خروج از مدینه زبانحال حضرت صغری(س) ✍️ کربلایی بهزاد قاسمی اردبیلی بانوای:#کربلایی_منوچهر_حسن_زاده به یاد استاد کریمخانی آی فاطمه ریحانی صبر ایله بابا گئتمه ترک ایلمه صغرانی صبر ایله بابا گئتمه غم قافله سین ساخلا گرد سفره باتما بازار محبّتده جان گوهرینی ساتما قویما الی قوینوندا صغرانی چوخ آغلاتما دیندیر بو پریشانی صبر ایله بابا گئتمه سیل گوزلریمون یاشین رحم ائت بو پریشانه آیریلما بابا مندن یوخ طاقتیم هجرانه زلفوم آغارار گئتسون گَللم بو گجه جانه ساللام غمه دنیانی صبر ایله بابا گئتمه جان رشته لرین دلده دائم بولرم سنسیز گاه آغلیارام ائوده گاهی گولرم سنسیز گئتسون دوشرم دیلدن والله ئولرم سنسیز گوزدن آتارام جانی صبر ایله بابا گئتمه قلبیم آلیشور اوت تک بو غملی اولان سوزدن هئچ فکر ائله مزدیم من بیرگون دوشرم گوزدن ناچار اولوب آیریللام اکبر کیمی گُل یوزدن حل ائت بو معمّانی صبر ایله بابا گئتمه

بنام خدا «خروج از مدینه احوالات حضرت صغرا س» بانوای:#کربلایی_منوچهر_حسن_زاده سبک ها : 1⃣ ای قلم سوزلرینده اثر یوخ 2⃣ ای مجاهد شهید مطهر یثربی ‌ترک ‌ائدیر ‌غم ‌قطاری یوز ‌توتوب ‌کعبۀ ‌عشقه ‌ساری اوج ‌‌ائدیر ‌کاروانین ‌دالیجا بیر مریضه ‌قیزین ‌آه‌ و زاری حافظ ‌اول آل ‌طاهایه ‌الله رحم ‌ایله‌ غملی‌ صغرایه ‌‌الله کاروان ‌یولانّور ‌کربلایه قوزانور ‌اه ‌و افغان ‌سمایه حسرتیله ‌باخور‌ کاروانه هی ‌گلور‌ غملی ‌صغرا ‌نوایه حافظ ‌اول آل ‌طاهایه ‌الله رحم ‌ایله‌ غملی‌ صغرایه ‌‌الله شور اکبر چیخانمور ‌باشیندان آیرولانمور ‌باجی ‌قارداشیندان قان ‌اولور اکبرین ‌باغری ‌یارب اول مریضه ‌قیزین‌ گوز ‌یاشیندان حافظ ‌اول آل ‌طاهایه ‌الله رحم ‌ایله‌ غملی‌ صغرایه ‌‌الله هی ‌باخور اکبره‌ غملی ‌خواهر سسلنور ‌گیتمه ‌گیتمه ‌برادر بو مریضه ‌باجون‌ نیله‌سین‌ بس تک ‌قویوب‌ گیتمه ‌صغرانی ‌اکبر حافظ ‌اول آل ‌طاهایه ‌الله رحم ‌ایله‌ غملی‌ صغرایه ‌‌الله صبر ایله ‌گیتمه‌ بیر ‌قال ‌برادر قولارون‌ بوینوما‌ سال ‌برادر ایندی‌ کی ‌آیریلورسان باجوندان دیندیروب ‌گویلونی ‌آل ‌برادر حافظ ‌اول آل ‌طاهایه ‌الله رحم ‌ایله‌ غملی‌ صغرایه ‌‌الله سونرا ‌بیر ‌دوندی‌ عباسه ‌باخدی گوز ‌یاشی‌ غملی ‌رخساره‌ آخدی سسلدی ‌ای ‌عمو‌ من ‌مریضم تیر ‌غم ‌قلب‌ عباسه ‌تاخدی ای ‌منیم‌ مهربانیم‌ ابوالفضل سنسن ‌آرام ‌جانیم ‌ابوالفضل آیری‌ دوشمه ‌حسین ‌قارداشون دان ای ‌منیم‌ دل ‌سِتانیم ‌ابوالفضل گل ‌ئوپوم ‌قولارون‌دان‌ برادر گیت ‌یوبانما‌ داخی ‌جان ‌خواهر آخ ‌دالونجا ‌نجه ‌سو ‌سپیم ‌من حافظ‌ اولسون‌ سنه ‌حی ‌داور مسلم فرتوت فاخر

