کوفه ده یخلدی شاه دین یارالی ▪️🌾🍂▪️🌾🍂▪️🌾🍂 #ضربت خوردن حضرت علی علیه السلام ✍️ #زبدةالاشعار ✍️ #🔰سبک_دولدوروب_جهانی . #مرحوم غلامعلی باقری الهامی (هوشی تبریزی) . . کوفه ده یخلدی شاه دین یارالی باتدی قانه میرمؤمنین یارالی سجده گاهه دولدی قان دوشدی قاننه غلطان شاه دین یارالی . . بیرخطالی الدن اولدی بیرجسارت یوزقویوب زواله نیرهدایت اولدی آشکارا کوفه ده قیامت تا یخلدی میرمتّقین یارالی . . ضربت مُرادی اختیارین آلدی یاره لندی باشدان اوزگه حاله قالدی رنگ آلی سولدی گل کیمی سارالدی اولدی چون اوشاه مه جبین یارالی . فرق شیرداورآی تک اولدی منشق ویردی خون آلی سجده گاهه رونق قانی آخدی یرده نقش اولوندی یاحق گلدی عرشیدن سس آفرین یارالی . . بیراوجا سسیله جبرییل اوساعت ایتدی بیله اعلان دلده شورحسرت قانه باتدی یاران خسرو ولایت ایتدی شیرحقّی دست کین یارالی . بوسس آلدی طاقت اهل ماسوادن خاصّه اهلبیت پاک مرتضادن مسجده قویوب یوزجمله دلده شیون گوردولریخولموش شاه دین یارالی . . گلدی اهلبیتی دلده شوروشینی آلدیلارآرایه شاه عالمینی توکدی گل عذاره گوزیاشین حسینی گوردی چون آتاسین دلغمین یارالی . . ایکی یرده دلدن سلب اولوب توانی اوج ایدوب سمایه بوشهین فغانی بیر یارالی گوردی فرق مرتضانی بیرده گوردی فرقین اکبرین یارالی . . گوردی تا یخوبلار اول عزیزجانین آلدی بیله حالت بوشهین توانین بودلیله گویا سسلدی جوانین ای شبیه ختم المرسلین یارالی . . ای اولان ستمله جسمی پاره پاره حسرتون سالوبدور جانیمه شراره باشون اوسته ایله حالیمه نظاره دورآتاوی قویما بی معین یارالی . . ایستدی بوشعری سیّد مصفّا (هوشیا) یازولدی بیله غملی طغرا مطلعی دوباره خوشدی ذکراولونسا کوفه ده یخلدی شاه دین یارالی

سجده ده ویردیلار مرتضانی ▪️🌾▪️#ضربت خوردن حضرت علی علیه السلام #سلیمان نوراللهی . . سجده ده ویردیلار مرتضانی سو کیمی آخدی محرابه قانی حامی مستمندان ییخیلدی عرشه چیخدی یتیملر فغانی جان على جان على جان على جان آدیوه شیعه قربان على جان . . قلب عشاقه اودلار قالاندی شیر یزدان باشی پارچالاندى سمّیلی تیغ تیزین یئریندن سجد گاهه قیزیل قان جالاندی . . مسجد کوفه باتدی عزایه گلدی غمدن ستونلار نوایه نظم عالم بو گون بر هم اولدی ابر ماتم یئره سالدی سایه . . سولدی الله امامت بهاری اشک زینب گئنه اولدی جاری گلشن آل طاها پوزولدی گئتدی پیغمبرین افتخاری . . ظلم اودی دوشدی کل جهانه توستوسی چیخدی هفت آسمانه فرق حیدر بو گون یاره لندی شیعه نون گؤزیاشی دؤندی قانه . . عرشیده قدسیان یکسر آغلار عدنیده ختم پیغمبر آغلار باشی اوسته حسین آغلیاندا بستر مرگیده حیدر آغلار . . تابیدن ایله سالموشدی یاره دردینه اولمادی الده چاره زینبون باشینه قاره اوستن تازه دن بو فلک سالدى قاره . . بینوالر توانی آزالدی سولدی گل تک یتیملر سارالدى بو گئجه محنتیلن دئیللر بس پرستاریمیز هاردا قالدى . . ابن ملجم لعینون جفاسی اولدی دنیاده ظلمون اساسی شافع روز محشر باشیندان ویردی عالملرین اشقیاسی . . یار مستضعفان، شاه مردان ای ائدن عالمه لطف و احسان آستانونده سویلر گدایم بو «نوراللهی» دائم على جان

