#مثنوی #آئینی یاعلی بَووِم مه دل بَیره قرار دل مه خاهونه علی هسه هزار شاهه مردون شاهه ایمونه منه نومه حیدر ورده زوونه منه بس علی آیینه داره عاشقه کعبه ره دنیا بمو إن لایقه هوعلی فاتحه خیبریاعلی هسی ته ساقیه کوثر ته شفیع هسی علی یوم الحساب یاعلی بخشنده هسی بی حساب بهوته پیغمبرعلی جانه منه کاتبه به حقه قرآنه منه بوردمه معراج به فرمان جلی ربّه صدا بی یه صدای علی یاعلی نومه ته نومه اعظمه مسجد ومحراب ته رازه محرمه شاهه مردون شاهه عالم یاعلی اسلام نگینه خاتم یا علی #هادی_اکبری_وسطی کلایی*** https://eitaa.com/hadi9655

#مثنوی به مناسبت آغاز سال تحصیلی جدید --------------------------------------------------- بویه مهر ومهربونی بموهه ماه مهر وهم زوونی بموهه اعی دواره مدرسه وابهیه تعطیلی توم بَیه رسوا بهیه اعی صوایی خوداره چش واننه قوج بهی تن لایه جا سیواننه اعی وِنه دوش بهیرم کیف وکتاب اعی ونه پس هادیِم مشق وحساب آق مدیر اعی دِواره روش کشنه اتی مه غرصه ره شه دوش کشنه زنگ تفریح که بونه ناظم اِنه فراشه مدرسه مش کاظم اِنه عمو سرویسه ماشین اتا پِچیک وِ گِمون کِنده که هسمی چِلیک همه ره اِسپوجِنه ماشین دله نا تومبی دادبکشیم نا کِه گِله اون گِدِر که وقت امتحان بونه امه درس بخوندِسِن چنان بونه وقته کارنامه بَیتِن با ترس ولرز مه تجدیدی پِر کِندِه دیفاره درز دل خانه امرو معلم نداریم شیطونی هاکنیم اتی دِم داریم آخدا وارش بی یه تیل بواشه ورف بی یه مدرسه تعطیل بواشه ذوقه جا پر بکشم بورم سه ره ونگ هادم آننا جان من ته گِره گت هاکردی مه ره تا مرد بواشم دل خانه نِنا ته همدرد بواشم #هادی_اکبری_وسطی_کلایی **** https://eitaa.com/hadi9655

دلبر ته سِر پیشه تش کِله بَووِم دی بواشِم ته کشه دِله دَووِم بسوزم و کِلین بَووِم ته وِسسه اینتِری رسوایه شِه  مله نَووِم #هادی_اکبری_وسطی_کلایی *** https://eitaa.com/hadi9655

من داره ریشه آ ته وِنه چِل له چنگِلی زنمبه آ بِنه یِ گِل له نخامبه ته ره خشکه چو بوینم الهی ته بلا بند آ مه دِل له #هادی_اکبری_وسطی_کلایی**** https://eitaa.com/hadi9655

#مثنوی #محرم یاحسین********* محرم بِموهه دل پِره درده مه دل سونه پعییزه زرد زرده محرم که اِنه دل له وِجِنه غِرصه تش بونه آ وِره پَجِنه محرم ماهه خون وماهه عشقه ماهه صبر اون بانویه دمشقه همون ماهی که عباسه علمدار تِشنا داهون فِراته کنده هِدار سیوجِمه ره اعی وِنه دپوشم زنجیر بَیرِم شه دوشه سر بروشم مه دل عشقه حسینه دارنه انده چشه اصری مه دیم مه کِنده لَنده دلا دل دل نکن من مبتلامه ته واری عاشقه کرب وبلامه حسین بن علی من ته فدامه فدایه حنجر و سره جدامه ته سربورده حسینا نیزه ی سر قرآنه اون بالا خوندسه ته سر مه دل خانه علمداری هاکنم شه مولا حسینه یاری هاکنم بورم کرب وبلا شمشیر بزنم حسینه دشمنه من تیر بزنم #هادی_اکبری_وسطی_کلایی**** https://eitaa.com/hadi9655

