استاد بزرگوار اشرفی

ای باتان کرب بلاده تشنه لب القانه قارداش گل گوروم بیرده جمالین جان وئریم جانانه قارداش هارداسان ا ی نورعینیم باشیم اوسته گل حسینم ای عزیز آل طاها وی امیر تاجداریم غصه و غمدن یورولدوم قالمیب دیلده قراریم بو چتین گون ده بیلیرسن واردی سندن انتظاریم دردیله سینم دولوب دیر گل یئتیر درمانه قارداش اولماسا قارداش یانیندا باجینین اولماز جلالی گور نئجه سالدی زمانه زینبی ائلدن ارالی سن کفن سیز من وطن سیز، سن یارالی من یارالی عشقویله خوشدی وئرسم عمریمی پایانه قارداش دینجلیر درد و بلادن زینبین قارداش بو ساعت گل ائدیم بو سون نفسده ماه رخسارین زیارت باشیم اوسته مرحمت قیل گل ائله قران تلاوت سن بیلرسن که نقدری شایقم قرانه قارداش نیسگلیم چوخدور اورکده موج ائدیر آتشفشان تک قلبیمین قانی رواندور صورته آب روان تک آخر عمری ائللریم دن آیریلیب قالدیم یامان، تک نیلییم قسمت دی هرآن من دوشم بحرانه قارداش هر نفس چکدوقجا دیلدن یاده سالام کربلانی ایچمیشم عشقونده هرآن شوقیله جام بلانی دیلده چوخ گیزلین یارام وار خوشلیرام خاک شفانی گزمیشم راه وفانی عاشق و مردانه قارداش یاده ساللام کربلانی قلبیمی اودلار مصیبت یاره اوستن یاره ووردی جسمیوه قوم عداوت سن شهید اولدون ستمله خیمه گاهیم اولدی غارت آغلادیم یاندیم آلشیدیم اتش هجرانه قارداش هر نقدری عمریم اولسا آغلارام یانام بو درده اوچ گیجه گوندوز یارالی پیکرین قالمیشدی یئرده جسمیوه توپراقلار اوسته قان آخیب چکمیشدی پرده دفنیوه امکان یوخیدی زینب نالانه قارداش #مدهوش

🏴نوحه امام حسن مجتبی (ع) 🎼سبک : یا امام زمان شیعه ده احساسه باخ... ویر  خبر زینبیم   داده  حسینم  گله لبلریمدن  آخان زهریلی قانی سیله جگریم     یاندی گل  قلبیم    اوتلاندی   گل یاحسین جان (۴) ئولورم   آی   باجی  داده  حسینی  چاغیر جگریم  دوغرانوب   اولدی  مصیبت  آغیر بیش یاشیندان  باجی باشیوه  غملر یاغیر جگریم     یاندی گل قلبیم    اوتلاندی   گل یاحسین جان (۴) آنامز     یوخ     باجی    ای   آناما      نایبه صبر    ایله    آغلاما  صبره   اولان   قایمه سنه    قربان   اولوم  عاقله  سن    عالمه جگریم     یاندی گل قلبیم    اوتلاندی   گل یاحسین جان (۴) گیت خبر  ویر باجی ئولدی حسن یاحسین باد محنت اسوب صولدی چمن یاحسین غسل  قیل سن اوزون  ایله کفن یاحسین جگریم     یاندی گل قلبیم    اوتلاندی   گل یاحسین جان (۴) قوی حسینیم    گله   باشلیا  تا   یاسیمی گوگلوم  ایستور گورم  قهرمان عباسیمی دی  آتان جان  ویرور  یاسه گله  قاسمی دی حسینیم    گله    باشلیا    تا  یاسیمی جگریم     یاندی گل قلبیم    اوتلاندی   گل یاحسین جان (۴) زهر دشمن   منیم   یاندوروب   اکبادیمی اوجادیب   گویلره   غصه لی    فریادیمی جعده   ایتدی   یتیم    ظلمیله    اولادیمی جگریم     یاندی گل قلبیم    اوتلاندی   گل یاحسین جان (۴) أسه  صرصر  يلی گلشنه تئز ؛ گل  صولار زهر    ایدیبدر   اثر   طاقتیم    الدن    آلار عدنیده   فاطمه     باشینه    قاره     سالار جگریم     یاندی گل قلبیم    اوتلاندی   گل یاحسین جان (۴) بالامی گیت  گتیر  قویما گیلان  آغلاسین قویما  هجران  غمی سینه سینی داغلاسین دی  حسینیم  اونی اوغلی کیمی ساخلاسین جگریم     یاندی گل قلبیم    اوتلاندی   گل یاحسین جان (۴) #امام_حسن_(ع) #صفر۱۴۰۳

نوحه امام حسن مجتبی علیه السلام ✍ شاعر ؟؟؟ اجرا : احسن دهقان #اللهم_عجل_لولیک_الفرج

