گل ای عشقون آشناسی #ورود_محرم 🏴🏴🌿🏴🏴🌿 #استقبال از محرم . #سبک_من_عاشق_کربلاتم . محمد رضا نصیری میانجی . . گل ای عشقون آشناسی گلور حسین عزاسی گوزلدی کربلاسی . گل گلور گنه محرم دوتوب جهانی ماتم آچلدی قاره پرچم . عشق یعنی حسیندی شاهیم بو دونیادا پناهیم یولوندا من اسیرم . عشق یعنی حسینون عشقی او نور العینون عشقی او عشقه دستگیرم . شاهیم حسین گوزلرون قاداسین آللام مزارووه یول سالام قاپونده نوکر قاللام حسین . . . من گرک هورم قاپوندا عومور سورم قاپوندا سنی گورم قاپوندا . سن منه ثَمن وئروبسن دیممیش من وئروبسن نه واریم سن وئروبسن . عشق یعنی سن سن امامیم جلالیم احتشامیم سنه ارادتیم وار . عشق یعنی قرا لوایه او گوزل کربلایه منیم محبتیم وار . شاهیم حسین مذهبیم دینیم آدابیم ذکر مسجد و محرابیم ای منیم گوزل اربابیم حسین

بیر نچه مدّتدى الآن دوشموشوق زندانه حارث 🍂▪️▪️🍂▪️▪️ #طفلان حضرت مسلم علیه السلام #رضوی زنجانی . بیر نچه مدّتدى الآن دوشموشوق زندانه حارث قلبیمیز غمدن دونوبدی حبسده القانه حارث رحم ایله زهرایه خاطر حضرت طاهایه خاطر . . بیز ایکی طفل یتیموک شهر غربتده پریشان آدیوی مسلم قویوبسان شرم ایله ای نامسلمان گورمروق سنده مروّت یوخدی سنده ذرّه وجدان بی خبر سن دین حقّه اولموسان بیگانه حارث . . قالمشوق مدّتدى الآن قورخولی زندان ایچینده دوشموشوق آیری وطندن قالمشوق عدوان ایچینده بیر سنق کشتی مثالی بحریده طوفان ایچینده رحیم قیل ای نامسلمان باخ حق منّانه حارث . . کوفه شهرینده آتامیز نوش ایدوب شهد شهادت ایلدوز اوّلده بیعت عاقبت اما خیانت حقّه دشمن اولدوز آخر ای گروه بی لیاقت حُبّ دنیا ایلیوبدی سیزلری دیوانه حارث . . ایلر آیا کیم پریشان ئوز قوناقون ئوز ائوینده یا ایدر کیم دیده گریان ئوز قوناقون ئوز ائوینده ئولدورر هانسی مسلمان ئوز قوناقون ئوز ائوینده بیز سنه مهمانوق الآن حرمت ائت مهمانه حارث . . ایندی یول گوزلور آنامیز قلبی اولموش قان وطنده غوطه ور اولموش یقیناً دهریده بحر مُحنده هی دوتار بیزدن خبر یئل یثریه ساری اَسَنده هجر الینده گلموش الآن ناله و افغانه حارث . . اولمادی سوزلر مؤثر قلب شیطان رجیمه دشمن اولموشدی او ظالم قادر حیّ رحیمه چکدی خنجر اولدی قاتل اوُل ایکی قلب سلیمه حنجری ایتدی نشانه خنجر برّانه حارث . . اوُل شقیده گوردیلر یوخ عاقبت رحم و مروّت ایتماقا حقّیله خلوت آلدیلار بیر لحظه رخصت دستماز آخرینی آلدیلار با اشک حسرت قویمیوبدی درد هجران تا یته درمانه حارث . . دوردولار راز و نیازه بارگاه بی نیازه اول ایکی قارداش دایاندی قبله ی حقده نمازه عرض ایدوبلر بار الها داغ مادر اولدی تازه شاهد اول گور نیلور الآن بو ایکی قربانه حارث . . سن بیزه یاور سن الله اوّل و آخرسن الله قادر مطلق سن الله ناظر برتر سن الله حاکم الحاکمین سن الله سن ئوزون داورسن الله شاهد اول ظلم ایتدی بی حد بی گنه طفلانه حارث . . سن ئوزون چون حق سن الله قاضیِ بر حق سن الله حکم ایله ای حاکم الله قدرت مطلق سن الله دین و قرآنه جهاندا سن ئوزون رونق