. سیفی اردبیلی . اصغر ای بختیمین اولدوزی دوشدون سحابه قالدی درناق یری سینه ده نسگل ربابه . هجرونده یانام دل داغلارام من اللر دوشومده قان آغلارام من . . . آلتی آی داغ کیمی دردوه دوزدوم دایاندیم آغلادون هر زمان باشوه دوردوم دولاندیم نه سو اولدی نه صود من سنه باخدیم اوتاندیم اود وروب قلبیمی غصه دوندردی کبابه . . گون غروبه یتوب نیر تابان باتاندا من باساردیم سنی باغریما ائللر یاتاندا اینجیدردون منی سینمه درناق آتاندا سن ملر من ملر هی دوشردوک پیچ و تابه . . اوخشیوب لبلرون گوزلرون دردون آلاردیم گل دیوب دیندیریب لای لای چالاردیم هی بوزردون دوداقلاروی حیران قالاردیم قلبیمی محنتون ایدردی التهابه . . سن باخاردون منه من سنه زارو پریشان دردوی آندرار دون ولی اولمازدی درمان کپریگون اوخ کیمی سینمی ایلردی شان شان یالوارار دی آنون خالق مالک رقابه . تشنه لیکدن آخاردی اوغول اوغول قان تز یوزوندن ضعف ایدردی سنی دمبدم مدهوش ئوزوندن منده ناچار ئوپردیم علی تز تز گوزوندن هی دیردیم گلوم جیرانیم دوز رنج آبه . . هرنه جهد ایلدوم گلمدی دردون دوایه یوز قویوب تپراقا باشلادیم ذکرو دعایه جور اشراریدن ایلدوم حقه گلایه رحم ایله ربنا سویلدوم بیکس ربابه . . ایستدی سروریم رهبریم گیتسون جهاده شوق میدانیلن سنده اولدون پر گشاده گتمگون گلدی اول منه آسان و ساده بیلمدیم سو دونر سن گیدن یرده سرابه . . یوخدی گوردوم الیمده منیم نه آب و دانه چرپنوب قوش کیمی دمبدم گلدون فغانه ساخلیام من سنی تاپمادوم نیلوم بهانه باغلادیم قونداقون دوشلگون امر ثوابه . . شیشه ی قلبیمه داش دگوب داشلار دالینجا یاره قوشدوم سنی شوقیله قوچلار دالینجا یوللا دیم عرصیه آلتی قارداشلار دالینجا قان ویرم منده ایثاریلن نخل کتابه . . سنده شورو مواساتیله جان ترکین ایتدون آلدی آغوشه سلطان سنی مقصوده یتدون نسکلیم وار اوغول سنگره قول باغلی گیتدون غوطه ور ایتدی هجرون ربابی اشک نابه . پیک جانان گتوردی خبر کامه چاتوپسان قوش کیمی صید اولوب سربسر قانه باتوبسان یاخچی لایلای چالوب اوچ پر اوخ راحت یاتوبسان حنجروندن آخوب سو کیمی قانون ترابه . . غنچه تک صر صر ظلمیلن دوشدون خزانه وای اولا اصغریم بر بیله دور زمانه قانلی قونداق گلوب اوستومه سندن نشانه گل اوغول اولمشام گور نجه خانه خرابه . . جور اعدا ربابی اوغولسوز لاره قوشدی هر نه جانان رضاسی اولا دلداره خوشدی وار داغون قلبیده ئوز یرون سینمده بوشدی زحمت آرتور ما گل رهبر عالی جنابه . . اوچ پر اوخ سالدی اصغر سنی تاب و تبوندن کربلا آبرو تاپدی خون اطیبوندن برده گل سینمه قوی ئوپوم لعل لبوندن اولسون آغشته جسمیم علی بوی گلابه . . #اصغریه_شهادت #حضرت_رباب #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---👇👇👇👇👇

#اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

‍ روضه حضرت علی اصغر(ع) اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم 👇