کوچ از شام گیدیروخ بیز اربعینه بودی نسگیلم رقیه نه دیوم بابان سوروشسا هانی سویگولوم رقیه دیمرم سوروشسا اکبر باشوا گلن بلادن دیمرم ایدردی ناله غم و ظلم کربلادن دیرم فراق و غمدن هامی یا هامی جفادن نه دیوم بابان سوروشسا هانی سویگولوم رقیه دیمرم خرابه یرده نه قدر چکوبسن ایذا دیمرم غمونده یاندی مه و مهر چرخ مینا دیرم مه مدینه بوله بو ملالی اما نه دیوم بابان سوروشسا هانی سویگولوم رقیه دیمرم که گل وجودین باجوین یوروبدی غملر دیمرم اولنجه اولدی سوزی گل علی اکبر دیرم بو اربعینه گلوب اهل بیت یکسر نه دیوم بابان سوروشسا هانی سویگولوم رقیه دیمرم بو دردی سردار عموا اورکده قالسون دیمرم دیردی گلسون منی بیر قوجاقه آلسون دیرم گلنمیوبدی اوزینی بو قبره سالسون نه دیوم بابان سوروشسا هانی سویگولوم رقیه دیمرم دل جهانه ورار اود گوزل مزارون دیمرم وطنده صغرا چکر ایندی انتظارون دیرم سوروشسا هر کیم بو اسفلی حال زارون نه دیوم بابان سوروشسا هانی سویگولوم رقیه دیمرم فراق ایوینده کسیلوبدی صبر و تابیم دیمرم یانان اورکده گنه واردی اضطرابیم دیرم غم و ملالون ولی یوخ بونا جوابیم نه دیوم بابان سوروشسا هانی سویگولوم رقیه دیمرم ئولنده یاندی شرر غمینده داغ داش دیمرم قویاندا قبره یوزه جاری اولدی قانیاش دیرم کفن سیز اولدی بو بیبون اولیدی ایکاش نه دیوم بابان سوروشسا هانی سویگولوم رقیه دیمرم خرابه یرده گلن ایلدی شمادت دیمرم غموندن ایتدی منه روز و شب شکایت دیرم قوتولدی غمدن بو غمون ایدر خجالت نه دیوم بابان سوروشسا هانی سویگولوم رقیه مرحوم اعظمی تبریزی

یارقیه بنت الحسین.س. ✍حاج رضا محمدی ولایی سبک:حسین دوشوبدی مقتله ایاقی یاره دلبریم قولاقی پاره دلبریم خرابه یرده دفن اولان کفنی قاره دلبریم کفن سیز جسمون بالا قالموشدی اراده هامی سسلندوک وفالی عباسی داده یادیمدان چیخماز ئولونجه'ئوز اللریمله سنون قازدیم قبروی بو ویرانسراده یارالی بالام وای_حیالی بالام وای یتیم لیگین سرشکینه ئورک قانین قاتان قیزیم آتاسی نین باشین گوروب مرادینه چاتان قیزیم ئولونجه یاننام اوخشارام گجه لر آج یاتان قیزیم سن آج یاتیردون عمه وه یوخیدی چاره دلبریم آتا باشی سینه ده وئردون جان رقیه سنی ئولدوردی بو درد هجران رقیه بوغربتده شمع تک یاندون تا سونونجه ئولیدیم کاش تاپمادیم من درمان رقیه یارالی بالام وای آنام بطوله اوخشیان قابیرقاسی سینان بالام جمالی نیلی سیلی دن گوزونده لخته قان بالام خرابه یرده آج سوسوز وئرن یارالی جان بالام بدن ده قمچی ردی آی گئدن مزاره دلبریم یوزون اوخشاردی آنام زهرایه رقیه سالان داغلی قلبینه غم سایه رقیه داریخما بوردان اگرکی گئتسم ده گللم سنه اوللام شامیده همسایه رقیه یارالی بالام وای بو غربت ائلده آی قاتان ئورک قانیلا گوز یاشین گهی آتاسین ایستیین گهی ادبلی قارداشین خرابه ده آتاسی نین گورنده یاره لی باشین همیشه لیگ گوزون یومان بو روزگاره دلبریم گئدن نیسگیللی مزاره شیرین دیلیم وای اولان قلبی یاره خوش نغمه بولبولوم وای بی بون زینب گورده هریرده گوشواره دئیر وای قبره گئدن حسرتلی گولوم وای یارالی بالام وای ئولونجه یاندیرار منی رقیه مین بو نیسگیلی کی دوشموشیدی لکنته او سیلی دن سورا دیلی بو نازدانه نین هله دوزلممیشدی دورد ئیلی آغارتمیشیدی ساچلارین فراق یاره دلبریم قیزیم آخشام اوخشیان وقتده یانه یانه سالاردی اوت اوتلی قلبی قلب جهانه وئرنده غساله غسلین گوردوم وجودین نئجه یوللاردا ائدوب یول یول تازیانه یارالی بالام وای

