حضرت ابوالفضل علیه السلام 🖤🖤🖤 سبک نوحه:شکر اولا پروردگار تاج عشقیم باشدا قاره مسجد جامع اردبیل مداح سید محمد عاملی

‍ راه شام زبانحال حضرت رقیه سلام الله علیها با رأس مبارک پدر یانا یانا او زمان اذن ویردی گوزیاشنا خطاب ایدوب بو دلیله آتاسینون باشنا نه ظلم ایدوب بابا گور سنگدل سپاه منه که روز روشن اولوب لیله ی سیاه منه آلوبلا معجر گلدوزیمی جفائیله آچاندا غارت الین قوم دین تباه منه گورنده ظلمیله گلدوز معجریم آلینوب ویروبدی قمچی ووران معجر سیاه منه ایدوبله ناقه ی عریانه گه سوار منی اولوبدی توشه ی ره یولدا رنج راه منه ووروب یخوبلا گهی چولده قالموشام یالقوز تاپولمیوب اولا بیر کیمسه دادخواه منه ایاق یالین دولانوب چولده دوشموشم دلسیز کنار خار مغیلان اولوب پناه منه قابار ایاقلاریمون قانی، قانلی گوزیاشیم نشان ویروبدی عیان قانلی بیر میاه منه دولانموشام چولی چوخ صاق قولا، سیزیلداموشام ویروب صدا او سیزیلتیمدا گل گیاه منه نه قدر آغلاموشام من سیزیلدیوب ایاقیم گوزوم یاشی ایاقیم قانیدور گواه منه گل جمالیم ایله کهربا کیمی سارالوب که رشک ایدر یوزومی گورسه رنگ کاه منه بویور خانم بیبیمه سالماسون منی گوزدن نظارت ایلسون اول فاطمی نگاه منه بیر آن غفلت ایده گر خانم بیبیم مندن آچار جسارت الین سنگدل سپاه منه یقین وورولّار او قدر ئولدورولّه یولدا منی ترحّم ایلمز اشرار کینه خواه منه نه قدر دردیم اولا سینه ده گینه آزالار او قانلی گوزلر اگر باخسا گاه گاه منه محبّتون آزالوبدور نه قدر یالوارورام آچوب رئوف گوزون ایتموسن نگاه منه گوزومی اشک دوتوب یا منیم گوزوم گورمور بولنمورم ویروب اوز حال اشتباه منه باشون فداسی ندن یوز گوزون کوله بلشوب باخاندا آرتوروری دلده سوز آه منه وفا سپهرینه بیر اولدوزام، یارالی باشون گونوز گونومدی قرانلوق گجمده ماه منه ئولونجه بو یارالی باشدان آیریلان دگولم ولو خرابه ی شام اولسا خوابگاه منه پیاده یول گیدرم بیر دقیقه اینجیمرم به شرط رهبر اولا یولدا راس شاه منه گورن بو حالیمی ذلّتده بولسه قوی بولسون بو خطّ سیریده وار عمده عزّ و جاه منه یازاندا بو سوزی «تائب» تشکّریله دیدی بو خوش بیانی ویروب مقتدر الاه منه (مرحوم حاج صادق تائب تبریزی)

‍ ‍#زبانحال حضرت زینب (س)درخرابه شام با راس خونین امام حسین علیه السلام زینبون اول کسیلن حنجره قربان یارالی توکولوب تشنه بوغازدان نه قَدَر قان یارالی باشووی شمر کسوب خولی اونا صاحب اولوب بو نه سودادی مگر واردی نه جریان یارالی باشووی کوفیه خولی گئجه وقتی آپاروب اولاجیدون کیمه آیا گئجه مهمان یارالی بدنون یرده قالوبدی باشون اللرده گزور نجه دوزسون بو غمه خواهر نالان یارالی داشلار آلتیندا یاتوبسان داغیلان پیکریلن بو غمون ائتدی منیم قلبیمی شان شان یارالی قافلم کوچ ائدور الآن دور حسین باشلا اذان قیل دعا زینبه اولسون سفر آسان یارالی کسیلن حنجریلن معجزه ائت سویله اذان گورسین اعجازیوی تا لشگر عدوان یارالی شعراز استاد ذعفرآزادمهر

‍ ‍ کربلا قبله ی عشقیمدی منیم حرم و صحنی بهشتیمدی منیم دییرم روحیمه ریحاندی آقام عالمین دردینه درماندی آقام بو حسین ذکری شرافتدی منه سوت وئرنده آنام اورگتدی منه قاره پیراهنیم عزتدی منه من گدایم منه سلطاندی آغام عالمین دردینه درماندی آغام دئمرم مقصدیمه یتممیشم واجبات امرینی ترک ائتممیشم من کی آیری قاپویا گئتممیشم من گدایم منه سلطاندی آغام عالمین دردینه درماندی آغام گوزیمه کچمه بهشتین باغینی مین باغا وئرمم اونین دیرناغینی اوپرم کرببلا توپراقینی دییرم شاه شهیداندی آغام عالمین دردینه درمان دی آغام آغامین باشی چیخوب نیزه لره ارمغان گئتدی حرامزاده لره باش کسنلر توکولوب خیمه لره زینبین خیمه سی تک یاندی آغام من گدایم منه سلطان دی آغام کربلا قبله ی عشقیمدی منیم حرم و صحنی بهشتیمدی منیم دییرم دردیمه درماندی آغام عالمین دردینه درماندی آغام بامداحی حاج محمدباقرمنصوری شادی روحش صلواتی هدیه کنیم