شاعر :مرتضی اسکندری(ساعد)زنجانی بانوای#کربلایی_منوچهر_حسن_زاده آمدی جانا  ،  ولی   جانان   نمی آید    چنین چلچراغ  روضه ی    رضوان نمی آید    چنین تو  مگر سلطان مظلومان  عالم نیستی در طبق سلطان مظلومان نمی آیدچنین من  به جاروب   مژه   آماده   کردم   خانه را دیدن  دختر   که باباجان     نمی آید  چنین مطمئن بودم    به  زخم    دل   دوا  آورده ای بهر  درمان  ، حضرت  لقمان  نمی آید چنین باهمه  گفتم  که  تو   سلطان  کل    عالمی هیچ سلطان بی سرو سامان نمی آید چنین دوش دیدم  خواب خولی را دلم  آتش گرفت راس   سلطان  و  تنور نان  ،  نمی آید  چنین اهل   ایمان  بوسه  بر  لبهای  قاری  می زنند وای بر من   ،  قاری   قرآن    نمی آید   چنین کاش   می خواندی  دوباره  آیه های   کهف  را حیف شد با  این  لب  و دندان  نمی آید چنین آنقدر    خونابه   در   هجرت     پیاپی   ریختم شک  نکن  که   بارش نیسان   نمی آید چنین ای  سلاطین جهان را سر،چه شد  سرلشگرت بی خبر ، در طشت زر، سلطان نمی آید چنین من  به  چشم خویشتن  دیدم  علی را در عبا هیچ    کس  از جانب  میدان  نمی آید چنین راستی  تیر سه شعبه  با علی اصغر  چه کرد؟ حنجر نازک  ،  به  آن پیکان  ، نمی آید چنین

سلام . تقدیم شما ‍ میلادیه حضرت علی اصغر علیه السلام بانوای:#کربلایی_منوچهر_حسن_زاده 🎼سبک:ای ربابین سویگلی 🎼سبک :ای گل زیبای من #فارسی و ترکی ای گل زیبای من/مونس شبهای من خنده کن ای نازنین/لؤلؤ و لالای من ای مدال سینهٔ من اصغرم لای لای۲ اصغر ای ماهِ لقا/می کشم ناز تو را بوسه بر لبهای تو /می زنم صبح ومسا ای مدال سینهٔ من اصغرم لای لای۲ اصغر ای دردانه ام/کودک فرزانه ام من بگرد شمع تو/روز و شب پروانه ام ای مدال سینه ی من اصغرم لای لای۲ یک زمان آید تو را/می کنند از من جدا بر گلویت می زند/حرمله تیر جفا ای مدال سینهٔ من اصغرم لای لای ۲ #ترکی وئردی الله پای سنی/چوخ سووندوردی منی گل وجودون باصفا/ایلیوب هرگلشنی سن گوزل گولدن گوزلسن اصغریم لایلای۲ ای منیم بخت اولدوزوم/هم دادیمسان هم دوزوم سنله اصغر جان گئچر/هم گئجم هم گوندوزوم سن گوزل گولدن گوزلسن اصغریم لایلای۲ ای جمالی آی بالام /یات دیوم لایلای بالا هئچ گوزل گل دهریده/سنه اولماز تای بالا سن گوزل گولدن گوزلسن اصغریم لایلای۲ ای لب عطشان اصغریم/دینه قربان اصغریم حرمله حلقومیوه/ویردی پیکان اصغریم سن گوزل گولدن گوزلسن اصغریم لایلای۲ #سبک_ای_گل_زیبای_من #شاجری_زنجانی ✨ اَللّهُمَّ عَجِّل لِوَلیِّکَ الفَرج

