitaa.com/Hazrate_Abalfazll

حضرت علی اصغر علیه السلام مرحوم رحیم منزوی اردبیلی ( آمال منزوی ) اود یاپیشدی سینَمه، لب‌لروندن اصغریم بوشلا دوشلَریم، ئوپوم اللروندن اصغریم قوی سارالمیش عارضون سینَمه یاپیشدیریم اودلو یوز گوزونله بیر سینَمی آلیشدیریم کوسمه منّتون چکیم، قوی سنی دانیشدیریم لذّت ائلییم شیرین دیللروندن اصغریم من نه قدری قلبیمی غصَّدَ‌ن اووشدوروم لب‌لرون نئجه قورو دوشلریمه یووشدوروم صبحه‌جک گَرَک بئله وقتیمی سووشدورورم بلکه صبح اولا فرج داوروندن اصغریم ایلدَ‌ن آرتیق اولدو بو آخرین گئجون منه اولمادی دیلون اوغول یاننام آغلارام سنه آخ نئجه دییَنمَدون چاره، یاندیم آی ننه حشره‌جک یانام گَرَک نیسگیلوندن اصغریم چوخ اوزاندی از قضا، صبح اولوب همان گئجه گلدی تیرِ حرمله چاتدی قالمادی گئجه قان ایچینده اصغرین گوردو بینوا نئجه وای دئدی نه قان سوزور تئللروندن اصغریم هر گول اکدیم ای گول! گولوستانه سَرمَدیم یاز گوروب آیاز گوروب بیرجه شاخه دَرمَدیم پرپر اولدو گول بالام، مَخمل اوسته سَرمَدیم توشه اخذ ائدَ‌نمَدیم گول پروندن اصغریم هانسی سود امَر یئتیب بیله نکته‌سنجیه قاتلیله روبرو قویدو پنجه پنجَیه یاخشی طاقت ائیله‌دون اوخ وئرَ‌ن شکنجیه وئر اجازه من ئوپوم حنجروندن اصغریم تئشنه‌لیک آغارتدی گول صورتون ایپَک کیمی باغرینا باسیب آنون هئی سنی اورَ‌ک کیمی ایندی قانلی صورتون رنگ آچیب چیچَک کیمی گول یوزون صفالیدی، پیکروندن اصغریم باخسا حرمله دئدیم قصّۀ درازیوه نرم اولار یاواش-یاواش قلبی سوز و سازیوه باغلی گورسه قوللارون آتماز اوخ بوغازیوه شرم ائدَ‌ر او باغلانان شهپروندن اصغریم‌ #نوحه_حضرت_علی_اصغر_، ع، https://eitaa.com/Hazrate_Abalfazll

‍ دور سنه قربان گئدورم رقیّه ،رقیّه گور نه پریشان گئدورم رقّیه ،رقیّه دور بالا عمّون قولونی آچوبلار،آچوبلار هم صاقینی هم صولون آچوبلار،آچوبلار کرب و بلانین یولونی آچوبلار،آچوبلار اکبره مهمان گئدورم رقیّه،رقیّه دور ئوزوم آلّلام گوزوون قاداسین،قاداسین الده قالوب غارت اولان اساسین، اساسین من کیمه سوغات آپاروم لباسین، اساسین دیده سی گریان گئدورم رقیّه،رقیّه گون که باتار روشن اولار چراغلار، چراغلار کیم سنی غربتده گلوب سراغلار، چراغلار قبرورون اوسته اوتوروب کیم آغلار، کیم آغلار من که یانوندان گئدورم رقیّه،رقیّه گئتدون ئوزون قالدی آدون دیلیمده، دیلیمده یوخدی فراقونده توان دیلیمده ، دیلیمده خورداجا گوشواره قالوب الیمده، الیمده قلبیم اولوب قان گئدورم رقیّه،رقیّه وای منی گوزدن نیه بس آتوبسان، آتوبسان خون دلیم گوزیاشیما قاتوبسان، آتوبسان قبریده یورقون یارالی یاتوبسان، آتوبسان من ولی نالان گئدورم رقیّه،رقیّه وادی بطحا یولووی گوزتلور، گوزتلور عترت طاها یولوی گوزتلور، گوزتلور غمزده صغرا یولوی گوزتلور، گوزتلور ایلورم افغان گئدورم رقیّه،رقیّه گوزلرون آچ بیر بیره وور دوداقون، دوداقون سویله عزیزیم نجه دی ایاقون ، دوداقون وای بالا ئولدوردی منی فراقون، دوداقون مونس هجران گئدورم رقیّه،رقیّه استاد کلامی زنجانی بامداحی زنده یاد استادسلیم موذن زاده https://eitaa.com/Hazrate_Abalfazll

