#روضه_حضرت_زهرا گرک گوهر ساتا نوحه دینلر سوز قانان یرده نه قارداشلخ کیچیک قارداش ننه حقین دانان یرده (آی ننه سینن چوخ زهرانی چوخ ایستینلر آی غیرتلی جوانلار ) اولیدی کاش سیزلردن بشیز زهرا یانان یرده دوتوب ثانی گریبانین دیردیز جانی ئولدورمه ریاست بش گون عمر ایلر اوتان وجدانی ئولدورمه امیرالمومنین اولماقلقا قرآنی ئولدورمه یوز اون دوت سوریه نقش مصور کیمدی؟ زهرادی (عربده رسمیدی اگر بیر خانواده دن بیر کسی ئولسه نچه گونلر او ایوده تازا پوخت و پز اولماز راوی دییر مدینه نین کوچه لرین دولانوردوم هنوز پیغمبرین کفنی گورومیبدی اوچ گون دیردی پیغمبررحلت بویورموشدی اوزاخدان باخاندا گوردوم زهرانین ایوینین مطبخ سراسینن توسی گوزانور ئوز ئوزومه دیدیم یاللعجب آخی بو فاطمه دی هنوز آتاسنین کفنی گورومیب ایوینده تازا غذا پیشیریر اله بو خیالیلن گلدیم کوچه بنی هاشمه وارد اولاندا گوردوم الله غریبه منظره وار ) قاپیا اوت وران اوچ یوز نفر جماعتیدی قاپی دالندا دوران حامله بیر عورتیدی (پیغمبر چوخ اسرار الردیلر قیزیم فاطمه نه اولار منه بابا دیه سن بالا سن منه بابا دینده من عشق الیرم خانم اوقدر ادبلیدی پیغمبرین بو حسرت اورگینده قبره گیتدی همیشه یارسول الله ، یانبی الله، یاحبیب الله چاغراردی بیردفعه اولمادی بابا دیه اما بولمورم امام زمان قاپیلان دیوار ننن زهرایه نیلدی راوی دییر گوردوم اوچ دفعه اوجادان دیدی یاندم بابا ) نه جرأتلن دییم اولسا قاپی گر لیف خرمادن نه حاله گور قالار دوشسه اوتا بیداد اعدادن بورودی شعله مسماری گلوب سس چرخ خضرادن ائدن بین درو دیواری سنگر کیمدی؟ زهرادی (خانم زهرا حامله نننی گوروبسن اذیتده دی ایکی الین ویریب قاپیا محسنن نگراندی بالالاردان نگراندی عمواوغلوسی علیدن نگراندی بیر سویوخ تر گلدی خانمن بدنینه ) سوزی چوخ آچمرام بوردا بوسن بو آیدن آئینه بویاندا حامله عورت اویاندا شیخ پرکینه آچلدی در باخ ایندی ایسی مسمار اوسویوخ سینه قالان بو عرصه ده بی یارو یاور کیمدی؟ زهرادی خانم گوردی سسی چخمور دیه بو ایو ولینوندی قانیلان یازدی دیواره خدایا حق علینوندی

‍ وصیت حضرت زهرا سلام الله علیها. گل یا علی زهرانی گوردیده سی گریانی ریحانه ای پیغبر ترک ایلیری دونیانی هجریمده گلمه آه و زاره گوزیاشوی توگمه عذاره سندی قولوم قاپوم یاناندا آهسته قوی منی مزاره مظلوم علی مظلوم عم اوغلی ---------------- آز آغلا ملال ایله آز فکر و خیال ایله چوخ دردسریم اولدی زهرانی حلال ایله یوخ دردیمون درمانی بلّم قلبیم یانار نوایه گلّم چوخ اینجیدورسینم یاراسی بو دردیلن عم اوغلی ئولم مظلوم علی مظلوم علی جان ---------------- ای محرم اسراریم ای غصه چگن یاریم ئولسمده قالور مندن آستانه ده آثاریم دل یاندیران آثاره باخما گوزله در و دیواره با خما ایوه گدیب گلن زماندا قانه باتان مسماره باخما ------------------ من گوچه غمین گوردیم ثانی ستمین گوردیم سیماسی سارالمشدی اوغلوم حسنین گوردیم درس آلدی ثانی رهبریندن آلدی قباله می الیمدن سیلی وروب یولدا یخلدیم اوغلوم حسن دوتدی الیمدن مظلوم علی مظلوم علی جان ظلم آتشینه یاندی درگاهیم الوولاندی سقط اولدبالام محسن سینمده یارا لاندی ولایی بو محنده آغلار نی تک نوا ایلر سیزیلدار خلوت اولان زماندا ائمز فضه آچوب یارامی باغلار مظلوم علی مظلوم عم اوغلی ------------------- عبداللهی ✍ سبک---------------👇

