مرحوم حاج رضا صراف تبریزی . هله گلشَنین گولو سولمیوب آنام آغلاما، باجیم آغلاما هله ساغدی قارداشون ئولمیوب آنام آغلاما، باجیم آغلاما . . آنامین عزیزه قیزی باجیم هله اولما مایل درد و غم قوشونوم دورار هامی بیر به بیر هله یاتمیوبدی اسیر عَلَم هله صاحب عَلَم ئولمیوب هله ائتمیوبله قولون قلم هله مشکی قانیله دولمیوب آنام آغلاما، باجیم آغلاما . هله قوملار اوستونه دوشمیوب باجی اکبرین قد نورسی گون ائوینده ظلمیله قالمیوب هله پاره پاره جنازه‌سی هله خیمه‌لرده‌ن اوجالمیوب گویه لیلی‌نین بالا وای سسی هله مشکی قانیله دولمیوب آنام آغلاما، باجیم آغلاما . هله پوزمیوبله تفاقیمی هله رونقی وار اساسیمین هله قویما ایندی عم اوغلو وای دییه نو عروسینی قاسمین هله یاسه باتما چوخ آغلاما هله ابتداسیدی یاسیمین هله مشکی قانیله دولمیوب آنام آغلاما، باجیم آغلاما . هله ئولمیوب ایکی نورسین جیگرین باشی هله یانمیوب هله زلف کاکُل اکبریم باجی القانینه بویانمیوب هله آغلاماز علی اصغریم هله ظلم اوخیلن اویانمیوب هله مشکی قانیله دولمیوب آنام آغلاما، باجیم آغلاما . هله آغلاما قالیر آغلاماق لیقیوین زمانه ده چوخ یری باجی زینب آغلاما ساکت اول دئمه ساکت اولماقا یوخ یئری هله یوخ باشیمدا قلج یئری بدنیمده یوخ هله اوخ یئری هله مشکی قانیله دولمیوب آنام آغلاما، باجیم آغلاما . بو دیاریده ای آنام باجی هله ظلم لجّه‌سی داشمیوب هله لشگر ستم و جفا سیزه جور و ظلم الین آچمیوب هله خیمه‌گاهیم آلیشمیوب هله عترتیم چوله قاشمیوب هله مشکی قانیله دولمیوب آنام آغلاما، باجیم آغلاما . هله شیشه‌ دل صافیوی باجی غم کدورتی باسمیوب هله دین اساسی پوزولمیوب هله صرصر ستم اسمیوب هله ظلم عرشه دایانمیوب هله شمر باشیمی کسمیوب هله مشکی قانیله دولمیوب آنام آغلاما، باجیم آغلاما . هله قلبین ای باجی یانمیوب یانار اودلار اوزره کباب تک بو قدر سیزیلداما آغلاما هله چکمه ناله رباب تک باجی قانیمی باجیلار یوزه هله یاخمیوبدی خضاب تک هله مشکی قانیله دولمیوب آنام آغلاما، باجیم آغلاما . هله هست عشقیله هست سن هامی‌دان علاقه‌نی کس رضا هله کی حسین پرست‌سن بو سوزیله وئر اونا سس رضا هله سوز دردیله مست سن ندی بو هوا و هوس رضا هله مشکی قانیله دولمیوب آنام آغلاما، باجیم آغلاما

‍ ‍ اتچ بات: ‍ ازاستاد(جاهد) ‍ نوحه ی حضرت علی اصغر(ع) ____ه آی منیم غنچه ی نازیم آلتی آی محرم رازیم بالا گوزدن منی آتما قان ایچینده بئله یا تما منه رحم ایله غریبم(۲) اویان ای یارلی جیران قان ایچینده نه یاتوبسان سینه سی داغلی ربا بی بالا گوزدن نه آتوبسان بالا گوزدن منی آتما قان ایچینده بئله یاتما منه رحم ایله غریبم (۲) او یا ن ای تشنه غزا لیم آلتی آی سینه مدالیم سو کنارینده لب عطشان اوخلانان کورپه مارالیم بالا گوزدن منی آتما قان ایچینده بئله یاتما منه رحم ایله غریبم(۲) اویان ای لاله ی پرپر قانادی قانلی کبو تر گوزون.آچ آی قوزی جیران منه آز ناز ائله اصغر بالا گوزدن منی آتما قان ایچینده بئله یاتما منه رحم ایله هریبم(۲) بالا عمروم گولی سولدی بلگین قانیله دولدی سنه لای لای دئدی پیکان گوزومون یاشی قان اولدی بالا گوزدن منی آتما قان ایچینده بئله یاتما منه رحم ایله غریبم (۲) آهیم افلاکه دایاندی تار و پودیم بالا یاندی وای منیم حالیمه اوغلوم بوغازیندا بو نه قاندی بالا گوزدن من آتما قان ایچینده بئله یاتما منه رحم ایله غریبم (۲) جگریم یاندی آی الله بالام اوخلاندی آی الله سو دئدی تشنه غزالیم قانا چالخاندی آی الله بالا گوزدن منی آتما قان ایچینده بئله یاتما منه رحم ایله غریبم(۲) دلیمی داغلادی دشمن قاپومی باغلادی دشمن غملی احوالیمی گوردی منه قان آغلادی دشمن بالا گوزدن منی آتما قان ایچینده بئله یاتما منه رحم ایله غریبم(۲)