ای شیعه باشه وور بو گیجه آغلا اتصال 🍂▪️🍂▪️🍂 ▪️🍂#ضربت خوردن حضرت امیرالمومنین علیه السلام #مرحوم زایر تبریزی . ای شیعه باشه وور بو گیجه آغلا اتصال ضربتلنوب ولیّ خداوند ذوالجلال . تجدید ایدوب وضوسینی نزدیک صبحیده یوزقویدی مسجده او زمان سیّد رجال . مرغابیلردوتوب اتگیندن او سرورین سویلردیلر که گیتمه شها با زبانحال . نچّه قدم گوتوردی او دم اوُل شه امم گوردی که مجتبی گلوری با غم و ملال . اوغلی یانینجا گیتماقینا اولمادی رضا یالقوز گلوبدی مسجده اوُل شاه با جلال . بیربیر یاتانلاری اویادوردی نمازیچون ماموردی هدایته چون خلقه ماه و سال . اوز قاتلین اوزی اویادوب گیچدی شاه دین مشغول اولوب عباته اول شاه لایزال . ایتدی نماز صبحین ازل رکعتین ادا ایلوب کمین او زاده ی ملجم تاپوب مجال . قویدی ایکیمجی سجدیه باشین ولیّ حق ذکر سجود سجده ده آچدی او شه مقال . باش قوزیاندا سجده دن اندیردی تیغ او شوم منشق اولوب علی باشی شقّ القمر مثال . عمامه دوغرانوب باشینا اگلشوب قلج قانی آخوب بویاندی او قانیله خط و خال . دست قضا محاسیننی ایلددی خضاب رنگین ایدوب جمال علینی او خون آل . محرابیده امام هدی قلبی ضعف ایدوب قان گیتدی بسکه سولدی او زیبا گل جمال . بیر ضربت جفائیله دلدن دوشوب علی ای شیعه بیر حسینین او حالین خیاله سال . قارداشینی باجی ایله وقته گلوب گوره بیر وا اخا دیدی یوزینه توکدی اشک آل . جای تعجبیله دیردی حسیندی بو؟ بیر کیمسه یوخدی کیمدن ایدوم من بونی سوال . باشسیز بدن دانشدی بویوردی باجی منم گل یاخشی گلموسن گتوروب جذبۀ وصال . اولدی یارالی نعشینه «زایر» حرملری اطفال خوش خصال چکوب آه اتصال

ابن ملجم ایلدی ظلمنده طغیان یاعلى 🌾▪️✨🌾▪️✨🌾▪️✨ 🌾▪️🌾#ضربت خوردن حضرت امیر علیه السلام گریز به شهادت حضرت علی اکبر علیه السلام #مرحوم شعاع تبریزی . ابن ملجم ایلدی ظلمنده طغیان یاعلى اولدی ظلموندن خراب ارکان ایمان یاعلی . . صبح وقتنده مرادی اول خبیث نابکار قورخمیوب اللهیدن اؤز ظلمون ایتدی آشکار سجده دن باش قوزیاندا اول ولیّ کردگار اندیروب شمشیر زهر آلود برّان یاعلی . . بؤلدی بو ضربت على المرتضی عمّامه سین ایلدی تنظیم او ظالم کربلا برنامه سین سالدى افلاکه بو ظلمی وا علیّا ناله سن قدسیان اولدی بو غمده زار و گریان یاعلی . . سجده گهده اولدی منشق رأس پاکون جوریله سالدى جبریل عالمه شیون دل رنجوریله سسلنوب قتل العلیّ المرتضى مین شوریله بو صدا پخش اولدی ایتدی خلقی حیران یاعلی . . مسجده یوز قویدی اوُل دم آل هاشم یکسره انقلاب اولدی دیار کوفه دگدی بیر بیره اگلشوب