#زبانحال خواهر حضرت رقیه (س) #مرحوم معزی اردبیلی بانوای:#کربلایی_منوچهر_حسن_زاده آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی . سس ویر سسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی . ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی . دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطریوی بیر یولدا مشامیم آلا قالدیم گلدیم سنه خاطر بورا من قافله گیتدی . ویرانه ده یاندیم سسون افلاکه چخاندا آخشام چاقیلار قلبیوی غم غصّه سخاندا دیواره قویاردون یوزوی چوخ داریخاندا محبوبه ی سلطان زمن قافله گیتدی گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی . غسّاله یوواندا سنی احوالیوه یاندی اللرده ئولوبدور دیدی غسلونده دایاندی عمّه م بویوروب قمچیه مدّتدی نشاندی آی کرب و بلادن دؤیولن قافله گیتدی . لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمَّه مَه حسرتله باخان قیز روشن گونوزی شامه دونن قافله گیتدی لایلای بدنی شمع مثالی ارییَن قیز لایلای من آجام عمّه مه گیزلنجه دیین قیز لایلای بابامون خاطرینه قاره گیین قیز قالما باجی ویرانه ده سن قافله گیتدی

‍ حضرت رقیه سلام الله علیها شاعر: استاد غفاری اردبیلی بانوای:#کربلایی_منوچهر_حسن_زاده ای بلبل شیرین سخن لایلای رقیه ویرانه ده مظلوم ئولن لایلای رقیه آدون قیزیم پاینده دی/سندن بیبون شرمنده دی ایوای رقیه/لایلای رقیه تپراقون اوسته یاتماای زهرانشانی سنسن عزیزیم زینبین آرام جانی قول باغلی اولدون شهرشامون قهرمانی ظالملری رسواائدن لایلای رقیه عشقون باشونداتاج اولار/عالم سنه محتاج اولار ایوای رقیه/لایلای رقیه اولدوزکیمی آخدون گجه ویرانسراده نسگیل اولاربومحنتون زین العباده قالدی سنون حسرت گوزون کرببلاده اولدی سنه غربت وطن لایلای رقیه دیداره دلبرگلمدی/قارداشون اکبرگلمدی ایوای رقیه /لایلای رقیه قالدی حسینیم قوملاراوسته پیرهنسیز کرببلاده نورچشمیم قالدی من سیز سنده گئدورسن وای منه قبره کفنسیز ئوزکوینگون اولدی کفن لایلای رقیه قلبیم سنه پیوسته دی/یات خرداجسمون خسته دی ایوای رقیه/لایلای رقیه مندن نه گوردون داشیمی آتدون عزیزیم اولدوزکیمی ویرانه ده باتدون عزیزیم کوسدون یاتان بختیم کیمی یاتدون عزیزیم قالدی چراغسیزانجمن لایلای رقیه قویدون منی دنیاده تک/دشمن ایچینده بی کمک ایوای رقیه/لایلای رقیه دوزدون فقط اوچ ایل قیزیم غم ماجراسین زینب بیبون چکدی ولی دنیابلاسین الله یتیمون مستجاب ایلردعاسین درگاه حقدن ایسته سن لایلای رقیه وئرسین منیم درمانیمی/غمدن قوتارسین جانیمی ایوای رقیه/لایلای رقیه