‍ روضه قتلگاه زینبم بلالیم اییییی اورکدن یارالیام اییییی یدی قارداشیم ئولوب قلبیدن عزالیم اییییی (خیمه لر یانور خانم زینب گوردی الله اوشاقلار قاچور چولره ) زینبم بیابانان لشکریمی آختارام خیمه لر یانان یرده معجریمی آختارام توسی دوتوبدی هریری والله کارخمشام من کی بئله خیال ایدورم کریلا یانور بیری دیردی گلون نهر علقمه گیدیون بیری دیردی گلون عممه کمک ایدیون قهرمان زینب اوچولده هیچ بلادن دویمادی آختاروب عریان بدن تاپدی نوادن دویمادی ئوز جاننان دویدی اما کربلادن دویمادی (بیر لحظه باخدی دیدی حسین هر نیسکیلیم اولدی هر مشکلوم اولدی دیدیم کاش ننم اولیدی اگر ننم اولسیدی بئله اولمازدی بولمورم زینب حسیینی نجور گوردی دیدی حسین یاخجی ننم اولمادی) گر جوان ئولدی ننم مقتل بلاسین گورمدی بیز باجی قارداشن هجران ماجراسین گورمدی زینبین شامین حسینون کربلاسین گورمدی یاخجی کی زهرا سینونده اوخ یاراسین گورمدی آلتی مین اوخ بیر یانا اوچ شعبه پیکان بیر یانا دیدی حسین بو اوخ ورانون الری دوشسون بیلگینن بو اوخ باجون کاش دییدی اورگینن هانسی اورگین قانی چخبدی کورگونن https://eitaa.com/Hazrate_Abalfazll

بو گجه زهرا گلر اوغلو حسینین یاسینه زینبین کربو بلاده آه و واویلاسینه گلی غم دریاسینه کربلا صحراسینه بوجا شام غریبان قورخو وحشت گجه سی قان آتاش ظلم و ستم حیرت مصیبت گجه سی باجی قارداشه ننه اوغلونا حسرت گجه سی گلی خیمه لر یانوب کرب و بلا غوغاسینه خیمه لر یانماسینه العطش صاداسینه بو گجه زهرا گلر اوغلو حسینین یاسینه زینبین کربو بلاده آه و واویلاسینه گلی غم دریاسینه کربلا صحراسینه بو گجه قوملارین اوستونده گورر اکبر یاتیب قاسمین خنا یرینه اللره قانه باتیب ایکی قول چیخمیش قماطدان حرمله اوخون آتوب گلی لیلایلا ربابین آه و واویلاسینه گلی اکبر یاسینه قاسیمین خناسینه بو گجه زهرا گلر اوغلو حسینین یاسینه زینبین کربو بلاده آه و واویلاسینه گلی غم دریاسینه کربلا صحراسینه بو گجه صحرا پیکربلانی حیران دولاشی داملیان بیر منحرین قانین یاسینه اولاشی سوروشار باشسیز بدندن هانی اوغلومون باشی وای ننه حالینه وای باشسیز یاتان بالاسینه گلی عاشوراسینه اوغلونون عزاسینه بو گجه زهرا گلر اوغلو حسینین یاسینه زینبین کربو بلاده آه و واویلاسینه گلی غم دریاسینه کربلا صحراسینه https://eitaa.com/Hazrate_Abalfazll