اوغلون حسن اوُل دم برابرده یره باشوی آلدی دیز اوسته ذکر گویان یاعلی . . نازنین جسمون او یرده بیر گلیمه قویدولار دودمان رحمته بیر باش روانه اولدولار دوروی عبّاس وعون وفضل جعفر آلدیلار بیر طرفدنده حسینون دیده گریان یاعلی . . یادیمه دوشدی بو یرده یاعلی، اکبر غمی کربلاده خیمه گهده باشلاناندا ماتمی نالیه گتدی حسینون ناله سی بو عالمی اوندا که گوردی علینی قانه غلطان یاعلی . . #گریز #اکبریه_شهادت . داد او ساعتدن گوروب جسم علی اکبری پاره پاره دوغرانوب توپراقلار اوسته پیکری دوشدی طاقتدن دیزی اشگیله دولدی گوزلری خانۀ صبری حسینون اولدی ویران یاعلی . . یاعلی گوردی او یورقون یاره لی عطشان بالا سورتوری شبه پیمبر گل یوزون توپراقلارا میل ایدور اول نازنین گاهی صاقا گاهی صولا لخته لخته دولدوروبدور گوزلرین قان یاعلی . . بولمورم نه حاله قالدی نور عین مصطفا سینیه باسدی اوغول باشین شه گلگون قبا شه یوزون قویدی او قانلو عارضه ایتدی نوا وجه وجه الله او لوب قانیله الوان یاعلی

بو گونین مثلنده، شیعه ابن ملجم کوفه ده 🌾▪️✨🍃🌾▪️✨🍃 🌾▪️#ضربت خوردن حضرت علی علیه السلام #مرحوم کربلایی حسین طوری تبریزی . بو گونین مثلنده، شیعه ابن ملجم کوفه ده ایلدی بیر ضربتیله دینی برهم کوفه ده . . بیر ایله صدمه بو گون اسلامه ووردی اول لعین گون بگون مختل اولوب احکام قرآن مبین رونق قرآن گیدوب رخنه تاپوب ارکان دین قالدى شرع احمدی مستور و مبهم کوفه ده . . بو گیجه صبحه کیمی هردم ولی بی نیاز گه مناجات ایلیوب گاه اولدی مشغول نماز رمزیله أولادینه گاهی ایدردی کشف راز درد و غم چکمکده اولسونلا مصمّم کوفه ده . . داخل اولدی مسجده چون مظهر رب جلیل استغاثه ایلدی محراب یارب الدخیل تاجینی باشدان آتوب سسلندی گوگده جبرئیل اولدی انوار هدا ظلمیله مظلم کوفه ده . . گوردی محراب عبادتده ایدوب سجده امام بیر ایله ضربت امامه ورودی اول تخم حرام قدرت الله اولمادی ممکن ایده بیرده قیام اولدی بو گونده امامت قامتی خم کوفه ده . . گر چه منده یوخدی دل بو مطلبین تحریرینه لیک دارادور هامی بو قصه نین تقریرینه زهریله ویرمشدی سو اول بی حیا شمشیرینه تا ایده قرآنی قانیله مترجم کوفه ده . . عالم خلقتده آغلاتدی بو کوفه عالمی ایلدی آشفته خاطر آدمی هم خاتمی انبیانون هربیری بویرده چکدی بیر غمی چکمدی زینب کیمی بیر غم چکن غم کوفه ده . . گر چه یوز ویردی بو گون چوخ غملی حالت زینبه شیعه لر اما ویروردی سر سلامت زینبه آه او گوندن ایتدی دشمنلر شماتت زینبه باشنی یاردی او خاتون معظم کوفه ده . . بیلمرم سرّی نه اولدی اولمادی کوفه خراب اوندا که گیردی او شهره زینب علیاجناب ناقه أسته قولّاری باغلی یوزینده یوخ نقاب یوز ویروردی غم او خاتونه دمادم کوفه ده . . گه گوروردی عترت پیغمبری ماتم زده گه گوروردی اهل شهرین ازدحامین سرزده گه باخوب قارداش باشین گون تک گوروردی نیزده گه گوروردی عالمی بیر اوزگه عالم کوفه ده . . اولمادی مجنون ندن بس لیلی خونین جگر اوندا کیم نوک جدایه غفلتاً سالدی نظر گوردی زلف اکبره باد صبا هر آن دگر هر یانا شقه آچار بیر قانلی پرچم کوفه ده . . یا امیرالمؤمنین « طوری » اولوب غرق گناه بارگاه کبریاده چوخ اولوبدور روسیاه بو گناهیله چکر هر دم درون دلدن آه آرزو ایلر اولا بیر ایل محرّم کوفه ده