#روضه_حضرت_رقیه خانم زینب باخردی دییر گوردم بیر بالا ایچین چالور باش دوشدی بیرطرفه بوبالا دوشدی بیر طرفه دییلر اوچ کلمه دانشب باباسیلان بابا ده گوروم منی کیم یتیم اله دی بابا ده گوروم کیم بوینوون دامارلارین قیردی گوزیاشیلان مهدی قاپسنا گده جایوخ بالا دوشدی بیر طرفه اوباشدا دوشدی بیرطرفه ایندی ئوزون تجسم اله بعضی سی دیدی یورولدی بالا یاتدی بعضی سی دیدی غصه سینن آغلوربالا دوشدی یوزی اوسته اما زینب بولوردی گوردولر ال اله دی باشنا آرام آرام اوشاقی چوورنده نجور اولار رقیه نین زلفلری داغلدی خرابیه گوردولر بالانین گوزلری آخوب اله یریدی زینب ال اله دی باشنا گلون گلون بالام ئولدی دوتون عزا بالاما عزاسی خوار اولا سیز گورمیون روا بالاما آی شامین اهلی ورا ورا بالامی ساربانلار ئولدوردی نه بیر طبیب تاپلدی نه بیر دوا بالاما آقا امام سجاد بیوردی غسالیه خبر اله ویردیلر خبر غسالیه گلدی بالانین کنارینه غساله یتیشدی یواش یواش ال اله دی لباسلری خارج الیه چکیلدی دال دالی خانما یالواردلار به نیه غسل ویرمیرسن نیه لباسلارین چخادمیرسان دیدی دیین منه گوروم نیه بونون بدنی یول یول اولوب خانما نجور غسل ویریبلر قالسون علی ده دییردی اسماء سویی یاواش توک زینب دیدی یاواش یوون بدنی بوبدنه یواش حرکت ویر غسل ویره ویره زینبین گوزی دوشدی او گورن یوزه نجور غسل ویردیلر ایشیم یوخ نجور اوبالیا ویرانه ده قبر قازدی ایشیم یوخ زینب اوتدی یره بیر کیمسه اولمادی بالامین قبرینی قازا قازدیم ئوزوم خانم الریلن قازیر قبری الر یارالیدی یواش یواش اوقبری قازدی خانم ایستدی اوبالانی قویا قبره خانمین اورگینن گلمدی بیرآز اوتدی آغلادی امام بیوردی عمه دفن اله بالانی گرک بالا دفن اولا چکیلدی کناره بولمورم بالانی نجور قویدولار قبره قبره قویانا غسل ویره نن صورا یوزونی اوپلر زینب ولی آنن اوپوب بالانین سوال اله دیلر خانمنان مدینه ده نیه بالانین آننی اوپدون دیدی او یوز یارالیدی ایستمه دیم بالا دیسگینه

#روضه_حضرت_رقیه حاج ابراهیم رهبر

اربعین زبانحال حضرت رباب س آفت هَزارین اِیتسه خزان لاله زارینی درد و اَلم آلار اورکیندن قرارینی باخدوقجا اوز سولان گولونه بلبل حَزین اِیلر چمنده صبح و مسا ناله کارینی وار حکمتی بو مسئله نین روزگاریده بلبل اودور که ترک اِیلمز گول جوارینی جَبراً اگر آیرسالا گولدن او بلبلی ناچار اولوب سالار دیله هجران شرارینی گَلدی اورکده مقصد و منظوریمی اَله بیر غنچه گولده آلدی ربابین قرارینی دائم دیردی قید اسارت قوتارمادی من تا آلام او قبر شریفین کنارینی طوف اِیلیم مزار حسینی زمانه ده دنیاده چَکمیم هامی غملر فشارینی کِچدی غرض خرابه ده بیر مدت مدید درک اِیلدی دوباره او محنت دیارینی سالدی اوزون مزار حسینه نوایله اَلده بهانه اِیلدی اوز شیرخوارینی اصغر ددی دویونجا حسینه بیر آغلادی آچدی مزاری اوسته گوزون آبشارینی دوندی مخاطب ایتدی علی اصغرین رباب سالدی خیاله درد و غم بی شمارینی سَسلندی ای آناسینی آغلار قویوب گِیدن ترک اِیلمز بو نوعیله هیچ یار یارینی یِتدی او دم که سمعیوه هَل مِن مُعین یار گوردون بصیرتیله غم آشکارینی گَلدون نوایه، آلدی سَسون خسرو حجاز نای غمیله ساز اِیلدی هنگ تارینی آخر بو چولده قانه بَلشدون قئیتمدون عرشه اوجاتدی بی کس آنان آه و زارینی دریا قوتولمازیدی سو ویرسیدیلر سنه آغلاتمازیدی کرب و بلا شهریارینی سَندن صورا آچیلدی فراتین یولی او گون گوردوم سو کاسه سینده سَنون گلعذارینی اِیچدیم نه اِیچدیم اِیله بیر اود دوشدی جانیمه گوردی او سو حیاتیمین انجام کارینی بیر قانلی سود بو چولده گَلوب دولدی سینه مه اوزگه بیر حاله سالدی بو غملر دچارینی سَسلردیم ای آناسینی گوزدن آتوب گِیدن سَسلور آنان هراینه پروردگارینی آلسان اگر منیم سَسیمی دادیمه یتیش گل گور یانان چادردا غم جانشکارینی احوالیمه او لحظه منیم عمّون آغلادی یاندوردی درد و غم، جگر داغدارینی بی کس آنان مزاریوی اوندا تاپانمادی ایندی قویوب مزاریوه اما عذارینی گوز کاسه سینده یاتما اویان سو گتیرمیشم ای اوچ پر اوخ خزان اِیلین نو بهارینی قربان اولوم بوغازیوین اول اوخ یاراسینا من گورمدیم او حنجر بس زخمدارینی احوالیوی بیان اِیلینده علی قیزی دردون احاطه ایتدی دل بردبارینی درد و غمون یقین آناوی غصّه مرگ اِیدر چوخ چَکمَسن بو بیر خبرین انتظارینی قویما بقیه عمروی چوخ فوت اولا #عتیق یاز نوحه آغلا عرشه اوجات آه و زارینی