🌸🍃🌾🌼 🍃🌺🍂 🌿🍂 💐 ورود اهل بیت پیغمبر به شام .. .. مرحوم شهاب تبریزی ... زینب او گونکه داخل بازار شامیدی شامون او گونکه صبحی اونا تیره شامیدی .. نه شام صبحی شام غریبان کیمی سیاه نه صبح شامی تیره چو قلب ظلامیدی .. شامه گیرنده آل پیمبر نظامیلن شامون شقی جماعتی چوخ بی نظامیدی .. کسمیشدی کوچه لرده تماشاچیلر یولی تقریره گلمیری که نجه ازدحامیدی .. گیمشدی مرد و زن هامی فاخر لباسلر چون پیشواز عترت فخر انامیدی .. فخر انام عیالی خجل باشلاری آچوخ مه یوزلرونده طرّۀ مشگین غمامیدی .. هر محملین مقابلی بیر قانلی باشیدی زینب برابرینده ده رأس امامیدی .. قرآن اوخوردی نیزه باشندا حسین باشی ذکری همین کلام حق لاینامیدی .. اثبات ایدردی حقّینی حق بولمینلره بولسونله حق ولیسنه قایم مقامیدی .. کیم سالدی نطقدن اوباشی بیر عجوزه ای بولمم او بیحیا نجه بی ننگ و نامیدی .. بیر داش گوتوردی ایتدی نشانه حسین باشین دلده کلامی باخمادی الله کلامیدی .. دوشموشدی بیر منادی قباقه چکردی جار ای فرقۀ یهود بو گون وقت کامیدی .. هر کیمسه نون پیمبریله وار عداوتی گلسون گلوب عیالی دم انتقامیدی .. اول دم مجوس و کافر و گبر و یهودیان مملودی او که در و دیوار و بامیدی .. گه داش آتوب توکردیله گه باشلارینا کول چون ارثیدور عیال رسول گرامیدی .. محمللره توکردیله گه باملردن اود آل الله ایتدیلر او که صبر و دوامیدی .. شامی تمام کوچه به کوچه دولاندیلار شام اهلنون جفاسی هله ناتمامیدی .. شام اولدی بیر خرابه ده یر ویردی شامیان کیم باخبردی شامون او شامی نه شامیدی .. منزل خرابه اهل حرم خسته آج سوسوز نه فرش و نه چراغ و نه طبخ و طعامیدی .. بیمار امامین اولمادی زنجیرینی آچان یولدان گلوب مریضدی با احترامیدی .. صبحه کیمی خرابه ده نی تک سیزیلداشوب تا صبح اولوب نه صبح قیامت قیامیدی .. صبح اولدی گور عیادت بیماره کیم گلوب الده طناب نچّه ستمگر غلامیدی .. باغلوب طنابه آل رسولی نظامیلن معلوم اولان بودور بو نظام اختتامیدی .. بزم یزیده ایتدیله داخل او ساعتی تا که یزید مست شراب خرامیدی .. دوتموشدی تخت سلطنت أوسته اوگون قرار کرسی نشین بزم أُمراءِ عُظامیدی .. صوت مغنی نالۀ چنگ و نوای نی هر دمده سرکشی فلک نیلی فامیدی .. قویموشدی پای تختنه بیر نازنین باشی عرش برین أو رأس شریفه مقامیدی .. بیماری ساخلیوب ایاق أوسته او ضعفلن اول بی حیانی گور نه أَلَدُّالخصامیدی .. مشغول اولوردی صحبته اویناردی گه قمار گَه الده خیزران آغاجی گاه جامیدی .. گاهی ووروب پیمبر اؤپن لبلره آغاج گاهی شماتت ایتمگیلن شاد کامیدی .. اجدادینون قصاصینی آچدی حسیندن یتدی یزید دون أو که دیده مرامیدی .. اولماز بو شام محنتی تحریریلن تمام الدن شهاب سال گیله بو خامه خامیدی .. ملتمس دعا عدلی تبریزی 🌾 🌾🌼 🍃🌾🌼 🌸🍃🌾🌼

