یتیشدی ماه، عزا و ماتم، دوتوبدی یر گوی، عزا حسینه #ورود_محرم ▪️▪️🏴🏴🏴▪️▪️▪️ #ورود ماه محرم #سبک_آچیلدی_پرچم … 10 سبک مشابه . احسان تبریزی . . یتیشدی ماه، عزا و ماتم، دوتوبدی یر گوی، عزا حسینه ملکلر آغلور ، فلکلر آغلور، امیر ملک ، بقا حسینه حسین حسین وای… قرا گییندی ، خلیل و آدم، رسول خاتم ، نوایه گلدی باتوبدی یاسه، حسین غمینده، تمام عالم، صدایه گلدی گلیر شمیم ، نسیم جنت، آناسی زهرا، عزایه گلدی قرا گییبدی ، دیور بالام وای، آناسی خیر، نسا حسینه حسین حسین وای … بولوط مثالی، دولوبدی گوزلر، توکر سرشگین ، دمادم آغلار سو صحبتیندن، دوتار شراره، گلر نوایه، کی زمزم آغلار محرم ایی ، خروش ایده نمز، چکر خجالت ، هم علقم آغلار خجلدی محشر ، اولونجا علقم، که قسمت اولموب، آقا حسینه حسین حسین وای … دوشوبدی عصرین، زمانی تشنه، ترابون اوسته، امام خسته اوره ک یارالی ، جگر یارالی، اولوبدی آنی ، باشی شکسته گلن ووروردی ، گیدن ووروردی، بیلن یوخیدی، نه جرمون اوسته دوشوبدی دیلدن ، توانی یوخدور، دگیبدی سایسز، یارا حسینه حسین حسین وای … قویوبدی آننون، ایدیردی سجده، او حالتیلن، آخوردی قانی دوشوب یوز اوسته، ایدیبدی ماوا، شه خجسته، چوخور مکانی گلیبدی شمر، لعین وکافر، پوزوبدی ذکر، شه جنانی یارالی سینه، چخاندا زحمت، ویریب او شوم و دغا حسینه حسین حسین وای … . .

باز می خواهم نوائی سر کنم #اصحاب_الحسین 🌿🌿✨🌿🌿▪️✨ #عرض ارادت باصحاب کبار حضرت ابی عبدالله علیه السلام مرحوم حاج علی اصغر بنائی یزدی . باز می خواهم نوائی سر کنم عاشقان را جمله مستحضر کنم . عاشقان رهرو بازار عشق جان نثاران ره دلدار عشق . یکّه تازان سر میدان دوست گشته یکسر واله و حیران دوست . بر بساط قرب جانبازی کنند تا که دلبر را ز خود راضی کنند . با خبر از هستی خود نیستند در بر دلدار ایشان کیستند . محو و مات دلبر جانانه اند دوست با دلبر ز خود بیگانه اند . پرده بر دارم ز روی عاشقان باشد اصحاب شه لب تشنگان . ره اگر پیدا نمودی از وفا خویش را دیدی در آن دارالصّفا . گر شدی اندر دیار عاشقان هر یکی شان را سلام از ما رسان . رو در آن طیب اللسّان ایدل منال خویش را برهان از این دار زوال . گو بهر یک عاشقان کوی یار مرحبا ای خفتگان آن دیار . کرده هریک جان نثار روی دوست خفته هر یک در کنار کوی دوست . هر یکی سبقت ببرد از دیگری بهر جانبازی نموده همسری . عون و عبدالله و جعفر یکطرف قاسم و عباس و اکبر یکطرف . عمرو و سعد و جابر و یحیی تمام جانفشانی کرده در پای امام . عابس و حجّاج و اولاد عقیل جان فدا بنموده و گشته قتیل . مسلم و اولاد زینب با وهب گشته بر جانبازی شه منتخب . باقی اصحاب شه همچون بریر جان فدای دوست کرده چون زهیر . جان من بادا فدای جانشان جملۀ عالم شود قربانشان . ای بنائی خون روان کن از دوعین یار شو بر شاه مظلومان حسین .