#نوحه #محرم حربن ریاحی****** یاحسین حرمه حرِ گنهکاره ته توبه هاکردمه بمومه کناره ته حرِ شرمندومه. من ته ره بندومه وای حسینا.  وای حسینا یا حسین من ته ره اوره حرام هاکردمه همره کوفیان تیسه قیام هاکردمه دَوِسمه ته راه.   ته ببخش مه گناه وای حسینا.  وای حسینا سروجانره حسین کمبه فدایی ته عشق ته دارمبه. بَیمه هوایی ته مه ره هاکن حلال حسین حُسنه خصال وای حسینا.   وای حسینا یه یتیمونه سه نوکری کمبه حسین مثل عباس ته ره من یاری کمبه حسین من گنهکارمه.    چون خطا کارمه وای حسینا.  وای حسینا   من غِلام ته و اصغر شش ماهمه شومبه میدون حسین ندارمبه واهمه جان ره کمبه فدا.    در راه ته خدا وای حسینا.    وای حسینا #هادی_اکبری_وسطی_کلایی *** https://eitaa.com/hadi9655

یا شش ماهه ی کربلا****** #مداحی #محرم اصغر کِنده بِرمه.     مِه دِل له تو یارنه وِره بَیه تشنه.      خیمه او ندارنه لای لایی اصغر.    شش ماهه پِسر ته قِنداقه دور.      مه جانه پِسر لای لای لایی لایی.  اصغر نکن برمه عمو بورده فرات.    اوبیاره خیمه اِنه ته عمو.      تیسه یارنه او لای لای لایی پسر.   آه مه چشه سو بامرگه پسراصغر.   من داغه دار بَیمه وِ پر بَیته بورده.    مِن عزادار بَیمه وِنه داغه جا.       بَیمه سیاه پوش مِه چِلیک وچه.    بهیه خاموش پسرپسرپسر.   مارته قَدِ دور #هادی_اکبری_وسطی_کلایی **** https://eitaa.com/hadi9655

#مداحی #محرم سلام کمبه سه ساله ی کربلاره***** عمه مه بابا کوهه.  مه درده دوا کوهه عمه جان کو مه بابا دِل وِنِه وِسه بَیه تنگ وِره بَووِم باباجون کوفی اِماره زونه سنگ مه ره سیلی بزونه مه دیم بهیه کهورنگ تش هایته دامن بیمه شه باباره کِردمه ونگ مه دِتا چش کم سوهه. عمه مه بابا کوهه عمه مه بابا کوهه.   مه درده دِوا کوهه عمه جان گِتی دِتر ته باباجون بورده سفر هرکی هاکرده سفرمگر نِنِه باره دیگر وِرِه بَووِم باباجون بسوزندینه مه جیگر هر کِجه شونی بابا مِه رِه شه هِمراکِت بَوِر اینجه مه دل کهوهه.  عمه مه بابا کوهه عمه مه بابا کوهه.  مه درده دِوا کوهه عمه جان هارِش چِتی خرابه مِه جا بهیه شامیان گِنه کنیز حسینه کیجا بهیه چهل تا مِنزِل که شیمه بابا همه جا دهیه گِته سه ساله دِتر شبیه زهرا بهیه عمه اینجه کِجوهه.  عمه مه بابا کوهه عمه مه بابا کوهه.  مه درده دِوا کوهه این خرابه ی دِله مه وِسه مهمون بِموهه مه سفری از سفر با دیمه پِرخون بموهه شامیان بَوینین آ مه سر وسامون بموهه بِمو مِه ره بَوِره اینسه خندون بموهه بابا مه روبروهه.   عمه مه بابا کوهه عمه مه بابا کوهه.  مه درده دِوا کوهه #هادی_اکبری_وسطی_کلایی * https://eitaa.com/hadi9655

اجرای شعر خوانی توسط شاعر آئینی هادی اکبری وسطی کلایی در مراسم شعر آیینی بصیرت عاشورایی  واقع در آستانه امام زاده یوسف رضا قائم شهر محرم ۱۳۹۵ https://eitaa.com/hadi9655

#مداحی #محرم مداحی در محرم سال ۱۳۹۵ توسط ذاکر و شاعر اهل بیت کربلائی هادی اکبری وسطی کلایی در هیئت زنجیرزنان مسجد وسطی کلا https://eitaa.com/hadi9655

مداحی مهرداد اکبری دانش آموز پایه ی پنجم فرزند شاعر و مداح اهل بیت هادی اکبری وسطی کلایی در هیئت زنجیر زنی روستای وسطی کلا سال ۱۳۹۵ https://eitaa.com/hadi9655

#مداحی #محرم مداحی در محرم سال ۱۳۹۵ توسط ذاکر و شاعر اهل بیت کربلائی هادی اکبری وسطی کلایی در هیئت زنجیرزنان مسجد وسطی کلا https://eitaa.com/hadi9655