بو گون کوفه ده شاه ولایت یارالاندی ▪️✨🌾▪️✨▪️🌾 ▪️✨▪️#ضربت خوردن حضرت علی علیه السلام 🔰#سبک_علی_جان_بالا_لبیک . #مرحوم نجمی تبریزی . . بو گون کوفه ده شاه ولایت یارالاندی ستمله سر شیر شجاعت یارالاندی . . او شه صبح زمانی ائدوب عزم نمازه گلوب خالقیله دل آچوب راز و نیازه او غم یورقونی شاهه یتوب بیر غم تازه یتوب فرقنه کاری جراحت یارالاندی . . علی فرقنه تیغ جفا کارگر اولدی آخوب قرمزی قانی گوزل گوزلری دولدی آلوب صبرین او یاره سولان گل کیمی سولدی او دم که گلِ باغ امامت یارالاندی . . او باش که اونا بیر گون وروب عَمر الی یاره او بیر زخم سریندن آخوب قانی عذاره بو گون کوفه ده ناگه نماز اوسته دوباره همان یاره یریندن او حضرت یارالاندی . . او شیری که اولاردی هامی جنگده فاتح اولانمازدی خلایق اونون مدحینه مادح تاپوب ال ایله شیره او بیر کافر و طالح ووروب یاره او کان رشادت یارالاندی . . او عنقا که اچاردی همیشه پر رحمت سالاردی هامی باشسیز باشا ظلّ عنایت اونا بیر شل اولان ال قوروب دام شقاوت دوشوب دامه همای سعادت یارالاندی . . بُلر کیم نجه دگدی سر حیدره ضربت او زخمیله ایاقدان دوشوب رکن هدایت قیام ایتمدی آیا ندن اوندا قیامت جفائیله شفیعِ قیامت یارالاندی . . اولوب آیت شقّ القمر زخم سریندن خبر وئردی او آیت قیامت سحریندن توان آلدی او آیت دل پرشرریندن یوزی اوسته یخلدی او ساعت یارالاندی . . آتوب تاجنی باشدان او دم پیک الهی او حالیله یارالی گوروب سجده ده شاهی توکوب گوز یاشی گوزدن چکوب ناله و اهی دئدی وای منه رکن هدایت یارالاندی . . سالوب نالۀ روح الامین کوفیه وحشت هامی یاتمش اویاندی اولوب شور قیامت توکوبلر یوزه گوزدن سرشک غم و حسرت بؤلوندی سرِ شاهِ ولایت یارالاندی . . او شورش اثریندن اولوب حشر هویدا نه محشر نه قیامت او صغرادی بو کبرا چتین حضرده اولسون بو شورش بیله غوغا دئسون خلق که صاحب شریعت یارالاندی . . نجه نجم فلکده آخار چوخ گئجه نجمی آخاندا اونا چوخ گوز باخار چوخ گئجه نجمی ایله غم اودی قلبی یاخار چوخ گئجه نجمی خیاله گتورنده او حضرت یارالاندی

