ته بوردن خِشی ره ناله بیارده مه چِشّه اَصری پزغاله بیارده فقط بدون که غم دوریه ته بمردن ره مه حواله بیارده #هادی_اکبری_وسطی_کلائی ۱۴۰۱/۴/۲۲ https://eitaa.com/hadi9655

بمومه من از کربلا بمومه من از سرزمین بلا بمومه من از بارگاهه حسین بمومه من از شهر نور دوعین بمومه #هادی_اکبری_وسطی_کلایی ۱۴۰۱/۶/۲۴ https://eitaa.com/hadi9655

ته وِسّه هر چی دارمبه روشِمبه بِنه هر چی ره کارمبه روشِمبه قرار شومبه تَنِ گوشته او کمبه سِره هر چی ره یارمبه روشِمبه #هادی_اکبری_وسطی_کلائی ۱۴۰۱/۸/۱۰ https://eitaa.com/hadi9655

ای خدا مه دل خوانه کرب و بلا ره بوینم بورم بین الحرمین صحن و سراره بوینم ای خدا مه دل خوانه حرم یار ره بوینم قبر  عباسه علی خوار برار ره بوینم ای خدا ته یاری هاکن مره کربلایی هاکن مسجد سهله بورم هفتاد دو رکعت نماز دوندم دخیل تا ولکوم مه گره بووشه واز بورم مسجد کوفه فزت وربه سر هادم علی یا علی بووم شه دل غم پر هادم ای خدا ته یاری هاکن مره کربلایی هاکن ای خدا می دل خوانه نجف بورم برمه گلی هنیشم ایوون طلا ونگ هاکنم  مولا علی نجف و کرب و بلا مه دل ارمونه خدا فقط اون صحن و سرا مه درد درمونه خدا ای خدا ته یاری هاکن مره کربلایی هاکن #هادی_اکبری_وسطی_کلائی ۱۴۰۱/۸/۱۰ https://eitaa.com/hadi9655

دل ارمون کجه پر بیتی بوردی مه مهروون کجه پر بیتی بوردی ته الناز بی چه ناز داشتی مه وسه شیرین زوون کجه پر بیتی بوردی اسا تی ساز جا چیکار هاکنم تی اون آواز جا چیکار هاکنم تموم‌داغ ره من داشتمه طاقت داغ الناز جا چیکار هاکنم #هادی_اکبری_وسطی_کلائی #رفق نازنینم جناب آقای علی میار داغ نازنین دتر هنرمند خدمت شما تسلیت عرض کمبه خدا شما ره صبر هاده😢😢😢😢 ۱۴۰۱/۸/۱۷ https://eitaa.com/hadi9655

#مثنوی_مازندرانی #حدیث_کسا #تقدیم_به_ساحت_مقدس_حضرت_زهرا بِ بسم الله جا تا میمِ رحمان و رحیم من پناه ورمه خداره  شر شیطانِ رجیم هرچی که جابر بَته از گفته ی بنت رسول بنویسم کاغد کش قصه ی زهرای بتول بائوته حضرت زهرا اتا روز جان پی یر بموئه ناخشه حال باته مره جانِ دتر کسای یمانی ره دتر بیار مه سر دَکِش ماهه دیم داشته پی یر خدا وره کرده اِشش بدیمه حسن بمو بَته مره مه جان مار نکنه نبی بِمو اینجه دِنه بوی بهار بَتمه جان حسن نبی دره کسای بِن بورده خدمت رسول اذن دخول بَیته حسن بته ای جان حسن ته صاحب حوض منی بِرو این کسای بن کریم و دلسوز منی اتی وقت بورد و نَشی بدیمه نور عین بمو میوه ی باغ من و علی یعنی حسین بمو بته ای جان ننا اینجه بوی بهار اِنه بوی جد من نبی امه خنه هِدار انه بتمه جان حسین نبی دره کسای بن تِنه دم زنون بونه اونجه بوری سون حسن بته ای جان رسول دِنی مره اذن دخول شمه ور بی یم هنیشم بسون دسته ی گل بِرو این کسای بن ته شفیع مه امتی ته حسین هسی پسر هر دِ جهون ره حرمتی بدیمه ابولحسن شیر خدا خِنه بمو بهوته یا فاطمه خدا مگر بِنه بمو که امه گِلی خِنه چه بوی یاسمن اِنه بوی جان من نبی رسول عالمین دِنه بتمه جان علی تیسه فدا بو جان من که سه تا دسته ی گل دِرنّه اون کسای بن بته ای جان رسول جان ته زهرای بتول منمه وصی ته اذن مره هاکن قبول بدیمه صدا بمو بته علیه مرتضی ته همه جان منی بِرو که هسمی رضا دل قرار نَیته منم بوردمه خدمت رسول بتمه جان رسول منمه زهرای بتول بونه ای جان پی یر مرم ته هاکنی قبول سون پاپلی  بَوِم میون این دسته ی گل بته ای جان دتر احمد پاره تن ته ائی میون این یاسمن مه گل نسترن ته ایی بدیمه جان پی یر خداسّه دس تکون هدا بهوته قسم وره که مره گوشت و خون هدا هر کی بد داره شماره وِنه بدخواه منمه هر کی خِش داره شماره روشنه راه منمه وشون از من هسنه مه ایل و مه تبارنه هفتا آسمون بوری اونجه وشون دیارنه پس خدا بته که ای ملائکهای آسمون اگه من دیافریمه صدتا جهون و کهکشون که اگر آسمون و زمین سفره لا بَیّه پنج تن آل عباسه این خدا خدا بَیّه بته جبرئیل امین که ای رسول عالمین که خدای دل خشی درنه این کسای بن بونه که منم بی یم خدای دل خشی یه ور بونه سایه ی کسا دواشه جبرئیل سر بموئه کسای بن پیغوم وره جان خدا بته ای جان نبی خدا تره سلوم هدا که شرف دارنه کسا هر کی ونه بن دَرِنّه پنج تن آل عبا خدای دامن دَرِنّه هر کی خواهون وشونه رستگار بونه آخد شونه جنت میون وشون یار بونه آخد هر چی که حاجت دارن قسم به آل این کسا من خدا دمبه وشون ره هر چی که بوئه اِسا #هادی_اکبری_وسطی_کلایی ۱۴۰۱/۸/۲۵ https://eitaa.com/hadi9655