آچ گوزون گل غنچه سی اولماز بیله خندان اوغول 🥀🥀🌾🥀🥀🌾 #زبانحال حضرت رباب سلام الله علیها به حضرت علی اصغر علیه السلام مرحوم رهبری تبریزی . آچ گوزون گل غنچه سی اولماز بیله خندان اوغول سرفراز ایتدون ربابی من سنه قربان اوغول . . گوزلرون قربانی من آچ قان دولان شهلا گوزون دنیالارجا ایسترم گل آز منه ایستت اوزون حیف اولا دل آچمادون قالدی اورکده چوخ سوزون فرقت هجرینده ایتمه باغریمی آلقان اوغول . . سود ویرن آهو دولاندوقجا دوشونده سود گزر سود ویرن وقته آنا هر زحمته دوشسه دوزور سود دوشونده اولماسا دار فنادن ال اوزر قالدون عطشان اوچ گئجه سن ایله دون افغان اوغول . . منده اوچ گون خیمه ده قالدوم سوسوز سن تک بالا حالیوه باخدوقجا یاندوم آغلادوم ایتدیم نوا نیلیوم ایتدی خجل مندن سنی اهل جفا قویدولار اوچ گون سوسوز بو فرقۀ عدوان اوغول . . مایل اولدوم میوه دل بیر دویونجا سود وئرم حاصل عمری درم من بیر یریماقین گورم اولمادی سود خجلتیمدن وار یری ایمدی ئولم چوخ چالیشدیم تاپمادیم من دردیوه درمان اوغول . . گوزلرون آچ ناامید ایتمه حیاتیمدن منی ایتدی شرمنده سودان شاهددی حق قوم دنی تارمار اولسا بوعالم آتمارام گوزدن سنی تا نقدری واردی جسمیمده بو روح و جان اوغول . . خوش نوا بلبل کیمی گلشنده ایتدون سن نوا سن نوا ایتدوقجا ویردیم دیده گریان من صدا هیچ آنادا هیچ بالادا بیر بیله اولماز وفا حشره تک قویدون غمونده سن منی نالان اوغول . . قوش کیمی چال بیر قاناد قون سینمه بیرده اوغول راحت ایله سینمی تا گلمه سون درده اوغول چوخ یوروبلار خسته سن یاتما قوری یرده اوغول هر گئجه سینمده ایلردون منیم اسکان اوغول . . من سلامت یولّادوم میدانه ای روحیمده جان بولمه دیم بیر شربه سو اوسته توکر قان كوفیان کاش ئولیدی گورمییدی حالوی بیله آنان وای منه اعدا ایدوبدور قانوه غلطان اوغول . . سود امر سربازه میداندا ایدللر احترام حق ویرللر بیر دل آچسون تا سوزون ایتسون تمام اوخلانوب یارب امامین اللری اوسته بالام منده ویردیم حق یولوندا بیر قوزی قربان اوغول . . سن جهاندان دویموسان من دویمارام سندن اوغول دنیا قورتولسا ولی قورتولمارام غمدن اوغول حق رضاسی گل حلال ایت اینجی سن مندن اوغول کاش اولیدی چرخ گردون خانه سی ویران اوغول . . هیچ آنا من تک بیله درد و بلایه دوشمیوب هیچ بوغازی خنجر برّان سنون تک بیچمیوب هیچ سود امر سن کیمی قان سو یرینه ایچمیوب ماتمونده ناله ایلر عالم امکان اوغول . . اصغرین غم نوحه سین یازدو قجا آغلار (رهبری) یاد ایدر کرب و بلاده نوحۀ حاج جعفری آغلادار اصغر غمی دنیاده سنگین دللری حقی وار ایتسون رباب هر روز و شب افغان اوغول

بو باش بو شمر بو خنجر الهی #حسینیه 🏴🏴🍂🏴🏴🍂 #راز و نیاز امام حسین علیه السلام در قتلگاه شور زنجیر مرحوم مذنب زنجانی . بو باش بو شمر بو خنجر الهی بو پیغمبر اؤپن حنجر الهی . . سنون عشقونده ترک ایتدیم جهانی یولوندا بذل قیلدیم مال و جانی نه لایقدور اولا اوخلار نشانی یولوندا سینه و پیکر الهی . . تماماً هر علایقدن ال اوزدوم سنین هر امتحانینده ده دوزدوم منایه تشنه قربانلاری دوزدوم علی اکبر علی اصغر الهی . . دگوبدی بس که یاره یاره اوسته دوشوبدی ضعفه آخر جسم خسته گلوب درگاهیوه بو دل شکسته گوزوم الطافیوی گوزلر الهی . . هانی جدّیم منیم امداده گلسون آنام زهرا اوزی قریاده گلسون دیمم یالوارماقا جلّاده گلسون نجف شاهی آتام حیدر الهی . . ویرر حاشا رضایت باجه باشیم ایده یا اعتنا بیر تاجه باشیم سنان اوسته گیدر معراجه باشیم گوزل آدون ایدر ازبر الهی . . گلوبدور نالیه بیچاره «مذنب» اولوبدور دهریده آواره «مذنب» بودور عرضی گلوب گفتاره «مذنب» اولا زوّار پیغمبر الهی .