سن الله دینینی دیناره ساتدی باخمادی فرمانه حارث . . باشلارون کسدی خلاصه اول ایکی طفلین او کافر دیده سی گریان اولوبدی عالم معنا پیمبر یرده قالدی گل بدنلر روحلاری اما آچوب پر دهریده خصم اولدی آخر صاحب قرآنه حارث . . گوزلری یولدا وطنده مادر آغلار، خواهر آغلار یثربه قاصد گلنده مادر آغلار، خواهر آغلار قلبه تیر غم دگنده مادر آغلار، خواهر آغلار اونلاری گوردی آدامسیز گلدی چون جولانه حارث

بو غم نه غمدی که یاران بو غم تمام اولماز #ورود_محرم 🥀🥀▪️🥀🥀▪️ #ماه محرم #مرحوم آصف تبریزی . بو غم نه غمدی که یاران بو غم تمام اولماز نه طرزیدور بو مصیبت که اختتام اولماز . او اهل بیت که عالم دیردی آل الله سبب ندور که او اهله فرات رام اولماز . دیسم سوسوزدولا آب فرات اوزلریدی دیسم سوسوز دگی سیراب الینده جام اولماز . دیسم اسیریدیله نور ناره اولماز اسیر دیسم اسیر دگولّه بیله کلام اولماز . بلی اسیریدیله شاه کربلا باشینا امامه بسته اولان بستۀ ظلام اولماز . غلطدی گر دیسه بیر کیمسه قاسمه ناکام عروسه جان ویره داماد بیله کلام اولماز . گورنده باشی تنور ایچره جبرئیل دیدی حسین باشینه یارب بیله مقام اولماز . حسین باشی سناندا سنانه زینب اسیر تعجبم که قیامت نیه قیام اولماز . آچیلدی معجر زینب دیسم غلطدی اگر تعجّبم آچیلان وقته صبح شام اولماز . چکنده سید سجّادی شمر زنجیره قضا دیدی بیله صیّاد بیله رام اولماز . یداللهی چکه زنجیره خصم بدافعال سئوال حکمت باریده لا کلام اولماز . غزل سرالیقی ترک ایتدون «آصفا» یازدون گورن دیر سنه الحق بیله کلام اولماز

بو منای عشقدور جانانه جان ویرّم باجی ▪️✨🍃▪️✨🍃 #ورود به سرزمین کربلا #محسن محمدی هشترودی . بو منای عشقدور جانانه جان ویرّم باجی ریشۀ اسلامه بو صحراده قان ویرّم باجی . اوخلار آلتیندا سیزلدار یاره لر یاهو دیر خشک اولان لبلرده یا رب امتحان ویرّم باجی . . دایر اولدی بوردا زینب خیمه گاهیم گورسنور باخ گلان بو تلّین اوستن قتلگاهیم گورسنور دفن اولان یرده یخلام مرکب اوستن توپراقا قان آخار یرده سورونم رازگاهیم گورسنور . . بول همان ساعت قویار ئوز خیمه گاهه اشقیا چاره وی دشمن کسر هر دورت طرفدن زینبا اوندا سسلر سن حسین امدادمه گل هارداسان قدرتیم اولماز قیامه بردبار اول بر ملا . . بیزلری ئودورمگه شورا قورالّار زینبیم بی مروّتلر عناد اوسته دورالّار زینبیم ایسترم باش یاره سین دامانمیله پاک ایدم قلبنین آئینه سیندن اوخ ویرالّار زینبیم . . چوخ مطالب وار نظر قیل وعده گاهیمدور بورا گیتمگه امکان یوخومدور ایستگاهمدور بورا دستماز آللام ئورک قانیله بو صحراده من سجده حالینده یخیلّام قبله گاهیمدور بورا . . اگمرم من باش یزیده مرد میدانم باجی شهریار باغ رضوان روح ایمانم باجی صبروی یغمایه ویرمه درسوی زهرا ویروب افتخاریله بو چولده دینه قربانم باجی . . مسلخ عشّاقده فتیان عاشورایه باخ منکه ئولدوم امر و نهیی قویماقا اجرایه باخ بو چوخور یئرده امان سیزلار امان ویرمز منه سینه سوزان اشک ریزان دوغرانان اعضایه باخ . . وقریوی سیندیرما