اربعین یِتیردی یار ازل یاری یاره آی قارداش هزار شکر اولا پروردگاره آی قارداش اورکیم اِیله داریخمیشدی که فراقینده نه چَکمیشم بولَر اهل اشاره آی قارداش گورنده قبرون اودور قالدیم آیری احواله ئولوب بو چولده دیریلدیم دوباره آی قارداش غم آلدی دیزلریمون اختیارینی اَلدن دوروب مزاریوه اِیتدیم نظاره آی قارداش دِدیم اوزوم اوزومه گَل سورون اَلون یِتسون بو چولده دامن وصل نگاره آی قارداش یِتَم وصالیوه ناچار اولوب سوروندوم من نه لازمیدی مگر اصطباره آی قارداش یانوبدی جان و دیلیم آتش فراقوندان گولون فراقی چَتیندور هَزاره آی قارداش نَلَر گَلوب باشیما شامیده خدا بولوری اورکیمین غمی گَلمز شماره آی قارداش گوزی گوزومده گوزل گوزلرین بالان یومدی باخا باخا بو دو چشم خماره آی قارداش سَسیمی آلسان اگر سَس یِتور من زاره باجون فدا او لب دُر نثاره آی قارداش دانیش منیله بیر آز اوچ پر اوخ یاراسیندان چیخا خیالیدن حاشّا او یاره آی قارداش او یاره یخدی منیم روزگاریده ایویمی سالوبدی اود بو دل شعله باره آی قارداش دوشنده یاده سالار یاده زخم مسماری آخار گوزوم یاشی گوزدن عذاره آی قارداش بو اوخ یاراسی چوخ اوخشار او زخم مسماره تاپلمادی اونادا راه چاره آی قارداش آتام علی گوزنون یاشین اِیلدی مَرهم او زخم کاری بس جانشکاره آی قارداش غرض که توختامادی، سویلدیم نَدور چاره بویوردی قالدی اِیشی کردگاره آی قارداش هاچان او یاره نی آچدوم طبابته گوردوم گوز آچدی آغلادی قان یاره، یاره آی قارداش او قان آخا آخا گِتدی مزارینه آنامیز گونومی گوندوزومی اِیتدی قاره آی قارداش هزار جان گرامی فدا اولا آزدور جهاندا بو ایکی پوزقون مزاره آی قارداش آنام مزاری که اِیتگین قالوبدی یثربده چتین جهاندا چیخا آشکاره آی قارداش بو آلتی گوشه مزاری ولی گورن دیجاخ دوشوب یره اِیله بیر که ستاره آی قارداش گوزل چَکوبدی ازل گون بو نقشی نقاشون فدا اولوم بیله نقش و نگاره آی قارداش اَیاقون آتدا یاتوبدور یقین علی اکبر اولوبدی صاحب عجب افتخاره آی قارداش اوشاخ سوور یاتا عالمده سینه نین اوسته خصوص، اولسا اگر شیر خواره آی قارداش علی اصغری جان تک آلوبسان آغوشه ویرب قرار دل بی قراره آی قارداش رباب اصغرینی آختارور ولی تاپمور اونوندا دردینه دور اِیله چاره آی قارداش سو اوسته اَللرینی باغلیوب بو صحراده گَلوبدی اِیندی ولی اعتذاره آی قارداش سوسوز بالاسینی ویر بیر قوجاقینه آلسین چتین دوشه یولی غملی دیاره آی قارداش سَریه لیلی و گُلثومیله سَکینیه باخ سالوبلا قبریون اوستون حصاره آی قارداش اَلوله گوزلرینون یاشینی چو ابر بهار غمیله گَلدیله من تک کناره آی قارداش گوزتلیوله گیداخ آغلیاخ بیر عباسه آتام علیدن اولان یادگاره آی قارداش عتیق نوحه یازوب عارضه سرشکین اَلَر موفق اولموش عجب افتخاره آی قارداش

