آغلاماق موسمیدور آغلا عزادار حسین ▪️🍂▪️🍂▪️🍂 #بحر طویل فرات مرحوم کاتب اردبیلی . . آغلاماق موسمیدور آغلا عزادار حسین بویانوب قانه جوانان وفادار حسین یاد ائدون غملرینی اوخشیون اصغرینی قاسم و اکبر و عباس وفا پرورینی . . اهل کوفه نچه مین نامه یازوب اول شهه تا ایستدیلر کوفیه مهمان گوتوروب اهل عیالینی او شاهنشه دوران گلوبن اونلارا مهمان ولی اول فرقه ی نادان سیندیروب عهدیله پیمان ویریلوب قتلینه فرمان سو یولین باغلادی عدوان قالوب اطفالى لب عطشان اوجالوب گوگلره افغان او قدر ائتدیله طغیان آغلادی ارض سما قان . . یتشوبدور فلکه العطش عترت اطهار حسین قالدی لب تشنه او صحراده داخی آل رسالت یتوب اطفاله مصیبت تشنه لوق ایلدی شدت تازه لندی غم و محنت گوردی بو حالی علمدار وفادار سپهدار شه کرب وبلا رخصت آلوب سو گتوره عترت پیغمبریچون خورداجا بلبل لریچون تشنه علی اصغریچون اولدی مقابل قوشونا ویردی اوزین لشگر اعدایه ائدوب خصمی پراکنده . . آچوب سو یولینی داخل اولوب نهر فرات ایچره او سردار حسین دولدوروب أوجینی ایستردی سو ایچسون او هنرور او گل گلشن حیدر اوجالوب العطش آل پیمبر سویی سپدی یره سو ایچمدی اول شیر دلاور ائلیوب مشکینی پرآب چخوب دیشره داخی عزم خیام ائتدی او سرور . . وئریلوب لشگره فرمان آلوب اطراف اباالفضلی قوشون مور ملخ تک یاغدیروب اوخلاری باران کیمی اول زمره ی کافر بیر نفر ظالم بی دین او زمان گیردی کمینه قلجی ویردی اونون صاق قولینی سالدی یره دوندی صول الده قلج ایلدی دعوا او سپهدار حسین ناگهان صول قولینی سالدی او صحراده عدو تاپدی فرصت او زمان لشگر بی شرم حیا ویردیلا جسمینه یارا خنجر و پیکان جفا . . مشگینی آغوشه باسوب سعی ائلدی خیمه لره گئتسون او سقای حرم میر علم کان کرم قویمادی اول قوم ظلم ویردیلا پیکان ستم مشکی اولوب پاره سویی قانی کیمی آخدی یره گوردی بو احوالی اولوب حالی پریشان ائلدى ناله و افغان چوخ خجالت چکوب اول یار مددکار حسین

ایستیوب گورسون منی قان ایچره جانانیم منیم #حسینیه 🥀▪️✨🥀▪️✨🥀 #اتمام حجت امام حسین علیه السلام . مرحوم ضیائی اردبیلی . ایستیوب گورسون منی قان ایچره جانانیم منیم ایلرم جانانه قربان اولسا مین جانیم منیم . . تاجر عشقم من اولدوم قید ملکیندن بری نقد جان الده متاع عشقه اولدوم مشتری عاشقم من نیلورم یاقوت و درّ و گوهری قطره قطره لعل تک آخسون گرک قانیم منیم . . سالک راه ولایم جان ویرم بو راهیده سو کیمین آخسون گرک قانیم سبیل اللهیده تخت عشقی قورموشام ملک فنا فی اللهیده ئولمگیم دور انتهای سیر عرفانیم منیم . . روز ازّل هر بلایه چون بلى سؤیلوب دلیم چکمگه درد و بلا گلدیم بو یردور منزلیم راضیم عبّاسیم ئولسون تشنه لب سنسون بلیم سنماسون اول ایتدیگیم عهدیله پیمانیم منیم . . قانه باتسون تل به تل تر زلفلر سنبل کیمین یاره لر عریان بدنلرده آچیلسون گل کیمین ناله لر قیلسونلا مرغان حرم بلبل کیمین طرفه الوان گللر آچسون بو گلستانیم منیم . . گر خلیل الله عمرینده ویروب بیر تک فدا او خلیل اللهیدور من هم خلیل کربلا بو اولا فرقیم اونیلا تا قورام من بیر منا ذبح اولا بیر گونده یتمیش تشنه قربانیم