گل داده باجی قافله سالاریم ئولوبدور #عباسیه 🥀💫▪️🥀💫▪️🥀 #زبانحال امام حسین علیه السلام در شهادت برادر . محسن محمدی هشترودی . گل داده باجی قافله سالاریم ئولوبدور یاتدی علمیم زینب علمداریم ئولوبدور . . ئولدوردله گل حامی قرآنی بو چولده جان بذل ایلین دینینه قربانی بو چولده قویدوم یارالی درتلره درمانی بو چولده امکان یوخدی گلمگه گلسون باجی زینب قارداشون حسین اولدی کمک محتاجی زینب . . یخمیشدلار عباسمی میدان آراسیندا دوشموشدی یئره فرقة عدوان آراسیندا قالدی بدنی معرکده قان آراسیندا سیندی کمریم دوشدی گوزوم قارداشا قارداش ویرمشدی یارا دشمن او السیز باشا قارداش . . بخت اولدوزوموز ایتمدی سازش بو سفرده اولاد علی قالدی بو مأواده خطرده ساخلا باجی باش سیزلاری هر لحظه نظرده بوندان صورا اهل حرمه یار اولاجاقسان عباسیم ئولوب قافله سالار اولاجاقسان . . ال چالدلا من بی کسه قلبیم سخلوبدور میدانیده گوردوم یئره قولسوز یخلوبدور چوخدور یاراسی عضویدن اعضا چخلوبدور آرامیمی هر لحظه آلان الدن علمدی شرمنده دی گلمک لگه قوللاری قلمدی . . دریاده سینوب فلک نجاتیم گله دوشدی قارداشون حسین معرکده مشکله دوشدی غربتده آدامسیزلیقی دلدن دله دوشدی دشمنلر ایچینده قالان عباسمه آغلا منده گیدورم بزم قوراخ یاسمه آغلا . . آلدیم الیمه اللرنی قانلو مناده قالدی قالاجاق مدّتی بو کرب و بلاده قارداشون حسین تنگ نفس سعی و صفاده جهد ایدیم ئوزوم خیمه سرایه گئتوروم من امکان یوخودی نعشنی یئردن گؤتورم من . . قوللاری قلم جعفر طیار مه باخدیم یومدوم گوزومی محرم اسرارمه باخدیم گوردوم قوتارور رونق پرگارمه باخدیم دشمنلر اولان یئرده بئلیم سیندی دوزلمز بیرده آتامون اوغلی ابوالفضل اله گلمز . . دشمن ستمی ساخلیوب عباسی یولوندان گوردوم آخوری توپراقاقان ساق و صولوندان سروین ایله بیل آیری دوشوب شاخه خولوندان باش کاسه سینون قانی آخوردی دوداقیندان دوشموشدی یئره پرچم قرآن قوجاقیندان . . آغلا کسیلن معرکده اللره زینب آتلار ایاقی آتدا قالان پیکره زینب باش پارچالانوب قانی دولوب گوزلره زینب واضح دئیورم پیکری قولسوز متلاشی قوملار یارالی جسمون اولوب قانلو فراشی . . سیمای عدالت یارالی قانینه باتدی گر چه من مظلومی بو مأواده قوجاتدی لیکن باجی دین پرچمین عباسیم اوجاتدی بازار شهادتده خریداری گوزلدی توپراقلارین اوسته توکولن ثاری گوزلدی . . “ ناطق “ ده گلن وار گل و گلزاره سلامیم محبوب خدا محرم اسراره سلامیم قان بذل ایلین قولسوز علمداره سلامیم قارداش غمی قارداشه چتین گلدی او ساعت با جادیده ساق زینبه قوپّوشدی قیامت .

