ایدوبدی رحلت رسول اکرم گلوب فغانه ملکلر آغلار #پیامبراسلام 🍁🍁🏴🍃🍁🍁🏴🍃 🏴#شهادت رسول اکرم صل الله علیه وآله وسلم 🔰#سبک_آچیلدی_پرچم … 10 سبک #مرحوم شهاب تبریزی . . ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعۀ روز محشر آغلار باتوب عزایه ملک لر آغلار . . باتوبدی یاسه تمام عالم توکر عذاره سرشکین آدم قوروب ملایک بساط ماتم گوی اهلی بو غمده یکسر آغلار . . سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار . . نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار . . حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار . . حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار . . مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار . . گینه بو گوگلوم باتوب ملاله بیر اوزگه محنت دوشوب خیاله گلون ائداخ بیز حسینه ناله اونون غمینده پیمبر آغلار . . حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار . . گوز آچدی گوردی او شاه محشر اویاندا قاتل الینده خنجر بویاندا زینب ملول و مضطر توکر سرشکین او مضطر آغلار . . بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایمدی حرملر آغلار . . شهابون عمری تمامه یتدی حسینیلردن ال اوزدی گیتدی حسینه بسکه توسّل ایتدی شهابین اشکین گورنلر آغلار . . باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار . . شهاب یتمز بوغم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار . . . #پیامبراسلام #شهاب_تبریزی #پیامبراسلام_شهادت #ایدوبدی_رحلت_رسول_اکرم_گلوب_فغانه_ملکلر_آغلار #ترکی

‍ ‍ در شهادت حضرت خاتم الانبیا (ص) شاعر مرحوم حاج محمد حسین جنّتی مقام (صحاف تبریزی) ایلیوب رحلت شه بطحا بو گون باش آچوب ایلر نوا زهرا بو گون مصدر وَالعَصر بزم غم قوروب آفتاب دین بو گون ایلوب غروب ظلمت غم شش جهاتی دولدوروب وار یری قان آغلاسون دنیا بو گون غرق اولوب بحر غمه لاهوتیان آغلاشور سبّوحیان قدّوسیان عرش اعظمده خدای لامکان ایلیوب بزم عزا برپا بو گون جا وئروب جانانه ختم المرسلین هادی دین رحمةً للعالمین عارضه قانیاش توکر روح الامین الده تاجی دلده واویلا بو گون ثابت و سیار دگمش بیر بیره آز قالوب گوگلر توکولسونلر یره نقض اولوب خطّ بلاده دائره رخنه تاپدی قطب دین گویا بو گون ای گوزوم ایله بکا پیغمبره آغلوری ارض و سما پیغمبره ساخلیوب یکسر عزا پیغمبره حوریانِ جنَّةُ الماوی بو گون ایلیور گویده منادی لر خطاب بو همان گوندور اولوب یثرب خراب باش آچوبدور عترت ختمی مآب ورد ایدوب سبطین واجدّا بو گون تتروری وحشتدن عرش ذوالجلال صورت اجزا تاپوب تغییر حال یوز وئروبدور کائناته اختلال غملنوب دنیا و مافیها بو گون دین اسلام اوسته بو ناموس دین چوخ چکوب زحمت ائدوب دینی مبین ماتم خیر الوری دور ، مسلمین ایلمز شور و نوا آیا بو گون چکدی چوخ زحمتلر اول مولای دین زحمتیله ایلدی احیای دین باشینه کول توکدولر اعدای دین اولدی زحمتدن خلاص امّا بو گون ائتدی تبلیغ شریعت امّته عترتین قویدی امانت امّته احترامین ائتدی اجرت امّته حرمتین هتک ایلدی اعدا بو گون سارقین دین کمینگهدن دوروب حقّی ناحقّ ائتماقا مجلس قوروب رکن دینه صدمۀ اعظم ووروب محو شرعه ائتدیلر شورا بو گون ای حبیب لامکان سندن صورا چوخ بلا چکدی قزون خیرالنّساء قویدولار یرده جنازَن اشقیا فاطمه سسلندی واغوثا بو گون آچدیلار ال چرخ عصمت ماهینه باخمادی بیر کیمسه سوزِ آهینه ووردولار اود فاطمه درگاهینه شرح ظلمه  دلده یوخ یارا بو گون امّتون جور و جفادن دویمادی قبره گرچه جسم پاکون قویمادی دشمنون اما لباسون سویمادی ائتمدی چوخ نعشیوه ایذا بو گون قیل گذر بیر کربلا صحراسینه باخ حسینون چاک چاک اعضاسینه غرق اولوبدور جسمی قان دریاسینه حالینه باخ آغلا یان شاها بو گون نوحه یاز «صحّاف» ائت آه و فغان زحمتون گئتمز هدر قطعاً اینان روز محشرده دیرسن شادمان اجریمی لطف ایله یا زهرا بو گون #سبک #پیامبراسلام_شهادت #ایلیوب_رحلت_شه_بطحا_بو_گون