روضه شام غریبان حضرت سیدالشهدا علیه السلام (شام غریبان گجه سی قارداشلار ئولوب بالالار ئولوب اورگی یارالانوب خانم دیدی سجادیم بالا بیردنه خیمه گور قوی بو بالالاریم استراحت السین ) خار ایدیب زینبی گردون زمان یاللعجب گوردی غم خیمه سینی دختر سلطان نجف قاپسین قویدی ولی نعش ابوالفضله طرف آندریبدی سوزونی بحر غم اولدوزلارینا ئوزی اما نگهباندی حسین قیزلارینا مختصر اولدی غرض شام بلادن سپری (شام غریبان گجه سی خیمه لر یانوب ، بالالار یورولوب، قارداشلار ئولوب) خیمیه ساری خانم گوردی گلور بیر نفری (گوردی بیر قرالتی گلور خیمه لر سمتینه ) اظهار ایدیبدی گلمه حسین باغری قان ئولوب من بیکسم قبیله ده پیرو جوان ئولوب قیزلاری مین دیلیه چادردا یاتدمشام گلر ایقلانوبدی گونوز باغبان ئولوب گوندوز منیم ایویم یخلوب خیمه لر یانوب گلمه اگر قوناق گلیسن میزبان ئولوب گوردی عورتدی گلن عترته یوخدور خطری آشنا مثلی حرمخانه دلداره گلور نظر خدمتی وار عترت اطهاره گلور (گوردی بیر خانم عورتدی شام غریبان گجه سی گلدی خیمه لر سمتینه) یتدی عورت خانمین محضرینه ویردی سلام بیر دولی مشک سو قویدی یره اول پاک مرام مرتضانین قیزینا ایلدی تقدیم طعام دیدی گوندوز بولورم اولدی گونوز قاره خانم بو طعامی بو سویی پایلا اوشاقلاره خانم (الینده بیرآز طعام بیرآز سوگلدی خانم، دیدی خانم بولورم بالالار یورقوندولار بو طعامی بوسویی اوشاقلارا پایلا) دیدی زینب هاردان گلیسن موقع شب منزلین هاردادی ای صاحب احسان و ادب کیم سنون گلمگیوه اولدی بو موقعده سبب نه بولوردون چوخالوب دلده غم و محنتیمیز نه بولوردون بو طعامه بو سویا وار حاجتیمیز ایندی کی سن خبرآلدین دیدی ای مام حیا اوبامیز واردی یاخندا منه منزلدی اورا گوندوز اول موقع طوفان خطرناک بلا نهریدن سو آپاروردوم ایویمه نوش الیم (دیدی خانم گونوز گونون اورتا چاقی گلمیشدیم نهریدن سوآپارام خیمه میزه بیر صحنه نی گوردوم اورگیمی یاندردی خانم، نمنه صحنه سی گوروبسن؟) بیر قوجاسیده دوشدی نظریم یوز گوزی قان بیر چوخور یرده دوشوبدور چوبالور سینه ده جان اورگیم یاندی اومظلومه دایاندیم نگران (گوردوم الله اویارالینین اله دوداقلاری دبریر یاخنلاشدیم گوردوم اله دوداقلارین ورور بیربیرینه ) ترپدنده ایکی القانه بویانمش دوداقون (یاخنلاشدیم گوردوم دیور) ئولدورور تشنیه دیوردی بو جماعت قوناقون (گلدیم بیرآز قاباقا سوال الدیم آی یارالی کیمسن؟ گوردوم یانایانا دیور) حجت حقم حسین بن علی روح بتول بی گناهم منی بو حاله سالوب قوم جهول (اله کی دیدی زهرا بالاسیام وردوم باشیما) دیدیم ایوای تاندیم ملتفت اولدوم سوزوی (گوردوم یارالی دوداقلاری وردی تپریر دیدیم آقا) سویوم حاضردی آقا نوش اله قربان گوزوه (گوردوم یارالی دوداقلاری وردی بیر بیرینه) دیدی یوخ آب فراته منیم اصلا هوسیم ایوین آباد اولا اولدون نه عجب دادرسیم (سنن بیر خواهشیم وار، حسینیم ندی خواهشین؟) بیرتمنا ایدیرم من سنه آخر نفسیم چاتا هی هات الیم بیرده آدامسیزلاریما بوسویی ساخلا گجه وقتی آپار قیزلاریما ضمن صحبتده اوعورت ایشیدیب صوت عزا دیدی کیمدور اوخانم ایلوری شدتله نوا (بولار ایکیسی دانشیر بوخانم گوردی بیر خانمن اله آغلاماق سسی گلور) دیدی زینب اومنیم قلبینی ایلوبدی کباب باوفا قارداشیمین همسریدور آدی رباب ملیور اول شبدن گوزونه گلموری خواب (اونون اوغلی ئولوب ، اونون صودامر بالاسی ئولوب اورگی یارالیدی) دیدی زینب اومنیم قلبینی ایلوبدی کباب باوفا قارداشیمین همسریدور آدی رباب ملیور اول شبدن گوزونه گلموری خواب کاش اولیدون غمینه باخبر ای پاک مرام اسرایه گجه وقتی نه سوگتیریدون نه طعام بو اوشاق الده گلیدون بورا ای خوش فرجام اوغلی ئولموش ننیه خدمت اولیدی بو گجه امدیریب دوشلرینی راحت اولیدی بوگجه (او خانم یالواردی زینبه خانم منی آپار ربابین یاننا اوغلی ئولن ننه یاننا زینب گوردی رباب دوشلرین آلوب الینه دیدی خانم کاش منه عصر عاشورا سو ویرمیدون دوشلریمه صوت گلیب منی اذیت الیر چاغردی سکینه نی دیدی قیزیم بو خانملان گیت بولارین قبیله سینه ) گرک سکینه بو گجه منه طبابت ایلیه قبیله دن بیر آج یاتان اوشاق گتور بو خیمیه دامارلانان دوشی امیب ربابی راحت ایلیه دیدی خانم خجالتم خجیل گیدن گلنمیوب خیال ایتمه کلفتون سفارشون بینمیوب گون اورتادان قبیله نین اوشاقلاری صوت امیوب نه واردی بولمورم گویون دوتوب عزا آی اولدوزی نه وار بوگون دونوب سویون دادی غذالرین دوزی اوشاق کی صحلیدور هله صوت امیوب قویون قوزی https://eitaa.com/Hazrate_Abalfazll