‍   روضه حضرت ابوالفضل(ع) دردون اولسا دیمرم حاذق اطبانی چاغیر گوزووین یاشینی توک حضرت زهرانی چاغیر ویر خبر دردی اولانلاره دینن غم گلدی باشووه باغلا قرا موسم ماتم گلدی سینه وور سسله حسینی قره پرچم گلدی ای دوادن یورولان ماه محرم گلدی چاغیرون یوزلری اشکه بوروننلر گلسین قره پرچم دالیسیجاق سوروننلر گلسین بزم تجلیل شئونات امامتدی بورا مرکز کنگره شان و شرافتدی بورا ایری فکر ایلمه درگاه عبادتدی بورا گیتمه ایری قاپیا باب سعادتدی بورا غم یمه اولسا نه اندازه اگر دردون اغیر قلبووی پاک ایله بیر دفعه ابوالفضلی چاغیر احتیاجون وار اگر معجزه گر درمانه متوجه ایله افکاروی نخلستانه ساقی تشنه دوشوبدی یارالی میدانه ساق گوزی بوسه ویروب زهریلی بیر پیکانه سروه اوخشور اوجا قدی ولی خوللاری دوشوب بیر یانا مشکی دوشوب بیر یانا قوللاری دوشوب کشتی عشقیدی گویا کی قالوب طوفاندا عمرینون اولدوزی ایستور باتا نخلستاندا ئوزینه فکر ایلمور هیچ ایله بیر بحراندا تلین اوستونده قالوب قلبی گرو جاناندا گوردی یوخدی یارالی قوللارینون درمانی دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر منتظر دور سنه میدانیده بو عبد حقیر دیمورم گل منی قویما ایلیه لشکر اسیر ننووی ایستسه گویلون ئوزووی فوری یتیر باشیم اوسته اوتوروب گوز یاشی رخساره الور ساچلاریندان باجیمون ساچلارینون عطری گلور اوغلونون نوکرینه اولدی خانم تعزیه دار ایستیوردی سیله گوز یاشینی اول لاله عذار غفلتا اولدی حسین جان قره روبندی کنار نجه تعریف ایلمیشدون یوزینون لکه سی وار قد رعناسینی واضحدی کی غم غصه اگوب کول منیم باشیمه اولسون یوزینه سیلی دگوب سایه لطفی علمدارووی بشاش ایلدی گوردی احوالیمی مستوجب پاداش ایلدی ئورگیمدن کیچنی بیلدی خانم فاش ایلدی نوکریدیم سنه گلدی منی قارداش ایلدی هر نه امر ایلسه دستوری مقدمدی منه پرچمیم دوزدی یاتوب ساچلاری پرچمدی منه قارداشین الدی سسین خیمه ده سلطان انام زینبی محضرینه ایستدی ازاده امام گیدورم من دیدی ای خواهر مرضیه مرام اللی ائیل منتظریدیم ایله بیل گلدی انام بیلدیم عباسی اگر گورسه نیستانه گلر سنی ده یوخلاماقا شام غریبانه گلر مرکبی حاضر ایله عزم ایلیوم میدانه قوی گوروم هاردا باتوب ماه شرافت قانه اولمیا قارداشیمون عمری چاتوب پایانه بلکه روحی پر اچوب علقمه دن رضوانه حقووی قارداشووا سنده ادا ایله باجی گیت اوتور خیمه ده عباسی دعا ایله باجی زینبی تاپشروب اللهه غرض شاه ولا تشنه قیزلارینا بیر باخدی صورا دوشدی یولا پر اچوب مرکبین اوسته خلف شیر خدا ایاقی التدا قویوب عرصه نی شاه شهدا گوردی قولسوز یخلوبدی یره سرداری یاتوب باش قویوب تپراقا غیرتلی علمداری یاتوب دئدی ای ام بنینون گل بی خاری اویان منه گولدورمه بو میدانیده اشراری اویان دیمورم ال نظره لشکر کفاری اویان بلیمون سینماقینون خاطرینه باری اویان نیه بو حاله قالوبسان سنه اصغر قربان یارالی باشووه قارداش علی اکبر قربان سنی درس علوی جنگه زبر دست ایلیوب غیرت اللهی علی روحووه پیوست ایلیوب حیف اولا دشمنووی دست زمان پست ایلیوب کیم ئوپوب لبلریوی عطری منی مست ایلیوب قوریان لبلرووه جام لبالب قربان کسیلن قوللاریوا غمزده زینب قربان ایستورم گوز یاشیما باشووین اوسته بویانیم سن یانان اتش حسرتده گرک منده یانیم گل گئدک خیمه ده سن یات ایاق اوسته دایانیم باشووی تپراقا قویما باشووا من دولانیم تیتریور اصغریمون لبلری مثلی بدنیم منتظردور سنه قیزلار ایویمی یخما منیم ☑️متن نوحه باسبک👆👆👆👆 👇👇👇👇

‍ روضه حضرت ابوالفضل(ع) بیر عمده غمیم وار هامی غمدن منه باشدی بیر یول منه عمرونده رقیه آغیز آشدی افسوس اولا جان گلشنی یاندی تالان اولدی سو قولینی ویردیم اونا اما یالان اولدی بو دشتیده بیر جرعه سرین سو داشا چخدی شرمندلیگیمدن منیم عمروم باشا چخدی شرمندلیگین باشدی منه دردی یارادان میدانه گلن وقتیده من خیمه سرادن ایکاش یول اوسته منی گورمیدی رقیه ایکاش سو مشکین منه ویرمیدی رقیه دیدی الله غم رشته لرین سینه ده حورمیدی ابوالفضل ایکاش او یانان لبلری گورمیدی ابوالفضل شیرین دلی آغزندا سوسوزدان گوروموشدی عطشان بالانون دل دوداقون قان بوروموشدی آغزندان اونون سوسن و ریحان توکولوردی منن دانشان وقته یره قان توکولوردی ایکاش یانان سینه نی مین دفعه بولیدیم بیر یولدا او لبلردن اوپوب اندان ئولیدیم (اتوز دورد ایل محضر حسینده زندگی اله دیبیر دفعه قارداش چاغرمادی همیشه چاغراردی سیدی ، مولاجان ، امامیم اما کربلاده بیر حالا قالدی یانایانا دیدی قارداش ئولورم ، زینب دییر گوردوم حسینیم تلین اوستونده اول بیر خوشحال اولدی اونان رنگی سارالدی حسین نیه بو حالا قالدین اول سویونوب اونان رنگین سارالدی دیدی باجی بونا خاطر سویوندوم) سوزش لحن علمداریمله داغ داش سسلنور هیچ منه قارداش دیمزدی ایندی قارداش سسلنور سینه زنی حضرت ابوالفضل (ع) هرآی  حسین  جان  ، یخیلدیم  آتدان دوشوبدی   شیرون ، کمنده   قارداش سنوبدی     شهپر   ،  کسیلدی      اللر شکسته   سروم   ، چمنده     قارداش باشیم    یارالی ، سو    مشکی    خالی بالا لاروندان       ،   خجالتم          من گل   ای    نگاریم ،   وفالی        یاریم اسیر          قیدِ   ،   محبتم           من یخلدی   پرچم  ، اورکده    مین     غم شهید         راه   ،   شریعتم         من بو   غصه  دلده  ،  سپر     یوخ     الده دیمم وای اوخلار  ،   گلنده    قارداش فراتین       اوسته  ،   وزیر       خسته تیکوب  یولا  گوز ، که  شاهی گلسون سنه  من   عاشق ، سوزومده    صادق نه خوشدی  عشقین  ، گواهی گلسون آخاندا     قانیم  ،  چخاندا          جانیم بو        بی پناهین  ،  پناهی     گلسون ورولّا           یاره   ،  بو       جان  نثاره که  یوخدی  قوللار  ،  بدنده   قارداش گل    ای      مرادیم   ،   گُل     ودادیم اوتوز   بش   ایلدی  ،    مریدیوم   من بودور      شعاریم  ،    وار     افتخاریم قاپوندا      عبد    ،    عبیدیوم       من گل   ای  مجاهد ،  اول   ایندی   شاهد ایاقون        آلتدا   ،    شهیدیوم     من اوخی    حسینجان  ،  بیر    آیه   قرآن باشیمی     قاتل  ،  کسنده     قار داش امیر         هنگون   ،   وزیر      جنگون قلجلار     آلتدا  ،  دوشوب       حصاره گلن  ویرور   اوخ ، گیدن   ویرور   اوخ امان    ویرَن   یوخ  ،   بو      زخمداره جالاندی   مشگیم ،   رواندی   اشکیم گوزومده    قان   وار  ، باشیمده   یاره نولیدی   بیر   آن ،  اولیدی       امکان دورام  سن   آتدان ، اَنَنده     قارداش دؤنوب       زمانه  ،     بو        گلسِتانه یاخوندی     بادِ   ،   جفا       اسیلسین یوبانما      مولا   ،    گلوبدی       زهرا دولان  گوزومدن  ، بو   قانی سیلسین واریمدی  حسرت ،  اورکده     حاجت آقام     گلنده   ،   باشیم     کسیلسین سن  اولماسان گر ، نه   سر  نه  افسر اضافه دور   باش ،  بو   تنده   قارداش گوروب    کیم    آیا   ،   جهاندا    شاها آقا          یانندا  ،  غلام      اوتورسون گرک        برادر    ،     ادبلی        نوکر دلنده      ذکر   ،   سلام      اوتورسون اگر   چه    ایندی ،  گوروم     چتیندی باشیمون   اوسته ،  امام     اوتورسون ولی      نچاره  ،    دوشوب       فشاره غلامون    آتدان ،   دوشنده    قارداش