زینب خوار ایده لّر یاسمی ئولدورر اشرار کوفه اکبریله قاسمی بیر امیدیله دوتارسان ئوز کنار علقمه سسلیرسن داده شرمنده یاتان عبّاسیمی . . هیچ کسین گلزار عیشی من کیمین سولماز باجی گوزلری اشکیله غمدن دولمیوب دولماز باجی اوخ آلار عباسمین الدن توان و طاقتین بیر طرف ایتسون او حالدا اللری اولماز باجی . . توکمه دشمنلر اولان یرده ئوزه گوز یاشوی خالق منّان ویرر محشر گونی پاداشوی معرفت گهواره سینده درسی تعلیم ایتموسن صبر ایله باش سیز گورنده یارالی قارداشوی . . کاخ استبدادی واضح زینبیم آهون یخار لیک قرآن مثلی تک شیرازه دن نعشیم چیخار راضیم روز ازلدن ویردگیم امضایه بس خیزران آلتیندا واضح لبلریمدن قان آخار . . “ ناطقا “ دلسوزدن دلسوز یدور بو ماجرا سوز مسلمدور همانا البلاء للولا عاشقوخ آمین دیاخ ایله دعا مقبول اولار ایسته لطف ایلر حسین بن علیدن کربلا

محرم ظاهر اولدی عالم معناده هر یردن ▪️🍁▪️🍁▪️🍁 #ورودمحرم #مرحوم واقف سرابی . محرم ظاهر اولدی عالم معناده هر یردن اوغول وای ناله سی هر دم گلور خواتون محشردن . . جناب حرّلن گلدی عراقون لشگرشومی احاطه ایلیوبلر غفلتاً سلطان مظلومی گتوردی آہ و زاره زینبی، آغلاتدی کلثومی دوتوب خنجر الینده صف چکوب دوردی برابردن . . گیدردی آل هاشم لشگر حرّیله هم توسن ایدردی خوف دشمندن عیال مصطفی شیون دوروب بیر یرده حرّ عرض ایتدی مأمور امیرم من کناره گتمه گین یوخدور بو بی آب و علف یردن . . ابوالفضلی گوروب سلطان مظلومان برابر ده جنود اللهه، آل الله دیوب ویرسون سراپرده آنا اوغلین بو چولده گورسون ایمدی زیر خنجرده آلالّار بوردا خیبر انتقامین آل حیدردن . . آنا اوغلین باساردی باغرینا اوز قارداشین خواهر عیال مصطفایه ظاهر اولدی شورش محشر باخاردی خیمه لردن دشمنه اولاد پیغمبر او وقته شبث ربعی چیخدی بیر نوعیله لشگردن . . سالوبلار وحشته بیر نوعلین اولاد طاهانی او نوع ایتمز مسلمان کافری کافر مسلمانی فدا اولسون او حاله یاحسین بو شیعه نون جانی او چولده تیره باران ایتدیلر یوز مین نفر بیردن . . آپاردی اوغلونی قربان خلیل الله مینایه گوروب بوحالی هاجر آغلاردی یوز قویدی صحرایه نه نسبت هاجرین شأنی یتوشسون شأن لیلایه نه قدرت صبر لیلا، ظاهر اولسون قلب هاجردن . . نه اکبر دوغریوبلار پیکرین یوزمین نفر لشگر یخلمشدی عقابین اوسته چون شهباز بی شهپر او خنجر که ووروب اول یوسف یعقوب بداختر کئچوبدور کتف اکبردن دگوب قلب پیمبردن . . او وقته بوتراب اوغلی قدم قویدی تراب اوسته سالوبدور آفتاب چرخ تابین آفتاب اوسته قضا زینب قولون دوتدی قدر قاچدی طناب اوسته چکیلدی قرعه یانسون خیمه لر ثبت مقدّردن . . باخوب لیلا علی اکبر یوزینده هاشمی خاله گوروب رنگی سارالموش تیره لنمش آی کیمی هاله غزالی صید اولان آهو کیمی دلدن چکوب ناله گوتورمزدی داخی لیلا نظر رخسار اکبردن . . شهید کربلا الده، خیال اصغری بولدی دیردی سود وئرون بو بیر قانادی باغلى بلبلدی ووروبدی حرمله بیر اوخ آچوب اصغر گوزون گولدی اشاره قیلدی ای بابا خجالت اولما اصغردن . . زبان حالیله شاه شهیده عرض ایدوب بابا بودور جدّیم پیمبر دور بودور گلموش آنام زهرا الونده تشنه جان ویردیم مکدّر اولما سن اصلا ایدر ساقی کوثر اصغرین سیراب کوثردن . . گیجه گوندوز خیالی «واقفین» ذکر حسین اولموش سواد کاسۀ چشمی مداد اشگیله دولموش بو فانی عالم ایچره گلشن عمرون گورور سولموش شفاعت قولون ایستور عجزیله آل پیمبردن