🍃🌾 🌸🍃🌼 🌼🌸🍃🌼 💐🌺💐 🌼 ورود به شام حاج اصغر فرشچی ( عدلی تبریزی) سبک: زینیم جان اوسته دی.... کاروان غم که چاتدی شامه شام اولدی عیان باخدی قارداش باشینا زینب اودم ایتدی بیان . شامه وارد اولورام دل دونوری قانه حسین باجووی بو داش آتانلار گتورور جانه حسین . عشق زنجیرینه چکدی بیزی بو چرخ جفا ایلدی خانه به دوش اولدی اسیر آل عبا من هارا زین العبادیله بو شام اهلی هارا شامه دوندی گونوزوم شام اولا ویرانه حسین . . نه قدر چوللری بو خیل اسیران دولانوب یولی بیراهه گلوب رنگ غمیله بویانوب تاب ایدوب شمرین الینده بو روقین دایانوب اُولمیوب وار نفسی اول دُر دُردانه حسین . . زینب عاشقدی سنه باشوون آردونجا گلر قیدعشقونده اسیر عشقینی جانانه بولر شامیده باشین آغاردار نقدر غصه چکر اولمیوب بیر بیله ظلم بیر جه مسلمانه حسین . . باخورام نیزده اکبر گهی اصغر باشینا قاتوری رأس ابوالفضل قانیمی گوز یاشینا او فرات ایچره مساوات ایلیوب قارداشینا ایچمه دی حقین اداء ایتدی او عطشانه حسین . . ناقه ده حفظ اولا باقر آناسی چوخ چالوشور الی بند اولموری بیر یرده اورکدن آلوشور گه حجابون دوتوری گه بالاسیندان یاپوشور گورجاقین توکدی علی گوز یاشی دامانه حسین . . گلمییدیم دیدی کاش عمه جهانه آنادان بو مصیبتده دوزوم ویر منه ای جان یارادان من خجل اولدوم الهی آنادان هم بالادان شمع تک یاندی علی من اونا پروانه حسین . . حقی وار سید سجادین حسین من تانورام نیلیوم صحنة غم گوز که گورور اودلانورام لیک علیدن ایشیدوب بو سوزی دیلدن یانورام یتموری بو غم زینب نیه پایانه حسین . . دونسون عالمده سنون گردشون ای چرخ فلک داخل شام اولوروخ یوخدی ایدن کیمسه کمک چشم نامحرم اولوب قرخایاخین قاره لچک خارجی آد قویولور حافظ قرآنه حسین . . هره فاخر گیینوب جامه سی وار رنگ به رنگ آندولا حقه بوظلمی ایله مز اهل فرنگ داش آتانلار ایلیوب باخ گوزومه عالمی تنگ ندن حرمت ایله مز شاملی انسانه حسین . . چون گل اوسته یاشیور بلبل مستانه حسین یغوشار بزم غمه عارف و فرزانه حسین شمعسن «عدلی» سنه عمرودی پروانه حسین حُب عشقیندن ایچوبدور دولی پیمانه حسین 🌼 🍃🌼 🌸🍃🌼 🌾 🌸🍃🌼

قوتاردي كوفه غمي آیری غم یازیب خامه چكوبدی قافله عشقی ساربان شامه یوخيدي اذن بيري ائيله سین نوا يولدا يانان ياناردي غم و درده بيصدا يولدا كيمن صداسي اوجالسيدي ني كيمي بير آن ووراردی باشینه قمچیله اشقیا یولدا گیدیردی شامه طرف قافله پریشان حال يوخيدي قافیلیه بير غم آشنا يولدا نئجه چتیندی سفر، اولسا ساربان قاتل مگر اولاردی اورک غصه دن رها یولدا گئدیردیلر يولي گوزیاشلی ديل لري داغلي شهيد اولانلارا دوتموشدولار عزا يولدا یارالی باشلاریلا همدمیدی اهل حرم گئدوردی شامه طرف خویش و اقربا یولدا باخاندا حسرتیله نیزده اوغول باشینا ائدردی درد دل آهسته هر آنا یولدا باخیردی اهل حرم دمبدم حسین باشینا او باش ائدوردی اورک دردینه دوا یولدا اوشاق بیوک هامی مشتاقیدی تلاوتینه وئره اورکلره بیر رونق و صفا یولدا گئدوردی سرعتیله شامه عشق قافله سی واریدی جلوه آیات کبریا یولدا مسیریده دایانیب قافله یول اوستونده هامي تعجب ائدوب وار نه ماجرا يولدا تکان یئمیر داخی سر نیزه ده کسیک باشلار نقدر زور وئریر حامل جدا یولدا نه وار مگر حرکتدن دوشوب زمین زمان ائدیب حسین باشینا عالم اقتدا یولدا قویوبدی اهل جفانی بو امر حیرتده گزردی چاره بو اعجازه برملا یولدا خلاصه بیلمدی بیر کس بو سرّ عظمانی اولوب دی حضرت سجاد رهنما یولدا بویوردی قافله دن آیریلیب قالان واردی بابام نظاره ائدیر خردا قیزلارا یولدا چاغیردی بیر بیر آدیلا حرملری زینب گوروبدی وئرمدی سس نازلی بیر بالا یولدا یانیب یانان اورگی نی کیمی فغانه گلیب اولوب دوباره غم و درده مبتلا یولدا یانا یانا دیدی الله بالام هایاندا قالیب آدامسیزام نه ائدیم من گئدیم هارا یولدا بالام تاپولماسا دنیانی یاندریب یاخارام اولونجه ائیلییرم شیون و نوا یولدا گوروبله قافله لنگ اولدی قالدیلار ناچار مصمم اولدولا مشکل اولا روا یولدا ائدیبئله تاپماقا زجر ستمگری مامور گلن مسیری قیتدی او بی حیا یولدا تاپيب گتیردی نه حالدا او نازنین بالانی گلیب پیاده، ایاقلار اولوب یارا یولدا یئتیشدی قافلیه نیزیه طرف قاچدی يا نا يانا ديدي قالمیشدیم آی بابا يولدا یورولموشام منی لطفیله بیر دانیشدیر سن دئیوم گلیب باشیما هر نه ابتلا یولدا بابا گوزوندن ایراق گلمیشم پیاده یولی گتیردیلر منی قمچی ورا ورا يولدا بي بي مه بيرده سفارش ائله بو خونجگري کی سالماسین بئله گوزدن او با وفا يولدا اگر چی زحمتیمی چوخ چکیب خانیم عمه م محبتلیه ائدیب گوگلومی رضا یولدا یئتیرسه شامه منی زحمتیم تمام اولاجاق گر اولماسا گل عمریم بئله فنا یولدا یزیدی خوار ائله سم آرزومه من چاتارام همیشه لیک یومارام گوز خرابه ده یاتارام زمانه گر چه منی ائتدی درد و محنته توش خرابه شامیده دنیانی ائیلرم  #مدهوش #مدهوش #هوشمند