منیم . . بیله عهدیم وار تنور خولیه مهمان اولام داخل بزم عبیداله بی ایمان اولام بعد از آن شامه روان با دیدۂ گریان اولام نیزه باشینده باشیم هم دلده قرآنیم منیم . . نور یوخدور درک ایده نوریم عیون کوریده مشتقم بیر نوریدن مین نورم هر بیر نوریده صد هزاران وادی هر وادیده طور هر طوریده واردی مین موسی بن عمران محو و حیرانیم منیم . . معنی تطهیر ذاتم طیّب و طاهر منم بیردی پیدا و نهانیم باطن و ظاهر منم منبع ایجاد خلقم اوّل و آخر منم منده دور یکسر صفات حیّ سبحانیم منیم . . بسکه اولموش پیکریم مملوّ عشق اللهیلن اوچ یوز آتمیش آلتی رگ دولموش خیال اللهیلن مست اولوب یکسر شراب جام حب اللهیلن دورد مجازیم ، بش حواسیم ، چهار ارکانیم منیم . . بیر اشاره ایلسم عالم اولار فوراً فنا قادرم ایتسم بو دنیادن صورا دنیا بنا مطلبیم اتمام حجّتدن بودور روز جزا اولمیا عُذروز اولا اثبات برهانیم منیم . . بو مصیبتدن خلایق قیلسون افغان آغلاسون شیعه لر حشره کیمین زار و پریشان آغلاسون الده نظم غم «ضیائی» ثبت ایدوب قان آغلاسون یاده سالدوقجان بو حال زار و نالانیم منیم

شب به سحر می گریم در غم تو مولا 🏴🍁🏴🍁🏴🍁 #ورود ماه محرم #فارسی_ترکی #سبک_منتظرت_بودم . کربلایی محمدرضاصادقی . شب به سحر می گریم در /غم تو مولا مرا زخود بیخود کرد /عالم تو مولا فدای عباس تو به حضرت عباس سپیده مویم کرده /ماتم تو مولا . . گلدی محرم زهرا ( باشه قرا باغلار ) 3 سسلر حسینیم ایوای ( شیر خدا آغلار ) 3 . یانار بو غمده زهرا /دئیر بالام ایوای شیعه بو آیدا سسلر /دئیر آقام ایوای . . . . وورار بو آیدا باشه /پیمبر خاتم گلر او چولده دوتسون /حسینینه ماتم گینه او دشت غمده جن و بشر آغلار گینه بو آیدا یاسین/ دوتار هامی عالم . یانار بو غمده زهرا /دئیر بالام ایوای شیعه بو آیدا سسلر /دئیر آقام ایوای . . . . . گلشن دین بو آیدا /گینه اولار پرپر دئیر حسینیم ایوای /عرشیده ملکلر گینه او چولده طوفان ائدر قرا یللر یانار آناسی لیلا/ گئدر علی اکبر . یانار بو غمده زهرا /دئیر بالام ایوای شیعه بو آیدا سسلر /دئیر آقام ایوای . . . . صاحب عصرین حالی /اولار خراب آغلار توکر گوزونن شبنم /او دلکباب آغلار دیئنده قیزلار یاندیم عمو یتیش داده سکینه سسلر ایوای/ یانار رباب آغلار . یانار بو غمده زهرا/ دئیر بالام ایوای شیعه بو آیدا سسلر /دئیر آقام ایوای . . . . حسین بو آیدا دشت /غمه اولار مهمان قالار او چولده اصغر /نچه گئجه عطشان گئدر سویا عباسی سو مشکی چگنینده او مشکه بیر جوت قول بیر /گوزون وئرر قربان . یانار بو غمده زهرا /دئیر بالام ایوای شیعه بو آیدا سسلر/ دئیر آقام ایوای . . . . . اولمادی بیر گون زینب آیرلا غملردن باشینه قاره سالدی شام پیمبردن ئولدی آتاسی ماه صیامیده مظلوم توکدی عذاره قانیاش عزای مادردن . یانار بو غمده زهرا /دئیر بالام ایوای شیعه بو آیدا سسلر/ دئیر آقام ایوای . . . . بیر گئجه یاندی زینب حسن عزاسینده قوجالدی دشت غمده حسین فراقینده وداع ائدنده اکبر قامتی خم اولدی اصغره باخدی یاندی آنا قوجاقینده . یانار بو غمده زهرا /دئیر بالام ایوای شیعه بو آیدا سسلر/ دئیر آقام ایوای .