در احوالات حضرت زهرا (س) اسما دِیَر که فاطمیه صاحب الزمان آغلار گوزیله غسل ویروب نصف شب نهان باخدوقجا مغسل اوسته علی اوز نگارینه خون دیلون روانه اِیلردی عذارینه ایله سیزلدیاردی سینخ نی کیمی علی دلدن یاناردی بس که غم آشکارینه بیر لحنیله دیردی که وای حالیمه منیم لرزه دوشردی یکسره یثرب دیارینه گوردوم اَلون آپاردی اِیدور معجرین کنار احساس ایلدیم دگور اوز اختیارینه بولدوم گوزونده جلوه لنور غم نشانه سی قلبیم دوام اِیتمدی اول حال زارینه عرض اِیلدیم بو شدتیله آغلوسان نَدَن اَسمانی آگه اِیت خبر ناگوارینه نطقه گلوب بویوردی امام بزرگوار قلبیم یانور ولایتین آیینه دارینه مسمار علاوه باغریمی قان ایلیوب منیم بیر ضربه ده دگوبدی بتولین عذارینه پیغمبرین امانتینه ال آچوب عدو نار دگر سالوبلا دل داغدارینه نیلی اولوبدی صورتی قان آغلادور منی غم لشکری اودور که سالوبدور حصارینه بولدون ندن دوتاردی یوزون فاطمه منه جانیم فدا اولا بو دل بردبارینه گیزلتممیشدی فاطمه مندن اورک سوزون دردین دِیَردی دایماّ اوز غمگسارینه مانع اولوب حیاسی منه آچمیوب سوزون درد دیلون دیوبدی فقط کردگارینه تقدیره باخ بو یرده قضا اقتضا اِیدوب گیزلین قالوبدی سرّی بو غملر دچارینه هیهات بیرده قلبیم آچیلسون بو غصًه دن چون که سبب اولوبدی بو غم احتضارینه پیغنبرین وصیتینه باغلیدور قولوم یوخسا سالاردیم اوت بولارین روزگارینه زاغ و زغن اودور که بیله جرعته گلوب حیدر گرک باخوب یانا اوز ذولفقارینه چرخ فلک چووردی علینین دونرگه سین صبر ایلیم گرک هامی دنیا فشارینه نیسکیل اولور که شهر پیمبرده فاطمه گیزلین گیدور اورکده یارا ئوز مزارینه؟ عمروم بویی بو نیسکیله قان آغلیام گرک قلبیم یانا اولونجه بو محنت شرارینه قبره قویاندا وای منه گر دست مصطفی گورسنسه آرتاجاخ اورکین غصّه بارینه بیر یول بویورسا آیینه قلبیمی سینوب بسدور بو سوز مماتیمین انجام کارینه آسان بولمه بو غم عظمانی حیدره درد آرتروب بو نیسکیلی غم شهریارینه توشه اولار بو نوحه لرون محشره #عتیق چون که قلم الونده آخیر اوز آخارینه بیر عده نی بیرعده آلوب روزگاریده سن باخما جیره خواریلرین جیره خوارینه یاز نوحه آغلا جیره وی زهرا ئوزی ویرر دخت نبی محبت ایدر ئوز هَزارینه اغیاریله نه نسبتی زهرا سوونلرین عاشق اودور که عاشق اولا سازگارینه هر گونده بیر لباسه دوشر جیره خوار دون بیگانه لرده لَعن اَیدوری طرز کارینه جناب استاد طهمورثی (عتیق)