ورود به مدینه زبانحال حضرت زینب (س) مرحوم سید یوسف نجمی تبریزی حسینون کربلاده تشنه باتدی قانه یا جدّا گتوردوم کوینگون یوسف کیمی کنعانه یا جدّا او یوسف کی گوزی یاشلی قویوب اوز پیر کنعانین دل شب ترک ائدوب بلبل کیمی صحن گلستانین وفا بازارینه کالا صفت الده سر و جانین آپاردی مصر محنتده دوشوب زندانه یا جدّا او یوسف کی حجازی دوندروب دشت غم افزایه گئجه گیزلنجه آیرلدی وطندن دوشدی صحرایه شبیه کامل اولدی خائفا لفظینده موسایه بیابان گرد اولوب غمله اولوب هم خانه یا جدّا همان یوسف دالنجا دوشموشم صحرایه سرگردان پریشان خسته دل آزرده خاطر غصه لی نالان گئدوب هر شهره منده گئدمیشم سرگشته وحیران نجه کی گون دالینجا آی گئدر هر یانه یا جدّا جهاندا کیم گوروب بوندان بیوک دل یاندیران نسگیل او یوسف دوره سینده بیرجماعت جمله خونین دل گئدوب بیر اودلی چولده سو کنارینده ائدوب منزل قالوب اوچ گون سوسوز باخ گردش دورانه یا جدّا همان چولده وئروب یوز چوخ مصیبت آل طاهایه اوجالدی پرده  پرده ناله لر عرش معلایه یتیشدی پارچالانمیش بیر عمامه ام لیلایه نه عمامه باتوب اکبر باشیندا قانه یا جدّا همان چولده اله قاندان حنا نو کدخدا یاخدی طویی یاسه دونوب تازه عروسین گوز یاشی آخدی سریه گورنه حاله قالدی بو کیفیته باخدی نه چکدی کیمده وار قدرت گتورسون سانه جدّا علی اصغر آناسی ایمدیده اشکین الر آغلار آچار گه اصغرین قانلی قماطین گه بلر آغلار بالاسی اوخلانان آهو کیمی دائم ملر آغلار شکسته نی کیمی دلدن گلر افغانه یا جدّا همان چولده سوسوزدان گل کیمی گل رنگلر سولدی سو اوسته تشنه سقانین سو مشکی قانیله دولدی آخوب قان کاسه فرقی سینوب قولار قلم اولدی یانار اود سالدی حالی عالم امکانه یا جدّا همان چولده شراره محنتیله قلبیم اودلاندی او اوددان ایمدیده یوزده سرشک حسرتیم قاندی علم یاتدی قوشون سیندی شه ئولدی خیمه لر یاندی گئدوب جمله اساس سلطنت تالانه یا جدّا عیالون رشته بیداده باغلاندی او صحراده توکوب اشک بصر گلدی یارالی قلبیلر داده قاچان غولار کیمی زنجیریله باغلاندی شهزاده جهان تنگ اولدی غمدن عابد نالانه یا جدّا او صحراده بنات عصمته شام اهلی ال آچدی دل صد پاریه غارتده قیزلار تیر غم ساچدی عروس قاره معجر آت دوشونده صاق صولا قاچدی قولاقی پارچالاندی قان آخوب دامانه یا جدّا دلیم دوتمور دیم بیر بیر سنه جمله قضایانی گلن کرب و بلاده باشیمه درد و بلایانی بو قدری واردی غمدن گلمیشم جانه حسین جانی خدنگ غم یتوب هر دم دل شان شانه یا جدّا خطور ائتمزدی بو غم خاطر ناشاد زینبدن دولار گوش فلک غملر الیندن داد  زینبدن اولار نی لر نوا  و شوریده ارشاد زینبدن ائده للر تا جهان وار ناله یانه یانه یا جدّا گرک عمری نقدری زینبون وار دلدن اودلانسون چو پروانه شرار شمع محنتده الولانسون نجه « نجمی » یانار کیم یانماسا ایله گوروم یانسون اونی روز جزاده آتش نیرانه یا جدّا #سبک_منیم_ای_تشنه_قربانیم #حسینون_کربلاده_تشنه_باتدی_قان