محرم لر چکلّر عرشه قاره #ورود_محرم 🌿▪️✨🌿▪️✨ #ماه محرم جوشی زنجیر رضوی زنجانی . محرم لر چکلّر عرشه قاره حسینه آغلاشار ماه و ستاره دییر زهرا حسین وای گل طاها حسین وای . . اولوندی عرشیده اعلان محرّم دل دهره سالار طوفان محرّم ائدر زهرا خانم افغان محرّم بو آی دگدی دل طاهایه یاره . . حسینون عرشیده باشلاندی یاسی گییندی فاطمه ماتم لباسی گلور جنّ و ملکدن وای صداسی عزا بزمی قورولدی شهریاره . . قطار غم گلوبدی کربلایه نزول ائتدی او دم دشت بلایه اشاره ائتدی شه صاحب لوایه ویرون خیمه دئدی اوُل نامداره . . چکیبدی تپراقون عطرین مشامه وئروب بیر حال دیگر اؤل امامه دئدی عمروم چاتار بوردا تمامه ایچر قانین بو یرده شیرخواره . . ویریلدی خیمه لر صحرای غمده غمه غرق اولدولار دریای غمده گوروب زینب اؤزون دنیای غمده دوشوب اولدوز آیی غملی مداره . . خانم گلدی حضور شاه دینه دئدی دولموش غم و غصّیله سینه گلن ساعاتیدن بو سرزمینه حسین جان گلموشوق هانسی دیاره . . برادر غمدی بو دشتین هواسی منه خوش گلمیور یوخدور صفاسی صفاسیز بیر یرون اولماز وفاسی بیوک بیر ماجرادندی اشاره . . دئدی، زینب بو یر دشت بلادی گوزل تپراقی اما کیمیادی مریض عشقیچون خاک شفادی بو یردور وعده گاهیم کردگاره . . بو یر قارداشیوه دشت منادی کیمین دردی اولا بو یر دوادی بلایه حاضر اول کرب و بلادی سنی غم سالماسون بوردا فشاره . . بو یرده قارداشین قدّی کماندی علی اصغرون تیره نشاندی آنام زهرا بو چولدن ناگراندی اولار جسمیم بو یرده پاره پاره .

گوزوم نوری یوخدی سو منده ایستمه سنده ایلمه افغان #اصغریه 🥀🥀✨▪️🥀🥀✨▪️ #حضرت علی اصغر علیه السلام زبانحال حضرت رباب علیها سلام #سبک_شبانگاهان . عدلی تبریزی . گوزوم نوری یوخدی سو منده ایستمه سنده ایلمه افغان بیله اممه دل دوداقوی یوم گوزلرین لایلای ای گل رضوان . بو صحراده سینه داغلارام سن آغلاسان منده آغلارام یات علی لایلای یات علی لایلای . . سنیله من اوچ گجه گوندوز سس سسه ویرب آغلورام اوغول دوداقلارین سن امن وقته آهیله اورک داغلورام اوغول او رخساره صدمه دگمه سین اللریوی من باغلورام اوغول بونیسگیلده هانسی بیرآنادی ایلمز یوزه اشکنی روان . بو صحرانون غم هواسی وار سنون نه دردون دواسی وار یات علی لایلای یات علی لایلای . . قوجاقیمده لایلایون چالورام دردیوی آلورام گوزلرون باخور بومعنالی باخماقوندی منی آتش غمده یاندورور یا خور دلون یوخدی دردون آندوراسان دُرّ تک گوزدن اشک تر آخور بیر آزیوخلا سینم اوستونده من آناندا وارام سنکیمی عطشان . کباب اولدون اماندی یات فغانوی بیرآز آزات یات علی لایلای یات علی لایلای . . علی باشدان آت سوفکرینی سن خیمه نی گزدیم یوخ سویا امکان بو سولموش گل تک دوداقوی آز هی اشارتله ویرمنه نشان بوچولده جاندی بهاسی سویون باغلیوب