شام غریبان حضرت رقیه علیهاالسلام . #سبک_یخلوب_عباسیم . مرتضی اسکندری(ساعد زنجانی) . آنا یا زهرا گل ویرانۀ شامه شام غریبانه رقیم ئولدی قابار ایاقلارین باغلا یارالارین حسینه ریحانه رقیم ئولدی . یوخ الده چاره – قولاقدا یاره مهماندی بالام – پروردگاره . . . . گیجه لر آج یاتدی آناسین آغلاتدی بلایه توش اولدی بلالی باشی یاراسین باغلادیم اوتوردوم آغلادیم گوزوم قالدی یولدا گله قارداشی قبرین اوزوم قازدیم اکبر آدین یازدیم نه گلدی قارداشی نه بیر یولداشی یارالی طرلانیم سه ساله جیرانیم قالدی یانا یانه رقیم ئولدی . . . دای الیم بوش قالدی فلک گینه سالدی بلالی زینبون باشینا قاره بالامون قبرین من اوزوم قازدیم اما الیم گلمور جسمون قویام مزاره آتاسی بیر یاندا بالاسی بیر یاندا یاتیبدیلار اما ائلدن کناره بو بالانون داغی یاندیر دی آفاقی شرار سوزانه رقیم ئولدی . . . یاراسین غساله گوروب ایتدی ناله دیدی بو احواله توانیم یوخدی دیدیم ای بیچاره بوطفل بیماره ترحم قیل آیری گمانیم یوخدی بالاما غسل ایتدی قویوب یرده گیتدی مزاره قویماقا جوانیم یوخدی اونی قبره قویدوم بو دنیادن دویدوم باخوردی بیگانه رقیم ئولدی . #سبک_یخلوب_عباسیم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

بانوای مرحوم محمدباقر منصوری اردبیلی ‍ ‍ ‍ روضه قتلگاه ایوای باشی دالدان کسیلن قارداشم ایوای ایوای یوزی اوسته یخلان قارداشیم ایوای ایوای بالاسی اوخلانان عطشان قوجاقندا ایوای قالان عریان بدنی گون قاباقندا ایوای داغلان پیکری آتلار ایاقندا (آتلارون نعلین عوض اله دیلر دیدی حسین دوزدی ننم ام المصائب آدلانوب اما منیم مصیبتیم اولاردان باش گلدی کربلاده) اگر باشی ننمین کوچه ده بلالره دوشدی یوزونه سیلی دیوب گوشواره سی یره دوشدی ننمین هاردا گوزی شمر الینده خنجره دوشدی؟ گر جوان ئولدی ننم مقتل بلاسین گورمدی بیز باجی قارداشین هجران ماجراسین گورمدی زینبون شامین حسینون کربلاسین گورمدی یاخجی کی زهرا سینونده اوخ یاراسین گورمدی آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی بواوخ ورانون الری دوشسون بیلگینن بواوخ باجوون کاش دییدی اورگینن هانسی اورگین قانی چخبدور ککورگینن بانوای مرحوم محمدباقر منصوری اردبیلی https://eitaa.com/Hazrate_Abalfazll