‍ کشتی نجات ‍ کشتی نجات یاحسین نهضتیوه شور قیامت یاراشور قامت سبزیوه تشریف شهادت یاراشور هئچ شهیدین قانی بیر بیله ثمر بار اولماز بو قانین صاحبینه تاج شرافت یاراشور قوی باشا تاجوی وئر عالمه فرمان متاع که سنه سلطنت عالم خلقت یاراشور آدون الله آدی تک هر دیله ازبردی حسین آری آری سنه بو نام بو شهرت یاراشور تا قیامت گوروم هر بامیده اسسین علمون سن ووران پرچمه بام ابدّیت یاراشور ای وریلموش آدینا سکّه ی آزادی و عشق نه عجبدور سنه گر سکّه ی دولت یاراشور سنی جدّون ائلدى فُلک نجاته تشبیه گوردی شخصیّتوه نور هدایت یاراشور کربلا سنله اولوب مهد وفا کعبه ی عشق زائر مدفنیوه شوق زیارت یاراشور آل علی اصغری آغوشیوه اوپ یاره سینی عشق قربانینه آغوش فضیلت یاراشور نازلی قربانلاریوا نازلی جوانلار قربان اکبر عاشقلرینه فیض شهادت یاراشور آغلاماقدا سنه زیبنده دی نه اوزگه سینه که عزا شمعینه بو اشک مصیبت یاراشور گرچه بیر عدّه بیزه آغلاماقی عیب دوتور غافل از اینکه گوله ژاله ی رقّت یاراشور قوی یانان لاله لرون شیعه لرین اشکی یووا که یانان گوللره باران محبّت یاراشور سنه کیم دل وئره دامانیوى الدن وئرمز که گوزل دامنیوه دست ارادت یاراشور چوخ گنهکار گلوب درگهیوه پاک اولدی ساحت قدسیوه هر کشف و کرامت یاراشور قورخورام شمرده محشرده شفاعت ایده سن نه دئماق که سنه هر گونه فتوّت یاراشورا حرّ بو لطفی گوروب اولدی پناهنده سنه دئدی الحق سنه سیمای سیادت یاراشور گلمیشم قؤوما قاپوندان منی قربانون اولوم حرّ حرّم منه احساس حمایت یاراشور تیره پرونده مه کیم باخسا ائدر نفرت و لعن بیر سنون عزّتیوه رفع کدورت یاراشور کوریدیم گورمه دیم اوّلده عطا و کرمون ائله بیر غفلته بو اشک ندامت یاراشور وای منه من سنی سالدیم بو بیاباندا غمه بولمدیم زینبه یورقوندی فراغت یاراشور گل قبول ایله منیم عذریمی ای عذر پذیر منه گر توبه سنه امر شفاعت یاراشور قات منی لشگریوه قوی اولوم عباسه غلام وئر نشان قدرتیوه أمر ریاست یاراشور خجلتیمدن باشیمی قوزاماقا گلمور ئوزوم صورتیمده عرق شرم و خجالت یاراشور حاضرم مین جانیم اولسا سنه قربان ائلیم تا گوره خلق منه بیله لیاقت یاراشور شه بویوردی باشوی قوزا چوخ اولما نگران گلدیقون درگهه احسان و مروت یاراشور گل اوتور خیمه ده اهلیم سنه خدمت ائلسین سن قوناقسان بیزه، بیزدن سنه خدمت یاراشور مرد اوغوللار قوناقین حرمتینى یاخشی دوتار خاصّه قارداشیم ابوالفضله بو حرمت یاراشور بئله فکر ائتمه الیم بوشدی بساطیم خالی که اسیر ستمه رنگ حقارت یاراشور میلون أولسا سنی سیراب ائدرم کوثردن من حسینم منه إعجاز امامت یاراشور یا قبول ایله سن هر بندیدن آزاد ائدرم گوره لر حرّسن حرّ آدینا عزّت یاراشور دئیرم زینبه ده جرموی نادیده دوتار اودا مولا قزیدی حالینه رحمت یاراشور (( ساکتا )) ساکت اولاندان قلمون محشر ائدور هر سوزی که یازوسان اوندا عبارت یاراشور یاز سوزون ایسته سن ایسته صله سین زهرا دن که بو اشعاره وئره فاطمه قیمت یاراشور حسین ساکت خسروشاهی

ای نوکِ جدایه وورلان سَرورِ دوران قاندور اورگیم آیریلیقندان سنه قربان دور گئتمه نظرگاهِ مَنِ خسته جگردن گوز یاشی کیمی زینبیوی سالما نظردن درد و غم آلوب جانیمی جانانه یولوندا تن دردین آتوب گلدی جانیم جانه یولوندا قلبیم بو قدر قویما دونه قانه یولوندا گه گه اوزیوی زینبِ نالانه نشان ویر ای وارثِ عیسی' تنِ بی جانیمه جان ویر ای قلبیمون آرامشی، ای روح و روانیم پیشوازه گلِیدون منه گلمزدی گمانیم ای کاش بو آنیم تک اولیدی هامی آنیم نه بولدون ئولوردوم یتیشوب بو دمی ویردون جانانه قسم، سانکی منه عالمی ویردون هر قدر دئدیم آتما گوزوندن منی آتدون جبراََ حرمون منزلِ بیگانیه ساتدون ای شمع کیمی یاندوروب آخرده کوله باتدون خاکسترِ بال و پرِ زهرادی باشوندا یا که اثرِ مطبخِ اعدادی باشوندا؟ ایله کی باخار گون یوزونه دیده ی جمّاش ایله باخورام صورتِ خونینیوه قارداش باخدوقجا گوزومدن توکولر عارضه قانیاش همسو اولالی یاره لرون عِشوه لرونله قان آغلادیسان زینبیوی جلوه لرونله گاهی گورورم باشیوی القاندی جداده گاهی گورورم گُل کیمی خنداندی جداده یا رب بو مگر جوهره ی جاندی جداده هر چند دونن بو باش اولوب اوز بدنیدن گُلدی دیه سن ایندی دَروبله چمنیندن ای شاخِ محبّت نه گوزل لاله لرون وار لاله یاناغیندا اوتوران ژاله لرون وار دورَنده آییم، آی نه گوزل هاله لرون وار بیله که سالوب جلوه باشین ارض و سمایه بو جلوه اولان یرده نه حاجت گونه، آیه کیم گوردی کسیک باشدا اولا قدرتِ آواز آوازِ دل انگیزی اولا مایه ی اعجاز قرآن سسیوی کسمه سن ای قاری ممتاز قوی دولدورا عالَملری آواسی بو باشین دنیا گوره یوخ مظهر و همتاسی بو باشین قوی داغ داشا دوشدوقدا سسون عرشه ده چاتسین بو سس قباقیندا نه قدر سس اولا باتسین غفلت یوخوسوندان هامی دنیانی اویاتسین فریاده گلن لر که گزر آیه دالینجا گورسونله باشین آیه اوخور آیه دالینجا تنها نه منم حسرتِ وصلونده پریشان مندن صورا وار نچّه پریشانِ پریشان گوهر کیمی گوز یاشلاری گُل یوزلره افشان حیرت زده آوای مناجاته چیخوبلا باشون دالیجا گردشِ شاماته چیخوبلا شامات نه شامات، سراسر یری غمناک جوّی خَفقان، روحی سیخان، مردمی بی باک بیز قوللاری باغلی، آپاران قاتلِ سَفّاک داغدان داغا، چولدن چوله، بیله سفر اولماز سن اولماسان ئولدورسله بیزدن خبر اولماز بو قافله نین، نیزه ده باشوندی پناهی هم رهبری، هم روشنیِ شامِ سیاهی ای جلوه ی گردنده ی اَنوارِ الهی گئت قویما دوشه قافله ی عشق جرسدن امّا که یواش گئت بالالار دوشدی نفسدن آهو کیمی قیزلار یارالی بیربیره بسته بعضی لرینین گوزلر آخوب ناقه لر اوسته بعضی لرینین ال ایاقی خسته شکسته آهولریوی گور نجه دامه آپاروللار گویا بیزی ئولدورماقا شامه آپاروللار ساکت گینه نه شوریدی شوریده باشوندا امواجِ غم اولموش بئله پیچیده باشوندا تا واردی حسین فکری بلا دیده باشوندا حقّ عاشقی اول قوخما حسینون یولونی گئت بیراهه گئدنلر اتگین دوتما رها ائت حاج حسین هویدا