سویون یوللارین عدوان سن آغلاسان منده آغلارام گوز یاشیم ایدر سیل تک طغیان . نه واردی سو خیمه گاهیده نه رحم واردی سپاهیده یات علی لایلای یات علی لایلای . . بلا دشتینده بابان ایستور عهدی اوستونده امتحان ویرسون نهال باغ رسالته سویرینه بو چولده قان ویرسون الینده گل غنچه ده سولسون عشقنی جهانه نشان ویرسون سوفکرین آت ناتوان آهو یوخدی آخرسو من سنه قربان . بو چولده دشمن دوشوب لجه دُزور آتان بوغمه نجه یات علی لایلای یات علی لایلای . . محمد زاده مجید آدلی بانی دوریازیلا نوحه اصغره محافلده مدح و نوحه دئیر شاه دینه هم اوغلی اکبره سویور«عدلی»همسفر اولا اونلاقول سالا قبرحیدره یاتوب اوردا شیعه لرآتاسی عالمین آقاسی حق دئین انسان . علی آدی ساقی کوثر امام حق شافع محشر یات علی لایلای یات علی لایلای

چکوب قضا الى قاندان اوغول نقاب اوزیوه 🏴💫🌾🏴💫🌾🏴💫🌾 #زبانحال حضرت لیلا سلام الله علیهادر بالین فرزند . حاج حسین حسنی افشرد . چکوب قضا الى قاندان اوغول نقاب اوزیوه اذیّت ایلمه سون بلکه آفتاب اوزیوه . . نئدوم نه چاره الیمدن اوغول الیم اوزولوب بو قان نه قاندی باشوندان عذاریوه سوزولوب و یا که رشتۀ مرجاندی سبحه تک دوزولوب اولوبدی یا یم حُسنونده چون حباب اوزیوه . . اجازه وئر یارالى باشیوه دوروم دولانوم کیمیم واریمدی داخی سایه سینده دالدالانوم یوخومدی ارخام ائلیم بس کیمه من آرخالانوم گوزوم توکر او سببدن سرشک تاب اوزیوه . . سنیله همدم اولوب یاتمادیم گیچن گجه من گیدوبسن اللهیم عالمدى دوزموشم نجه من هامی گلوب سنی گورماقه قالموشام گیجه من تو کوب سرشگین ازل آل بو تراب اوزیوه . . اوزومی سن گیده لی مونس غم ایلموشم محبّت عالمینی آیری عالم ایلموشم سرشگمیله یوزون قانینی نم ایلموشم سیلیم بو زلفومیله اولماسون عذاب اوزیوه . . تعجبم نیه من ئولمورم علی قالّام سنون غمونده اوغول باشیمه قرا سالّام غم ایلمه باشوی سینم اوستنه آلّام چتیندی لیلیه اولسا مکان تراب اوزیوه . . اولوبدی گور نجه سندن صورا سوزوم بالا وای سنه فدا اولا ایکاش ایکی گوزوم بالا وای چتیندی بیرده یوزوندن دونه یوزوم بالا وای که اورگشوبدی یوزوم نیلوم اى شباب اوزیوه . . دگوب یارا باشیوا مرتضایه بنذرسن نماز صبحدنه محراب ایچینده حیدرسن یارالی شیر خداسن و یا پیمبرسن آپاراجاقدی اوغول باخسا کیم ثواب اوزیوه . . خراب اولیدی گوروم تئز بوعالم فانی آنان یووا یوزوون قانینی یوخ امکانی سویا یوخومدی گمانیم منیم اوغول جانی ولی رقیه سپر اشکدن گلاب اوزیوه . . علاوه نازلی رقیّه یانان دلی داغلار آچوبدی معجرینی یارانى باشون باغلار من آغلارام بالالار آغلار عمّه لر آغلار قوجاقدا قارداشون اصغر باخار رباب اوزیوه . . دیمه آنام نیه رخت حیاتینی سویمور عجبدی تیر جفا قلبیمه دگوب اویمور گوزوم باخا سنه مایلدی گوز یاشیم قویمور باخا دویونجا اولا بلکه کامیاب اوزیوه . . عجب مرامه یتیشدون بیله مرام اولماز جهاندا سن گیده سن من على قالام اولماز جمالوین سوزی دنیا بوئی تمام اولماز اگر یازا «حسنی» گونده بیر کتاب اوزیوه