ای خدا اوزون شاهد اول بونا اوخلانان علی اصغریمدی بو قانینی سنه تحفه یولّورام عرشیوه سنون زیوریمدی بو چکمیشم خزان دردی یِتمیشم عالم وفا نوبهارینه سو یرینه قان ویرمیشم بو گون گلستان دین لاله زارینه رسمیدور قزل گُل نثار ایدر عاشق اوز وفالی نگارینه گرچه بیر صولان غنچه دی ولی دسته ی گُل اَحمریمدی بو تا یازیلدی طومار ابتلا مطلعی من اولدوم او دفترین یازدیلار متمّم او دفتره آدینی ابوالفضل و اکبرین ایله فدیه لر ویرمیشم بو گون گورمیوب فلک مثل و مظهرین دفتر شهادتده حشریده شاهکار و سر دفتریمدی بو مقصد اَلستیم گَلوب اَله بو حسین الهی بو کربلا بو قُماط اصغر او حرمله بو بوغازداکی ناوک جفا ویرمیشم بو گون کوی عشقیده شوق اوزیله یِتمیش نفر فدا تک به تک اولار اصغر اولسالار شاهد اول اوزون اکبریمدی بو ایلدی بنی هاشمین آیی خاک و خون ایچینده بو گون خسوف آسمان عمریمده اکبریم آفتابیدی ایلدی کسوف ظلم اَلیله اوخلاندی اصغریم باشی نیزیه گیچسه یا رئوف باشینی گورن نیزه ده بُلر آی یانینجا بیر اختریمدی بو سوگُلون حسینم کمکسیزم، حالیمی ایدن کیمسه یوخ سراغ اولموری رضا اهل کوفه من غصه دن تاپام بیر نفس فراغ اکبرین هله داغی گیتمیوب چکدیلر او داغ اوسته تازه داغ وار یری دلیم اود دوتوب یانا پاره ی دل مضطریمدی بو یالقوزام غریبم اوغولسوزام دشمنیم منیم چوخدور ای خدا بو دیار غربتده بر نفر دادیمه یتن یوخدور ای خدا سسلینده هَل مِن مُعین منه سس ویرن قلج اوخدور ای خدا قیزلاریم سو ایستور خجالتم رفع خجلته رهبریمدی بو یوخ آلان اَلیمدن جنازه سین سوزِ غم ایدوب قلبیمی کباب اوغلوم اکبرین گَلموری سسی هر چه ایلورم نعشینه خطاب قارداشیم ابوالفضلی سسلورم نیزه و قلجلار ویرور جواب گیزله دَم گرک زیر خاکیده پر بها دُر و گوهریمدی بو بو جماعت شام و کوفه نین وصفه گَلمین دور شقاوتی وار بو غنچه ی نو شکفته نون برگِ گُلدن آرتوق لطافتی سود اَمَر اوشاق نازنین بدن سُمِّ مرکبیله نه نسبتی؟ ایستورم وجودی تاپولماسون دلده مقصد مُضمریمدی بو ای حبیب من اوخلانوب بالام منتهای مقصوده چاتمیشام باغریما باسوب قانلی قونداقین سر به سر اوزوم قانه باتمیشام اصغریم ایله حالیمی پوزوب اکبریمی یاددان چخاتمیشام بُلمورم آخور قانی قلبیمون یا که اشگ چشم تریمدی بو بیر نفر کمک سیز غریبیده نه قَدَر اولور ای خدا دوزوم؟ هر یانا بو چولده بو گون باخور دوغرانان جنازه گورور گوزوم عرصه گهده دورسام قوشون گُلر خیمیه گیدوم گَلموری یوزوم دوشموری دلیمدن علی آدی بسکه دلده چوخ از بریمدی بو قان دوتوب بوغازین باتوب سسی آغلامور داخی ایلیوبدی خواب عُذریله آناسیندان آلموشام وعده ویرمیشم اصغرینه آب نه یوزیله من خیمیه گیدوم خیمه نین قاپوسین کَسوب رباب حقّی وار گوروب قونداقین دیسه بوش قفسدی یا اصغریمدی بو؟ سس یِتیشدی دربار قدسیدن آغلاما حسین، صبر ایله دایان وار بهشتیده دایه سی بونون گوزلوری بالان فاطمه آنان تحفه یولّادون قانین اصغرین درگهیمده قیمتلی دور بو قان باشلاناندا دیوان معدلت لطف و قهریمه مصدریمدی بو باخما اصغره یانما آغلاما، کائناتی یاندورما یا حسین سود اَمَر بالان باغریوا باسوب چوللری دولاندورما یا حسین چرخ اطلسین دامنین بیله قانیله بویاندورما یا حسین چرخیده شفق تک قالار بو قان زینت خورِ اَنوریمدی بو سن منیم یولومدا بو سود اَمَر طفلی ایلدون تشنه لب فدا تا که جدّیوین امّتی اولا نار قهریدن حشریده جدا منده بو بالایه بغیشلرم ایتسه لر حسینی لرون خطا شامل ایلرم لطفیمی دیسه هر او کس منه- سروریمدی بو اولمیوبدی اولماز سنون کیمی بیر نفر وفاسین نشان ویره سو یرینه سو اولمیان زمان نخل دین اسلامه قان ویره ساخلاما اَل اوسته چکیده ی جانیوی یره قوی که جان ویره ایچمیوبدی ایچمز فراتیدن، تشنه ی یَمِ کوثریمدی بو ایچمه میشدی سو تشنه کامیدی، غنچه تک سارالمشدی صورتی قانیله بویاندورموسان یوزین قرمزی گُله وار شباهتی منتظردی زهرا گوزَتلوری بو گُلِ ریاض ولایتی پیشوازینه مرتضی چخوب میهمان پیغمبریمدی بو دوتما گوگلره قانلی صورتون، قان یاشیله دولدورما گوزلرون بارگاهیمه سالما ولوله، قوزاما گویه قانلی اَللرون محضریمده اثبات عهدیوه اکبروندن آرتوقدی اصغرون بو مناده اکبر فدادی بو، چوخ دیمه داخی اصغریمدی بو ای حبیب خلّاق لا مَکان، وی شهنشه انبیا غلام من حسینیم سعدی زمان درگهونده مستخدمم مُدام یازسان آدیمی کلبِ آستان کائناته فخر ایلرم تمام تاج و تختیله ایتمرم عوض سن دیسن اگر نوکریمدی بو #ای_خدا_اوزون_شاهد_اول_بونت #اصغریه #سعدی_زمان #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

سائل نالایقم من یا حسین ئوز سوزومده باقیم من یا حسین هرنه اولسامدا عزادارم سنه کربلا مشتاقیم من یا حسین گویلوم ایستور اصغره لای لای دیم قتلگه ده آغلیام ایوای دیم عاشق عاشق اولسا دل عمان اولار گوز یاشی آخسا یوزه طوفان اولار بولمورم یارب نه حکمت وار مگر تل زینبده ئوکلر قان اولار گویلوم ایستور اصغره لای لای دیم قتلگه ده آغلیام ایوای دیم گلشن کرب و بلاده گل آچوب نالیه دل  صحنیده بلبل آچوب ای صبا گیت دئه ربابه آغلاما سینیه سلطاندا اصغر دل آچوب گویلوم ایستور اصغره لای لای دیم قتلگه ده آغلیام ایوای دیم شور عشقی قلب و احساسیمده وار بحر غمده نچه الماسیمده وار گوزگوز اولسا دوز نظر سالسا گورر قان حناسی خیمه قاسیمده وار نه روادور سو چوله آخسون بیله یا رقیه آغلیوب ایوای دیه ایندیده گویا دیور عباس آقام نعشمی قارداش آپارما خیمیه گویلوم ایستور اصغره لای لای دیم قتلگه ده آغلیام ایوای دیم #سائل_نالایقم_من_یا_حسین #اصغریه https://eitaa.com/Hazrate_Abalfazll

