به نام خدا #ماه_رمضان #مناجات_ترکی باتوسل به امیرالمومنین علی علیه السلام ---------------------------------- رمضاندور ، آچیلیب درگهِ غفران قاپوسی رو سیَهْ بنده لَره ، فرصتِ جبران قاپوسی قورولوب بزم ضیافت ، دؤشَنیب عرش خدا بو کرمخانیَه دعوت اولونوب ، شاه و گدا خالق ئوز رحمتینی قسمت اِئدیر بنده لره بی نصیب اِیلَمَــز الله گَلَـه هر کس بو دَرَه اینک ای بنده کی یاد،ایله دون ئوز خالقیوی تانیدون عشق و محــبت یارادان عاشقیوی بُوش اَلون ساخلا شب قدریده مولایَه طرف تا که عفو اِیلَه سین الله ، به حق شاه نجف حاجتون اولسا اگر ، زمزمه اِئت ، نادِعلی هامی مشــکل لری آســان اِلِیَــر یاد علی بوآیین زینتی الحق کی علی نین آدی دیر خیرعقبایَه چاتار هر کیم علی نی تانی دیر بوترابــی که اگــر اِیلَســه تپــراقــه نظــر اوچــار اول ذرّه ، گِئدَر عرش معلّانی گَزَر آفتابْ حُکمــینی اجــرا اِلییَــر آفــاقَــه بوترابیــن نظــری گــؤر نه اِئدر تپراقَــه "کیمیا"! دامن مولانی یاپـوش ذرّه کیمین علی و آل علی، شیعه یه دیر حبلِ متیـن ---------------------------------- رقیه سعیدی(کیمیا) https://eitaa.com/Maddahankhomein