هفتم شهدای کربلا🏴 ✍شاعر: کربلایی محمدرضامحمدی(ناعـــم) ▪️▪️▪️▪️▪️▪️▪️ یدی گوندورگزورم چوللری آواره حسین قولی باغلی گئدورم کوچه وبازاره حسین یدی گوندورکه باشون نِی ده تجلا الیور گاه قرآن اوخیوب،دشمنی رسوا الیور یدی گوندورسنه من نوحه دیوب آغلیورام یدی گوندوربویانان سینه می من داغلیورام یدی گوندی آتاسیزقیزلاروون رهبریم غملرین جانه آلوب،دردوغمه مشتریم یدی گوندور بویووا حسرتم ای روح وروان آغلیابیلمه میشم قیزلاراخاطر اوجادان یدی گوندورکه گونوز زینبه قارداش گجه دی سویله زینب سنه قربان یارالارون نجه دی یدی گوندورکه شماتت اوخی بوقلبی دلیب غم الیندن نجه گورغملی باجون جانه گلیب یدی گوندورکه منیم یاروهواداریم ئولوب قاسم واکبروغیرتلی علمداریم ئولوب یدی گوندورسنه چوللرده عزاساخلامیشام اوخیوب نوحه رقیه،من اوره ک داغلامیشام دئمورم تیرمصیبتله دلی بولمه میشم قیزلاروندان نگران اولماحسین ئولمه میشــــــــــــــــــم یدی گونده نقدرقمچی دگوب قیزلارووا یانه قدری ویریلوب داش آدامسیزلارووا هامیسین اوّل ئوزوم نوش الیوب جان دئمیشم یورولان جانیمی قیزلارووه قربان دئمیشــــم یدی گونلوک غمیمی حشره کیمی یازسالا گــــــــــــر قوتارارواژه،یانار لوح،قلم جانه گلر یازدی "ناعم"بوغمی،زینت دفتر ائلدی یدی گوندن صورا،عاشورغمین، تازه لدی 🏴🏴🏴🏴🏴🏴🏴🏴🏴🏴 اشعارمحمدی(ناعم)مداح وشاعر #محرم_۱۴۰۳ #هفتم_شهادت_امام_حسین_علیه_السلام

‍ راه شام (سبک : میگذرد کاروان … ) گئتمه دایان ساربان ، گوز یاشیم اولدی روان یولدا رقیه م قالوب ، زینب اولوب باغریقان بوردا گرک من قالام ، دردینی جانه آلام قلبی سینیقدور دایان ، صبر ائله گلسین بالام بالامی یولدا ترک ائتمرم رقیه م گلمسه گئتمرم ای کاروان ای ساربان قالدی بالام گئتمه دایان **** عمه سینی ترک ائدوب کامینه گویا چاتوب یاره لی یورقون دوشوب قوش کیمی حتماً یاتوب بیر نچه گوندی اونی قارداشی گوزدن آتوب شاید اَیاقلارینا خار مغیلان باتوب قلبیمی قان ائتمه ساربان قالدی بالام گئتمه ساربان ای کاروان ای ساربان قالدی بالام گئتمه دایان **** رحم ائله وار اوچ یاشی یوخدی اونون بیر کسی ایندی اونی زَهره چاک ایلدی یئللر سسی قورخولی وحشتلی چول عرشه چیخوب ناله سی ایندی ئولَر قورخودان فاطمه ریحانه سی قارداشیم حسینون جانیدور زهرانین غملی ریحانیدور ای کاروان ای ساربان قالدی بالام گئتمه دایان **** داده کیمی یولّاسان تاپشور اونی ویرماسین چوخ یوروب آغلاتماسین وقرینی سیندیرماسین آت دوشونه سالماسین رشتۀ غم قیرماسین یاسلیدی گویلون آلوب قلبینی یاندیرماسین کینه سین یولدا بولدورمسین آللها خاطر ئولدورمسین ای کاروان ای ساربان قالدی بالام گئتمه دایان ** ✍ به قلم رامین محمدزاده اجرا : احسن دهقان اللهم_عجل_لولیک_الفرج

جوشی راه شام زبانحال حضرت رقیه(س) کربلایی محمد متقی تبریزی ____________________________ دایان بابا_ قالوب یولدا_ رقیه ایدوروحشت_ گل زهرا_ رقیه کر دایان گئتمه دایان گئتمه باباجانم دایان گئتمه دايان گئتمه هراسانم آلوب بختیم کیمی قاره بیابانی تیکان باتدی ایاقیمون سوزور قانی یورولدوم دای خراب اولسون بودنیانی آز عمرونده گوروب ایذا رقیه منی قویدی هارا گئتدی خانم عمم هایان سمته گئدوب بولسم قطارغم الیم چاتسا بابام جانی ناز ائتمم بو جریانی ایدر معنا رقیه قرانلوق چول گوزوم گورمور بو صحرانی بویور گلسون بیبیم یا کی سقانی گوروم بیرده گوزی یاشلی اسیرانی فدا اولسون سنه مولا رقیه سالوب گوزدن بو نالانی علی اکبر دینن اکبر باجون الان سنی گوزلر سنه قربان اولا بابا دولان گوزلر سنی گوزلور غمی دریا رقیه سینمده چوخ غم الیندن کوزوم واردی شه عالم دایان گئتمه سوزوم واردی هراسانم مگر منده دوزوم واردی ندور چاره ایده ایا رقیه یارقیه الحسین،،،،

‍ حضرت ابوالفضل علیه السلام سبک نوحه:شکر اولا پروردگار تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی سینون مثالی باغریم اولدی شاعر✍لاادری

حضرت ابوالفضل علیه السلام 🖤🖤🖤 سبک نوحه:شکر اولا پروردگار تاج عشقیم باشدا قاره مسجد جامع اردبیل مداح سید محمد عاملی

‍ راه شام زبانحال حضرت رقیه سلام الله علیها با رأس مبارک پدر یانا یانا او زمان اذن ویردی گوزیاشنا خطاب ایدوب بو دلیله آتاسینون باشنا نه ظلم ایدوب بابا گور سنگدل سپاه منه که روز روشن اولوب لیله ی سیاه منه آلوبلا معجر گلدوزیمی جفائیله آچاندا غارت الین قوم دین تباه منه گورنده ظلمیله گلدوز معجریم آلینوب ویروبدی قمچی ووران معجر سیاه منه ایدوبله ناقه ی عریانه گه سوار منی اولوبدی توشه ی ره یولدا رنج راه منه ووروب یخوبلا گهی چولده قالموشام یالقوز تاپولمیوب اولا بیر کیمسه دادخواه منه ایاق یالین دولانوب چولده دوشموشم دلسیز کنار خار مغیلان اولوب پناه منه قابار ایاقلاریمون قانی، قانلی گوزیاشیم نشان ویروبدی عیان قانلی بیر میاه منه دولانموشام چولی چوخ صاق قولا، سیزیلداموشام ویروب صدا او سیزیلتیمدا گل گیاه منه نه قدر آغلاموشام من سیزیلدیوب ایاقیم گوزوم یاشی ایاقیم قانیدور گواه منه گل جمالیم ایله کهربا کیمی سارالوب که رشک ایدر یوزومی گورسه رنگ کاه منه بویور خانم بیبیمه سالماسون منی گوزدن نظارت ایلسون اول فاطمی نگاه منه بیر آن غفلت ایده گر خانم بیبیم مندن آچار جسارت الین سنگدل سپاه منه یقین وورولّار او قدر ئولدورولّه یولدا منی ترحّم ایلمز اشرار کینه خواه منه نه قدر دردیم اولا سینه ده گینه آزالار او قانلی گوزلر اگر باخسا گاه گاه منه محبّتون آزالوبدور نه قدر یالوارورام آچوب رئوف گوزون ایتموسن نگاه منه گوزومی اشک دوتوب یا منیم گوزوم گورمور بولنمورم ویروب اوز حال اشتباه منه باشون فداسی ندن یوز گوزون کوله بلشوب باخاندا آرتوروری دلده سوز آه منه وفا سپهرینه بیر اولدوزام، یارالی باشون گونوز گونومدی قرانلوق گجمده ماه منه ئولونجه بو یارالی باشدان آیریلان دگولم ولو خرابه ی شام اولسا خوابگاه منه پیاده یول گیدرم بیر دقیقه اینجیمرم به شرط رهبر اولا یولدا راس شاه منه گورن بو حالیمی ذلّتده بولسه قوی بولسون بو خطّ سیریده وار عمده عزّ و جاه منه یازاندا بو سوزی «تائب» تشکّریله دیدی بو خوش بیانی ویروب مقتدر الاه منه (مرحوم حاج صادق تائب تبریزی)

