نوحه حضرت رقیه ای منیم نازنین نگاریم آغلاما مهربان رقیه اود دوتوب قلب داغداریم اولموشام باغریقان رقیه یاره لی دلبرون منادن گلمدی اکبرون شامه کربلادن گلمدی بالام لای لای گولوم لای لای غصه دن گوز یاشون آخاندا قالمیور منده صبرو طاقت یوللارا گوزلرون باخاندا عمه وی ئولدورور خجالت آغلاما سوز وئروبدی جانانون گلر بیر گئجه طشت زرده مهمانون گلر بالام لای لای گولوم لای لای آند اولا جانیوه وطنده هرنه کی گویلون ایستر آللام جدیمون شهرینه یتیشسوک تازه دون تازه معجر آللام قویمارام گوز یاشون آخا صورتیوه شامیدن چیخماقون قالوب قسمتیوه بالام لای لای گولوم لای لای آی ننمدن گوزل نشانه قوی ووروم تللریوه شانه بی ریا عشقوین عیارین جسمیوه یازدی تازیانه آفرین یاخشی استقامت ایلدون بینوا عمه وه حمایت ایلدون بالام لای لای گولوم لای لای تیرمژگانیلن عزیزیم قلبیمی دوت نشانه اوخلا باشیوی توپراق اوسته قویما سینه می بستر ایله یوخلا خسته پر روحیمه توانسان گوزلیم سن منه عشق جاودانسان گوزلیم بالام لای لای گولوم لای لای قوی آلیم بوسه گوزلروندن گوزلرون پاک و بی ریادی دویمارام غملی سوزلروندن سوزلرون دردیمه دوادی نیلیوم باغلیوبدی دشمن یولومی ئوپمه چوخ قمچیلر گویردن قولومی بالام لای لای گولوم لای لای اشکیوی سیل قرا گوزوندن صبریمی الدن آلما ای گل قلبیمه وورما اود سوزوندن عمه وی درده سالما ای گل غم یئمه اصغره توسل ائده روک بیر گونی کربلایه باهم گئده روک بالام لای لای گولوم لای لای نیلیوم یوخدی راه چاره قلبیمی سیخدی رنج غربت التماس ایله کردگاره باشه چاتسین غم اسارت دوزرم ناقه لرده یوللار آجیسین قارداشیم اربعینه گوزلور باجیسین بالام لای لای گولوم لای لای موضوع: #حضرت_رقیه سبک: #اصغریم_ای_شیرین_زبانیم شاعر: #غفاری_اردبیلی

نوحه امام علی علیه السلام علینون مسجدده فرقیندن وردیلار یاره قانه غلطاندی بو محنتدن ختم پیغمبر سینه سوزاندی دیده گریاندی علی معنای عدالتدی علی دریای شرافتدی مشعل پرنور هدایتدی چاتوب رخنه دین اسلامه قالدی قرآن دنیاده سنگر سیز یتیمانون ئولدی غمخواری بیوه عورتلر قالدی یاورسیز بهشته دنیا اگر دونسه شیعیانه دوزخدی حیدرسیز عزای فرزند قرآنه صاحب ماتم متن قرآندی علی معنای عدالتدی علی دریای شرافتدی مشعل پرنور هدایتدی هدف اولدی مرد بی همتا سجده اوستونده تیغ نامرده توکولدی قان فرق حیدردن عین عین اللهه چکوب پرده اوپرده سالدی جنان اهلین پرده پرده بیر بی دوادرده سماواته صوت واویلا فرشیدن ناگه عرشه قوزاندی علی معنای عدالتدی علی دریای شرافتدی مشعل پرنور هدایتدی علی رکن عدله دنیاده بیر ستون میزان ومحکمدی علینی ئوز عدلی ئولدوردی مطلبه عرفان اهل یاعلمدی همان عدلین قاتلی اما هم جهالت هم ابن ملجمدی عزای مرگ عدالتده عترت پیغمبر پریشاندی علی معنای عدالتدی علی دریای شرافتدی مشعل پرنور هدایتدی دگنده شمشیر زهر آگین سجده دیدی سلطان علیجاه تواناسی اولمادی یردن قوزانا چکدی قلبیدن بیر آه آلوب یول باشدان روان اولدی قطره قطره محرابه ثار الله گوروبلر مولانی اصحابی سجده اوستونده قانه غلطاتدی علی معنای عدالتدی علی دریای شرافتدی مشعل پرنور هدایتدی باشین قویدی سجده شکره عرض قیلدی یا سامع الاحسن ئوزون شاهد اول بو احواله مرتضا چکدی ال بو دنیادن قسم اولسون رب الاربابه چوخ داریخمیشدیم راحت اولدوم من اگر چه زینب فراقیمدن ناشکیبادور قلبی شان شان دور علی معنای عدالتدی علی دریای شرافتدی مشعل پرنور هدایتدی موضوع: #امام_علی علیه السلام سبک: #شبانگاهان شاعر: #غفاری_اردبیلی.