حضرت امام حسن عسکری علیه السلام علیرضاحضرتی(ناعمی) . سبک:عمه بو ویران سراده... . واردی بو گون نه قیامت بارالها سامراده غصه دن قانه دؤنوبدی اشک زهرا سامراده . . عالمی ماتم دوتوبدی عترت پیغمبر آغلار ایلیور جاری عذاره شیعه لر اشک تر آغلار غربت ائلده بو غریبه یئرلر آغلارگویلر آغلار آهیلن سسلور ملکلر وا اماما سامراده . . تیتریور عرشین ستونی ماسوا مغموم اولوبدی ظلم وجور اشقیادن عسکری مظلوم اولوبدی حضرت زهرا عزیزی زهریلن مسموم اولوبدی عرش اعلایه اوجالمیش شور و غوغا سامراده . . کینه سین معلوم ائدوبدی ظلمیلن معتزّ ملعون قائم آل عبانی ایلیوب بو غصه محزون وا ابتا سسلینده ناله ایلور چرخ گردون مجلس ماتم دوتوبدی آل طاها سامراده . . ای گوزوم قانیاش تؤک آغلا اول غریب مبتلایه سوزش زهر جفادن اودلانوب گلدی نوایه گه ئوزون دوتدی بقیعه گه دؤلاندی سامرایه سسلدی گه واحسن گه واحسینا سامراده . . ای گوزوم آغلا او شاهه قلبینه غملر قالاندی غربت ائلده اهل کینه عزتین قهریله داندی سبط اکبر تک ستمله دوغرانوب اکبادی یاندی ئولدوروب اول شاهی کامه چاتدی اعدا سامراده . . یاندی آخر لحظه لرده چون شرار زهر کیندن آلدی بیرکاسه سو حضرت اوغلی مهدینون الیندن اول سوا باخدی حسین وای سسلدی یاندی غمیندن باشلادی سو روضه سی اول غملی مولا سامراده . . وای دئدیم جدّیم حسینون لبلری یاندی سوسوزدان بیرگلستان لالهٔ خوش منظری یاندی سوسوزدان یاننام الله شیرخواره اصغری یاندی سوسوزدان آغلارام ششماهه طفله جان دوداقدا سامراده . . وار یئری عرشه بلند ائتسم بو قلبین سوز وسازین جدیمون یاد ایلسم گر اول شهید سر فرازین اللری اوسته او شاهین اوچ پر اوخ بیچدی بوغازین قویمیوب قلبیمده بو غم ایندی یارا سامراده . . ئوز دوتوب سسلندی مهدی ای عدالت آفتابی روز موعودون سئویندیر عترت ختمی مآبی اصغرین آل انتقامین شاد ائله قلب ربابی موج ائدور بو غمدن اشکیم مثل دریا سامراده . #سبک_ای_ویرن_ویرانه_یرده ... 3 سبک #عسکری #شهادت #واردی_بو_گون_نه_قیامت_بارالها_سامراده #حضرتی_ناعمی #ترکی

بو گونون مثلنده باتدی ظلمله شمس هدایت 🥀▪️🥀#شهادت حضرت علی علیه السلام . 🔰#سبک_ای_ویرن_ویرانه_یرده … . #مرحوم شعاع تبریزی . بو گونون مثلنده باتدی ظلمله شمس هدایت ماسوانی قویدی آغلار حشره دین شاه ولایت . . داد اوساعتدن گوروبلر شمس وحدتده زوالی حیرته سالدی بو محنت چرخ حکمتده هلالی گلدی اولدوزلار گورنده نالیه گونده بو حالی آز قالور یتسون غروبه آفتاب برج وحدت . . بیحیا قطّامه اولدی قتل شاه دینه باعث باخمادی حکم خدایه اولدی یاغی تخم ابلیس چون خطادور اولسا عورت مرد نامحرمله مونس باش ویرر برماجراده خلق آرا بیحد جنایت . . ایلدی اول بیحیانون ظلمی ویران ماسوانی تا ایدوب قطّامه ملجم اوغلنی بو امره بانی ناطق قرآنی سالدى نطقدن اوُل مرد زانی ماجرای کربلانی تقویت ایتدی بو محنت . . زهر شمشیر آلدى الدن قدرت حبل المتینی آل طاهادن آیردی ظلمله یعسوب دینی ابن ملجم قویدی آغلار حشره دین اهل یقینی دین ایوین یخدی ایدوبدور خواهش نفسه اطاعت . . دمبدم گل تک سارالدی عارضی عین الحیاتین آلدیلار اطرافین اوُل دم گل صفتلر حق صفاتین آغلاشوبلار باشی اوسته اوُل امیر کایناتین گلدیلر نی تک نوایه عترت ختم رسالت . . ضعف ایدوب شاه ولایت سلب اولوب دلدن توانی عدنده گتدی نوایه حضرت خیر الورانی صرصر ظلم اسدی سالدی نطقدن شیر خدانی بلبلان گلشن حق شوره گلدی بی نهایت . . نی کیمی گلدی بو غمده زینب نالان نوایه فرشدن فریاد و ناله اوج ایدوب یتدی سمایه اود دوتوب قلبی آلشدی یوز ویروب غم مجتبایه اوندا کی گوردی آتاسی نوش ایدوب جام شهادت . . محرم اسرار حقین وجه وجه اللهی سولدی بومصیبتده حسینون گوزلری اشگیله دولدی آغلیوب آغلاتدی آل بوترابی محشر اولدی زینب و کلثومه گویا آشکار اولدی قیامت . . باشینه اوچ قاره بیردن سالدی زهرا یادگاری لیل تار اولدی گوزونده زینبین غمدن نهاری عزّتی اولدی مبدّل ذلّته سولدى عذاری جان دوداقنادن چخنجان اولمادی عالمده راحت . . مه جبینندن عذاره قطره قطره تر آخاردی گوز آچاندا حسرتیله آل طاهایه باخاردی خانۀ صبر علینی زینبون حالی یخاردی چون بلوردی وار باشندا زینبین امر اسارت . . تاپشروب اسرار حقی مجتبایه قدرت الله امر ایدوب تقوا و صبره اهلبیتی حجّت الله آغلادوب کروبیانی بو مُحنده صفوت الله آیریلان دم عترتندن نور نور اللهه آیت . . باخدی بیر حسرت گوزیله پادشاه کربلایه ایتدی فرمایش حسینیم آغلاما گلمه نوایه وار باشوندا چوخ بلالر صبر قیل هر بیر بلایه آغلادار اکبر غمینده چون سنی اهل عداوت . . سو کنارینده کسلّر تشنه لب باشون حسینم قان اولار ظلم و جفادن گوزده گوز یاشون حسینم جان ویرر یکسر او گونده قوم و قارداشون حسینم بیر نفر اولماز بنات حیدره ایتسون حمایت . . فاتح خیبر دوباره ضعف ایدوب رنگی سارالدى اهلبیت مصطفانون اختیارین الدن آلدی جان ویروب جانانه آخر ولوله آفاقه سالدى جنّ و انس آغلاشدی یکسر تیتره دی یرلر او ساعت . . قوی شعاع قالسون بو یرده ناتمام بو ماجرانی ایسته حقدن قسمت ایتسون قبر پاک مرتضانی روضۀ شاه نجفده یاز گتور شوره جهانی ساقی کوثر گر ایتسه بیر بیله لطف و عنایت