‍ ‍#زبانحال حضرت زینب (س)درخرابه شام با راس خونین امام حسین علیه السلام زینبون اول کسیلن حنجره قربان یارالی توکولوب تشنه بوغازدان نه قَدَر قان یارالی باشووی شمر کسوب خولی اونا صاحب اولوب بو نه سودادی مگر واردی نه جریان یارالی باشووی کوفیه خولی گئجه وقتی آپاروب اولاجیدون کیمه آیا گئجه مهمان یارالی بدنون یرده قالوبدی باشون اللرده گزور نجه دوزسون بو غمه خواهر نالان یارالی داشلار آلتیندا یاتوبسان داغیلان پیکریلن بو غمون ائتدی منیم قلبیمی شان شان یارالی قافلم کوچ ائدور الآن دور حسین باشلا اذان قیل دعا زینبه اولسون سفر آسان یارالی کسیلن حنجریلن معجزه ائت سویله اذان گورسین اعجازیوی تا لشگر عدوان یارالی شعراز استاد ذعفرآزادمهر

‍ ‍ کربلا قبله ی عشقیمدی منیم حرم و صحنی بهشتیمدی منیم دییرم روحیمه ریحاندی آقام عالمین دردینه درماندی آقام بو حسین ذکری شرافتدی منه سوت وئرنده آنام اورگتدی منه قاره پیراهنیم عزتدی منه من گدایم منه سلطاندی آغام عالمین دردینه درماندی آغام دئمرم مقصدیمه یتممیشم واجبات امرینی ترک ائتممیشم من کی آیری قاپویا گئتممیشم من گدایم منه سلطاندی آغام عالمین دردینه درماندی آغام گوزیمه کچمه بهشتین باغینی مین باغا وئرمم اونین دیرناغینی اوپرم کرببلا توپراقینی دییرم شاه شهیداندی آغام عالمین دردینه درمان دی آغام آغامین باشی چیخوب نیزه لره ارمغان گئتدی حرامزاده لره باش کسنلر توکولوب خیمه لره زینبین خیمه سی تک یاندی آغام من گدایم منه سلطان دی آغام کربلا قبله ی عشقیمدی منیم حرم و صحنی بهشتیمدی منیم دییرم دردیمه درماندی آغام عالمین دردینه درماندی آغام بامداحی حاج محمدباقرمنصوری شادی روحش صلواتی هدیه کنیم

🌸🍃🌾🌼 🍃🌺🍂 🌿🍂 💐 ورود اهل بیت پیغمبر به شام .. .. مرحوم شهاب تبریزی ... زینب او گونکه داخل بازار شامیدی شامون او گونکه صبحی اونا تیره شامیدی .. نه شام صبحی شام غریبان کیمی سیاه نه صبح شامی تیره چو قلب ظلامیدی .. شامه گیرنده آل پیمبر نظامیلن شامون شقی جماعتی چوخ بی نظامیدی .. کسمیشدی کوچه لرده تماشاچیلر یولی تقریره گلمیری که نجه ازدحامیدی .. گیمشدی مرد و زن هامی فاخر لباسلر چون پیشواز عترت فخر انامیدی .. فخر انام عیالی خجل باشلاری آچوخ مه یوزلرونده طرّۀ مشگین غمامیدی .. هر محملین مقابلی بیر قانلی باشیدی زینب برابرینده ده رأس امامیدی .. قرآن اوخوردی نیزه باشندا حسین باشی ذکری همین کلام حق لاینامیدی .. اثبات ایدردی حقّینی حق بولمینلره بولسونله حق ولیسنه قایم مقامیدی .. کیم سالدی نطقدن اوباشی بیر عجوزه ای بولمم او بیحیا نجه بی ننگ و نامیدی .. بیر داش گوتوردی ایتدی نشانه حسین باشین دلده کلامی باخمادی الله کلامیدی .. دوشموشدی بیر منادی قباقه چکردی جار ای فرقۀ یهود بو گون وقت کامیدی .. هر کیمسه نون پیمبریله وار عداوتی گلسون گلوب عیالی دم انتقامیدی .. اول دم مجوس و کافر و گبر و یهودیان مملودی او که در و دیوار و بامیدی .. گه داش آتوب توکردیله گه باشلارینا کول چون ارثیدور عیال رسول گرامیدی .. محمللره توکردیله گه باملردن اود آل الله ایتدیلر او که صبر و دوامیدی .. شامی تمام کوچه به کوچه دولاندیلار شام اهلنون جفاسی هله ناتمامیدی .. شام اولدی بیر خرابه ده یر ویردی شامیان کیم باخبردی شامون او شامی نه شامیدی .. منزل خرابه اهل حرم خسته آج سوسوز نه فرش و نه چراغ و نه طبخ و طعامیدی .. بیمار امامین اولمادی زنجیرینی آچان یولدان گلوب مریضدی با احترامیدی .. صبحه کیمی خرابه ده نی تک سیزیلداشوب تا صبح اولوب نه صبح قیامت قیامیدی .. صبح اولدی گور عیادت بیماره کیم گلوب الده طناب نچّه ستمگر غلامیدی .. باغلوب طنابه آل رسولی نظامیلن معلوم اولان بودور بو نظام اختتامیدی .. بزم یزیده ایتدیله داخل او ساعتی تا که یزید مست شراب خرامیدی .. دوتموشدی تخت سلطنت أوسته اوگون قرار کرسی نشین بزم أُمراءِ عُظامیدی .. صوت مغنی نالۀ چنگ و نوای نی هر دمده سرکشی فلک نیلی فامیدی .. قویموشدی پای تختنه بیر نازنین باشی عرش برین أو رأس شریفه مقامیدی .. بیماری ساخلیوب ایاق أوسته او ضعفلن اول بی حیانی گور نه أَلَدُّالخصامیدی .. مشغول اولوردی صحبته اویناردی گه قمار گَه الده خیزران آغاجی گاه جامیدی .. گاهی ووروب پیمبر اؤپن لبلره آغاج گاهی شماتت ایتمگیلن شاد کامیدی .. اجدادینون قصاصینی آچدی حسیندن یتدی یزید دون أو که دیده مرامیدی .. اولماز بو شام محنتی تحریریلن تمام الدن شهاب سال گیله بو خامه خامیدی .. ملتمس دعا عدلی تبریزی 🌾 🌾🌼 🍃🌾🌼 🌸🍃🌾🌼