‍ نوحه ی حماسی_به میدان رفتن قمر بنی هاشم(ع) _ جنگه گلور اُمُّ بنینون یَلی گوردوله سسلور اوجادان یاعلی طوفان سالوبدی_میداندا سقا احسن بویوردی_عباسه زهرا جانم ابوالفضل_جانم ابوالفضل(۲) _ حمزه یه اوخشور اوجابوی قامتی حیدره بنزور یریشی،هیبتی جعفری حیرتده قویوب صولتی پرچم الینده گویه گیتدی اَلی سقانی گوردی_قورخوشدی اعدا احسن بویوردی_عباسه زهرا جانم ابوالفضل _ جانم ابوالفضل(۲) _ تلّیده شاهددی امام زمان گوردی گیدور رزمه قوی پهلوان اَنّی کورک،بیر آلا گوز قهرمان نور خدادن ئورگی منجلی میدانه چاتدی_باشلاندی دعوا احسن بویوردی_عباسه زهرا جانم ابوالفضل_جانم ابوالفضل(۲) _ هر قدم آتدوقجا اونون مرکبی تیتروری میدان_تز آلور مطلبی شاد ائلییوبدی باجیسی زینبی نور رُخی،آل عبا مشعلی عشق ایلییوردی_باخدوقجا مولا احسن بویوردی_عباسه زهرا جانم ابوالفضل_جانم ابوالفضل(۲) _ گلشن زهراده گل یاسه باخ بیر طرفه، فرقه ی خَنّاسه باخ سس اوجالوب قان توکن عباسه باخ قان بورویوب قورخولی بیر مقتلی ساقیِّ طفلان_ایلوبدی غوغا احسن بویوردی_عباسه زهرا جانم ابوالفضل_جانم ابوالفضل(۲) _ اگمدی باش ذلته عباس آقا ویردی بها غیرته عباس آقا چاتدی گوزل عزته عباس آقا بو پسر ام بنیندور بلی قانیله دولدی_میدان هیجا احسن بویوردی_عباسه زهرا جانم ابوالفضل_جانم ابوالفضل(۲) __ سویلدی من ماردی سیندیرمیشام خرمن اهریمنه اود ویرمیشام شمرین امان نامه سینی جیرمیشام عرشی دوتوب،فرشیده صوت جلی عباسین آدین_سسلندی دنیا احسن بویوردی_عباسه زهرا جانم ابوالفضل_جانم ابوالفضل(۲) _ ساخلادی ئوز قارداشینا احترام سویلدی سن شاهیسن ای ذوالکرام فخر ائدرم من سنه اولدوم غلام عدنیده شاد ائتدی دل مُرسَلی بیم و هراسی_یوخ دیلده اصلا احسن بویوردی_عباسه زهرا جانم ابوالفضل_جانم ابوالفضل(۲) __ قرص قمردی،بو وفا کانیدی منسبی وار باادب انسانیدی ساقیدی اما لبی عطشانیدی ساقیده اولسا سودان ایچمز ولی..‌. سقادن اولدی_شرمنده دریا احسن بویوردی_عباسه زهرا جانم ابوالفضل_جانم ابوالفضل(۲)(بهلول حبیبی زنجانی) #جنگه_گلور #حبیبی #عباسیه #ریتم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

