#ورود ماه محرم## #ارسالی از سعادتی قم المقدس ## سینه لره غم گلیر غصه و ماتم گلیر قاره گییوب شیعه لر ماه محرم گلیر عالمی دولدوروب شور و شین سسلنور اهل دل یا حسین یا ثارالله، مولا حسین آیت اعظم گلیر گورملی عالم گلیر شور دوشور عالمه تا قره پرچم گلیر عاشق لر، اون گون ائیلر نوا گوزیاشلی سسلییر وای آقا یا ثارالله مولا حسین مجلسه آدم گلیر حضرت خاتم گلیر دیل که دئیور یا حسین گوزلره شبنم گلیر دولدوروب یئر گویی غم سسی حضرت زهرانین ناله سی یا ثارالله مولا حسین کیم قره کوینک گیر وای آقام ایوای دئیر حشریده خوش حالینه فاطمه اجرین وئرر بو غمده پیغمبر آغلیار سینه سین مرتضا داغلیار یا ثارالله مولا حسین شیعه نوا آختاریر بزم عزا آختاریر توکماقا گوزیاشینی کرب وبلا آختاریر تا جان وار بو عشقی بسلروخ عشقیله یا حسین سسلروخ یا ثارالله مولا حسین عشقه کیم اولسا دخیل دهریده اولماز ذلیل عشقیم حسیندور حسین حقه حسین دور دلیل چراغ هدایت دیر حسین منهاج سعادت دیر حسین یاثارالله مولا حسین عزت حسین دیر حسین دولت حسین دیر حسین هر ایکی دنیا بیزه قیمت حسین دور حسین اربابیم سلطانیم یا حسین سویملی جانانیم یا حسین یاثارالله مولا حسین یولدا گلیر قافله تا یئتیشه مقتله سروریمز تک قالیب شیعه وئرون ال اله تا جان وار بو شاهه نوکروخ عشقینه جان قربان ائلروخ یاثارالله مولا حسین #محمد_هوشمند #محرم💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛ #مدهوش کانال اشعار @hushmand 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#ورود به کربلا ✍حاج محمد علی منتظری #آهنگ کوچه ها را غم گرفته آسمانی غم دوتوبدور    عالمی ماتم دوتوبدور وارد اولدی حسین کربلایه      دوشدی آل پیمبر بلایه واحسینا واحسینا    واغریبا واغریبا               اولمادی مهلت امامه        حجّنی ویرسون تمامه پوزدی نقش ا َلَدُّالخِصامی       حفظ اولوندی حرم احترامی     واحسینا واحسینا واحسینا       واغریبا واغریبا واغریبا              قویمادی بنیان یخیلسون       پرچم قرآن یخیلسون سندیروب کفری اسلام ایچنده      مکّه دن چئخدی احرام ائچینده      واحسینا واحسینا واحسینا       واغریبا واغریبا واغریبا              اهل عشقه ویردی مشقی      باغلادی احرام عشقی قویدی معناده آغلار منانی      فدیه گه ایلدی کربلانی             واحسینا واحسینا واحسینا       واغریبا واغریبا واغریبا              طیّ   امر   پر بلاده       اولدی محنت فوق العاده ایلدی جمله اصحابه اعلان     قالساهرکس اولارقانه غلطان      واحسینا واحسینا واحسینا       واغریبا واغریبا واغریبا              گیتدولر   بیر بیر   گیدنلر      بی  هدف   بیعت  ایدنلر قالدی هفتاد و بیر باوفاسی      اولدی محکم شریعت بناسی      واحسینا واحسینا واحسینا       واغریبا واغریبا واغریبا              دوّم  ماه  محرّم       نینوانی ایتدی مخیَم باشلادی غم اثر ماجرانی        حیرته سالدی اهل جهانی          واحسینا واحسینا واحسینا       واغریبا واغریبا واغریبا              صبح عاشورا یتوشدی         محشر دنیا یتوشدی