🍃🌾 🌸🍃🌼 🌼🌸🍃🌼 💐🌺💐 🌼 ورود به شام حاج اصغر فرشچی ( عدلی تبریزی) سبک: زینیم جان اوسته دی.... کاروان غم که چاتدی شامه شام اولدی عیان باخدی قارداش باشینا زینب اودم ایتدی بیان . شامه وارد اولورام دل دونوری قانه حسین باجووی بو داش آتانلار گتورور جانه حسین . عشق زنجیرینه چکدی بیزی بو چرخ جفا ایلدی خانه به دوش اولدی اسیر آل عبا من هارا زین العبادیله بو شام اهلی هارا شامه دوندی گونوزوم شام اولا ویرانه حسین . . نه قدر چوللری بو خیل اسیران دولانوب یولی بیراهه گلوب رنگ غمیله بویانوب تاب ایدوب شمرین الینده بو روقین دایانوب اُولمیوب وار نفسی اول دُر دُردانه حسین . . زینب عاشقدی سنه باشوون آردونجا گلر قیدعشقونده اسیر عشقینی جانانه بولر شامیده باشین آغاردار نقدر غصه چکر اولمیوب بیر بیله ظلم بیر جه مسلمانه حسین . . باخورام نیزده اکبر گهی اصغر باشینا قاتوری رأس ابوالفضل قانیمی گوز یاشینا او فرات ایچره مساوات ایلیوب قارداشینا ایچمه دی حقین اداء ایتدی او عطشانه حسین . . ناقه ده حفظ اولا باقر آناسی چوخ چالوشور الی بند اولموری بیر یرده اورکدن آلوشور گه حجابون دوتوری گه بالاسیندان یاپوشور گورجاقین توکدی علی گوز یاشی دامانه حسین . . گلمییدیم دیدی کاش عمه جهانه آنادان بو مصیبتده دوزوم ویر منه ای جان یارادان من خجل اولدوم الهی آنادان هم بالادان شمع تک یاندی علی من اونا پروانه حسین . . حقی وار سید سجادین حسین من تانورام نیلیوم صحنة غم گوز که گورور اودلانورام لیک علیدن ایشیدوب بو سوزی دیلدن یانورام یتموری بو غم زینب نیه پایانه حسین . . دونسون عالمده سنون گردشون ای چرخ فلک داخل شام اولوروخ یوخدی ایدن کیمسه کمک چشم نامحرم اولوب قرخایاخین قاره لچک خارجی آد قویولور حافظ قرآنه حسین . . هره فاخر گیینوب جامه سی وار رنگ به رنگ آندولا حقه بوظلمی ایله مز اهل فرنگ داش آتانلار ایلیوب باخ گوزومه عالمی تنگ ندن حرمت ایله مز شاملی انسانه حسین . . چون گل اوسته یاشیور بلبل مستانه حسین یغوشار بزم غمه عارف و فرزانه حسین شمعسن «عدلی» سنه عمرودی پروانه حسین حُب عشقیندن ایچوبدور دولی پیمانه حسین 🌼 🍃🌼 🌸🍃🌼 🌾 🌸🍃🌼

قوتاردي كوفه غمي آیری غم یازیب خامه چكوبدی قافله عشقی ساربان شامه یوخيدي اذن بيري ائيله سین نوا يولدا يانان ياناردي غم و درده بيصدا يولدا كيمن صداسي اوجالسيدي ني كيمي بير آن ووراردی باشینه قمچیله اشقیا یولدا گیدیردی شامه طرف قافله پریشان حال يوخيدي قافیلیه بير غم آشنا يولدا نئجه چتیندی سفر، اولسا ساربان قاتل مگر اولاردی اورک غصه دن رها یولدا گئدیردیلر يولي گوزیاشلی ديل لري داغلي شهيد اولانلارا دوتموشدولار عزا يولدا یارالی باشلاریلا همدمیدی اهل حرم گئدوردی شامه طرف خویش و اقربا یولدا باخاندا حسرتیله نیزده اوغول باشینا ائدردی درد دل آهسته هر آنا یولدا باخیردی اهل حرم دمبدم حسین باشینا او باش ائدوردی اورک دردینه دوا یولدا اوشاق بیوک هامی مشتاقیدی تلاوتینه وئره اورکلره بیر رونق و صفا یولدا گئدوردی سرعتیله شامه عشق قافله سی واریدی جلوه آیات کبریا یولدا مسیریده دایانیب قافله یول اوستونده هامي تعجب ائدوب وار نه ماجرا يولدا تکان یئمیر داخی سر نیزه ده کسیک باشلار نقدر زور وئریر حامل جدا یولدا نه وار مگر حرکتدن دوشوب زمین زمان ائدیب حسین باشینا عالم اقتدا یولدا قویوبدی اهل جفانی بو امر حیرتده گزردی چاره بو اعجازه برملا یولدا خلاصه بیلمدی بیر کس بو سرّ عظمانی اولوب دی حضرت سجاد رهنما یولدا بویوردی قافله دن آیریلیب قالان واردی بابام نظاره ائدیر خردا قیزلارا یولدا چاغیردی بیر بیر آدیلا حرملری زینب گوروبدی وئرمدی سس نازلی بیر بالا یولدا یانیب یانان اورگی نی کیمی فغانه گلیب اولوب دوباره غم و درده مبتلا یولدا یانا یانا دیدی الله بالام هایاندا قالیب آدامسیزام نه ائدیم من گئدیم هارا یولدا بالام تاپولماسا دنیانی یاندریب یاخارام اولونجه ائیلییرم شیون و نوا یولدا گوروبله قافله لنگ اولدی قالدیلار ناچار مصمم اولدولا مشکل اولا روا یولدا ائدیبئله تاپماقا زجر ستمگری مامور گلن مسیری قیتدی او بی حیا یولدا تاپيب گتیردی نه حالدا او نازنین بالانی گلیب پیاده، ایاقلار اولوب یارا یولدا یئتیشدی قافلیه نیزیه طرف قاچدی يا نا يانا ديدي قالمیشدیم آی بابا يولدا یورولموشام منی لطفیله بیر دانیشدیر سن دئیوم گلیب باشیما هر نه ابتلا یولدا بابا گوزوندن ایراق گلمیشم پیاده یولی گتیردیلر منی قمچی ورا ورا يولدا بي بي مه بيرده سفارش ائله بو خونجگري کی سالماسین بئله گوزدن او با وفا يولدا اگر چی زحمتیمی چوخ چکیب خانیم عمه م محبتلیه ائدیب گوگلومی رضا یولدا یئتیرسه شامه منی زحمتیم تمام اولاجاق گر اولماسا گل عمریم بئله فنا یولدا یزیدی خوار ائله سم آرزومه من چاتارام همیشه لیک یومارام گوز خرابه ده یاتارام زمانه گر چه منی ائتدی درد و محنته توش خرابه شامیده دنیانی ائیلرم  #مدهوش #مدهوش #هوشمند