. سیفی اردبیلی . قوناقوزام عزالیام اوخ آتمیون یارالیام بو قانلی دستمازیله قویون قیلوم نمازیمی کسون سوسوز بوغازیمی . . منی بو دشت محنته اولده دعوت ایلدوز حدود حقّدن چخوب خلاف بیعت ایلدوز قوناقوزه سو وئرمدوز بویوک جسارت ایلدوز غم اهلیم نوالیام – قویون قیلوم … . . واریمدی کردگاریله بو انقلابه بیعتیم گرک باتام قزل قانا دوشه کمنده عترتیم شیریندی شهدیدن منه بو دشتیده شهادتیم من عهدیمه وفالیام – قویون قیلوم … . . مین اوخ دگه وجودیمه صواب عشقی ساتمارام وصالیمون قرارینی نگاریلن یوباتمارام باشیم گیده الیم گیده یزیده ال اوزاتمارام بو امره ادّعالیام – قویون قیلوم … . . شهادت اهل حقّیچون گوزل حیات عشقیدور حسینه سیز ووران یارا محسّنات عشقیدور حقیقتی گورن بولر مقدّرات عشقیدور که من باشی بلالیام – قویون قیلوم … . . دیانت اهلی سوز اگر یزیده دینی ساتمیون سرشگ آل حیدری ستمله قانه قاتمیون آدامسیزام کومکسیزم اوخ آتمیون داش آتمیون یارالیام یارالیام – قویون قیلوم … . . یوخومدی راه حقّیدن سَوا یولا گرایشیم بو قانلی قتلگاهیدور محلّ آزمایشیم گرک اولا نگاریله بو عرصه ده نیایشیم من عبد ذوالجلالیام – قویون قیلوم … . . حسینه صود وئرن آنا شرفلیدور عفیفه دور نمازی قائم ایلمک بو گون منه وظیفه دور آخان قانیم ولایته مرکّب صحیفه دور گورون کیم ام هارالیام – قویون قیلوم … . . ترحّم ایلیون منه انیس و یاوریم گئدوب ئولوب گوزل جوانلاریم وزیرِ لشگریم گیدوب شهید اولوب بو جبهه ده الیمدن اکبریم گیدوب غریب و دست خالیام – قویون قیلوم … . . دوتوب وجود پاکیمی شرارۀ ستم یانور بلای عشقه دمبدم دلیم وئرور رقم یانور خِیَمده گوزلیور منی بنات محترم یانور قبیله دن آرالیام – قویون قیلوم … . . ووراندا «سیفی» هر زمان رقم بو بیر مصیبته دییر فدا اولوم حسین او ساعته او حالته بو یردن اشتیاقیله او بی حیا جماعته اوخ آتمیون یارالیام – قویون قیلوم …. #قویون_قیلیم_نمازیمی #سیفی #حسینیه #قتلگاه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

سبک شاه حسین[شب علی اصغر(ع)] اهنگ (قدم قدم با یه علم) آغلا رباب..اِی دلکباب..وای حرمله سیراب ائدوبدور اصغری قونداقی قان..گوز یاشی قان..خاموش ائدوبدور نازنین و دلبری آغلارام یاسینی ساخلارام بوغمده قارمی باغلارام آلتی آیلیق بو شیرخواره بیر عمری سینمی داغلارام الدن گئتدی قرار و تابیم آی تک سوزدی گوزل مهتابیم گل آل قونداقینی الیمدن یومدی گوزلرینی سربازیم >>>>>>>>>>>>>>>>>>>> (زبان حال مادر) آچ گوزلرون..اِی اصغریم..شیرین زبان و مونس و ای دلبریم قالدیم مَلَر..غملر گَلَر..بو بینوایه یوخدی بیر کس یاوریم آلتی آی نازیویله اولدوم سن یومدون گوزلریوی سولدوم ائشیدیم قونداقون قان اولدی بولوط تک اصغریم من دولدوم آغلادون دردیوی بولمدیم بیر قطره سو سنه تاپمادیم عفو ایله بو گناهی اوغلوم گئچن گجه الون باغلادیم #نوحه_حضرت_علی_اصغر_، ع، https://eitaa.com/Hazrate_Abalfazll

نوحه ی بسته شدن راه فرات ✍حاج علی پور علی (جاهد) ای ساقی طفلان عمو لبلر یم یاندی لبلریم یاندی احسان ائله بیر جرعه سو لبلریم یاندی لبلریم یاندی عطشانم عطشانم <۲> قربان اوزون قو لاریوه ای عموجانیم ای عموجانیم گل قویما غرق ائتسین منی غملی طوفانیم غملی طوفانیم واردور بیر عده خیمه ده تشنه مهمانیم تشنه مهمانیم عطشانم عطشانم <۲> اصغر عطشدن آز قالور گل کیمین صولسون .گل کیمین صولسون غملی ربابین باغرینا لاله قان دولسون لاله قان دولسون اولما رضا ایستکلیوین باغری قان اولسون باغری قان اولسون عطشانم عطشانم <۲> سن غیرتین معنا سیسن یار مظلومان یار مظلومان لب تشنه لرسقاسیسن دردیمه درمان دردیمه درمان لطف و کرم دریاسیسن ساقی طفلان ساقی طفلان عطشانم عطشانم <۲> دور مشگیوی آل بیر اله صاحب احسان صاحب احسان سال قوم کفره ولو له قولارا قربان قولارا قربان بیرجرعه سو تحصیل ائله اولساگر امکان اولساگرامکان عطشانم عطشانم <۲> دشمن بئله فکر ایلیور غملی طوفاندا غملی طوفاندا بی یار یاور دور بابام بو بیاباندا بو بیاباندا سو یولارین سد ایلیوب حال بحراندا حال بحراندا عطشانم عطشانم <۲> بیلمور عدو شیر ژیان بیر عموم واردور بیرعموم واردور دعوا گونونده قهرمان بیرعموم واردور بیرعموم واردور غیرتده بحر بیکران بیرعموم واردور بیرعموم واردور عطشانم عطشانم <۲> قیزلار سو ایستور ای خدا تشنه سقادن تشنه سقادن سقا گئدور سو آلماقا قوم اعدادن قوم اعدادن مخیمده غوغا باشلانوب آل طاهادن آل طاهادن عطشانم عطشانم <۲> تا آلدی سو مشگین اله حیدر ثانی حیدر ثانی عرشه اوجالدی تشنه لر آه و افغانی آه و افغانی الله خطردن حفظ ائله تشنه سقانی تشنه سقانی عطشانم عطشانم <۲> #نوحه_حضرت_ابافضل_، ع، https://eitaa.com/Hazrate_Abalfazll