زبانحال دختر از ناقه افتاده با سر امام بعد از رسیدن به کاروان اُسرا عجب کَرَم قیلوب بابا بو کاروانی ساخلادون یارالی باشیله نجه بو ساربانی ساخلادون قیزون فدا اولا سنون گوزونده اشک آلوه خدایه شکر اولا گینه یتشمیشم وصالوه خدا بولور بو چولده من اَسفلی حاله قالمیشام قاچاندا داشلار اوسته من ئولومی یاده سالمیشام ایاقیمه تیکان باتوب غم اوستونه غم آلمیشام باتاندا خارلر دیمم حصار صبری یخمادی یر ایلیوبدی بعضی سی ایاقدا قالدی چخمادی ندن بو آیدا چخمادی بیر آز ایشیقدا آغلیم ایاقیمون تیکانلارین چکوب جهانی داغلیم نه وقتیمیدی آی بابا اوزوم یارامی باغلیم بو خیردا جا قیزین ایله باتوبدی قورخودان سسی سفارش ایله عمه مه منِ غریب و بیکَسی شکایت ایلرم بابا خدایِ حیّ و داوره مصادف اولموشام ندن گروه پَست و کافره بیری قوور بیری سویور بیری دوتور وورور یره خدا بولور کی قوم دون نقدری دویدولر منی بو قدر غصه و جفا یقیندی ئولدورر منی بو چولده زجر دون منی زبس قوووب اویان بویان حیاتیدن اوسانمیشام ئولومدی آرِزوم اینان اوقدر سیلی لر ووروب گوزومده تار اولوب جهان وورانمورام یوزومه اَل دگنده اینجیری بابا دوشوب مَحاقه صورتیم آناوا بنذیری بابا گلایه ایتمرم بابا اوزون قضاوت ایت ولی یانار ایشیتسه غصه می نجفده مرتضی علی نه نسبتی کیچیک یوزون بوزجر کافرین اَلی گوروم شل اولسون ای بابا بو زجر شوم و کافری اَلو چکور یوزوم بابا زبس آغیردی اللری فلک سالوب بلالره بو بینوا یتیمه نی اسیر ایدوبدی دشمنه سالوبدی وحشته منی دوشوبدی قورخی جانیمه هرایه سسلدیم سنی زبس بو چولده قاچمیشام صاقا صولا منِ غریب یانیبدی قلب فاطمه هرایمه آنان گلیب اگر چه (بیکَسا) سنون یوخوندی قدرت بیان کَرَم لَه لطف ایدوب سنه امیر مُلک انس و جان اجازه ویردی یازمیسان بو نچّه خطی بس دایان بورسمدور غلاملر سوزون دیوب دورار گیدر غلام دردینه ولی امیرلر دوا ایدر #راه_شام #محرم #شور #جلالت #عرض_ارادت #زیارت التماس دعای فرج الاحقر مهدی عبادی