یارب منه لطف ایله اولوم عیبدن عاری 🥀🌿▪️🥀🌿▪️ #ورود به کربلا عدلی تبریزی . یارب منه لطف ایله اولوم عیبدن عاری عشقونله اورکده آچیلا یول سنه ساری . بیرعمرودی روزی یییورم شکرونه غافل سال قلبه اولوم نعمتوون شکرگزاری . سالما نظروندن منی ایت راکع وساجد تکبیره نمازه دلیمی آچ اولا جاری . سال سایۀ رحمت کرموندن باشیم اوسته سیل بو اورگیمده اولونان گرد وغباری . مهمان ایله فضلونله منی بادۀ نابه دولدورسون اومی جسمیده هریرده داماری . مست ایله منی شقیوه ای خالق رحمان ویرباده مدام ویرمیه یوزحال خماری . عفو ایت منی اعظم اولونان اسمیوه یارب گرچه گناهیم چوخدی منیم یوخدی شماری . باشلاندی محرم آچولور قاره علم لر بوغم آیی آغلارگوزعطا ایت منه تاری . بوآیدا شهید ایلدیلرفاطمه اوغلون اولدوردوله یعنی شه دین میرفخاری . دعوت ایلدی کوفه نین اهلی گله مهمان گلدی ولی گوردی اولارون یوخدی چخاری . چکموشدی یزید نقشۀ شوم تا آلا بیعت اتموشدی بسیج کوفنین اهلین اونا ساری . باش اگمدی چون بیعته اول فاطمه اوغلی ارزل لره باش اگمیوب اگمز بالالاری . حکم ایلدی تا لشکری اولدورسون حسینی بیرده کیم اولا دوروبرینده ایده یاری . القصه گلوب ماه محرم ایکی سینده چاتدی او بلا دشتینه عشق اوسته قطاری . امرایلدی قورسونلا چوخور یرده خیامی بو امر ویروب زینبینه حالت زاری . عرض ایلدی قارداش بونه یردی سنه قربان آندوربو قضایاده باجون زیببی باری . فرمایش ایدوبدور بومکان دور منه مسکن گلشن ایدرم قـانیمیلن من بو دیاری . دشمن منی ایلر باجی بو یرده احاطه ایستر پوزولا منده اولان نقش و نگاری . باغلارسویولون اصغریم عطشان ویره تاجان سو اوسته ابوالفضلیم اولار اوچی شکاری . بو یرمنه مدفندی اولار کعبۀ عشاق الله ایده جاق کعبدن اشرف بو مزاری . عهد ایلموشم خالقیلن روز ازلدن عاشورمحرمده ویرم دارو نداری . گرچه باجی من واریوخومی خالقه ویررم اما ویرارام دشمنیمه ضربۀ کاری . قویمازیخیلا فاطمه اولادی بوچولده قرآن ایوینی هم یخیلا دینون حصاری . مندن صورا گر نهضتیم اوستونده دایانسان بو یرآدی عالمده اولار شیعه شعاری . ایللربویی چون ماه محرم لراولاندا گوز یاشنی عاشق لر ایـدر صورته جاری . غم محفلی چوخ یرده قوراللار منه خاطر هرکیمسه گلربزمه تاپار حالت زاری . عاشورمحرم یتیشر ناله لرعرشه چوخلارگوزونون یاشین ایدر ابر بهاری . عطشان اولا هرکیمسه منیم عشقیمه زینب سوندورمز عطشدن اونی بو دنیا سولاری . یازنوحه حسین عاشقی ای «عدلی» عاصی قورتارسا سنی نار جهیمدن او قوتاری