بو گون سرور مردان نماز اوسته یخلدی ▪️✨▪️🌾▪️✨▪️🌾 ▪️✨▪️#ضربت خوردن حضرت امیرالمومنین علیه اللسلام 🔰#سبک_علی_جان_بالا_لبیک مشابه . #مرحوم حاج احمد پورعطا (خادم تبریزی) . بو گون سرور مردان نماز اوسته یخلدی قلجلاندی باشیندان نمازاوسته یخلدی . . سینوب پایۀ ایمان یخلدی شه ابرار دولوب قانیله محراب اولوب عارضی گلنار گلوب نالیه جبریل ایدر عالمه اخطار دییر صاحب ایمان نمازاوسته یخلدی . . بوگون باد ستمدن علی گلشنی سولدی سینوب فرق شریفی چو شق القمر اولدی یتوب قاشینه شمشیر گوزی قانیله دولدی اولوب قاننه غلطان نمازاوسته یخلدی . . ایدوب ملجمین اوغلی بوگون ظلمده طغیان ویروب بیر ایله یاره علی دوشدی ایاقدان دوروب کسر نمازین قلا اولمادی امکان قالوب طاعتی نقصان نماز اوسته یخلدی . . گوروب زینب کبری اومظلومۀ دنیا دییولر علی الدی دوتوب کوفنی غوغا گوروب تا حسنینی ایدوب مطلبی جویا نه سوز دور آتامیزدان نمازاوسته یخلدی . . او بیر آز یولی یولداش اولوبلار ایکی قارداش سراسیمه حرمدن گلوب مسجده بیر باش او احوالی گورنده آخاردی یوزه قانیاش دولوب گوزلره آلقان نماز اوسته یخلدی . . دیز اوسته باشین آلدی اوز اوغلی حسن آغلار حسینین گوروب آغلار امام زمن آغلار حسین و حسن آغلار اوخیبر شکن آغلار قویان عالمی گریان نماز اوسته یخلدی . . اوساعتکه عزیزان قیام ایتدی قیامت حسین قانیله گوردی دولوب مصرع طاعت وضو آلدی قانندان نماز ایتدی اقامت قیام اولمادی امکان نماز اوسته یخلدی . . سنان ابن انس تا یتوشدی او فکاره بوغازین چوخوروندان وروب بیر ایله یاره کسولدی سسی ذکرین دیینمزدی دوباره حسین نحر اولوب عطشان نماز اوسته یخلدی . . بیلور خالقی ایتدی نجه سجده وکرنوش قالور ایسی قوم اوسته او اوچ ساعتی مدهوش ایدوب جلوۀ جانان حسینی ایله خاموش چخوب زینبی یاددان نماز اوسته یخلدی . . بو گون(خادم) اگرچه الون بوشدور عملدن نه صحت بدنون وار نه توفیق ازلدن دییوب ذکرووی ویرمه علی دامنین الدن بو گون سرور مردان نماز اوسته یخلدی

ظلم الیله یاره لندی مرتضی محرابیده 🥀🍂🥀#ضربت خوردن حضرت علی علیه السلام #مرحوم غلامعلی باقری الهامی (هوشی تبریزی) . . ظلم الیله یاره لندی مرتضی محرابیده باتدی قانه صورت شیرخدا محرابیده . بیرخطالی ال جسارتله گویه اولدی فراز ظلمیله قانه بویاندی سجده ده رکن نماز دوشدی محراب عبادتده اوسلطان حجاز یوزویروب بیراوزگه حالت برمَلا محرابیده . . بیرخطا باش ویردی اولبی شرم و بد فرجامیدن ماسوانی سالدی ظلمی طاقت وآرامیدن سندی اول ظلمیله بیر محکم ستون اسلامیدن تا یخلدی شاه مُلک لافَتی محرابیده . . باده کشف حجابیله زبس اولموشدی مست تابع نفس اولدی اول بی دین وبی ناموس وپست ایلدی تا با دۀ وجدان وایمانی شکست ال جفایه آچدی اول کان جفا محرابیده . . حکم قرآن دورجهاندا حکم ختم الانبیا امرایدوب اولسون گرک عورتده ناموس وحیا بوگوزل امره ولی قُطّامه وُردی پشت پا تا جسارت ایتدی اَشقی الاَشقیا محرابیده . . بیرامامی که وجودئیدی اونون رُکن نماز عالم امکاندا هرفعلی حقیقت نه مَجاز آلدی بونقص نمازیله بیرعالی امتیاز اولدی هراهل نمازه رهنما محرابیده . . بیراوجا صوتیله سسلندی اودمده جبرئیل اَیهااَلاحباب شاه