قتله یتدی هامی اقرباسی        سرسپه ئولدی یاتدی لواسی ‌‌‌‌‌‌‌‌‌‌‌‌‌‎‌‌‌‎‌‌‌‌‎‌‌‌‌‌‌‌‌‌‌‌‌‌‌💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#ورود به شام## #دروازۀ ساعات## #ارسالی از سعادتی قم المقدس ## .. .. .. علیرضا شیرانی .. .. .. سس دوشدی اسیران بلا شامه ییتیشدی دللرده عداوت غمی فرجامه ییتیشدی .. زهرایه نسب لر یتیشیب شام بلایه زینت ویرین هم برزنه هم کوی و سرایه .. سسلندیله هر کیمسه ده وار کینۀ حیدر هر کس کی ووروب ضربه اونا فاتح خیبر .. هر کیمسه ده وار بغض علی برزنه چیخسین ساز الده دهل الده دیین دیدنه چیخسین .. صفّین غمیندن ئورگی درده گلن لر جنگ جَمله شرکت ایدیب اوغلی ئولن لر .. کیفر گونودی آل علی دامه دوشوب لر اردوی اسیرانه باخین شامه دوشوب لر .. دروازۀ ساعاته ییغین گبر و یهودی گورسونله علینین تالانیب بود و نبودی .. گورسونله حسینین داغیلیب جاه و جلالی تاراج اولونوب یکسره هم مال و منالی .. فرصت دی گلون شورش محشر یولا دوشسون دروازیه ساری نیچه لشگر یولا دوشسون .. بیر عده آلیبدور الینه تنبک و تاری بیر عده چالیر دف ایدیری اونلارا یاری .. القصه گلیب فوج اسیرانه چاتیب لار جنجال ایلییب شوریله مهمانه چاتیب لار .. مهمان نجه مهمان هامیسی ال قولو باغلی اندوه و مصیبتدن هامی دللری داغلی .. عریان دوه لرده اوتوروب آل پیمبر گونلر قاباقیندا دایانیب لار هامی یکسر .. از بس کی توکوب گوزلری یاش کربوبلادن خونابه دونوب اشگیلری درد و بلادن .. بعضی لرینی زجر دنی یولدا ووروبدی بعضی لرینی شمر ستمکاره یوروبدی .. بعضی بالالار حرمله دن گیزلنیر ایوای بعضی ده ربابیله دیور اصغره لایلای .. بیر لحظه رباب اصغرینی گوردو جداده ایوای بالا وای ناله چکیب شام بلاده .. چون اصغری سرنیزه ده بی جان دولانیردی بو حاله ربابین گوزونه قان دولانیردی .. وای تشنه بالام ناله سی افلاکه چاتیبدی قان ایچره گورور سودامری نِیده یاتیبدی .. بیر سمتیده لیلا ایله غمگین اوتوروبدی بیر حلقۀ ماتم بو اسارتده قوروبدی .. لیلا اوتانیر ایوای اوغول وای سسی سالمیر اکبر بالیا غصه لی لایلای سسی سالمیر .. لیلا گوزونی نوک جدادن یئره سالمیر گوز زولفوده کی قانلی حنادن یئره سالمیر .. قاسم آناسی آز قالیری غصه دن ئولسون انبوه محن قلب لبالب غمی بولسون .. گوردوقجا اورک شعله چکیر حالنه ای وای جنتده حسن آغلییر احوالینه ای وای .. بیر نِیده امان نامه جیرانین باشی گلدی عباسِ جوان مرد جهانین باشی گلدی .. بیر باش بوکولوب معجره چون پارچالانیب دی شرمنده دی سو مشگی اونون چون جالانیب دی .. قسمت بودی گوز معجرین آلتیندا قالِیدی گوز یاشینی گیزلینجه او رخساره سالِیدی .. الله بولوری زینبین احوالی نِجِیدی دروازۀ ساعتده او گون حالی نِجِیدی .. بولموردی حسینین غمینه دیده تر اولسون یا حال اسیرانه باخیب خونجگر اولسون .. اوغلان لارینین غصه سینی یاد ایلییردی قارداش غمینه ناله و فریاد ایلییردی .. بیر نیزه ده قرآن اوخودی شاه شهیدان زینب ایشیدنده دیدی جانم سنه قربان .. هر یانه باشین گیتسه اگر گلّم حسینیم گوزدن سالاسان زینبیوی ئولّم حسینیم .. دروازیه باخ گور