اربعین _مرحوم روفه گر هر دم قولاقیمه گینه صوت فغان گلور قلبیم یانار، گوزوم دولار، اشک روان گلور مرآت قلبی صیقل ایدر چون گوزوم یاشی گوسترماقا جمالینه روح روان گلور مضراب غم دگنده او تار سلاسله شور و نوا سسی اوجالور الامان گلور آواز زنگ ناقه ی رفتار سسلنور گویا عراقه شامه گیدن کاروان گلور امّا نه کاروان هاموسی گل کیمی سولوب گویا گیچوب بهار گلستان، خزان گلور قاره لباس ایچینده به سان شب فراق روز وصال شمسه هامی اختران گلور هم ناله اولماقا او خواتین عصمته افلاکیدن مقرّب قدّوسیان گلور القصّه سوز اوزاندی ایداخ کشف مطلبی ای مستمع قولاق ویر عجب داستان گلور جابر او حالیله ایشیدوبسوز حکایتین بُلدی گَلن او قافله دور، زائران گلور ناگه اوجالدی بانگ هیاهوی اهل بیت قبر امام اوسته امام زمان گلور بیردن توکولدولر دوه لردن مخدّرات گویا یر اوسته کوکب هفت آسمان گلور زینب کناره آلدی حسین قبرین عرض ایدوب دور گور نه نوع باجون ناتوان گلور اوّل بویور گوروم یارالی یاخشیدور یاران یا اینکه گل کیمی باش آچوب تازه قان گلور هر چند ایستورم دیمیَم چکمیشم نلر امّا ایدوم نه چاره که درسیم روان گلور من خیمه لر یاناندان آدیم شهرت ایلیوب هر یان دیولّه زینب بی خانمان گلور خولی قویوب کول اوستونه باشون گیچوب گیدوب دنیایه هاردا بیله دنی میزبان گلور ابن زیاد مجلسی بیر اوزگه طرزیدی گوردوم عمومه اذن ویروب کوفیان گلور رجّاله لر گلوردی تماشامیزه بیزیم عرض ایتماقا او حالی نه شرح و بیان گلور

زبانحال اربعین یقینم کربلا شد عمه نزدیک که بوی مشک و ناب و عنبر آید مهار ناقه را یکدم نگهدار به استقبال لیلا، اکبر آید مکن منزل در این صحرا که ترسم دوباره شمر دون با خنجر آید گلنده کرب و بلایه زینب غمگین زبانحالیدی گویا بیله بویورد حسین دور قبریدن عباس علمین آل اله قارداش پیشواز ایلیون گلدی گیدن قافله قارداش قویما اوجالا آتلاریزون شیه صداسی قورخار بالالار ایلمیون هلهله قارداش بیر سس گلوری دیلدن آلور صبر و قراریم لیلا سسیدی اکبری سسلور گله قارداش گهواره چیخاردون قاباقا بلکه ربابین لای لای سسینی  قبریده  اصغربوله قارداش