تا یتیشدی پایگاه عشقه شاهنشاه عشق #ورود_کربلا ▪️🌱▪️🌱▪️🌱▪️ #ورود حضرت امام حسین علیه السلام به ارض اقدس کربلا #مرحوم هادی تبریزی . تا یتیشدی پایگاه عشقه شاهنشاه عشق آچدی معلولین عشقه اوردا درمانگاه عشق . . فارغ التحصیل دانشگاه ذات کبریا دکتراسی اوسته نصب اولموش مدال قُل کَفی پارلمان حقّیده کاندیدۀ قالوا بلا ایلدی تصویب طرح خیمه و خرگاه عشق . . چون او شهده پرورش تاپموشدی روح انقلاب کربلاده انقلاب ایتماقه اولدی انتخاب ایستیوب اوّلده محبوبیّتین ایتسون حساب کوفیه یثربدن اعزام ایتدی کارآگاه عشق . . دستگاه اطّلاعات یزید کینه کام کعبه ده بیر توطعه ایتمیشدی بر ضدّ امام کعبه نی ترک ایتدی ناچاراً او شاه ذوالکرام سرعتیله عزم ایدوبدور راه موعدگاه عشق . . گوردی اسلامی ایدوب مجروح آدی اسلامیان زخم اسلامی یودی قانیله ایتدی پانسمان ایستیوب اسلامه بذل ایتسون حیات جاودان ایلدی تزریق ثارالله فنا فی الله عشق . . ناجی اسلام اولوب امّا اؤزی بیمار عشق چون که پای قلبینه باتدی ستمله خار عشق سجده گاه عشقیده دوشدی سوسوز تب دار عشق باشلادی راز و نیازه تاپدی خلوتگاه عشق . . یاندی نار عشقه شمع دین حق پروانه سی عشقیله لبریز اولوبدی زینبین پیمانه سی گلدی تَلّ اوسته دوروبدی فاطمه ریحانه سی گوردی قان ایچره دوشوبدور شاه عالی جاه عشق . . بزم یاره گئتماقا اوخلار ایدوبدور پیشواز یوخدی سو امّا که قانیله آلوبدی دستماز آننّینین داش یاره سی یرده آچوبدی جانماز تا نمازین ایلسون بر پا شه دلخواه عشق

افقدن اولدی چون عیان هلال ماه غم فزا #ورود محرم 🏴🏴🏴🍂🏴🏴🏴🍂 #اول ماه محرم الحرام گریز به حضرت ابوالفضل العباس علیه السلام 🔰سبک اصلی: #سبک_دل_شب_ایلیوب_سفر (4 سبک سینه و زنجیر برای اجرا بدون واگیر) #سبک های دیگر : (با اضافه کردن واگیر) #سبک_الهی_غملی_کوفه_نون (#جوادی) #سبک_الهی_دفن_ایدیم_نجه #سبک_تا_مشکتو_تو_آب_زدی #سبک_حسین_دوشوبدی_مقتله مشابه . مرحوم میرزا عبدالوهاب حقیر خویی افقدن اولدی چون عیان هلال ماه غم فزا قورولدی تیره ابردن فلکده خیمه ی عزا . چکوبله قاره گوگلره رواق عرش داوره چخوب صدای واحسین فراز چرخ اخضره . . . اولور عیان هلالدن نشانه ملال و غم مصیبت و ملالدن قد هلال اولوبدی خم یتوب زمانه خلقنه نه محنت و غم و الم جوان و پیر اگننه گیوبدی سربسر قرا . . . دگل بو سرخی شفق فلکده گورسنور عیان که خون حلق اصغری ویرور حقیقتا نشان سپهر دامنین دوتوب قیامته کیمی بو قان دانلماسون بو خون حق ایدن زماندا ادعا . . . گونون شعاعی شرح ایدور غم مه محرمی سپهر بامنه تیکوب اودور لوای ماتمی که کربلاده بیر علم باتوبدی قانه پرچمی علم یانندا غرق خون دوشوبدی صاحب لوا . . . سو مشکی اوخلانوب دوشوب سوسوز سو اوسته اللری خدنگ آبداریله دولوب تمام پیکری آخار فرات تک قانی باخار فراته گوزلری دوننده خیمیه طرف دیر فداک یا اخا . . . گل ای نهال قدی خم اولان غم فراقدن یتیش هرایه جان یتوب دوداقه اشتیاقدن یتور الیمه بیر الون که دوشموشم ایاقدن الین فداسیم دوشوب بدندن اللریم جدا . . . کسوبدی باشیم اوستونی النده تیغ باش کسن اوزیوی تیز یتور منه بیر آز زمان یتشمه سن کسلله تشنه باشیمی گورنمه سن یوزیمی سن یوزوی