شهادت حضرت رسول اکرم(ص) حاج محمد علی منتظری سبک: دولدوروب جهانی، وای حسین صداسی . اولدی شهر یثرب منزل بلایا لانۀ مصیبت قلب پاک زهرا . موج ایدورغم و محنت غرق بحرغم عترت یا بقیّة الله یا بقیّة الله . . . دوشدی اضطرابه اقتدار ایمان اعظم مصیبت انزوای قرآن ترک ایدوب جهانی خاتم رسولان سیر ایدور نزولی اعتبار دنیا . . قاره پوش اولوبدی آسمان عزّت گوزده یاش ملائک ناظر مصیبت مجلس عزاده ایلیوبله شرکت جبرئیل الینده ساغر بلایا . . صوت وامحمّد روح انبیادن ناله تا ثرَیّا مروه دن صفا دن خون دل رواندی عترت کسادن تسلیت دلینده گلدی فرشه عیسی . . ناله لراوجالدی گیدی قاره عالم عالمی عزایه چکدی هجر خاتم ذکری وای اوغول وای گلدی روح آدم باشدا شالِ ماتم هاجریله حوّا . . گوئیا چکولدی آسمانه قاره حالتی دگرگون گوگده هرستاره آی گونش مکّدر وضع ناگواره ما خَلَق تماماً همنوای زهرا . . صف چکوب پرنده چِغراشور هواده یرده هر خزنده ناله ده نواده حاکم اولدی گویا وضع فوق العاده ال چکوب غذادن ماهیان دریا . . یاندی قلب عالم محنت فراقه غم غم اوسته یاغدی غملی اتّفاقه ای بسا تعجّب فرقۀ نفاقه دلده وامحمّد باشدا فکر یغما . . دارِ نُدوه بزم شور دور شرارت شورِدن نتیجه بیر غلط سیاست ثبت اولوب خلافت منزوی امامت حقّه چکدی پرده اقتدار شورا . . تسلیت بتوله انتهای مطلب صحبت مصائب شعرِده مرتّب دلغمین معزّا «منتظِر» معذّب ثبت دفتر اولدی بو اسفلی انشاء . . . . #سبک_دولدوروب_جهانی_واحسین_صداسی . . #پیامبراسلام_شهادت #اولدی_شهر_یثرب_منزل_بلایا #منتظری_شریف_آباد #ترکی

شهادت پیامبر اسلام صلی الله علیه و آله محمد رضا بیگلی (رضوی زنجانی) . سبک :: یا فاطمه من عقده دل وا نکردم و ای درد بی درمانلارا درمان ابالفضل . یومدی گوزون بو دهریدن چون شاه مرسَل ختم رسالت صاحب قرآن منزَل اولموش بو غمده عالم پریشان زهرا دوتوبدی شام غریبان . . . . کوچ ائتدی عالمدن او شاه با جلالت باشه یتیردی عمرینی ختم رسالت دنیانی بو غمده ائدیب غرق ملالت عاجزدی یازسون خامه بیر شرح مفصَّل اولموش بو ... . . . . زهرا پریشاندی اولوب گریان ملک لر ای وای دییَنده ایلیور لرزه فلک لر قانه دونوب بو غصه دن یکسر ئورکلر ترک جهان اتمیش بو گون اُل مرد افضل اولموش بو ... . . . . . زهرا دیور دنیا اولوب غمخانه بابا زندان اولوب الان منه کاشانه بابا بیرده دونوم باشیوه چون پروانه بابا ای راه اسلام و حقه نورانی مشعل اولموش بو ... . . . . . بابا غمینده اولموشام غرق مصیبت سندن صورا من آگهم ای کان رحمت قالّام یقیناً خوش گونه عالمده حسرت گلّم دالینجا منده ای شاه مجلّل اولموش بو ... . . #سبک_ای_درد_بی_درمانلارا_درمان_اباالفضل ... 10 سبک #سبک_یا_فاطمه_من_عقده_دل_وا_نکردم . . #پیامبراسلام_شهادت #یومدی_گوزون_بو_دهریدن_چون_شاه_مرسل #رضوی_زنجانی #ترکی

قیزیم گلمه بیله افغانه زهرا #پیامبراسلام_خوندل_تبریزی ➖➖➖➖➖ وصیت حضرت رسول اکرم (ص) خطاب به حضرت زهرا(س) .. .. مرحوم خوندل تبریزی .. .. قیزیم گلمه بیله افغانه زهرا آتان جان تاپشورور جانانه زهرا .. .. قیزیم بیر گول کیمی چوخ تیز سولارسان بهارین ابری تک دائم دولارسان بو تیزلیقدا منه ملحق اولارسان گلرسن روضۀ رضوانه زهرا .. .. قیزیم وار عزّتون دوشمه بو حاله منی جان اوسته سالما چوخ ملاله بو قدری ایلمه هجریمده ناله دایان صبر ایت غم هجرانه زهرا .. .. قیزیم چوخ گلمه فریاد و نوایه دوشر مندن صورا باشون بلایه دایان صبر ایله هر بیر ابتلایه یتور اوز عمریوی پایانه زهرا .. .. قیزیم گوز یاشیوی توکمه عذاره بیله گلمه فغان و آه و زاره هله گول اولمیوب مقهور خاره سرشگون آخمیوب دامانه زهرا .. .. قیزیم چوخ اولماسون پژمرده حالون هله وار عزّت و جاہ و جلالون غنیمتدور بو ایّام وصالون ملول اولما غم دورانه زهرا .. .. قیزیم چوخ آغلاما چوخ ایتمه شیون هله ال آچمیوبدور ظلمه دشمن هله وار احترامون تا وارام من قیزیم چوخ شکر ایله بو آنه زهرا .. .. قیزیم آز اشگون ایت رخساره ... #پیامبراسلام #پیامبراسلام_خوندل_تبریزی #پیامبراسلام_شهادت