 زبانحال در اربعین   گلنده کرببلایه او زینب غمگین زبانحالیدی گویا بیله بویوردی حسین   دورآچ گوزون عباس علمین ال اله قارداش پیشوازایلیون  گلدی  گیدن قافله قارداش   دولدور قوریان مشکیوه بو آب فراتی قویما گله لر سوزعطشدن دله قارداش   زینب باجیمین عطری گلور یاتما اویان دور یغ لشکریوی باشیوه یوزقوی چوله قارداش   قیما او جالا ۀتلارزین شیحه صداسی قورخاربالالار ایلمیون هلهله قارداش   بیرسس گلوری الدن آلورصبرو قراری لیلا سسیدوراکبری سسلور گله قارداش   شیون سسی چوخ اوج ایدوری عرش برینه اولما بو سکینمدی سیزیلدیربیله قارداش   دورقاسمه بیردسته قزل قرمزی گل در نصب ایتسون آناسی اوتوران محمله قارداش گهواره چیخاردون قاباقا بلکه ربابین لای لای سسینی  قبریده  اصغربله قارداش   سجادین الیندن یاپوشوب ایله پیاده ناخوشدی بالام  حالتی یوخدور گله قارداش   یوخدور بو گلن قافله ده یوخسا رقیم گلمورسسی مشتاقم او شیرین دله قارداش   واردوریری گر عرض ایلسم زیب کبری سسلندی بیله آغلاماقا بو نسکله قارداش   بیرتک سنی یاندورموری اول نازلی رقیه آغلار قالوب احوالینه بیر سلسله قارداش   نسکلرینی یاده سالان وقتیده زینب رخساره توکراشکینی بی فاصله قارداش   باشون دالیجا کوفه و شاماتی دولاندی وصل رخ یاری سالا بلکه اله قارداش   گه دیره چکوبدوراونی اوزباشداکی شوری گه شامیده ویرانه اولان منزله قارداش   صدحیف اولا مقصوده ولی اولمادی نائل حسرت قالوب آخرده قبیله ایله قارداش   یاتدی سنی رویاده گوروب بیرگیجه دوردی ویرانیه آهیله سالوب ولوله قارداش   هرقدردیدیم آغلاما عمن سنه قربان صبرایلمدی تنگه گلوب حوصله قارداش   دشمن سسین آلدی بالامین ویردی تسلی چوخ جای تعجبدی بو ایش عاقله قارداش   گوندردی بالا دردینه درمان آتا باشین باخدی باشیوا باشلادی عرض گله قارداش   دردین دیدی بیربیرسنه تا دوشدی نفسدن سالدی گیجه وقتینده منی مشکله قارداش   غرق ایتدی منی بحرغمه نازلی رقیه اوززورق جسمین یتوروب ساحله قارداش   دوشدی نظریم غسل ویرن وقتیده گوردوم واردورایاقیندا اثرآبله قارداش   اوزکوینگینی جسمینه منده کفن ایتدیم تاپشوردوم او گل پیکری قبره ایله قارداش   ایتدیم بالاما گوشه ویرانه نی مدفن غم باغریمی دوندردی منیم مشعله قارداش   ویرانه ده بیربزم عزا منعقد اولدی معناده گلوب فاطمه اول محفله قارداش   دعوت ایلدیم عترتیوی بزم عزایه گللر یغوشوب آغلادیلار بلبله قارداش   قبراسته عزا بزمی دوزه لر بودی رسمی من دوزدوم او شمعی شرر آهله قارداش   غم چکمه که ویرانه ده تک قالدی رقیه دشمنلرینه ثابت اولوب مسئله قارداش   شام اهلی گلور قبرینه چون دسته بدسته بلبل کیمی اوخشالا او خندان گله قارداش   آغلا بو غمه توشه ایله قبره (رجائی) لازیمدی سنه زاد ره و راحله قارداش   مرحوم رجائی تبریزی

‍ #یارقیه اورکده غصه دن قالیب الریم قیز اولموشام گوز دن بله دوشموشم آلتی آیدور دارانمیب تلریم خدای من اوچ ایل منه بهار اولدی یاز اولدی آییم گونوم نعمت اولدی ناز اولدی ارث آپاردیم دردی بیوک ننمنن آی ایشیق گونوم گولش اوزوم آز اولدی واریم یوخوم کربلاده یوخ اولدی منیم غمیم ننمننده چوخ اولدی اوز بی بیمه دینمدیم دردیمی هر نیسکلیم قلبیمده بیر اوخ اولدی سو آخماسا چمن لاله بیتیرمز قورد اولماسا قویون سوری ایتیرمز اوجی قوان مارال کیمی ایتمیشم هچ کیم منی ایلریمه یتیرمز الله نصیب ایلسین خانم رقیه قبرین اوردا بئله زمزمه ایلیخ داغلار کیمی قلبیم باشی دوماندی گوزلریمده حسرت سرشتی قاندی خدای من سنیم اوشاخ نابلدم یولارا شامین یولین تاپانمورم هایاندی سوارسالار قونچا توزا بیرونمز گوز اولسالار گون شاخدن درینمز ییله سینیب منیم خولوم بوداغیم توزلی ساچیم اولنه جک هورونمز خدای من بلبل گزر باغدا الاقه اوسته چه چه ویرار گول اوسته ساقه اوسته قویمادیلار یول اوزونی اوخشیام پر پر اولان گولومی ناقه اوسته غم اهلیده گونونده یولداش ایستر ایستکلیسین یولداشینان باش ایستر ائل طایفانین گوزی منی ایسته سه منیم گولوم بو چولده قارداش ایستر خدایا هیچ دردلینون دردی منن باش اولماز یامان گونده یتیمه یولداش اولماز منیم کیمین باجی دوغماز آنالار اکبر کیمین وفالی قارداش اولماز خدای من ظلم الینن سونوب حدبن چراغی برهم اولوب گوزل آتام طفاقی هر یرده کی غم اوز ویریب قورخموشام عمم اولوب اورگیمون دایاغی سبک با نوای زنده یاد مرحوم استاد حاج سلیم موذن زاده اردبیلی 👇👇👇