ورود به مدینه زبانحال حضرت زینب (س) مرحوم سید یوسف نجمی تبریزی حسینون کربلاده تشنه باتدی قانه یا جدّا گتوردوم کوینگون یوسف کیمی کنعانه یا جدّا او یوسف کی گوزی یاشلی قویوب اوز پیر کنعانین دل شب ترک ائدوب بلبل کیمی صحن گلستانین وفا بازارینه کالا صفت الده سر و جانین آپاردی مصر محنتده دوشوب زندانه یا جدّا او یوسف کی حجازی دوندروب دشت غم افزایه گئجه گیزلنجه آیرلدی وطندن دوشدی صحرایه شبیه کامل اولدی خائفا لفظینده موسایه بیابان گرد اولوب غمله اولوب هم خانه یا جدّا همان یوسف دالنجا دوشموشم صحرایه سرگردان پریشان خسته دل آزرده خاطر غصه لی نالان گئدوب هر شهره منده گئدمیشم سرگشته وحیران نجه کی گون دالینجا آی گئدر هر یانه یا جدّا جهاندا کیم گوروب بوندان بیوک دل یاندیران نسگیل او یوسف دوره سینده بیرجماعت جمله خونین دل گئدوب بیر اودلی چولده سو کنارینده ائدوب منزل قالوب اوچ گون سوسوز باخ گردش دورانه یا جدّا همان چولده وئروب یوز چوخ مصیبت آل طاهایه اوجالدی پرده  پرده ناله لر عرش معلایه یتیشدی پارچالانمیش بیر عمامه ام لیلایه نه عمامه باتوب اکبر باشیندا قانه یا جدّا همان چولده اله قاندان حنا نو کدخدا یاخدی طویی یاسه دونوب تازه عروسین گوز یاشی آخدی سریه گورنه حاله قالدی بو کیفیته باخدی نه چکدی کیمده وار قدرت گتورسون سانه جدّا علی اصغر آناسی ایمدیده اشکین الر آغلار آچار گه اصغرین قانلی قماطین گه بلر آغلار بالاسی اوخلانان آهو کیمی دائم ملر آغلار شکسته نی کیمی دلدن گلر افغانه یا جدّا همان چولده سوسوزدان گل کیمی گل رنگلر سولدی سو اوسته تشنه سقانین سو مشکی قانیله دولدی آخوب قان کاسه فرقی سینوب قولار قلم اولدی یانار اود سالدی حالی عالم امکانه یا جدّا همان چولده شراره محنتیله قلبیم اودلاندی او اوددان ایمدیده یوزده سرشک حسرتیم قاندی علم یاتدی قوشون سیندی شه ئولدی خیمه لر یاندی گئدوب جمله اساس سلطنت تالانه یا جدّا عیالون رشته بیداده باغلاندی او صحراده توکوب اشک بصر گلدی یارالی قلبیلر داده قاچان غولار کیمی زنجیریله باغلاندی شهزاده جهان تنگ اولدی غمدن عابد نالانه یا جدّا او صحراده بنات عصمته شام اهلی ال آچدی دل صد پاریه غارتده قیزلار تیر غم ساچدی عروس قاره معجر آت دوشونده صاق صولا قاچدی قولاقی پارچالاندی قان آخوب دامانه یا جدّا دلیم دوتمور دیم بیر بیر سنه جمله قضایانی گلن کرب و بلاده باشیمه درد و بلایانی بو قدری واردی غمدن گلمیشم جانه حسین جانی خدنگ غم یتوب هر دم دل شان شانه یا جدّا خطور ائتمزدی بو غم خاطر ناشاد زینبدن دولار گوش فلک غملر الیندن داد  زینبدن اولار نی لر نوا  و شوریده ارشاد زینبدن ائده للر تا جهان وار ناله یانه یانه یا جدّا گرک عمری نقدری زینبون وار دلدن اودلانسون چو پروانه شرار شمع محنتده الولانسون نجه « نجمی » یانار کیم یانماسا ایله گوروم یانسون اونی روز جزاده آتش نیرانه یا جدّا #سبک_منیم_ای_تشنه_قربانیم #حسینون_کربلاده_تشنه_باتدی_قان

‍ کشتی نجات ‍ کشتی نجات یاحسین نهضتیوه شور قیامت یاراشور قامت سبزیوه تشریف شهادت یاراشور هئچ شهیدین قانی بیر بیله ثمر بار اولماز بو قانین صاحبینه تاج شرافت یاراشور قوی باشا تاجوی وئر عالمه فرمان متاع که سنه سلطنت عالم خلقت یاراشور آدون الله آدی تک هر دیله ازبردی حسین آری آری سنه بو نام بو شهرت یاراشور تا قیامت گوروم هر بامیده اسسین علمون سن ووران پرچمه بام ابدّیت یاراشور ای وریلموش آدینا سکّه ی آزادی و عشق نه عجبدور سنه گر سکّه ی دولت یاراشور سنی جدّون ائلدى فُلک نجاته تشبیه گوردی شخصیّتوه نور هدایت یاراشور کربلا سنله اولوب مهد وفا کعبه ی عشق زائر مدفنیوه شوق زیارت یاراشور آل علی اصغری آغوشیوه اوپ یاره سینی عشق قربانینه آغوش فضیلت یاراشور نازلی قربانلاریوا نازلی جوانلار قربان اکبر عاشقلرینه فیض شهادت یاراشور آغلاماقدا سنه زیبنده دی نه اوزگه سینه که عزا شمعینه بو اشک مصیبت یاراشور گرچه بیر عدّه بیزه آغلاماقی عیب دوتور غافل از اینکه گوله ژاله ی رقّت یاراشور قوی یانان لاله لرون شیعه لرین اشکی یووا که یانان گوللره باران محبّت یاراشور سنه کیم دل وئره دامانیوى الدن وئرمز که گوزل دامنیوه دست ارادت یاراشور چوخ گنهکار گلوب درگهیوه پاک اولدی ساحت قدسیوه هر کشف و کرامت یاراشور قورخورام شمرده محشرده شفاعت ایده سن نه دئماق که سنه هر گونه فتوّت یاراشورا حرّ بو لطفی گوروب اولدی پناهنده سنه دئدی الحق سنه سیمای سیادت یاراشور گلمیشم قؤوما قاپوندان منی قربانون اولوم حرّ حرّم منه احساس حمایت یاراشور تیره پرونده مه کیم باخسا ائدر نفرت و لعن بیر سنون عزّتیوه رفع کدورت یاراشور کوریدیم گورمه دیم اوّلده عطا و کرمون ائله بیر غفلته بو اشک ندامت یاراشور وای منه من سنی سالدیم بو بیاباندا غمه بولمدیم زینبه یورقوندی فراغت یاراشور گل قبول ایله منیم عذریمی ای عذر پذیر منه گر توبه سنه امر شفاعت یاراشور قات منی لشگریوه قوی اولوم عباسه غلام وئر نشان قدرتیوه أمر ریاست یاراشور خجلتیمدن باشیمی قوزاماقا گلمور ئوزوم صورتیمده عرق شرم و خجالت یاراشور حاضرم مین جانیم اولسا سنه قربان ائلیم تا گوره خلق منه بیله لیاقت یاراشور شه بویوردی باشوی قوزا چوخ اولما نگران گلدیقون درگهه احسان و مروت یاراشور گل اوتور خیمه ده اهلیم سنه خدمت ائلسین سن قوناقسان بیزه، بیزدن سنه خدمت یاراشور مرد اوغوللار قوناقین حرمتینى یاخشی دوتار خاصّه قارداشیم ابوالفضله بو حرمت یاراشور بئله فکر ائتمه الیم بوشدی بساطیم خالی که اسیر ستمه رنگ حقارت یاراشور میلون أولسا سنی سیراب ائدرم کوثردن من حسینم منه إعجاز امامت یاراشور یا قبول ایله سن هر بندیدن آزاد ائدرم گوره لر حرّسن حرّ آدینا عزّت یاراشور دئیرم زینبه ده جرموی نادیده دوتار اودا مولا قزیدی حالینه رحمت یاراشور (( ساکتا )) ساکت اولاندان قلمون محشر ائدور هر سوزی که یازوسان اوندا عبارت یاراشور یاز سوزون ایسته سن ایسته صله سین زهرا دن که بو اشعاره وئره فاطمه قیمت یاراشور حسین ساکت خسروشاهی