زبانحال حضرت زینب در سوگ مادر آی گویده کی اولدوزلار  مهپاره ننم ئولدی یـازدی  غم  و  اندهین   دیـواره ننم ئولدی اون سکیز ائیل عمرینده  غم پیرهنین  گیدی هر  کیم  آنا سسلیدی  فوراً  اونا جان  دئیدی گورسیدی بیرین غملی  صبحه کیمی غم ییدی اشکین   اَلَین   گوزدن  رخساره  ننم ئولدی همسایه لرین  بیزدن  آرتوق  کرم ایلردی کیم دردینی آچسیدی  درمان ننم ایلردی گورسیدی بیری آجدی قلبی ورم ایلردی گوز  یاشی  توکن  ئوزگه بیماره ننم ئولدی بیر گون  توکولوب اوچ یوز نامرد و فرومایه آتش   دَر  زهـرادن   اوج  ایتـدی  ثریایه اولمادی چیخان ایودن بیر با شرف همسایه بیر گول کیمی سانجلدی مسماره ننم ئولدی     مین  راز  نهان  تاپدیم  هر  راز و نیازیندن دویمازدی  بابام  حیدر  ترتیل  حجازیندن عطرین آلوران هر گون  محراب نمازیندن محرابی   ووران  طعنه  گلزاره ننم ئولدی من  بیر  باجیام  ایوده   قارداشلاریما آرخا هر گون حسنیم گولسه  گویا سو گلر آرخا کلثومی دیر زینب تک قویما باجیم قورخا قارداشسیز  آدامسیز  تک بیچاره ننم ئولدی غسلی  ویریلن  وقته  بیر  ماه  جمیلی دی بیر صورتی  عنابی  بیر   صورتی  نیلی دی باعث  او ایکی  رنگه   دیواریله  سیلی دی قویدی  بابامی  حسرت  دیداره ننم ئولدی

. احوالات غزّه . (یانیب آغلار) ای غزّه سنون حالیوه عالم یانیب آغلار عالم توتوب احوالیوه ماتم یانیب آغلار یاندیقجا سنون دار و ندارون گوز اوونده زهرا و علی حضرتِ خاتم یانیب آغلار توپراقیوه قان یاغدی زِ بَس سِیل رواندی سنده توکولن قان یئره نم نم یانیب آغلار ناحق یئره سولدی سارالیب گولشَنِ عشقون گول اوسته دوشن صبحیده شبنم یانیب آغلار پوزقون پوزولان نقشه ی آمالیوه هر آن عیسایِ مسیح ، حضرت مریم یانیب آغلار خلقت آرا بو وضعیوه یئر گویده سراسر انس و ملک و جِن هامی باهم یانیب آغلار بیر قَرنَه ‌ یاخین ‌‌ ظلم ائلییب‌‌ قوم ستمکار بو ظلمه اَزل حضرتِ آدم یانیب آغلار دیلسیز بالالار سنده بوتون قانه بَلشدی قلبیم اوت آلیر بسکه توتوب غم یانیب آغلار ای غزّه یقین بول هامی ادیانِ بو عالم بیر بِیله مصیبتده دمادم یانیب آغلار گر پرده ی غیبت چکیله اوندا گورر گوز سلطانِ کرم ، شاهِ مُعظّم یانیب آغلار قلبونده یاران چوخدی گومان یوخدی دواسی سالدیقجا یاران اوستونه مرهم یانیب آغلار چوخ قورخولی وحشتلی قرا یللر اسیبدی اسدیقجا اسیب گویده کی پرچم یانیب آغلار صهیون وروب اوت درگهیوه یاندی اوشاقلار بو یانماقا یانمیش گئجه مَخیَم یانیب آغلار سنده اوولان داش ، سَپیلن توپراقون اوسته بیر بیر هامی ذرّاتی مسلَّم یانیب آغلار سنده یارانیب صحنه ی عاشور حسینی بو غمده سنه ، ماه محرم یانیب آغلار بسدور داخی ای (جعفری) یازما بو بلادن یازدیقجا قلم آهیله اُول دم یانیب آغلار ۱۴۰۲/۹/۴ شعر :#بهمن جعفری زینجناب