✔️ اربعین عطریوی آلدیم حسین ؛ اولمدیم قالدیم حسین یول طریق عشقیله ؛ قبریوه سالدیم حسین رتبه والاسی وار ؛ منظر زیباسی وار (2) زینبون ای جان جانان قبریوه قربان تربتون مین درده درمان قبریوه قربان ای فروغ بی زوال ؛ اسوه فضل و کمال وار بو یرده جلوه نور حی ذوالجلال زینبه ای نور عین ؛ بو تجلانی حسین (2) گورمیوب موسی بن عمران قبریوه قربان تربتون مین درده درمان قبریوه قربان خالقه ممدوحدور ؛ تکیه گاه نوردور کعبه بی کربلا ؛ قالب بی روح دور خلقته روح حیات کشتی نوحه نجات (2) یا حسیندن اولدی احسان قبریوه قربان تربتون مین درده درمان قبریوه قربان نور مطلق بوردادی ؛ نقش هو حق بوردادی اسم اعظمدن اولان ؛ اسمی مشتق بوردادی بو آدی گتدی خلیل ؛ ایلدی رب جلیل (2) نار سوزانی گلستان قبریوه قربان تربتون مین درده درمان قبریوه قربان خالق هفت آسمان ؛ هم زمین و هم زمان گوییا خلق ایتمیوب ؛ بو شرافتده مکان منبع نور و صفا ؛ تپراقی خاک شفا (2) قبله گاه دردمندان قبریوه قربان تربتون مین درده درمان قبریوه قربان نه گوزل گل لر دوشوب ؛ گللرون پرپر دوشوب انجم افلاک دین ؛ گوئیا شش پر دوشوب اهل عشقه توشه دور؛ نه گوزل شش گوشه دور(2) اولموشام مبهوت و حیران قبریوه قربان تربتون مین درده درمان قبریوه قربان ای عزیز مصطفی ؛ من گیدنده یا اخا پیکر شان شانوی ؛ بوردا گوردوم بر ملا گوردوقوم پیکر هانی ؛ او گوزل گوللر هانی (2) خانه صبریمدی ویران قبریوه قربان تربتون مین درده درمان قبریوه قربان کربلا طوفانیدی ؛ سر به سر ویرانیدی من گیدنده غنچه گل ؛ ظلمیله خندانیدی شیونیم عرشه چاتوب ؛ سود امر هرادا یاتوب (2) اولموشام زار و پریشان قبریوه قربان تربتون مین درده درمان قبریوه قربان قلبیمی ایلور کباب ؛ درد جانسوز رباب خانمان صبریمی ؛ شیونی ایلور خراب گلمیشم ایوای دیئم ؛ اصغره لای لای دئیم (2) یوخلاسین اول قانه غلطان قبریوه قربان تربتون مین درده درمان قبریوه قربان دیده گریان گلمیشم غ ناز و نالان گلمیشم گوشه ویرانه ده ؛ قویموشام جان گلمیشم اولدوزوم اوردا یاتوب ؛ زینی گوزدن آتوب (2) شرحینه یوخ منده امکان قبریوه قربان تربتون مین درده درمان قبریوه قربان بیر منه باخدی حسین ؛ یاندیروب یاخدی حسین دیندیریردیم ناگهان ؛ گوزلری آخدی حسین اول پریشان خانه ده ؛ گوشه ویرانه ده (2) دوتموشام شام غریبان قبریوه قربان تربتون مین درده درمان قبریوه قربان اول حبیب ذوالنعم ؛ ایلیه « زرین قلم » بیر برات کربلا ؛ لطف و احسان و کرم اشتیاق و شوقیله ؛ باشلاروخ بو نوعیله (2) ایلدون نه یاخشی احسان قبریوه قربان تربتون مین درده درمان قبریوه قربان #اربعین ✍️ استاد زرّین قلم سبک ⬇️⬇️ 🎤بانوای استاد حاج محسن رستگاری تبریزی ___________

