کربلا میعادگاه حیّ ذوالمن دور باجی #وداع ▪️🥀▪️🥀▪️🥀 #وداع حضرت ابا عبدالله الحسین . مرحوم علی اکبر عبدی قراملکی . کربلا میعادگاه حیّ ذوالمن دور باجی عشق قربانگاهیدور عشاقه مدفندور باجی . . اهل عشقه بیر مقرّ عشقدور بو کربلا ادّعای عشق ایدن عاشق گرک کورسون بلا طالب حبّ اولسا هر کیم البلاء للولا عالمه بو مسئله گون تک مبرهندور باجی . . عالمه اثبات عشقین اهل عشق اتسون گرک شوقیله بو عرصه گهده کامله یتسون گرگ محضر جانانه الده نقد جان گتسون گرگ تا نشان ویرسون که عشقی وجه احسندور باجی . . قصّۀ عشقین بو یر آگاهیدور اسرارینه تُربتی مشتاقیدور اهل ولا دیدارینه وعده گاه عشقدور یاری یتورسون یارینه قرب وصلت آختاران عُشّاقه مسکن دور باجی . . ادّعای عشق چوخ عاشق ایدوب بو داریده نقص اولوب اما مقدّس عشقی پای داریده بعضی «اَرنی» بعضی «کَیفَ» سویلیوب گفتارده عاشقه «اَرنی» جوابی کلمۀ «لَن» دور باجی . . بیعت اوسته بو چولون تنظیم اولوب هنگامه سی تنگدور عشّاقه بیعت کلمه سی برنامه سی گیمرم عریان اگر قالسامدا ذلّت جامه سی عور قالماق رخت ذلّتدن مزیّن دور باجی . . من حسینم رهگشایم عالم حرّیته سرور آزادگانم اگمرم باش ذلّته گر کسیلسه اللریم حاشا وئرم ال بیعته ظالمه هر کیم اگه مظلومه دشمن دور باجی . . من ازل گونده بلا پیمانه سین نوش ایتمیشم آل طاهانی فراقیمده سیه پوش ائتمیشم طالب وصلم چراغ هجری خاموش ائتمیشم راه عشق و عاشقی پر نور و روشن دور باجی . . عشق ما فیهانی باشدان آتماسام اولماز باجی تشنه لب دین اوسته قانه باتماسام اولماز باجی اوچ گجه گوندوز قوم اوسته یاتماسام اولماز باجی اهل عشقه ایسّی قوملار اوستی مأمندور باجی . . آتموشام دنیانی گوزدن وصل یاره مایلم هر نقدری یاره اوستن دگسه یاره مایلم اولسا جسمیم قطعه قطعه یاره یاره مایلم شور عشقیله ایله مملوّ بو تن دور باجی . . خاطریم تاپماز تسلّی عشقیله دینجلمسه زهرلی پیکان مکان لامکانه دگمسه قتلگاهه باش آچوخ جدّیم پیمبر گلمسه نقص اولار عشقیم کمالی پر مثمّن دور باجی . . یتمز عاشق کامه تار عشق جانی کسمسه اولماز الفت جسمدن روح روانی کسمسه اللرین گودالیده اوز ساربانی کسمسه ثابت اولماز عالمه عشقی مبیّن دور باجی . . ائتمیشم سود و زیانین من بو سودانین قبول نقد جان ویرّم بهاده ایتمرم اصلا نکول سینه می سندیرسا سندیرسون باجی سُمّ خیول گرچه علم مایکون و كانه مخزندور باجی . . یل اسر آفت یتر بو چولده گل پپراقنه ابر ظلمت یاغدیرار قان قتلگه تپراقنه باخما شاماته گیدنده آتلارین درناقنه دوزمه سن قانیله گورسن گر ملوّندور باجی . . انبیا یکسر قالوب حیران رموز عشقیمه باغلانان پیمانیمه اسرار روز عشقیمه یانسون عالم اهلی بیر دنیا بو سوز عشقیمه یانسا كیم یانسون یانان یانماقدان ایمندور باجی . . شوقیله بو درگهه عبدی گلوبدور روز عید عیدیانه ایستوری ای کان جود بی ندید باب رحمتدن اونی قیمترمه ائتمه نا امید ائت کرم بیر پای اگر حقدن معیّن دور باجی