نوحه حضرت ابالفضل (ع) شاعر:#ایوالفضل_معروفان بانوای:#کربلایی_منوچهر_حسن_زاده گل حسین خیمیه باغلاندی یولوم آی قارداش آی قارداش داده گل یاتدی علم دوشدی قولوم آی قارداش آی قارداش تیز گل هرایه یالقیزام آی قارداش باش پارچالاندی قولسوزام آی قارداش اسیرم کمنده _ قولوم یوخ بدنده دیدیم یا حسین گل _ آت اوستن دوشنده گؤردوم عطشانلاری آشفته دئدیم دور عباس دور عباس عشقوی رهبر و سلطانوه بیلدیر عباس دور عباس مشگی آل چیگنوه گئت مشگوی دولدور عباس دور عباس _ آلدیم فراتی مشگیمی دولدوردوم_ من ایچمدیم سو نفسیمی ئولدوردوم_خیال عالمینده _ عطش دامننده _سوسوز طفلی گؤردوم _ ربابین الینده دینجلوب روحیم حسین تشنه لره سو آلدیم سو آلدیم مشگی چیگنیمده آلیب خیمه لره یول سالدیم یول سالدیم قوللاریم سالدیلار احوالی پریشان قالدیم سو آلدیم . بیر اوخ دگوب جبینیمی قان دوتدی _ آخدی قانی گؤزومی القان دوتدی امان جان آلاندان _ اوخ آتدی کماندان دگوب مشگیمه اوخ _ گوزوم چخدی بادان قویمادی لشگر کین سو گتورم پای قارداش پای قارداش سو جالاندی یئره امیدیم اولوب زای قارداش زای قارداش باغلادیم گؤزلریم آهسته دئدیم وای قارداش وای قارداش_ شرمنده اولموشام حسین قیزلاردان _ آی دوشدی آیری غملی اولدوزلاردان انیسیم غم اولدی _ حالیم برهم اولدی آقامدان اوتاندیم _ سبب علقم اولدی هر گلن ووردی یارا افسر نا فرجامه ناکامه یاره لر گر چه سالیب نوکروی آلامه آلامه سویوم اولسیدی گلردیم گئنه ده اخیامه اخیامه باجیما دی منه عزادار اولسون مند ن صورا سنه علمدار اولسون دئنن زینب آغلا _ باشا قاره باغلا ئولونجن بو غمده _ اوتور سینه داغلا

زبانحال حضرت زینب (س)به مادر بزرگوارش در فراق پدر بانوای:#کربلایی_منوچهر_حسن_زاده بقیع دن گل کوفه شهرینه گوز یاشیم دونوب قانه آی ننه آتام ئولوب گل ننه بالا اوخشیاق یانه یانه آی ننه ئولنده سن بش یاشیندا من باشیمه قرا سالموشام ننه فلک سالوب آیری بیر قرا غم غم اوستونه آلمیشام ننه سنه گیجه غسل ائدن ئولوب گل یامان گونه قالمیشام ننه هایانداسان گل عم اوغلووا قورموشوخ عزاخانه آی ننه یاناندا درگاهیمیز ننه قوللارین دشمن باغلیان ئولوب سنون غمونده گجه گوندوز سینه سین ننه داغلیان ئولوب بقیعده قبرون کنارونده هرگئجه سنه آغلیان ئولوب اوگوزلر که آغلیوب سنه اولدی قانی پیمانه آی ننه حسینون آغلور هایانداسان تسلیت ئوزون گل وئر اوغلووا ئولوب سنی چوخ سوون علی گل ئوزون ننه اوخشا یارووا بابام سنه چوخ عزا دوتوب سنده گل عزا دوت عم اوغلووا سنه عزا ساخلیان ئولوب گل باتوبدی القانه آی ننه اگر چه چاتمازدی دهریده بیر نفر اونا صبریده ننه سنون غمون آلدی صبرینی یاندی آتش جبرده ننه سنی گجه قبره تاپشوران یاتدی بو گجه قبریده ننه بابامدا دویموشدی سن کیمی درد وغصه دن جانه آی ننه بیر عمر غم غصه یورقونی بو گئجه ننه چاتدی ایمنه قویولارا دردینی دیئن گلدی دردینی سویلدی سنه یاراسین من باغلیانمادیم باغلا یاره سین سن ئوزون ننه بو کوفه ده سن مدینه ده باتدوز هر ایکیز قانه آی ننه

