#شعر #مازنی تقدیم به مردم خوب و ولایتمدار زادگاهم روستای همیشه سرسبز وسطی کلا _ #مثنوی :: ماه غم 🥀🥀🥀🥀🥀🥀🥀🥀🥀 اون قدیما که مَله ماه مُحرِم بَعیبو ماه بِرمه ماه غم و ماه ماتِم بَعیبو مرد وزن پیر و جِوون بِرمه کِردِنه دِلِ  وِس نَهوتِنِه خَسّومه یاکه نِنِه مِنه نفس تا گِتِنه یاحسین شه سَرو شِه سینه زونه شه پاره بَهی دِل له با یا حسین پینه زونه باب الله شیپور زوئه که وقت شام هَسّه بِعین زنانِ مَجمعه بِسر مَجمعه ره اینگونه زَمین اونتا گِته مَجِمعه حاجی و اِربابِشنه اتا گِته مَجِمعه مه خاله ماهتابِشنه حاج عبدی سقانفار وَچونِ جا سِروش کَته مالکِ نوحه ی جاسینه زنانِ روش کَته جان بِرا عمو ایمو تاشه عَلِمِّ دوش گیته درخشان پِرِّش زوئه وِ شِه نوحه ره جوش گیته سینه زنِ چِشِ اصری دیمِ سر روش کَشیه محرم بارِ غم حسینِ شه دوش کَشیه یاعلی کَشینه گِل مَمِدعمو احمد دایی تَنِ پِه ریس کَشیه صلوات دانه همه تایی تاجعلی سِرخ لِواس پوشیه اسبِ سرسِوار شیش وِنه دَس دَهیه تِشناره زو با دِلِ زار آقاسیدرضا جعفری سبزِ پیرَن وِنه تَن اِسپه اسب سوار بی یِه بازی کرده نقش حُسیَن اَتا گِته یاحسین مه کورِ چِشِّ سو هاده اتا گِته یا عمو مِن تِشنامه ته  او هاده اَتا سبزِجِل له گیته چوی تَن دَخیل زوئه دِتادَس لرزِسِّه اَمّا گِره ره وِ ذیل زوئه نابِلّندگو دَهیه نا که ماشینِ سر اِکو نوحه خون صداره سَردا صداشیه تِکِ کو صفرهم جعفرِ جا نَکردبیه کَلم و کِلام گِته آقا مه حسینه مِنمه وِنه غِلام اِسا اَگه اَتا شو پِلا نَدِن خَوِر نی یه چارتا پیر دَرِنه و جوونای اثر نی یه اونتازنگ زنده الو شام آبگوشتِ یا که پلو گِنه سفره لا بَیّه سریع دوبَی بِرو بِرو روزِ عاشورا بونه ریکای می فَشِن بونه اَتا سِرخ آب سفیدآب زَنده مَثِل قشنگ بونه مَندلی دادکَشِنه جِواب هادین آی سینه زن مه صدا که دَر نِنِه دِ دَسّی شه سینه بَزِن اِکو هم شِشِم زَنده اَتی قَوی اَتی ضعیف سینه زن دِتا اَتا خاطره کِندِنّه تعریف اَتا گِنه ای برار مه هَندِکول پِر بَهیه اَتا گِنه که پِلا کم بَخردا سِر نَهیه اَتا گِنه هِمسایه کِرک مِرغِنه کَر بَهیه آی ریکا دیروز ته کوتر مه بومِ سَر دَهیه یَک نفر نِپِرسِنه حسین چرا بَیّه شهید چه اویِ دَم تِشنِه لب جان هِدا عباسِ رشید اَتا هم نَنِه رقیه خِرابه چی بَکشیه یا که تَلِّ زینبیه خواخره چی بَدیه آی خواخر آی جانِ مار آی پی یِر و جانِ بِرار شه وَچونِّ یاد بَدین محرم ماهه عزائه مه نظر سِرِه او بَیِّن محرمی گِنائه وِنه یاحسین بَوِّن حسین وِشونِ پِشت بوئه تا که از لطف حیسن وِشونِ جابهشت بوئه تموم مِلک و مِلا به عشق شاهِ سر جِدا بِرمه پِشتی همه گِنّه یا حسین مِن ته فِدا یاحسین جانِ ته و جانِ ته عباسِ برار گرچه مِن هواییمه اما مه هواره ته دار مره کربلایی هاکن تا مه دل بَیره قرار روزمحشر پیش کوثر من نَهووِم شرمسار 🖊#هادی_اکبری_وسطی_کلائی http://mohsendadashpour2021.blogfa.com/post/3124 🍃⃟🌸᭄•🍃⃟🌸᭄﷽🍃⃟🌸᭄•🍃⃟🌸᭄• 📚#آوات_قلمܐܡܝܕ @edmolavand #قرارگاه_فرهنگی_سیده_میر_مریم 📡✦‎‌‌‌࿐჻ᭂ🇮🇷࿐჻𖣔༅═─