بو غملی یر زمین کربلادی زینب 🌾▪️🌾▪️🌾▪️🌾 #ورود کربلا #سبک مشابه . کربلایی محمدرضا محمدی (ناعم) . بوغملی یر زمین کربلادی زینب محیط درد و غمدی، غمفزادی زینب منه وطندی … منه وطندی . . بو یرده نصب اولا گرکدی خیمه گاهیم گرک اُفول ایده بو یرده مهر و ماهیم ویروبدی وصله وعده حیّ داد خواهیم هواسی چوخ حسینه آشنادی زینب . . گرکدی قانه غرق اولا جوانیم اکبر حسن نشانه سی اولا قتیل خنجر طناب ظلمه باغلانا بنات حیدر ازلدن البلاءُ لِلولادی زینب . . بو یرده اهل کین قوناقی یوخلیالار اوره کده درد و محنتیمی چوخلیالار علی اصغری بو چولده اوخلیالار اودور که دل انیس آه و وادی زینب . . فراتون اوسته قارداشیم کچر قولوندان ویرالّار اوخ اونون صاقیندان هم صولوندان قییتمز او وفالی سالک حق یولوندان علینون اوغلودی شه وفادی زینب . . ستاره ی سحر مثالی زینب آخما او حالیلن بو دشت غمفزایه باخما بو نوعی یاندیروب باجی جهانی یاخما اگر چه آه و شیونون بجادی زینب . . او تلّون اوستونه چیخاندا ائتمه افغان کسنده مقتلیمده باشیمی بو عدوان ال آچسا غارته بو خصم سست پیمان گلایه ایلمه که حق، رضادی زینب . . گورورسن ایندی بو چولون صفاسی یوخدی نه واردی زینتی نه بیر بناسی یوخدی نه باغی وار نه گلشنی، بلاسی چوخدی اوره ک بو چدلده غرق ابتلادی زینب . . بو چولده بیر گون اهل دل علم ویرالار وفالی شیعه لرمنه حرم قورالار مریض لر گلوب بورا شفا آلالار دیللر اوندا تپراقی شفادی زینب . . وفالی زینبیم بلادن اولما خسته بو دشته شیعه لر گلله دسته دسته ضریح دلگشا سالالا قبریم اوسته دیلله رشک خانه ی خدادی زینب . . یازوب بو نوحه نی بیزه غمیله «ناعم» بیرعمریدور اولوب بو درگهه ملازم فراق کربلاده آغلیوبدی دایم برات کربلا اونا ، سزادی زینب

آغلاماق موسمیدور آغلا عزادار حسین ▪️🍂▪️🍂▪️🍂 #بحر طویل فرات مرحوم کاتب اردبیلی . . آغلاماق موسمیدور آغلا عزادار حسین بویانوب قانه جوانان وفادار حسین یاد ائدون غملرینی اوخشیون اصغرینی قاسم و اکبر و عباس وفا پرورینی . . اهل کوفه نچه مین نامه یازوب اول شهه تا ایستدیلر کوفیه مهمان گوتوروب اهل عیالینی او شاهنشه دوران گلوبن اونلارا مهمان ولی اول فرقه ی نادان سیندیروب عهدیله پیمان ویریلوب قتلینه فرمان سو یولین باغلادی عدوان قالوب اطفالى لب عطشان اوجالوب گوگلره افغان او قدر ائتدیله طغیان آغلادی ارض سما قان . . یتشوبدور فلکه العطش عترت اطهار حسین قالدی لب تشنه او صحراده داخی آل رسالت یتوب اطفاله مصیبت تشنه لوق ایلدی شدت تازه لندی غم و محنت گوردی بو حالی علمدار وفادار سپهدار شه کرب وبلا رخصت آلوب سو گتوره عترت پیغمبریچون خورداجا بلبل لریچون تشنه علی اصغریچون اولدی مقابل قوشونا ویردی اوزین لشگر اعدایه ائدوب خصمی پراکنده . . آچوب سو یولینی داخل اولوب نهر فرات ایچره او سردار حسین دولدوروب أوجینی ایستردی سو ایچسون او هنرور او گل گلشن حیدر اوجالوب العطش آل پیمبر سویی سپدی یره سو ایچمدی اول شیر دلاور ائلیوب مشکینی پرآب چخوب دیشره داخی عزم خیام ائتدی او سرور . . وئریلوب لشگره فرمان آلوب اطراف اباالفضلی قوشون مور ملخ تک یاغدیروب اوخلاری باران کیمی اول زمره ی کافر بیر نفر ظالم بی دین