بیر آز یواش یرى اى لیلینین پناهی اوغول #اکبریه ✨✨🌱▪️✨✨🌱▪️ #زبانحال حضرت لیلا در وداع حضرت علی اکبر علیه السلام مرحوم شعاع تبریزی . بیر آز یواش یرى اى لیلینین پناهی اوغول بیله شتابیله گئتمه بو شاهراهی اوغول . او سرو قامته قوی بیر دولی گوزیله باخوم سپه گیدن یولووا سو گوزوم میاهی اوغول . اماندی گتمه اماندی معاینه سنیله گیدیر بو بختی قرانون جلال و جاهی اوغول . منه قالان دگوسن گیت سنه دیمم گتمه دگول آنان بو مقدّس مرامه ناهی اوغول . دایان نقاب سالوم مه جمالیوه بلکه او حسنه دوشمویه تا بدنظر نگاهی اوغول . خدا نکرده على قورخورام که خلق گوروب نظرلسونله بو خال و خط سیاهی اوغول . خمیده قاشلاروون طاقی چوخ گمانیم وار ترحّمه گتوره قوم دین تباهی اوغول . پوزار صفوف عدونی صفوف مژگانون یارار او ناز خدنگی دل سپاهی اوغول . بو یوسف دلین ای یوسف دیار بلا یوزونده چاه زنخدان اولوبدی چاهی اوغول . گورن اوحسنی ایدر یاد حسن پیغمبر اولور بو هاشمی خالون اونا گواهی اوغول . گیدورسن ایمدی که قوى جدّیون عمامه سینی فدای حقّ نئدور باشدا تاس کلاهی اوغول . ساتاشسا بیر گوز او شهلایه ناز ایدن گوزووه بولر نه پایه ده دور قدرت الهی اوغول . گتور نظامیله نظمه سالوم او تللریوی خسوفه سالمیا زلف ابری نور ماهی اوغول . آلوب قراریوی شوق وصال یار الدن دایانما گیت یانا قوی لیلی سال و ماهی اوغول . زجاج عارض احمد نمایه باخدوقجا دل ایستور عرضه ایده سوزلرین شفاهی اوغول . یول اوسته سن دیمرم غملی سوز غمون آرتار گورر ملول سنی شامیان قاهی اوغول . فراقیوه دوزرم قوی منی اوغولسوز گیت ولیک قویما کمکسیز بو پادشاهی اوغول . قویار غمون آناوی بحر غمده سرگردان دولاندورار نجه دریاده موج کاهی اوغول . بویون بلاسین آلوم اولماسان اوزوم بولورم گونوم قرا اولی ای بختیمون ستاهی اوغول . دیسم اگر منی مجنون ایدر غمون دوزدور بو باره ده آناوون یوخدی اشتباهی اوغول . سن اولماسان گیدر الدن عزیزلیقیم بولورم اسیر ایدر منی بو فرقۀ مناهی اوغول . بهار عیشمی غم صرصری خزان ایلر نجه که سولدورار آفت گل و گیاهی اوغول . بو قومه غالب اولوب بسکه نفس امّاره ایدوبله حقّین عَلَیهینده فکر واهی اوغول . ستمله تنگ اولوب عرصه بنات زهرایه دوتوب اور کلرینی وحشت و دواهی اوغول . کسوب سو یولّارین اوچ گوندی اهل کینه دیمور ندور بو السیز ایاقسیزلارین گناهی اوغول . نه وار سودی نه سویی بینوا رباب آناوون یاخندی یاندورا افلاکی سوز آهی اوغول . سالوبدی قلبیمه بیر سونمز اود رباب غمی اودور سبب چکورم آه گاه گاهی اوغول . گوروم على اولا برهم رباب حالی کیمی بنی امّیه قوران ظلم دستگاهی اوغول . دوشوب بلایه «شعاع» ایسته جدّیوه خاطر خدا اولا ایکی دنیاده دادخواهی اوغول . بو رسمدور آقالار نوکره حمایت ایدر توجّه ایله اولا بر طرف رفاهی اوغول