نه چکیر هلهله دشمن غوغا ایلییر جانه سالیر ولوله دشمن .. بیز یاسلی اولار شاد و خرامان دیلا قارداش باخ قیزلاریوین دیده سی گریان دیلا قارداش .. گل داده چاغیر شاه نجف داده یتیشسین شاماته طرف تیز گلیب امداده یتیشسین .. شام اهلی کول الده دایانیب بامیده قارداش گوندوزلریمیز شامه دونر شامیده قارداش .. القصّه تکان قافلیه ویردیله هیهات یول کوی یهودانه سالیب دشمن بدذات .. سوز بسدی قوتار غصه نی شیران داحی یازما شاماتیده کی قصه نی شیران داحی یازما .. 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

#ورود به ماه محرم ## #ارسالی از سعادتی قم المقدس ## 🏴🏴🏴🏴🏴🏴🏴 ارکان دین و ایمان ویران اولوب بو آیدا پیغمبر اوغلی قانه غلطان اولوب بو آیدا بو آی همان او آیدور عرشه چکیلدی قاره یِتمیش ایکی موحّد دوغراندی پاره پاره گلدی رسول اکرم جنّتده آه و زاره گوردی بتول عذرا گریان اولوب بو آیدا اولدی بو آیدا منزل دشت بلا حسینه افلاکیده قورولدی بزم عزا حسینه خرگاه ماتم اولدی عرش خدا حسینه گوگلر حسین غمینده نالان اولوب بو آیدا زهرا دیر اوغول وای، بو آیدا حیدر آغلار ماتم دوتوب حسینه جدّی پیمبر آغلار آغلا حسینه شیعه عالم سراسر آغلار اشکی امام عصرین آلقان اولوب بو آیدا سو یولّارین کسوبلر بو آیدا قوم اعدا اللرده بوش سو جامی آغلار بنات زهرا ای کاش قان اولِیدی یکسر قنات دنیا ذرّیّه ی رسالت عطشان اولوب بو آیدا کرب و بلا چولنده برپا اولوبدی محشر لب تشنه دوغرانوبدور قطعه به قطعه اکبر پستان کیمی اَموبدور نوک خدنگی اصغر پیکان او شیرخواره پستان اولوب بو آیدا اوز سود اَمَر بالاسین گورجک چکوبدی بیر آه قالدی حسین نه حاله بُلدی او حالی ا... دولدوردی قاندان اُوجین سَپدی سپهره اول شاه قانیله چرخ اطلس الوان اولوب بو آیدا اوچ شعبه لی خدنگه اصغر نشان اولاندا ظلمیله شاه دینون گُل غنچه سی سولاندا اصغر دیوب آناسی گیسولرین یولاندا اشک سکینه رشک عُمّان اولوب بو آیدا قاسم جوان اُلوبدور غمگین اولوب آناسی آغلار دیر بالامون قان اولدی طوی خساسی طوی گورمیوب جوانیم، گِیموبدی طوی لباسی توپراقلاریله نعشی یکسان اولوب بو آیدا بزم نشاطی ایتسون بیت الحزن جوانلار ناکام اُلوی بو آیدا گُل پیرهن جوانلار دین اوسته دوغرانوبدور طوی گورمین جوانلار طویلار عزایه دونسون اعلان اولوب بو آیدا قان آغلادور جهانی عبّاس ماجراسی چیگنینده بیر سو مشکی، آنّیندا اوخ یاراسی قول یوخ و لیک قویمور دوشسون یره لِواسی باخمور بدن نشان پیکان اولوب بو آیدا بو آی یر اوسته عطشان سلطان دین یخلدی کرب و بلاده فرشه عرش برین یخلدی اسلامیان امامی، حِصن حَصین یخلدی زهرا عزیزی زیب میدان اولوب بو آیدا فریاد او وقتیدن شمر آغلاتدی مهر و ماهی اُلدوردی سو یانندا عطشان، یارالی شاهی آل علی سویولدی، اودلاندی خیمه گاهی پیغمبرین جلالی تالان اولوب بو آیدا فصل خزان اولاندا وار سرّی بلبل آغلار گلزار دین سولوبدور، بلبل یانار گل آغلار شیعه اولان بو آیدا، باشه سَپَر کُل آغلار راس حسین کُل اوسته مهمان اولوب بو آیدا حسینی سعدی زمان 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