نوحه حضرت رقیه ای منیم نازنین نگاریم آغلاما مهربان رقیه اود دوتوب قلب داغداریم اولموشام باغریقان رقیه یاره لی دلبرون منادن گلمدی اکبرون شامه کربلادن گلمدی بالام لای لای گولوم لای لای غصه دن گوز یاشون آخاندا قالمیور منده صبرو طاقت یوللارا گوزلرون باخاندا عمه وی ئولدورور خجالت آغلاما سوز وئروبدی جانانون گلر بیر گئجه طشت زرده مهمانون گلر بالام لای لای گولوم لای لای آند اولا جانیوه وطنده هرنه کی گویلون ایستر آللام جدیمون شهرینه یتیشسوک تازه دون تازه معجر آللام قویمارام گوز یاشون آخا صورتیوه شامیدن چیخماقون قالوب قسمتیوه بالام لای لای گولوم لای لای آی ننمدن گوزل نشانه قوی ووروم تللریوه شانه بی ریا عشقوین عیارین جسمیوه یازدی تازیانه آفرین یاخشی استقامت ایلدون بینوا عمه وه حمایت ایلدون بالام لای لای گولوم لای لای تیرمژگانیلن عزیزیم قلبیمی دوت نشانه اوخلا باشیوی توپراق اوسته قویما سینه می بستر ایله یوخلا خسته پر روحیمه توانسان گوزلیم سن منه عشق جاودانسان گوزلیم بالام لای لای گولوم لای لای قوی آلیم بوسه گوزلروندن گوزلرون پاک و بی ریادی دویمارام غملی سوزلروندن سوزلرون دردیمه دوادی نیلیوم باغلیوبدی دشمن یولومی ئوپمه چوخ قمچیلر گویردن قولومی بالام لای لای گولوم لای لای اشکیوی سیل قرا گوزوندن صبریمی الدن آلما ای گل قلبیمه وورما اود سوزوندن عمه وی درده سالما ای گل غم یئمه اصغره توسل ائده روک بیر گونی کربلایه باهم گئده روک بالام لای لای گولوم لای لای نیلیوم یوخدی راه چاره قلبیمی سیخدی رنج غربت التماس ایله کردگاره باشه چاتسین غم اسارت دوزرم ناقه لرده یوللار آجیسین قارداشیم اربعینه گوزلور باجیسین بالام لای لای گولوم لای لای موضوع: #حضرت_رقیه سبک: #اصغریم_ای_شیرین_زبانیم شاعر: #غفاری_اردبیلی

#نوحه #ترکی #امام_حسن #ماه_پری_زنجانی درسبک:#اصغریم_ای_شیرین_زبانیم _______________ گل باجی دوشموشم بلایه ویر خبر شاه کربلایه زهریدن یاندی دل دوداقیم تیز یتیش زینبیم هرایه جان ویرور قارداشین حسن آغلا باجی لطف ایله گوزلریمی گل باغلا باجی _______________ اود دوتوب یاندی جسم و جانیم گیتدی الدن باجی توانیم طشت ایله حاضر اولسا امکان قوی توکولسون بو طشته قانیم گور نجه همسریم منه دشمن اولوب زهریدن گل وجودیم آخرده سولوب _______________ ئوز ائویمده باجی غریبم غصه و غم لر نصیبم دردیمون یوخدی بیر دواسی گر چه هر درده من طبیبم من آنام تک باجی غریب وطنم ئوز ائویمده قالان آدامسیز حسنم @emame3vom #حب_الحسین_یجمعنا #الاربعین_مقدمه_الظهور