گل گوروم ایدیم ایاقون آلتدا جان فدا . . . آلاندا قارداشین سسین شهید عشق قارداشی بولوب شه بلا دوشوب بلایه قارداشین باشی اوزون یتوردی قارداشا او شاه گوزده گوزیاشی آلوب دیز اوسته باشینی بویوردی شاه کربلا . . . بلیم بوکولدی سرو تک یر اوزره یخدیلار سنی منه سنون شهادتین جری ایدوبدی دشمنی سنون یانندا کوفیان سالاللا تپراقا منی گورولله چون کمک سیزم یوخومدی خویش و اقربا . . . دیدی اگرچه دورماقا ایاقه یوخدی طاقتیم ولی نقدر باش قالور بدنده وار حمایتیم نیدیم گوزومی قان دوتوب قالور گوزومده حسرتیم اُلَن زمان گورنمدیم یوزوی وا تاسّفا . . . بویوردی اوز گوزونده گور منیم گوزومده دور بو قان سنون یانندا حاضرم غم ایتمه جان ویرن زمان نقدر قان فرات تک بو سینه دن اولور روان حسین قانیدور منیم اوزوم بو قانه خونبها . . . ایدوب او دم مشاهده جمال یاری آشکار ایکی الیله ایلیوب ایاقی آلتدا جان نثار (حقیر) اگر محبتون بو ایکی شهریاره وار محبتون مقابلی جزا گونونده دور جزا

ز جور چرخ گردون میزدم داد ✨🍂🍀✨🍂🍀✨🍂 #طفلان حضرت مسلم علیه السلام . مرحوم حاج علی اصغر بنائی یزدی . ز جور چرخ گردون میزدم داد دو طفل مسلمم افتاد بر یاد . ز بعد کشتن آن شاه خوبان بدند این هر دو ما بین اسیران . ببردند هر دو را قوم ستمگر بکوفه نزد آن زندیق کافر . بزندان حکمشان داد آن جفاکار نکردی رحم بر طفلان افکار . بزندانبان بگفتا آن زنا زاد بر ایشان کن جفا و ظلم بیداد . دو قرص نان بده با کوزه آب رخ خورشیدشان گردد چو مهتاب . دو یوسف گشته در قید ستم بند زبان شان بوده در ذکر خداوند . شبان أندر نماز و روزه در روز بدندی هر دو آن شمع شب افروز . بزندان بلا یکسال و بودند بر ایشان ظلم هر دم میفزودند . بیک شب گفته راز خویش با پیر یتیم هستیم و ما را حرف بپذیر . دو طفل مسلمیم ای پیر دانا خلاصی را ز تو داریم تمنا . بگفتا پیر جان قربانتان باد روید از در برون هستید آزاد . برون رفتند پیمودند شب راه فتادی بر عجوزه چشم ناگاه . یکی گفتا بزن با مهربانی نما امشب تو ما را میزبانی . دو طفل مسلم زار حزینیم یتیم هستیم و بی یار و معینیم . بگفتا آن زن پیر خردمند که چون باشید مسلم رادوفرزند . درون آئید اندر خانۀ من شود روشن از آن کاشانۀ من . ولی باشد مرا داماد خونخوار ببیند گر شما را سازد آزار . بگفت و بردشان در منزل خویش دو طفلان راحت و آنزن بتشویش . که ناگه حارث بی دین درون شد اجل را سوی طفلان رهنمون شد . رسید از راه و آگه شد از ایشان گرفتی هر دو را زلف پریشان . طناب ظلم و کین بر دست و پا بست بخفت و صبح آمد تیغ بر دست . فلک تیغ ستم دادی بجلّاد مگر نشنیدی از طفلان توفریاد . دو طفل بی پدر با آه زاری فکندی زیر تیغ نابکاری . یکی گفتا بآن کافر که مخروش ببر ما را سر بازار و بفروش . یکی گفتا که در دستت اسیرم ببر زنده تو در نزد امیرم . بده مهلت تو ما را ای ستمگر برای یک نماز حیّ داور . چو فارغ از نماز آن کودکان دید بتیغ کین سر آن هر دو ببرید . بنائی زین مصیبت باش خاموش که پیغمبر بجنّت رفت از هوش