عزم ایلیوبسن گتمگه میدانه اکبر 🍁🍁🍁🍁🍁🍁🍁 #زبانحال ام لیلا در وداع علی اکبر علیه السلام #سبک_ای_درد_بی_درمانلارا … 10 سبک #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم . سیفی اردبیلی . عزم ایلیوبسن گتمگه میدانه اکبر سن شمع سن لیلا سنه پروانه اکبر هجران قطارین باری دایاندیر لیلانی اوغلوم باشه دولاندیر . . رعنا بویوندا آغ کفن زیبادی زیبا هم نیّتون هم مقصدون اعلادی اعلا دلده منیم دردیم ولی دریادی دریا طاقت چتیندور مادره هجرانه اکبر هجران قطارین … . . سن اوّلین جانبازسن مستانه لیکده یار عشقینه پر شورسن پروانه لیکده خوش قامتون جولانگه مردانه لیکده بنذردی چوخ جدّون شه مردانه اکبر هجران قطارین … . . مشتاق استقبال سن پیک اجلدن دامان عشقون پاکیدور ننگین خللدن بیلدون شهادت باده سین شیرین عسلدن احسن بو عالی همّته ایمانه اکبر هجران قطارین … . . حق جلوه گاهینده سنی سلطان بَیَندی زهرا خلیلیندن سنی قربان بَیَندی منده رضایم هر نه که جانان بَیَند قربان اولوم سن تک گوزل قربانه اکبر هجران قطارین … . . اوّلده دور آدون شهادت دفترینده شوریدہ سن جان بذلنه حق سنگرینده صبر ایت اوزرّیک یاندیروم جان مجمرینده گوز ورماسون شهلا گوزه بیگانه اکبر هجران قطارین … . . اون سگّیز ایل قویدوم جوانلیق جان یولندا بیر گل بجردیم بذل ایدم جانان یولندا سندن گوزلدور هانسی گل قرآن بولندا تقدیم اولا تا محضر جانانه اکبر هجران قطارین … . . افسوس اولا خاموش اولور روشن سراجیم یوخ درده دوشمکدن صورا راه علاجیم بو لحظه ده بیر بوسه وه وار احتیاجیم بیماروه بیر نسخه ویر درمانه اکبر هجران قطارین …

اوجالدی غملی سینه دن فغان حسینیم #وداع ✨🍂✨🍂✨🍂 #وداع حضرت اباعبدالله الحسین علیه السلام #سبک مشابه . حاج داود بیدق داری . اوجالدی غملی سینه دن فغان حسینیم گلوردالونجا زینبون دایان حسینیم . منی نَفَسدن سالار فراقون دایان ئوپوم من سوسوز دوداقون یارالی قارداش یارالی قارداش . . امیدِ زینب ای سوسوز یارالی سلطان نَه قدری پا پیاده من گَلوم شتابان مسافریم دایان بیرآز گر اولسا امکان ئولر باجون دایانماسون اینان حسینیم . . واریمدی بیرسوزوم سنه نهانی قارداش اجازه وئرسون ای آنام نشانی قارداش ئوپوم آنام دئین یئری بو آنی قارداش که رشک ائده بو عشقه آسمان حسینیم دونوبدی چرخشِ فَلک بلایه قارداش گذاریمی سالوبدی نینوایه قارداش انیس ائدوبدی زینبی نوایه قارداش نواده نی مثالی جسم وجان حسینیم . . مصیبتون شراره سی جهانی داغلار باخار یانان دوداقووه مَلَکلر آغلار سن ئولمه میش فرشته لر قَرانی باغلار قرا گئیندی یکسره جِنان حسینیم . . سن آغلاما قوی آغلاسون بلالی زینب شریکدور بوغملره عزالی زینب گَلَر دالونجا هر یئره وفالی زینب اگر چه اولسا قامتی کمان حسینیم . . سالوبدی قلبه نار غم شراه قارداش ائدیم بو آیریلیقدا من نه چاره قارداش گئدورسن ایندی محضر نگاره قارداش ولی قالور بو غمکش زمان حسینیم