عطریوی آلدیم حسین ؛ اولمدیم قالدیم حسین یول طریق عشقیله ؛ قبریوه سالدیم حسین رتبه والاسی وار ؛ منظر زیباسی وار (2) زینبون ای جان جانان قبریوه قربان تربتون مین درده درمان قبریوه قربان ای فروغ بی زوال ؛ اسوه فضل و کمال وار بو یرده جلوه نور حی ذوالجلال زینبه ای نور عین ؛ بو تجلانی حسین (2) گورمیوب موسی بن عمران قبریوه قربان تربتون مین درده درمان قبریوه قربان خالقه ممدوحدور ؛ تکیه گاه نوردور کعبه بی کربلا ؛ قالب بی روح دور خلقته روح حیات کشتی نوحه نجات (2) یا حسیندن اولدی احسان قبریوه قربان تربتون مین درده درمان قبریوه قربان نور مطلق بوردادی ؛ نقش هو حق بوردادی اسم اعظمدن اولان ؛ اسمی مشتق بوردادی بو آدی گتدی خلیل ؛ ایلدی رب جلیل (2) نار سوزانی گلستان قبریوه قربان تربتون مین درده درمان قبریوه قربان خالق هفت آسمان ؛ هم زمین و هم زمان گوییا خلق ایتمیوب ؛ بو شرافتده مکان منبع نور و صفا ؛ تپراقی خاک شفا (2) قبله گاه دردمندان قبریوه قربان تربتون مین درده درمان قبریوه قربان نه گوزل گل لر دوشوب ؛ گللرون پرپر دوشوب انجم افلاک دین ؛ گوئیا شش پر دوشوب اهل عشقه توشه دور؛ نه گوزل شش گوشه دور(2) اولموشام مبهوت و حیران قبریوه قربان تربتون مین درده درمان قبریوه قربان ای عزیز مصطفی ؛ من گیدنده یا اخا پیکر شان شانوی ؛ بوردا گوردوم بر ملا گوردوقوم پیکر هانی ؛ او گوزل گوللر هانی (2) خانه صبریمدی ویران قبریوه قربان تربتون مین درده درمان قبریوه قربان کربلا طوفانیدی ؛ سر به سر ویرانیدی من گیدنده غنچه گل ؛ ظلمیله خندانیدی شیونیم عرشه چاتوب ؛ سود امر هرادا یاتوب (2) اولموشام زار و پریشان قبریوه قربان تربتون مین درده درمان قبریوه قربان قلبیمی ایلور کباب ؛ درد جانسوز رباب خانمان صبریمی ؛ شیونی ایلور خراب گلمیشم ایوای دیئم ؛ اصغره لای لای دئیم (2) یوخلاسین اول قانه غلطان قبریوه قربان تربتون مین درده درمان قبریوه قربان دیده گریان گلمیشم غ ناز و نالان گلمیشم گوشه ویرانه ده ؛ قویموشام جان گلمیشم اولدوزوم اوردا یاتوب ؛ زینی گوزدن آتوب (2) شرحینه یوخ منده امکان قبریوه قربان تربتون مین درده درمان قبریوه قربان بیر منه باخدی حسین ؛ یاندیروب یاخدی حسین دیندیریردیم ناگهان ؛ گوزلری آخدی حسین اول پریشان خانه ده ؛ گوشه ویرانه ده (2) دوتموشام شام غریبان قبریوه قربان تربتون مین درده درمان قبریوه قربان اول حبیب ذوالنعم ؛ ایلیه « زرین قلم » بیر برات کربلا ؛ لطف و احسان و کرم اشتیاق و شوقیله ؛ باشلاروخ بو نوعیله (2) ایلدون نه یاخشی احسان قبریوه قربان تربتون مین درده درمان قبریوه قربان #اربعین ✍️ استاد زرّین قلم سبک 🎤بانوای استاد حاج محسن رستگاری تبریزی 👇

▪️نوحه حضرت رقیه(س) ✍ شعر از: محمدی (ناعم) 🎼دستگاه : شور عرب 🎼بلایه آغوش آچانیم لایلای... ▪️▪️▪️▪️▪️ صفای باغ و چمنیم لایلای قناری خوش سخنیم لایلای باشوون اوسته دیرم نوحه یانیقلی نوحه دینیم لایلای ▪️▪️▪️▪️ منی بلایه سالانیم لایلای اوره ک قرارین آلانیم لایلای آچان زمان غارته ال دشمن ایاقلار آلتدا قالانیم لایلای ▪️▪️▪️▪️▪️ چمنده گل تک سولانیم لایلای غریب دوران اولانیم لایلای گورنده اکبر باشینی نی ده غمیله زلفین یولانیم لایلای ▪️▪️▪️▪️ منیم جلای وطنیم لایلای چراغ هر انجمنیم لایلای خرابه منزلده چیخان جانی حسین کیمی بی کفنیم لایلای ▪️▪️▪️▪️ بنای ظلمی ییخانیم لایلای گلوی کفری سیخانیم لایلای یزیدی آهی الیَن رسوا جدلده فاتح چیخانیم لایلای ▪️▪️▪️▪️▪️ غزال نیلی بدنیم لایلای منی غمه توش ائدنیم لایلای ننم مثالی یاسی نیسگیللی گئجه مزاره گئده نیم لایلای ▪️▪️▪️▪️ التماس دعا ✍بقلم کربلایی محمدی ناعم

نوحه حضرت رقیه سلام الله علیها ✍ شعر از محمدی (ناعم) اجرا: احسن دهقان #اللهم_عجل_لولیک_الفرج