بانوای عبداللهی ===👆 یافاطمه الزهرا(س): مدح و توسل به امام زمان عج و گریز به حضرت عباس ع ای عالمون صفاسی گل/ شیعه لرون آقاسی گل/ یابن الحسن///یابن الحسن/ گوزلر سنون یُولوندادی/ نصر آیه سی قولوندادی/ هر گون ظهور ایتسون آقا/ بایرام گونوموز اوندادی/ ای رحمتون هماسی گل/ دردو بلانی ریشه کن/ گل ایت اوزون یابن الحسن/ معجزلرون گون تک عَلن/ سنده گوروب چوخ مردو زن/ ای دافعِ دردو مُحَن/ ای اولمیان همتاسی گل/ گل قویما بحر غم بیزی/ غرق ایلیه توت المِزی/ درگاهوه توتدوخ اُوزی/ الُوه تیکمشوک گوزی/ مشگل گشا بیلوک سوزی/ بو لحظه ای حسّاسی گل/ ای آدی زینت نُه طاقا/ امیدیمیز سن سن آقا/ گل باشلارا رحمت یاغا/ قویما دوشک بیز دوستاقا/ باخ سن بوخیلِ مشتاقا/ ای رحمتین دریاسی گل/ گل روضه لر بانی سی اول/ ابربهارون مثلی دول/ دوشدی عموندن جفت قول/ خیمه لره سد اولدی یول/ زهرا گلوب دیدی اوغول/ ای فاطمه بالاسی گل/ زهرا د یدی جان جان اوغول/ توتموش گوزوی قان اوغول/ دوش سینمه الان اوغول/ تا ایلیوم درمان اوغول/ آلنوب سوکوب پیکان اوغول/ اوخشیوب هی عباسی گل/ دوش سینمه عباس اوغول/ بولحظه ی حساس اوغول/ توتوم سنه من یاس اوغول/ اوخشیوم قولاق آس اوغول/ آغلار سته گُلِ یاس اوغول/ عرشه چخوب غوساسی گل/ (نوری)دی یاصاحب زمان عج/ ُسَنسَن امید شیعیان/ دردیم سنه ایتدیم بیان/ ای معجزی گون تک عیان/ قو یما اولام من باغریقان/ سَنسَن امام انس وجان/ ای انسِ وجن مولاسی گل/ نوای حیدرکرّار باقیات وصالحات 🥀🌸🥀🌸🥀🌸🥀🌸🥀

خطبه حضرت امام سجاد(ع) در مسجد شام؛ یازدی قانیله حسین مکتب قرآن یاشاسین بوغازیندان توکولوب قان دیدی ایمان یاشاسین عزتیله گرک آزاده مسلمان یاشاسین ذلتیله یاشیان ملتی تقبیح ایلیون طرد ایدون ظالمی اللهوزی تسبیح ایلیون . مرد اودور حق دانیشوب حق سوزی اوسته دایانا ئوزی ئوز معنوی فرهنگینه دلدن اینانا گیتمیه باد حوادثده بویاندان اویانا تیکمیه مرتبه و منصب دنیایه گوزون ساتمیا اهل زر و زوریله تزویره گوزون . لعنت اولسون او کسه مردمی دلگیر ایلیور رنگدن رنگه دوشور باطله تدبیر ایلیور بیر گونی روبه اولور بیر گون ئوزون شیر ایلیور شیعۀ مخلص اودور رنگ و ریانی ئوتوره قدمین محض رضای حق یکتا گوتوره . کیم ایدوب خط حسین ابن علیده حرکت سفرۀ عزت و اجلالی اولوب پر برکت آری ایثار و شهادتده دی مَجد و برکت روح ایثارگری اولماسا هر کیمده عَلَن زندگیده چخوب حتماً حسین خطّیندن . کیم حسینی ئوزونه نهضتی رهبر تانیور سرخ منشورینی دیلده ایدوب ازبر تانیور تانماز آیری یری مسجد و منبر تانیور مرض روحه دوا مسجد و محرابیده وار قسم اللهه نه واردور عمل نابده وار . دهم ماه عزا یوم بلا میر هدا مسجد و منبر و قرآنه ئوزون ایتدی فدا خیمه لر یاندی اسیر اولدی حریم نجبا روح تضمین و بقا مکتب قرآن تاپدی اسرای علوی شامده اسکان تاپدی . شام ویرانه سی یعنی بیر اوچوق کهنه حضار عترت فاطمیه حائل اولوب دورد دیوار گوندوز ایستی گجه سرما اولارا وردی فشار سار گول لرده اثر قویدی هوای متضاد چخادوبدور دریدن چهره لری خاکیله باد . صبح لر سرد نسیمیله دولان وقته هوا جذب ایدوردی سویوقی سینۀ ویرانه سرا تاب ایدنمزدی دوراردی یوخوسوندان اسرا جسملر گل کیمی تیترردی سویوق اولدوقونا سخلاردی بالالار بیر بیرینون قولتوقونا . اولماسا سقفی ایوون گون ایلیور فوری هدف ایستیه دوزمزیدی عترت سلطان نجف ظهر اولاندا چکیلردی هامی دیواره طرف اسرانون ایوی جان بخش هوادن بوشیدی بالا قزلارون او مأواده چوخی ناخوشیدی . محبس درد و بلا فاقد آسایشیدی خاک مرطوب اولارا بستر و هم بالشیدی تارِ گیسولره جوّین توزی آرایشیدی نقش غم دوشموشیدی گوزلرینه قاشلارینا بولوط آغلاردی توکردی یاغیشی باشلارینا . ایسلانان وقته لباسی عوض ایلولّه بلی اسرایه یوخودی آیری لباس اوردا ولی سویموشیدی حرم طاهره نی ظلمون اَلی بیر قبائیله کیم اولسا یاغیش آرامین آلار فکریوی قاضی ایله گور نه چکوبدی بالالار . راوی نقل ایلوری نزدیکی ویرانه سرا روبرو گلدیم نه سبط نبی زین العبا نجه صبح ایلیوسن شامده عرض ایتدوم آقا بوتۀ غصه ده تحلیله گیدوبدور بدنون رمز محنت گورونور غملی جمالونده سنون . سائله ردّ جواب ایتدی بو طرزیله امام روزگاری بیزه چوخ تنگ ایلیوب میر ظلام کاش ای شیخ منی دهرده دوغمیدی انام نجه صبح ایلر اولان حاکم جباره اسیر گجه نون مثلی گورر گوندوزونی قاره اسیر . بیز گرفتار یزید اولموشوق ای مرد اصیل نجه فرعونه دچار اولدی بنی اسرائیل نوجوانلاریمیزی ایلدی لب تشنه قتیل رحم یوخ ذره بو بی عاطفه و ناکسده فکری واردور بو قالانلاردا ئوله محبسده ✍ شاعر:حاج انور مرحوم