#مازرونی_خونش 🎙#هادی_اکبری_وسطی_کلایی #پای_قله_دماوند ۱۴۰۱/۹/۴ https://eitaa.com/hadi9655

گِتی اِمبه نموئی مه عمر تموم بّیُه بی ته مِجیک اِسپه بَهیه چش مه نِسّوم بَیّه بی ته ته ره دل دائه مِره سر بلی بوریا بی من تَخ تَخیه مردمون و خِل مه نوم بیه بی ته #هادی_اکبری_وسطی_کلایی ۱۴۰۱/۹/۲۳ https://eitaa.com/hadi9655

#به مناسبت سالگرد سردار دلها #تقدیم به روح ملکوتی #حاج_قاسم_سلیمانی ته مه جانی سلیمانی ته نوم دنیاجه در بورده تموم جنگل و کوه آ همند واجه در بورده ته جان دس گِلی بیه ته خون خواهی ره جار بزو ته تابوت دوش به دوش شی یه دل گوشه نفار بزو ته سرداری و شه سر ره فدای بی سر هاکردی حرم ره شه کشه داشتی عمر ره اینتی سر هاکردی حرم دَیه تاریک بی یه ته لمپاره سو هاکردی دواره سبزه نوج بزو نشاره ته نو هاکردی ته شه لیلای ارمون بی اسا ارمونه مجنونی ته خاهونه حرم بی و اسا ونه حرم بونی همونتا تره برمه دا ته وِسه برمه کر بَیّه ته خواسی آسمون بوری ته وسه بال و پر بَیّه بسازم من وضو از سر ته واری دل له کا هادم مرام مهروونی ره شه دل گوشه جا هادم وِنه اول شهید بوئم و سونِ ته شهید بّووِم ته واری گت مردیره بی یم یاره وحید بووم سلیمان حرم بورده ولی قاسم فراوونه حریم امن و حرم آروم ونه ضامن تِنه خونه #هادی_اکبری_وسطی_کلایی ۱۴۰۱/۱۰/۱۲ https://eitaa.com/hadi9655

#اطلاعیه پخش آئین نوروز خوانی به صورت زنده از شبکه سراسری شبکه تهران هنگام تحویل سال نو توسط گروه آئینی نم نم وا با سرپرستی سید مرتضی موسوی و با نوروز خوانی #هادی_اکبری_وسطی_کلایی لطفا اطلاع رسانی کنید شبکه پنج تهران قبل از تحویل سال ۱۴۰۳ https://eitaa.com/hadi9655

#با_هنرمندان بهمراه هنرمندان استانی گروه موسیقی نم نم وا در راه تهران جهت نوروز خوانی هنگام سال تحویل در شبکه تهران ۱۴۰۲/۱۲/۲۹ https://eitaa.com/hadi9655