🏴سینه زنی حضرت علی(ع) ( قانه باتوب شیرخدا الهی الهی)  🎼سبک،: ای منی آواره قویان اباالفضل... ✍️کربلایی رحیم فیضی اردبیلی نوا:#کربلایی_منوچهر_حسن_زاده به یاد:#سلیم_موذن_زاده قانه باتوب شیرخدا الهی الهی زینب ائدور آه و نوا الهی الهی باش یاریلیوب قانی یره سوزولدی مسجده مرجان مَثَلی دوزولدی حیدر الیندن الیمیز اوزولدی گیدی قرا ارض و سما الهی الهی کوچه لری هر گجه سِیر ائدردی هم آتاسیزلار ائوینه گئدردی نان و غذاسین اولارا وئرردی ایندی یاتوب باشدا یارا الهی الهی هرآتاسیز باشینه ال چکردی اشک بَصر گُل یوزونه توکردی برگ خزان دیده کیمی اَسَردی سسلر اونی شاه و گدا الهی الهی کوفه ده القانه باتوب یارالی بستر مرگ ایچره یاتوب یارالی مقصد و مقصوده چاتوب یارالی جان یتیشوبدور دوداقا الهی الهی فانیدی دنیا دئدیگون یالاندی شیعه لرین قلبی غمه نشاندی سینه ده مین٬ محنت وغم نهاندی شیعیه صبر ایله عطا الهی الهی (فیضی) گلنده وطنه نَجَفدن طبعی تاپوپ شور و صفا شَعَفدن یازدی غمِ پادشهِ شَرَفدن شعرینه وئر اجر و بَها الهی الهی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

مداحی میلادشعبانیه بانوای :#کربلایی_منوچهر_حسن_زاده شاعر:مرتضی اسکندری زنجانی

میلاد امام حسین علیه السلام شاعر : مرتضی اسکندری(ساعد)زنجانی 👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾 درخت دینه باغبان حسین دی رگ حسینی لرده قان حسین دی فقط نه یرده بلکه آسمان دا فروغ نور جاودان حسین دی باشیندا تاج اِنًماسی وار بهشتیدن باش کربلاسی وار حسیندی جانیم ، رگیمده قانیم ، آدیم نشانیم یا مولا عشقیم ، شاه کربلادی ذکری ، دردیمه دوادی شفیع محشر یا حسین حسین نورِ ، ذات لم یزلدی مردِ ، جبهه ی عملدی عزیز حیدر یا حسین حسین حسین دی جانیم ، رگیمده قانیم ، آدیم نشانیم یا مولا __________________________________ عزیز آل مصطفی حسین دی امیر کل ماسوا حسین دی آلوبدی درسین باکری لر اوندان شهید عشقه مقتدا حسین دی کیمون باشیندا حق رضاسی وار حسین کیمین زیبا آقاسی وار حسین دی شاهیم ، ایشیقلی ماهیم ، پناهگاهیم یا مولا آدی، سینم اوسته حکدی عشقی، دینیمه محکدی گل پیمبر یاحسین حسین راه ، عشقه مقتدادی شاهنشاه کربلا د ی عزیزمادر یا حسین حسین حسین دی شاهیم ، ایشیقلی ماهیم ، پناهگاهیم یا مولا __________________________________ حسین دی مرآت خدا پرستی یتوردی باشه نامه ی الستی تعجب ایتمه گر اولوبدی رایج جهان عشق ایچره حسین پرستی ره ِ وفاده امتحان ویروب درخت دینه تازه قان ویروب حسیندی پیریم ، مَهِ منیریم ، گوزل امیریم یا مولا شمعِ ، بزم عارفان دی جَدّ ، صاحب الزماندی خدایه مظهر یا حسین حسین دست ِ قدرت خدادی سروِ باغ مصطفا دی جهانه رهبر یا حسین حسین حسین دی پیریم ، مَهِ منیریم . گوزل امیریم یا مولا شاعر : مرتضی اسکندری(ساعد) زنجانی