📚شعر جدید در وصف کربلا۱۴۰۲ ✍بقلم کربلایی حسن طیبان میانجی 🎼سبک: ایها العاشق ما هذا الغلا انت فی العیش و هم فی کربلا ·•· 🎤#بانوای_حاج_علی_سیفی_افشار تربتی خاک شفا آی کربلا دردللره عالی دوا آی کربلا هامی یردن سن گوزلسن کربلا آدیوا جانلار فدا آی کربلا ‌ کربلا آی کربلا آدیوا جانلار فدا مظهر حضرت جانان سنده دی یتمیش ایکی تشنه قربان سنده دی تا جهان وار قبله ی عشاقیسن چون حسین شاه شهیدان سنده دی هر ایکی عالم گل یاسه فدا باشهامت شرف وناسه فدا نهر فرات اوسته خجالتدن اولن جانیمیز حضرت عباسه فدا قانه باتان اکبر قان اغلوروق ماه ملک منظره قان اغلوروق طوی گونونده قانینه غلطان اولان قاسم مه پیکره قان اغلیوروق گل وگلزاره حسینه اغلاروق یارو وانصاره حسینه اغلاروق التی گوشه قبرین حسرتین چکوب گونده مزاره حسینه اغلاروق سنده اصغر قانه باتدی کربلا سو غمین باشینان اتدی کربلا دین وقرانه سوسوز جانین ویروب یومدی گوزون کامه چاتدی کربلا تاپدون اوگون کربلا سن امتیاز شاه دین قانیله الدی دستماز باشلادی   اللهیلن   رازو نیاز قیلدی عشقیله حسین سنده نماز

اظهار ارادت خدمت ارباب بی کفن درد مندوخ آغلاماخ درده دوادور بیزلره بو حسینون درگهی دارالشفادور بیزلره بو ولایت عشقینی بیز مصطفادن آلمشوخ غیرتین سرمشقینی شیر خدادن آلمشوخ بیز بو آغلار گوزلری خیرالنسادن آلمشوخ درس عشقی اورگه دن خیرالنسادور بیزلره اولماقا ثابت قدم صدقیله همّت شرطیدی اولماسین ریب و ریاست اصل نیت شرطیدی ای عزادار حسین جمعوزده وحدت شرطیدی جمع اولوب بیر آغلاماق لطف خدادور بیزلره دشمنین فکری بودور ذکر حسین وای گَلمه سین بو جوانلار هیئتین رسم و رسومین بولمه سین سیز تلاش ایلون ولی تا روح مکتب ئولمه سین نهضت کرب و بلا رمز بقادور بیزلره اجنبی لر ایستیور آه و نوادن ال چکاق شاه عالم خامس آل عبا دن ال چکاق نینوانی بوشلیاق کرب و بلادن ال چکاق بولموری کرب و بلا مرو و صفادور بیزلره فرقه ی عدوان دیور قاره گینلر اولماسین صف چکوب آغلار گوزیله آغلیانلار اولماسین یول ایتیرسین لر جوانلار آغلین لر اولماسین مدعی لال اول بو نهضت پر بهادور بیزلره دین یولوندا هر بلا گلسه گر کدور صبر ایداخ خیری شردن هر زماندا حقی باطلدن سیچاخ باش ویروب باش اگمین راه شهیدانی گیداخ فاطمه اوغلی حسین میر هدادور بیزلره جیفه دنیا گرکدور بیزلری آنلاتماسون واقعی شیعه اودور هیچ قیمته دین ساتماسون حلقه ی گرداب غفلتده وجودی باتماسون باتماروخ گردابه قرآن رهنمادور بیزلره ای گیدن حجّه طوافون نیته وابسته دور صاحب کعبه حسینه چون اوزی دلبسته دور بی حسین گیتسن طوافه مزدی پای خسته دور چون حسین شرعین یولوندا رهگشادور بیزلره دائما فرهنگ غربی حمله ایلور بیزلره اغنیالر باش اوجالدور ظلم اولور بیکسلره قویماروخ بیر کس باخا کج بو قرا پرچملره بو علملر دافع دردو بلادور بیزلره (طائرا)آل علیدن چکمه ال دائم چالیش با وفا احبابیله فکر و عملرده قاریش سس سسه وئر(بیکَسیله)شعله چک دلدن آلیش سویله بو بزم عزا باب رجادور بیزلره #دردمندوخ_آغلاماخ_درده_دوادور_بیزلره #محرم #جلالت #سیدالشهدا #مقام_نوکری التماس دعای فرج👇