لافتی اولدی قتیل قانه غلطان اولدی یعنی کون وامکانه دلیل صدمه تاپدی ظلمیله رکن هدا محرابیده . . ایلدی سکان عرش وفرشی بوسس بی قرار آلدی خاصه اهلبیت مرتضادن اختیار قویدولاریوزمسجده دل داغلی دیده اشکبار حاضر اولدی عترت شیرخدا محرابیده . . مجتبی آلدی اوشاهین دیزلری اوسته باشین گوردی خون آلود شاه لافتانون گوزقاشین گل عذاره توکدی شبنم تک اوساعت گوزیاشین باشلادی شوریده بلبل تک نوامحرابیده . . گوردی بیریاره دگوب دورشیرداورباشینه وجه حق مستوراولوب دورقان آخوب گوزقاشینه دلده وای ایوای بابا رخصت ویروب گوز یاشینه ایلدی بر پا اودم بزم عزا محرابیده . . هانسی دل دوربیله غمده صبرایدوب آیا دوزه واریری کلثوم وزینب عارضه اشکین دوزه قویدی بیریاندا حسین عباسیله بیریوزیوزه آغلادی هم شاه هم صاحب لوا محرابیده . . ثبت ایدوب تا منشی غم درد ومحنت خامه سین بوایکی قارداش بولوب عالمده اوزبرنامه سین ایتدیلر گوزده مجسم کربلاهنگامه سین ظاهراولدی شورش کرب وبلا محرابیده . . موج ایدوب هرتک تکی دریای غم تک داشدیلار هرایکی قارداش گلوبلرشیونه باش آشدیلار کربلاده بیرحسین عباسیله آغلاشدیلار بیرده شهرکوفه ده آه ای خدا محرابیده . . «هوشیا» قرآنیله اعمالیوی میزان ایله بوگوزل آیدا اوزیوی قابل غفران ایله مایه غفرانه الده بوسوزون عنوان ایله ظلم الیله یاره لندی مرتضی محرابیده . .

قانه محرابینده غرق اولدی علی المرتضا 🥀▪️🥀#ضربت خوردن امیرالمومنین علیه السلام #جوانی تبریزی . قانه محرابینده غرق اولدی علی المرتضا حالینه ارض وسما آغلور دیور وامحنتا . . ناطق قرآن امیرالمومنین کان شرف نازنین قلبی اولوب تیربلایاته هدف گورمدی خوشگون پیمردن صوراشاه نجف اولدی آماج بلاغمدن سولوبدی گل یوزی ابرظلمت سایه سالدی شامه دوندی گوندوزی . . ایلیوبلرمرتضانی یثرب اهلی دلغمین آلدیلارحقین الیندن ائتدیلرخانه نشین اولدوروبلرظلم الیله بی وفالرهمسرین فاتح بدرو حنُینی غملره توش ائتدیلر بوترابی هجرزهراده سیه پوش ائتدیلر . . الغرض ایل آی دولاندی اولدی ایام صیام یثربی ترک ایلمشدی اهل عیالیلن امام کوفه شهرین مسکن ائتمشدی شه والا مقام گئچدی اون سگیزگیجه اولدی طلوع واپسین صبح آچلدی مسجده گلدی امیرالمومنین . . واقف اسرار حق قامت قیامه باغلادی عرش اعلاده ملائک باش آچوب قان آغلادی حضرت ختم رسل قلبین بومحنت داغلادی کلمه ی تکبیری وئردی کل آفاقه حیات استعانت ایستدی حقدن امیرکائنات . . عامل احکام دین حمدین تلاوت ایلیوب عبدحق معبودینه عرض ارادت ایلیوب سوره ی توحیدین آیاتین تلاوت ایلیوب یتدی هنگام رکوع لرزه دوشوبدورعالمه ابن ملجم سجدده آتش سالوبدورعالمه . . سجددن قالخاندا دگدی باشینه شمشیرکین آخدی قانی سجدیه دوشدی دوباره شاه دین غیبدن سس گلدی اولدی مصطفایه جانشین صاحب تیغ دوسرئوزقانینه غلطان اولوب بیرساری یپراق کیمی رخسارینین رنگی سولوب