🌷🍀🍀🍀🍀🍀🍀🍀🌷 🌷نوحه حماسی شاخسی🌷 فدای خاک سنگر حسینم ئورکده عشقیم نوکر حسینم گجه گونوز در به در حسینم پناهیمن سن داغی نیلورم بهشتیمن سن باغی نیلورم دئنن دمادم - ایشیتسین عالم اوجالدی پرچم - یا مولا ارباب —- یا حسین مدد (3) ************** دوتولسا قلبیم تربتون دوادی چوخ اولسا دردیم رأفتین دوادی یوخوم پناهیم هیئتین دوادی به زیر پرچم دالدالانمیشام فقط حسینه نوکر اولمیشام بوجان سنوندی - جهان سنوندی جنان سنوندی - یا مولا ارباب —- یا حسین مدد (3) ************** فتاده یارانش حسینه تنها سری نمانده روی آن بدنها به خاک و خون شد جسم بی کفن ها صدای هل من ناصر حسین بتــول اطهـر نـاظـر حسین حسینه ایمان-حسینه قران عزیز یزدان - یا مولا ارباب —- یا حسین مدد (3) ************** حسین زهرا جنگه عزم ایدوبدی تمام عزمین دینه جزم ایدوبدی وارین یوخون اسلامه بزم ایدوبدی هدفدن اوتری باش و جان ویروب عزیزینه خوش امتحان وئروب حسیندی قران.بویوردی هران رضای سبحان- یا مولا ارباب —- یا حسین مدد (3) ************** خروش ایدوب آقا حصاری یخدی یمینی بیر لحظه یساری یخدی پوزولدو لشگر اعتباری یخدی دئدی علینون شیریم قوشون شجاعتون تفسیریم قوشون سالیبدی طوفان-عزیز رحمان نه تک دی مهمان- یامولا ارباب —- یا حسین مدد (3) ************** بو شرطیدی سسلن بوگون حسین جان جهانه وئرمم بیر توکون حسین جان قرانلیقیمدا همچو گون حسین جان توجه ایله خاک پاییوه هدایت ایله راه پاکیوه کفن گیوبسن- جفا چکوبسن صفا وئروبسن- یا مولا ارباب —- یا حسین مدد (3) ************** شعر:سیداسماعیل موسوی-زنجان ارسالی جناب کربلایی صابر ثمودی #شاخسی https://eitaa.com/Hazrate_Abalfazll

یاتما بئله قان ایچره دور باخ حالیمه یان آی قارداش آلدیم سنی الردن من سنده منه یان آی قارداش (یخلدین سن چاره ام آزالدی(۲) قارداش الیم بلیمده قالدی(۲) گوزون قانین سیلدیم الیمنن صبریم ایوی قارداش تالاندی(۲) آرخامـ الیم ایـــوای ابـوالفـضل سیـندی بـلیم ایــوای ابـوالفـضل آلدیم سسوی مخیمده یاندی اورگیم بوغمده گوزلری قالب قیزلارین بوقانه باتان پرچمده (قیزلار باخوردی یاتدی پرچم ایوای سسی عرشه اوجالدی ال آتدی بیردن باشه زینب باخدیم اورک اوت تودی یاندی) آرخامـ الیم ایـــوای ابـوالفـضل سیـندی بـلیم ایــوای ابـوالفـضل جام دیلیمی سیندردی هجرونده منیم غم داشیم بولمز بیری بواحوالی گر ئولمیه تا قارداشی (دنیا گوزومده تیره لندی گورجاخ گوزونده تیری قارداش خلوار غم غملن الندی ای رزمگاهین شیری قارداش) آرخامـ الیم ایـــوای ابـوالفـضل سیـندی بـلیم ایــوای ابـوالفـضل دور سالما یولا تنها سن من بی کمکو بی یاری باهم گداخ اخیام ایچره آرام الیاخ قیزلاری (سن مشکیوی گوتور ابوالفضل منده توتوم قانلی لوانی باهم بیزی گورسه اوشاقلار بولر باشه گلن بلانی) آرخامـ الیم ایـــوای ابـوالفـضل سیـندی بـلیم ایــوای ابـوالفـضل #نوحه_زبان_حال_امام_حسین_بر_بالین_حضرت_ابالفضل_، ع، https://eitaa.com/Hazrate_Abalfazll