گل هرایه قاسمیوی عمو ستمیله زاغ و زغن وورور ▪️🍀🍂▪️🍀🍂 #استمداد حضرت قاسم علیه السلام #سبک_بالام_آغلاما_گلوم_آغلاما … 8 سبک … دولانور علی قزی مقتلی … سن آت اوسته پای پیاده من … . . کربلایی رحیم شایان . گل هرایه قاسمیوی عمو ستمیله زاغ و زغن وورور ائلییپ محاصره قوم کین منی اشقیای زمن وورور یارالار دگوبدی وجودیمه باشیمین قانی قاشا باغلانوب بوتون اوخدی نیزه دی تیریدی که سینه مده باش باشا باغلانوب گل عزیز مجتبوینی گور نیجه عرصه ده داشا باغلانوب هامونون وار الده فلاخنی منی هر یارالی گورن وورور ضربات دشمن دونیدن تاپارام که فیض شهادتی باشیم اوسته گلسن اولار عمو منه جاودانه سعادتی بیلیرم که شور شهادتین منه وار بیر آیری حلاوتی منه نوشیدور بئله یاره لر اودی هر گیدن له گلن گلن وورور یتیشیبدی حد نهایته عطشیم دوداق قورویوب عمو بو بلالی دشتیده اولمادی منه بیر نفر ویره جرعه سو گیدیرم که جدّ مطهریم ویره جام کوثریدن سبو گل جسمیم اولدی ورق ورق ایاق آتدا خوار ائلین وورور آت ایاقی ایله دی پایمال ازیلیبدی جان و تنیم منیم دوگولوبدی ات کیمی قیچ قولوم داغیلیبدی پیرهنیم منیم آپاراندا خیمه لره اودی اوزانار کیچیک بدنیم منیم زرهیم ده اولمادی جسمیده وورانیم یارالی بدن وورور

در مکتب ما شیعۀ ناب جوروجفا نیست 🌿▪️✨🌿▪️✨🌿 #حضرت علی اصغر علیه السلام عدلی تبریزی . در مکتب ما شیعۀ ناب جوروجفا نیست جزخدمت خلق وحدت واخلاص بخدا نیست . ما سالک حقیم وعلی راه برِماست او منتخب حق وزحق اوست جدا نیست . اخلاص عمل ما زعلی یاد گرفتیم بی عشق ولایش به فضا هیچ صفا نیست . ما مکتبیان باده خورعشق حسینیم مست از می نابیم که درمیکده ها نیست . عشق شه دینی که خریدار وفا بود درکربوبلا گشت و به دید مهرو وفا نیست . برطفل رضیع جرعۀ آبی چو طلب کرد تیری به جفا گفت به درد تو دوا نیست . افسوس که به فطرت نشد آگاه ز دشمن بی نور حسین در دل خورشید ضیا نیست . آخر سرو دستش به عداوت به بریدند غافل ز شهیدان خدا را که فنا نیست . روزت شده«عدلی»زغمش گرشب دیجور لطفی بود ازحق مگرت روز جزا نیست

شهادته یتورنده حسینی شمر لعین 🥀▪️✨🥀▪️✨🥀 #شهادت امام حسین علیه السلام مرحوم قمری . شهادته یتورنده حسینی شمر لعین دوتوب زمین و سماواتی داد و آه وانین . او ظالم خنجر برّانی دوتدی صدای یا حسین دنیانی دوتدی . پیمبر گورجاقین شمر لعینی یتیشدی حضرت زهرانی دوتدی . بویوردی فاطمه باخما او ظالم الینده تیغ خون افشانی دوتدی . امیرالمومنین شمری گورنده الیلن دیدۂ گریانی دوتدی . دیدی الله اوغول داغی چتیندور فغانی عالم بالانی دوتدی . غلط دوشمز دیسم دوردومجی گویده مصیبت دامن عیسانی دوتدی . او قانلو چولده قاندان سئللّر آخدی سراسر قان دولان میدانی دوتدی . فضای نینوا دولدی نوادن اوجالدی گنبد مینانی دوتدی . نه تنها کربلانی دوتدی ناله هامی دنیا و ما فیهانی دوتدی . رقیه آغلادی قان خیمه لرده یاپوشدی زینب کبرانی دوتدی . دیدی عمه بابامى ئولدوروللر حسین وای عالم امکانی دوتدی . قاریشدی بیر بیره کلثوم و زینب باش آلدی دامن صحرانی دوتدی . قورولدى خیمه لرده شور محشر قیامت روز عاشورانی دوتدی . حرم آهولری بیردن ملشدی حسین وای ناله سی دنیانی دوتدی