عطری گلور  محرّمین   هر  یره   قاره چکدیلر فاطمه  نوحه   باشلادی گویلره   قاره چکدیلر یااباعبدالله حسین – یا اباعبدالله حسین گییدی  گنه حسینچی لر   پیرهن    عزالرین ابر   بهاری  تک   دولوب  گوزلری   آشنالرین شهرلری دولان  ائشیت  وای آنا وای نوالرین معرفت  اهلی  مسجد و  منبره    قاره  چکدیلر اهل ولایتین بو  آی  گولمیه  جاق  دوداقلاری دسته لرین سالوب  یولا  کوچه لرین اوشاقلاری کوی   شهادته   گلور  کرب و  بلا    قوناقلاری جنّت اولوبدی غم سرا،  سر دره  قاره چکدیلر اصغره خاطر  ایندیدن  ایلمیون   سو  صحبتی خالی  قدحلر   الده دی   ساقیه   وار   خجالتی فاطمه  مهریدور  فرات   اوغلونا  وئرمور  امّتی خیمه ده    گاهوارة     اصغره     قاره   چکدیلر سسلوری  صاحب الزمان   سینه  زنانِ  عالمی قاره   لباسوزی  گییون گلدی حسین  محرّمی وئردی نشان  ملکلره  فاطمه   قانلی  کوینگی آهیله   عرش   اعظم   و  اکبره    قاره  چکدیلر قانه  حسینی آز   قالور  اهل   ستم    بویاندیرا کوفه    رعیّتی   گلور   خیمة     شاهی   یاندیرا باشلاری   نیزیه  ویرا  سینه ده   آت  دولاندیرا گور  هامی کوی و برزنه یکسره  قاره چکدیلر آه او زماندان  ایستدی شمرکسه حسین  باشین تلّیده  زینب  آغلادی سسلدی داده قارداشین آچدی سکینه  باشینی توکدی  رقیّه  گوز  یاشین خیمه   سرای  عترتِ   حیدره    قاره   چکدیلر قاره یلاَسدی باتدی گون قدسیان الامان دئدی یرده حسین جنازه سی نیزده  باش اذان دئدی کوینگینی  آپاردیلار فاطمه  باخدی جان دئدی اهلِ    مدینه    مرقدِ    مادره     قاره   چکدیلر 👇

🏴احوالات ورود به ماه محرم🏴 قاره پرچملر اسور گلدی عزاسی آقامین چکیلوب کوچه و بازاره قراسی آقامین قدسیان ماه محرمده حسین وای چاغورور قورولوب عالم معناده دَه یاسی آقامین چکولوب عرشه قرا جن و ملک آغلیوری داغلیدی قلبی یانورغملی آناسی آقامین قوش سسین سنده بوآی حضرت زهرا سسینه ئـول تـسلی خانیـما ،چوخدی نـواسی آقامین کیم تسلی اولا زهرا خانیمین ناله سینه اُونا وار محشـر کبـراده دعـاسی آقامین درمند اولساز اگر آیری یره گئتمیه سوز اتـگینـن یاپـیـشیـن واردی دواسی آقامین ✍️ علی اصغر عباسعلی نژاد کیوج سراب التماس دعا...

بانوای مداح اهلبیت حاج هاشم خیری