ای نوکِ جدایه وورلان سَرورِ دوران قاندور اورگیم آیریلیقندان سنه قربان دور گئتمه نظرگاهِ مَنِ خسته جگردن گوز یاشی کیمی زینبیوی سالما نظردن درد و غم آلوب جانیمی جانانه یولوندا تن دردین آتوب گلدی جانیم جانه یولوندا قلبیم بو قدر قویما دونه قانه یولوندا گه گه اوزیوی زینبِ نالانه نشان ویر ای وارثِ عیسی' تنِ بی جانیمه جان ویر ای قلبیمون آرامشی، ای روح و روانیم پیشوازه گلِیدون منه گلمزدی گمانیم ای کاش بو آنیم تک اولیدی هامی آنیم نه بولدون ئولوردوم یتیشوب بو دمی ویردون جانانه قسم، سانکی منه عالمی ویردون هر قدر دئدیم آتما گوزوندن منی آتدون جبراََ حرمون منزلِ بیگانیه ساتدون ای شمع کیمی یاندوروب آخرده کوله باتدون خاکسترِ بال و پرِ زهرادی باشوندا یا که اثرِ مطبخِ اعدادی باشوندا؟ ایله کی باخار گون یوزونه دیده ی جمّاش ایله باخورام صورتِ خونینیوه قارداش باخدوقجا گوزومدن توکولر عارضه قانیاش همسو اولالی یاره لرون عِشوه لرونله قان آغلادیسان زینبیوی جلوه لرونله گاهی گورورم باشیوی القاندی جداده گاهی گورورم گُل کیمی خنداندی جداده یا رب بو مگر جوهره ی جاندی جداده هر چند دونن بو باش اولوب اوز بدنیدن گُلدی دیه سن ایندی دَروبله چمنیندن ای شاخِ محبّت نه گوزل لاله لرون وار لاله یاناغیندا اوتوران ژاله لرون وار دورَنده آییم، آی نه گوزل هاله لرون وار بیله که سالوب جلوه باشین ارض و سمایه بو جلوه اولان یرده نه حاجت گونه، آیه کیم گوردی کسیک باشدا اولا قدرتِ آواز آوازِ دل انگیزی اولا مایه ی اعجاز قرآن سسیوی کسمه سن ای قاری ممتاز قوی دولدورا عالَملری آواسی بو باشین دنیا گوره یوخ مظهر و همتاسی بو باشین قوی داغ داشا دوشدوقدا سسون عرشه ده چاتسین بو سس قباقیندا نه قدر سس اولا باتسین غفلت یوخوسوندان هامی دنیانی اویاتسین فریاده گلن لر که گزر آیه دالینجا گورسونله باشین آیه اوخور آیه دالینجا تنها نه منم حسرتِ وصلونده پریشان مندن صورا وار نچّه پریشانِ پریشان گوهر کیمی گوز یاشلاری گُل یوزلره افشان حیرت زده آوای مناجاته چیخوبلا باشون دالیجا گردشِ شاماته چیخوبلا شامات نه شامات، سراسر یری غمناک جوّی خَفقان، روحی سیخان، مردمی بی باک بیز قوللاری باغلی، آپاران قاتلِ سَفّاک داغدان داغا، چولدن چوله، بیله سفر اولماز سن اولماسان ئولدورسله بیزدن خبر اولماز بو قافله نین، نیزه ده باشوندی پناهی هم رهبری، هم روشنیِ شامِ سیاهی ای جلوه ی گردنده ی اَنوارِ الهی گئت قویما دوشه قافله ی عشق جرسدن امّا که یواش گئت بالالار دوشدی نفسدن آهو کیمی قیزلار یارالی بیربیره بسته بعضی لرینین گوزلر آخوب ناقه لر اوسته بعضی لرینین ال ایاقی خسته شکسته آهولریوی گور نجه دامه آپاروللار گویا بیزی ئولدورماقا شامه آپاروللار ساکت گینه نه شوریدی شوریده باشوندا امواجِ غم اولموش بئله پیچیده باشوندا تا واردی حسین فکری بلا دیده باشوندا حقّ عاشقی اول قوخما حسینون یولونی گئت بیراهه گئدنلر اتگین دوتما رها ائت حاج حسین هویدا

زبانحال دختر از ناقه افتاده با سر امام بعد از رسیدن به کاروان اُسرا عجب کَرَم قیلوب بابا بو کاروانی ساخلادون یارالی باشیله نجه بو ساربانی ساخلادون قیزون فدا اولا سنون گوزونده اشک آلوه خدایه شکر اولا گینه یتشمیشم وصالوه خدا بولور بو چولده من اَسفلی حاله قالمیشام قاچاندا داشلار اوسته من ئولومی یاده سالمیشام ایاقیمه تیکان باتوب غم اوستونه غم آلمیشام باتاندا خارلر دیمم حصار صبری یخمادی یر ایلیوبدی بعضی سی ایاقدا قالدی چخمادی ندن بو آیدا چخمادی بیر آز ایشیقدا آغلیم ایاقیمون تیکانلارین چکوب جهانی داغلیم نه وقتیمیدی آی بابا اوزوم یارامی باغلیم بو خیردا جا قیزین ایله باتوبدی قورخودان سسی سفارش ایله عمه مه منِ غریب و بیکَسی شکایت ایلرم بابا خدایِ حیّ و داوره مصادف اولموشام ندن گروه پَست و کافره بیری قوور بیری سویور بیری دوتور وورور یره خدا بولور کی قوم دون نقدری دویدولر منی بو قدر غصه و جفا یقیندی ئولدورر منی بو چولده زجر دون منی زبس قوووب اویان بویان حیاتیدن اوسانمیشام ئولومدی آرِزوم اینان اوقدر سیلی لر ووروب گوزومده تار اولوب جهان وورانمورام یوزومه اَل دگنده اینجیری بابا دوشوب مَحاقه صورتیم آناوا بنذیری بابا گلایه ایتمرم بابا اوزون قضاوت ایت ولی یانار ایشیتسه غصه می نجفده مرتضی علی نه نسبتی کیچیک یوزون بوزجر کافرین اَلی گوروم شل اولسون ای بابا بو زجر شوم و کافری اَلو چکور یوزوم بابا زبس آغیردی اللری فلک سالوب بلالره بو بینوا یتیمه نی اسیر ایدوبدی دشمنه سالوبدی وحشته منی دوشوبدی قورخی جانیمه هرایه سسلدیم سنی زبس بو چولده قاچمیشام صاقا صولا منِ غریب یانیبدی قلب فاطمه هرایمه آنان گلیب اگر چه (بیکَسا) سنون یوخوندی قدرت بیان کَرَم لَه لطف ایدوب سنه امیر مُلک انس و جان اجازه ویردی یازمیسان بو نچّه خطی بس دایان بورسمدور غلاملر سوزون دیوب دورار گیدر غلام دردینه ولی امیرلر دوا ایدر #راه_شام #محرم #شور #جلالت #عرض_ارادت #زیارت التماس دعای فرج الاحقر مهدی عبادی