ندن سو کیمی اشگون رواندور علی اصغر 🍁🍁🌿🍁🍁🌿 #زبانحال حضرت رباب سلام الله علیهد در عطش حضرت علی اصغر علیه السلام در روز عاشورا . #سبک_علی_جان_بالا_لبیک . علومی تبریزی . ندن سو کیمی اشگون رواندور علی اصغر گل آغوشیمه صبر ایت اماندور علی اصغر . . گلستان پیغمبر بو گون یتدی خزانه گلومدن چمنیمدن قالور غنچه نشانه ایا غنچۀ نو خیز گتورمه منی جانه سولوبسان سارالوبسان آماندور علی اصغر . . سوسوزلوق اودی سالموش هامو جانه شراره سوسوزسان بلورم چوخ یوخ الده بالا چاره داخی لبلرون ائتمه اوغول بیر بیله پاره منه درد نهانین عیاندور علی اصغر . . بیله ایلمه ناله گتورمه منی درده گوزون یاشینی توکمه اوغول صورت زرده عیاندور دوزوم اولماز سنون تک سود امرده نئدیم یوخدور علاجیم دایاندور علی اصغر . . بلورسن بالا یوخدور بو گون چاره آناندا نه سو وار نه سودی وار بو آواره آناندا چون اوچگوندی سوسوزدی بو بیچاره آناندا هامو بو یانار اودّدا یاناندور علی اصغر . . آز آغلا منی یاندور بلالی بالا لایلای ربابون داخی چوخدی ملالی بالا لایلای دؤنن گوزیاشی قانه وفالی بالا لایلای آنان حالی سنون تک یاماندور علی اصغر

یتیشدی ماه، عزا و ماتم، دوتوبدی یر گوی، عزا حسینه #ورود_محرم ▪️▪️🏴🏴🏴▪️▪️▪️ #ورود ماه محرم #سبک_آچیلدی_پرچم … 10 سبک مشابه . احسان تبریزی . . یتیشدی ماه، عزا و ماتم، دوتوبدی یر گوی، عزا حسینه ملکلر آغلور ، فلکلر آغلور، امیر ملک ، بقا حسینه حسین حسین وای… قرا گییندی ، خلیل و آدم، رسول خاتم ، نوایه گلدی باتوبدی یاسه، حسین غمینده، تمام عالم، صدایه گلدی گلیر شمیم ، نسیم جنت، آناسی زهرا، عزایه گلدی قرا گییبدی ، دیور بالام وای، آناسی خیر، نسا حسینه حسین حسین وای … بولوط مثالی، دولوبدی گوزلر، توکر سرشگین ، دمادم آغلار سو صحبتیندن، دوتار شراره، گلر نوایه، کی زمزم آغلار محرم ایی ، خروش ایده نمز، چکر خجالت ، هم علقم آغلار خجلدی محشر ، اولونجا علقم، که قسمت اولموب، آقا حسینه حسین حسین وای … دوشوبدی عصرین، زمانی تشنه، ترابون اوسته، امام خسته اوره ک یارالی ، جگر یارالی، اولوبدی آنی ، باشی شکسته گلن ووروردی ، گیدن ووروردی، بیلن یوخیدی، نه جرمون اوسته دوشوبدی دیلدن ، توانی یوخدور، دگیبدی سایسز، یارا حسینه حسین حسین وای … قویوبدی آننون، ایدیردی سجده، او حالتیلن، آخوردی قانی دوشوب یوز اوسته، ایدیبدی ماوا، شه خجسته، چوخور مکانی گلیبدی شمر، لعین وکافر، پوزوبدی ذکر، شه جنانی یارالی سینه، چخاندا زحمت، ویریب او شوم و دغا حسینه حسین حسین وای … . .