بهمن جعفری زینجناب

🏴 ننم لایلای 🏴 ✍شاعر : علی عبدی مهربان ننم لایلای باغری قان ننم لایلای خوش گونه قالان حسرت ای جوان ننم لایلای قاره باغلیان لایلای سینه داغلیان لایلای صبح و شام اطاقیتده گیزلین آغلیان لایلای 🏴🏴🏴🏴🏴 قامتی کمان لایلای سینه سی یانان لایلای ضربتیله پهلوسی ظلمیله سینان لایلای ای ‌ اَنیس غم لایلای گل تک عمری کم لایلای نصف شب گئدن گیزلین قبرینه ننم لایلای 🏴🏴🏴🏴🏴 حق سوزون دییَن لایلای قلبی اینجییَن لایلای کوچه ده یوزی سیلی ثانیدن ییَن لایلای حقی غصب اولان لایلای گل کیمی سولان لایلای کوچه ده یوزی نیلی قان گوزه دولان لایلای 🏴🏴🏴🏴🏴 آز یوزی گولن لایلای محسنی ئولن لایلای تیر محنت و غملر قلبینی بولن لایلای زلفی آغاران لایلای عمری قوتاران لایلای چوخ اورگینون دردین قبره آپاران لایلای #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 ---⊱✾♡✾⊰---

🏴زبان حال حضرت امیرالمؤمنین علی علیه در قبرستان بقیع 🎼سبک اللهی ننمدن اوزولدی الیم ✍به قلم کربلایی صابرثمودی ............. الهی سینم یاندی نارِ غمه ئولوب یاوریم باتمیشام ماتمه گئدوبدور نگاریم_منیم غمگساریم حزین آغلورام گئدوبدور قراریم_او باغ و بهاریم سینه داغلورام .......................... بو دهر ایچره چکدی نئلر مرتضی سرشکین عذاره اللر مرتضی گئجه لر بقیعه گلر مرتضی گوزم جامی یارب_دولوبدور لبالب حزین آغلورام ئورکده غم و تب_خدایا دل شب سینه داغلورام ✨اَللّهُمَّ عَجِّل لِوَلیِّکَ الفَرَج✨ _____________

🏴زینب آغلاما زینب🏴 ✍شاعر : علی عبدی ویرما اود یانان جانه زینب آغلاما زینب صبر اِئله بو هجرانه زینب آغلاما زینب 🏴🏴🏴🏴🏴 اود دوشوب بو گلزاره قلبیمی دلیب یاره قلبیمین جوشار دردی گوز دوشنده مسماره سینه سین یاروبوب مسمارقان یاخولدی دیواره گوز دوشنده اُول قانه زینب آغلاما زینب 🏴🏴🏴🏴🏴 آغلیاندا سن زینب باشلار اوچ گُلوم آغلار منده آغلیوم سنده کیم اوشاقلاری ساخلار گر چه آغلاسا کمدی بو غمه اوجا داغلار دونمه اَبر بارانه زینب آغلاما زینب 🏴🏴🏴🏴🏴 دوزدی آی قزیم یخدی ئویموزی بیزیم ثانی بی حیالر ئولدوردی پشت دَرده زهرانی میخ دَرده وار زینب سینه دن چیخان قانی لعنت اولسون عدوانه زینب آغلاما زینب 🏴🏴🏴🏴🏴 قوی چکیم اورک دردین اوخشاما یانا یانه هر گئجه ئوزوم ویررام باشیوه قزیم شانه شمعین عشقینه یاندی دوقوز ائیلده پروانه اوخشاما یانا یانه زینب آغلاما زینب 🏴🏴🏴🏴🏴 سرنوشته الّلهیم قان یازوب بو درگاهی کیم بو درگهی اولسا عرشه قوزانار آهی چشمه لر کنارینده تشنه جان وئرر ماهی اوخ دَیَر لب عطشانه زینب آغلاما زینب 🏴🏴🏴🏴🏴 هر نَقدر ویرار ویرسین قلبیمه عَدو یاره صبر اِئدم گرک زینب کینه های اَغیاره مهربان قزیم یوخدی اَللریمده بیر چاره قوی دونه اورک قانه زینب آغلاما زینب 🏴🏴🏴🏴🏴 حیف اولا بو دین اوسته باغلی اولدی قولّاریم یوخسا فاطمه قانین آلماقا توان واریم گور هارا ولی مُنجر اولدی آخر کاریم راضیم بو جریانه زینب آغلاما ✍بقلم کربلایی علی عبدی زنجانی __