او زمان گیردی کمینه قلجی ویردی اونون صاق قولینی سالدی یره دوندی صول الده قلج ایلدی دعوا او سپهدار حسین ناگهان صول قولینی سالدی او صحراده عدو تاپدی فرصت او زمان لشگر بی شرم حیا ویردیلا جسمینه یارا خنجر و پیکان جفا . . مشگینی آغوشه باسوب سعی ائلدی خیمه لره گئتسون او سقای حرم میر علم کان کرم قویمادی اول قوم ظلم ویردیلا پیکان ستم مشکی اولوب پاره سویی قانی کیمی آخدی یره گوردی بو احوالی اولوب حالی پریشان ائلدى ناله و افغان چوخ خجالت چکوب اول یار مددکار حسین

ایستیوب گورسون منی قان ایچره جانانیم منیم #حسینیه 🥀▪️✨🥀▪️✨🥀 #اتمام حجت امام حسین علیه السلام . مرحوم ضیائی اردبیلی . ایستیوب گورسون منی قان ایچره جانانیم منیم ایلرم جانانه قربان اولسا مین جانیم منیم . . تاجر عشقم من اولدوم قید ملکیندن بری نقد جان الده متاع عشقه اولدوم مشتری عاشقم من نیلورم یاقوت و درّ و گوهری قطره قطره لعل تک آخسون گرک قانیم منیم . . سالک راه ولایم جان ویرم بو راهیده سو کیمین آخسون گرک قانیم سبیل اللهیده تخت عشقی قورموشام ملک فنا فی اللهیده ئولمگیم دور انتهای سیر عرفانیم منیم . . روز ازّل هر بلایه چون بلى سؤیلوب دلیم چکمگه درد و بلا گلدیم بو یردور منزلیم راضیم عبّاسیم ئولسون تشنه لب سنسون بلیم سنماسون اول ایتدیگیم عهدیله پیمانیم منیم . . قانه باتسون تل به تل تر زلفلر سنبل کیمین یاره لر عریان بدنلرده آچیلسون گل کیمین ناله لر قیلسونلا مرغان حرم بلبل کیمین طرفه الوان گللر آچسون بو گلستانیم منیم . . گر خلیل الله عمرینده ویروب بیر تک فدا او خلیل اللهیدور من هم خلیل کربلا بو اولا فرقیم اونیلا تا قورام من بیر منا ذبح اولا بیر گونده یتمیش تشنه قربانیم منیم . . بیله عهدیم وار تنور خولیه مهمان اولام داخل بزم عبیداله بی ایمان اولام بعد از آن شامه روان با دیدۂ گریان اولام نیزه باشینده باشیم هم دلده قرآنیم منیم . . نور یوخدور درک ایده نوریم عیون کوریده مشتقم بیر نوریدن مین نورم هر بیر نوریده صد هزاران وادی هر وادیده طور هر طوریده واردی مین موسی بن عمران محو و حیرانیم منیم . . معنی تطهیر ذاتم طیّب و طاهر منم بیردی پیدا و نهانیم باطن و ظاهر منم منبع ایجاد خلقم اوّل و آخر منم منده دور یکسر صفات حیّ سبحانیم منیم . . بسکه اولموش پیکریم مملوّ عشق اللهیلن اوچ یوز آتمیش آلتی رگ دولموش خیال اللهیلن مست اولوب یکسر شراب جام حب اللهیلن دورد مجازیم ، بش حواسیم ، چهار ارکانیم منیم . . بیر اشاره ایلسم عالم اولار فوراً فنا قادرم ایتسم بو دنیادن صورا دنیا بنا مطلبیم اتمام حجّتدن بودور روز جزا اولمیا عُذروز اولا اثبات برهانیم منیم . . بو مصیبتدن خلایق قیلسون افغان آغلاسون شیعه لر حشره کیمین زار و پریشان آغلاسون الده نظم غم «ضیائی» ثبت ایدوب قان آغلاسون یاده سالدوقجان بو حال زار و نالانیم منیم

