#مثنوی #آئینی یاعلی بَووِم مه دل بَیره قرار دل مه خاهونه علی هسه هزار شاهه مردون شاهه ایمونه منه نومه حیدر ورده زوونه منه بس علی آیینه داره عاشقه کعبه ره دنیا بمو إن لایقه هوعلی فاتحه خیبریاعلی هسی ته ساقیه کوثر ته شفیع هسی علی یوم الحساب یاعلی بخشنده هسی بی حساب بهوته پیغمبرعلی جانه منه کاتبه به حقه قرآنه منه بوردمه معراج به فرمان جلی ربّه صدا بی یه صدای علی یاعلی نومه ته نومه اعظمه مسجد ومحراب ته رازه محرمه شاهه مردون شاهه عالم یاعلی اسلام نگینه خاتم یا علی #هادی_اکبری_وسطی کلایی*** https://eitaa.com/hadi9655

صدتا کدبانو بی یِن مِه ماره ناخن نَنِه صد رَقِم پیتزا بی یِه ماره لَوِه نون نَنِه صدتا بانک صدتا مدل اگه دِزگیر بَزِنِن هیچکِدوم جانِ مارِ  جِرِب میون نَنِه #هادی_اکبری_وسطی کلایی**** ۱۳۹۶/۱۲/۱۸ https://eitaa.com/hadi9655

آخ چه صفائی داشتمی حال و هوائی داشتمی خجیره کائی داشتمی قبل کرونا که بی یه بوم شیمی تا بِنه شی می رفقون خِنه شی می اونجه دل له وِنه شی می قبل کرونا که بی یه شی می کوچه کا کردمی دروازه سر لا  کردمی خد ره ونگ وا  کردمی قبل کرونا که بی یه اسا گِنه بیرون نشو مهله ی کاکرون نشو سراغ آسمون نشو گنه کرونا بموئه درسها همه مجازیه مدرسه خنه بازیه کتاب مه جا ناراضیه گنه کرونا بموئه وِنه که ماسک شه تِک بِلِم دستکش خوار خوارک بِلِم دروازه ی کِرِک بِلِم گنه کرونا بموئه #هادی_اکبری_وسطی **** 99/4/6 https://eitaa.com/hadi9655