بو گجه صبحه کیمی عرش کبریا آغلار 🏴✨▪️🏴✨▪️🏴 #شب عاشورا . مرحوم میرزا عبدالوهاب حقیر خویی . بو گجه صبحه کیمی عرش کبریا آغلار گلوبدی نالیه سکّان نُه سما آغلار . تمام قاره گئیوب انبیای ذوالاکرام حسین حسین دیر ختم انبیا آغلار . اوغول دیوب دولانور خیمه گاهین اطرافین الی بئلینده علی شاه لافتا آغلار . آچوب یاخاسین علی فاطمه آچوب باشینی یانان جگرلری زهریله مجتبا آغلار . صباح اولاندا دوشر غلغله سماواته فلک ملک یر و گوگ کلّ ماسوا آغلار . صباح اولاندا دوتار کربلا چولین طوفان که نوح نوحه ایله باشلیوب نوا آغلار . صباح اولاندا گلور کربلایه ابراهیم گورر منایه دونوب دشت کربلا آغلار . گورر ذبیح خدا کربلا مناسینده کسلّه یتمیش ایکی تشنه لب فدا آغلار . بو گئجه هر آنا اؤز اوغلونی کناره چکوب دوتوبدی هر باجی قارداشینا غرا آغلار . عیالینی باشینا جمع ائدوب امام وحید وداع آخر ائدر آل مصطفا آغلار . «حقیر» الونده گلوب نی کیمی نوایه قلم یازار غمین خبره غملی مبتدا آغلار .

یوز قویوب یوز مین عرب بیرشاه عطشان اوستونه 🏴🍁🌾🏴🍁🌾🏴 #قتلگاه . مرحوم کاتب اردبیلی . یوز قویوب یوز مین عرب بیرشاه عطشان اوستونه دیولر گویا ایدوب حمله سلیمان اوستونه . . بادیه پیما عربلر صف به صف هی هی کنان آلدى اول شاه غریبی چون نگین اندر میان داش وران پیکان وران نیزه وران خنجر وران موج ایدوب هر سمتیدن چون سیل عمّان اوستونه . . دولدوروب کرب و بلا دشتین صدای هلهله طبل و نی آوازه سیندن یرلر ایتدی زلزله سالدى شمر بی حیا عرش عظیمه ولوله الده خنجر یوز قویوب شاه شهیدان اوستونه . . فوج فوج آتلو پیاده قتلگاهه یوز قویوب دسته دسته جانب اول پادشاهه یوز قویوب اللرینده حربه لر اول بی پناهه یوز قویوب هر طرفدن یاغدیروبلار تیر و پیکان اوستونه . . گوردیلر یالقوز قالوب میدان آرا اول سروری نه قالوب اوغلی نه قارداشی نه بیرجه یاوری وردیلار گل جسمینه تیر و سنان و خنجری یاره اوستوندن یارا دگدی او سلطان اوستونه . . هر قدر سو ایستدی قاتلدن اول شاه غریب بیرجه جرعه سو اونا ویرموب او شوم نانجیب ساقی کوثر عزیزین سودان ایتدی بی نصیب چکمه لی قویدی قدم صندوق سبحان اوستونه . . بیر تعدّی ایلدی کرب و بلاده شمر دون جسم پاک شاه مظلومانی ایتدی غرق خون لامحاله قویمادی بیر کوینگی قالسون اونون یخدی عریان پیکرینی قانلو میدان اوستونه . . نانجیبان عرب یوز خیمه گاهه قویدیلار عترت پیغمبرین زیب و اساسین سویدیلار بیله فکر ایتمه اولار جور و جفادن دویدیلار وردیلار اود خیمه گاه عرش بنیان اوستونه .