بانوای عبداللهی ===👆 یافاطمه الزهرا(س): مدح و توسل به امام زمان عج و گریز به حضرت عباس ع ای عالمون صفاسی گل/ شیعه لرون آقاسی گل/ یابن الحسن///یابن الحسن/ گوزلر سنون یُولوندادی/ نصر آیه سی قولوندادی/ هر گون ظهور ایتسون آقا/ بایرام گونوموز اوندادی/ ای رحمتون هماسی گل/ دردو بلانی ریشه کن/ گل ایت اوزون یابن الحسن/ معجزلرون گون تک عَلن/ سنده گوروب چوخ مردو زن/ ای دافعِ دردو مُحَن/ ای اولمیان همتاسی گل/ گل قویما بحر غم بیزی/ غرق ایلیه توت المِزی/ درگاهوه توتدوخ اُوزی/ الُوه تیکمشوک گوزی/ مشگل گشا بیلوک سوزی/ بو لحظه ای حسّاسی گل/ ای آدی زینت نُه طاقا/ امیدیمیز سن سن آقا/ گل باشلارا رحمت یاغا/ قویما دوشک بیز دوستاقا/ باخ سن بوخیلِ مشتاقا/ ای رحمتین دریاسی گل/ گل روضه لر بانی سی اول/ ابربهارون مثلی دول/ دوشدی عموندن جفت قول/ خیمه لره سد اولدی یول/ زهرا گلوب دیدی اوغول/ ای فاطمه بالاسی گل/ زهرا د یدی جان جان اوغول/ توتموش گوزوی قان اوغول/ دوش سینمه الان اوغول/ تا ایلیوم درمان اوغول/ آلنوب سوکوب پیکان اوغول/ اوخشیوب هی عباسی گل/ دوش سینمه عباس اوغول/ بولحظه ی حساس اوغول/ توتوم سنه من یاس اوغول/ اوخشیوم قولاق آس اوغول/ آغلار سته گُلِ یاس اوغول/ عرشه چخوب غوساسی گل/ (نوری)دی یاصاحب زمان عج/ ُسَنسَن امید شیعیان/ دردیم سنه ایتدیم بیان/ ای معجزی گون تک عیان/ قو یما اولام من باغریقان/ سَنسَن امام انس وجان/ ای انسِ وجن مولاسی گل/ نوای حیدرکرّار باقیات وصالحات 🥀🌸🥀🌸🥀🌸🥀🌸🥀

خطبه حضرت امام سجاد(ع) در مسجد شام؛ یازدی قانیله حسین مکتب قرآن یاشاسین بوغازیندان توکولوب قان دیدی ایمان یاشاسین عزتیله گرک آزاده مسلمان یاشاسین ذلتیله یاشیان ملتی تقبیح ایلیون طرد ایدون ظالمی اللهوزی تسبیح ایلیون . مرد اودور حق دانیشوب حق سوزی اوسته دایانا ئوزی ئوز معنوی فرهنگینه دلدن اینانا گیتمیه باد حوادثده بویاندان اویانا تیکمیه مرتبه و منصب دنیایه گوزون ساتمیا اهل زر و زوریله تزویره گوزون . لعنت اولسون او کسه مردمی دلگیر ایلیور رنگدن رنگه دوشور باطله تدبیر ایلیور بیر گونی روبه اولور بیر گون ئوزون شیر ایلیور شیعۀ مخلص اودور رنگ و ریانی ئوتوره قدمین محض رضای حق یکتا گوتوره . کیم ایدوب خط حسین ابن علیده حرکت سفرۀ عزت و اجلالی اولوب پر برکت آری ایثار و شهادتده دی مَجد و برکت روح ایثارگری اولماسا هر کیمده عَلَن زندگیده چخوب حتماً حسین خطّیندن . کیم حسینی ئوزونه نهضتی رهبر تانیور سرخ منشورینی دیلده ایدوب ازبر تانیور تانماز آیری یری مسجد و منبر تانیور مرض روحه دوا مسجد و محرابیده وار قسم اللهه نه واردور عمل نابده وار . دهم ماه عزا یوم بلا میر هدا مسجد و منبر و قرآنه ئوزون ایتدی فدا خیمه لر یاندی اسیر اولدی حریم نجبا روح تضمین و بقا مکتب قرآن تاپدی اسرای علوی شامده اسکان تاپدی . شام ویرانه سی یعنی بیر اوچوق کهنه حضار عترت فاطمیه حائل اولوب دورد دیوار گوندوز ایستی گجه سرما اولارا وردی فشار سار گول لرده اثر قویدی هوای متضاد چخادوبدور دریدن چهره لری خاکیله باد . صبح لر سرد نسیمیله دولان وقته هوا جذب ایدوردی سویوقی سینۀ ویرانه سرا تاب ایدنمزدی دوراردی یوخوسوندان اسرا جسملر گل کیمی تیترردی سویوق اولدوقونا سخلاردی بالالار بیر بیرینون قولتوقونا . اولماسا سقفی ایوون گون ایلیور فوری هدف ایستیه دوزمزیدی عترت سلطان نجف ظهر اولاندا چکیلردی هامی دیواره طرف اسرانون ایوی جان بخش هوادن بوشیدی بالا قزلارون او مأواده چوخی ناخوشیدی . محبس درد و بلا فاقد آسایشیدی خاک مرطوب اولارا بستر و هم بالشیدی تارِ گیسولره جوّین توزی آرایشیدی نقش غم دوشموشیدی گوزلرینه قاشلارینا بولوط آغلاردی توکردی یاغیشی باشلارینا . ایسلانان وقته لباسی عوض ایلولّه بلی اسرایه یوخودی آیری لباس اوردا ولی سویموشیدی حرم طاهره نی ظلمون اَلی بیر قبائیله کیم اولسا یاغیش آرامین آلار فکریوی قاضی ایله گور نه چکوبدی بالالار . راوی نقل ایلوری نزدیکی ویرانه سرا روبرو گلدیم نه سبط نبی زین العبا نجه صبح ایلیوسن شامده عرض ایتدوم آقا بوتۀ غصه ده تحلیله گیدوبدور بدنون رمز محنت گورونور غملی جمالونده سنون . سائله ردّ جواب ایتدی بو طرزیله امام روزگاری بیزه چوخ تنگ ایلیوب میر ظلام کاش ای شیخ منی دهرده دوغمیدی انام نجه صبح ایلر اولان حاکم جباره اسیر گجه نون مثلی گورر گوندوزونی قاره اسیر . بیز گرفتار یزید اولموشوق ای مرد اصیل نجه فرعونه دچار اولدی بنی اسرائیل نوجوانلاریمیزی ایلدی لب تشنه قتیل رحم یوخ ذره بو بی عاطفه و ناکسده فکری واردور بو قالانلاردا ئوله محبسده ✍ شاعر:حاج انور مرحوم

🏴#شهادت_امام_سجاد_علیه_السلام 🏴#سبک_واحد_حماسی 🏴#ترکی 🎤 مداح :حـاج مـــهدی رســولی https://eitaa.com/turki_nohemajma #کانال_ترکی_مجمع_الذاکرین