شب به سحر می گریم در غم تو مولا 🏴🍁🏴🍁🏴🍁 #ورود ماه محرم #فارسی_ترکی #سبک_منتظرت_بودم . کربلایی محمدرضاصادقی . شب به سحر می گریم در /غم تو مولا مرا زخود بیخود کرد /عالم تو مولا فدای عباس تو به حضرت عباس سپیده مویم کرده /ماتم تو مولا . . گلدی محرم زهرا ( باشه قرا باغلار ) 3 سسلر حسینیم ایوای ( شیر خدا آغلار ) 3 . یانار بو غمده زهرا /دئیر بالام ایوای شیعه بو آیدا سسلر /دئیر آقام ایوای . . . . وورار بو آیدا باشه /پیمبر خاتم گلر او چولده دوتسون /حسینینه ماتم گینه او دشت غمده جن و بشر آغلار گینه بو آیدا یاسین/ دوتار هامی عالم . یانار بو غمده زهرا /دئیر بالام ایوای شیعه بو آیدا سسلر /دئیر آقام ایوای . . . . . گلشن دین بو آیدا /گینه اولار پرپر دئیر حسینیم ایوای /عرشیده ملکلر گینه او چولده طوفان ائدر قرا یللر یانار آناسی لیلا/ گئدر علی اکبر . یانار بو غمده زهرا /دئیر بالام ایوای شیعه بو آیدا سسلر /دئیر آقام ایوای . . . . صاحب عصرین حالی /اولار خراب آغلار توکر گوزونن شبنم /او دلکباب آغلار دیئنده قیزلار یاندیم عمو یتیش داده سکینه سسلر ایوای/ یانار رباب آغلار . یانار بو غمده زهرا/ دئیر بالام ایوای شیعه بو آیدا سسلر /دئیر آقام ایوای . . . . حسین بو آیدا دشت /غمه اولار مهمان قالار او چولده اصغر /نچه گئجه عطشان گئدر سویا عباسی سو مشکی چگنینده او مشکه بیر جوت قول بیر /گوزون وئرر قربان . یانار بو غمده زهرا /دئیر بالام ایوای شیعه بو آیدا سسلر/ دئیر آقام ایوای . . . . . اولمادی بیر گون زینب آیرلا غملردن باشینه قاره سالدی شام پیمبردن ئولدی آتاسی ماه صیامیده مظلوم توکدی عذاره قانیاش عزای مادردن . یانار بو غمده زهرا /دئیر بالام ایوای شیعه بو آیدا سسلر/ دئیر آقام ایوای . . . . بیر گئجه یاندی زینب حسن عزاسینده قوجالدی دشت غمده حسین فراقینده وداع ائدنده اکبر قامتی خم اولدی اصغره باخدی یاندی آنا قوجاقینده . یانار بو غمده زهرا /دئیر بالام ایوای شیعه بو آیدا سسلر/ دئیر آقام ایوای .

محرم لر چکلّر عرشه قاره #ورود_محرم 🌿▪️✨🌿▪️✨ #ماه محرم جوشی زنجیر رضوی زنجانی . محرم لر چکلّر عرشه قاره حسینه آغلاشار ماه و ستاره دییر زهرا حسین وای گل طاها حسین وای . . اولوندی عرشیده اعلان محرّم دل دهره سالار طوفان محرّم ائدر زهرا خانم افغان محرّم بو آی دگدی دل طاهایه یاره . . حسینون عرشیده باشلاندی یاسی گییندی فاطمه ماتم لباسی گلور جنّ و ملکدن وای صداسی عزا بزمی قورولدی شهریاره . . قطار غم گلوبدی کربلایه نزول ائتدی او دم دشت بلایه اشاره ائتدی شه صاحب لوایه ویرون خیمه دئدی اوُل نامداره . . چکیبدی تپراقون عطرین مشامه وئروب بیر حال دیگر اؤل امامه دئدی عمروم چاتار بوردا تمامه ایچر قانین بو یرده شیرخواره . . ویریلدی خیمه لر صحرای غمده غمه غرق اولدولار دریای غمده گوروب زینب اؤزون دنیای غمده دوشوب اولدوز آیی غملی مداره . . خانم گلدی حضور شاه دینه دئدی دولموش غم و غصّیله سینه گلن ساعاتیدن بو سرزمینه حسین جان گلموشوق هانسی دیاره . . برادر غمدی بو دشتین هواسی منه خوش گلمیور یوخدور صفاسی صفاسیز بیر یرون اولماز وفاسی بیوک بیر ماجرادندی اشاره . . دئدی، زینب بو یر دشت بلادی گوزل تپراقی اما کیمیادی مریض عشقیچون خاک شفادی بو یردور وعده گاهیم کردگاره . . بو یر قارداشیوه دشت منادی کیمین دردی اولا بو یر دوادی بلایه حاضر اول کرب و بلادی سنی غم سالماسون بوردا فشاره . . بو یرده قارداشین قدّی کماندی علی اصغرون تیره نشاندی آنام زهرا بو چولدن ناگراندی اولار جسمیم بو یرده پاره پاره .