شبی از خواب خوش گردیده بیدار #حبیب_ابن_مظاهر 🥀🥀🥀🥀🥀🥀🥀 #رفتن حبیب بن مظاهر بمیدان مرحوم حاج علی اصغر بنائی یزدی . شبی از خواب خوش گردیده بیدار نمودم پیروی از طبع سرشار . فتادم من بفکر عشقبازی که دارد در دو عالم سرفرازی . فدای عشق باز کوی جانان حسین فاطمه شاه شهیدان . برو ای دل بسوی کربلایش حبیب آسا نما جان را فدایش . گرفتی أذن جنگ آن پیر عشّاق بجانبازیِ شه چون بود مشتاق . سوى أعدا شد آن پیر خردمند رجزها خواند در میدان دمی چند . که ای قوم دعا این عاشق پیر نه خوف از تیر دارد نی ز شمشیر . حبیب مصطفی محبوب دادار نهادی تیغ کین بر فرق کفّار . بجنبد عشق پیری گر بدوران رباید گوی سبقت از جوانان . نموده پیش دستی عاشقان را که تا سازد فدای شاه جان را . بفکر عشق بازی عاشق پیر چه پروا باشدش از نیزه و تیر . بجان یاری نمود از شاه بی یار که تا دستش فتادی آخر از کار . بجا آورد او عهد و وفا را که راضی کردى آخر مصطفی را . حبیب کوی جانان گشت خسته ز تیغ اشقیا در هم شکسته . شدی صد پاره جسم نازنینش فکنده نوک نی اندر زمینش . حبیب کردگارش شد ببالین نشسته بر سرش چون جان شیرین . چو آمد عشق حق اندر سر پیر شدی از یاد وی صد زخم شمشیر . بگفتا ای حبیب دل کبابم سلام از من رسان برجد و بابم . بگو با جدم آن ختم نبوّت امان از دست این بی رحم امّت . ز بعد رفتنت ای شاه بطحا هزاران ظلم ها کردند بر ما . بنائی گر حبیبش جان فدا کرد شه دین را بصد غم مبتلا کرد . .

هرکه در ماتمسرای شاه خوبان می نشیند #ورود_محرم 🍀✨▪️🍀✨▪️🍀 #مصائب کربلا . مرحوم صابر همدانی . هرکه در ماتمسرای شاه خوبان می نشیند گرچه با اندوه دل با چشم گریان می نشیند لیک اگر امروز او سر در گریبان می نشیند روز محشر شاد در نزد محبّان می نشیند در مقام قرب حق با روی خندان می نشیند . . هرکجا گردد لوای ماتمش بر پا به دوران جمع آیند اهل معنی با دلی از غم پریشان آن یکی بر سر زند این یک نماید آه و افغان در قیامت آنکه چشمش از غم وی بود گریان ز اشک چشم او شرار عندلیبان می نشیند . . یادم آمد این زمان از اهل بیت شاه بی سر کز کنار قتلگه بردنشان آن قوم کافر ریختند از بهر تودیع شهیدان مام و خواهر بر سر هر نوگل بشکفته ای از تیر و خنجر دید زینب هر زنی چون عندلیبان می نشیند . . زینب آمد بر سر بالین شاه تشنه کامان دید بی سر جسم شه افتاده از بیداد عدوان هرچه زاری کرد از دل عقده اش نگشود آسان خم شد و زد بوسه بر حلقوم سلطان شهیدان گفت زین مشکل مرا سوز دل آسان می نشیند . . گفت ای جان عزیز این سان به خون غلتان چرائی؟ ای گل باغ نبی، خار کف عدوان چرائی؟ داشتی پیراهنی بر تن، چنین عریان چرائی؟ غافل از حال دل زینب در این دوران چرائی؟ کز پس قتل تو جغدآسا به ویران می نشیند . . خیز و بنگر از سر کوی تو چون گشتم روانه بازوی طفلان چو مویت شد سیه ز تازیانه کرد آخر مرغ دل را تیر هجرانت نشانه کی گمانم بود ببینم از جفاهای زمانه بر تن پاک تو پیکان روی پیکان می نشیند . . گرچه رفتیم و غم هجرت به دل گردید مدغم لیک امشب ای سلیمان اندرین وادی پر غم دیو خصلت بجدل انگشت برد از بهر خاتم گرچه من رفتم ز کویت ای شهنشاه معظّم در عزایت «صابر» غمدیده گریان می نشیند