🏴#شهادت_امام_سجاد_علیه_السلام 🏴#سبک_واحد_حماسی 🏴#ترکی 🎤 مداح :حـاج مـــهدی رســولی https://eitaa.com/turki_nohemajma #کانال_ترکی_مجمع_الذاکرین

🏴#شهادت_امام_سجاد_علیه_السلام 🏴#سبک_واحد_حماسی 🏴#ترکی 🎤مداح :حاج مهدی رسولی ▪️▪️▪️▪️▪️▪️▪️ اموی مسجدی بیر مسجد زیبا و کبیر روز جمعیدی جماعت دولوپ حضار کثیر دور منبرده شیوخ اموی تیره ضمیر وزرا بیعت مخصوصیله سلطان پلید مسجدین شاه نشینینده اوتورموشدو یزید ناگهان داخل اولوب مسجده فرزند نبی جنب منبرده جلوس ائدی شریف علوی حیرته دوشدو هامی گورجک او والا نسبی آچیلیپ رمز و اشاره دولوب هر مرد و زنه دیدیلر خارجی گلدی نیه بو انجمنه وقت او وقت اولدو چیخیپ منبره ناپاک خطیب جیره خوار اُموی خود سر و بی باک خطیب پرده شرمی خطابیله ائدوپ چاک خطیب قیلدی تعریف غزل نسل ابوسفیانی سورا هذیان دانیشوپ سبع اله دی مولانی مسجده بیر ملکوتی سس اوجالدی اوزمان توتولوب هرزه خطیبین دیلی سیندی خفه گان او صدا صاحبی گفتاره گلیپ دیر اوجادان ای خطیب اموی ساخلا خطابه ادبین خلق راضی ایلیوب خالقین آلدین غضبین سورا یوز دوتدو یزیده دیدی اول میره گرا اذنی ورسن منه بو تخته نین اوستونه چیخارام رخصت آلدی اوتوروپ عرشه ی منبر ده امام ذات اعلایه فصاحت له ائدوب حمد و سنا او دانیشدیخجا خانوم عمه سی ایلیردی دعا ایها الناس اولون مطلبه اگاه بیلین بیزه بذل ایلیوب آلتی صفت آلله بیلین ایندی نعمتله وریپ مرتبه و جاه بیلین ارثی دور جود و فصاحت له شهادت بیزه ده واردی اخلاص و عبادت و شجاعت بیزه ده قلبی مومن ده اولان مهر سزاوار بیزیم انبیا زمره سینه سید و سالار بیزیم خلقتین مفخری پیغمبره مختار بیزیم حضرت حمزه بیزیم جعفر طیار بیزیم حافظ قلعه ی دین حیدر کرار بیزیم لیله اسرا ملکوته گدنین اوغلو منم ساحته اقدسه معراجی ده دین اوغلو منم قاب قوسین فَتَتَلا گورنین اوغلو منم او که گوی لر ده ائدوب راز و نیاز اوغلو منم قبلتینه او که ایلیوب نماز اوغلو منم زمزمین اوغلو منم، مکه منا اوغلو منم مشعرین اوغلو منم،مره صفا اوغلو منم عرفات اوغلو منم،غار حرا اوغلو منم مسند عدلیده داد ایلینین اوغلو منم ایکی نیزیله جهاد ایلینین اوغلو منم ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه جان اتمه منی آه و آوار♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه جان اتمه منی آه و آواره♪៛❖ جان بابا جان بابا جان بابا جان بابا جان بابا♪៛❖ رقیه نازلی صورتین گویما دیواره♪៛❖ رقیه نازلی صورتین گویما دیواره♪៛❖ #ترکی #حضرت_رقیه @majmaozakerine

احوالات ورود آل الله به شهر شام و گریز به زبانحال حضرت رقیه (س) به راس مطهر امام حسین (ع) سبک ( سینه زنی ) ✍ حاج علی زلفی آل اللهه ویرانه اولوب مسکن و ماوا شاماتیده قالموب اسرالرده شکیبا قویموش باشینی غم دیزینه آل پیمبر آغلور هامی گوزلر مثل ابریدی گویا خرابه نه خرابه هامی باغلی طنابه دوشوبلر پیچ و تابه امان یا حجة الله (3) جمع اولدولا شام اهلی که ورسونلا شماتت اولاد رسول اللها ایتسونله جسارت دیل یاره سی آغاز ملامتده باش اولدی بیشرم جماعت ایلدی هر نه اهانت امان اهل جفادن گروه بیوفادن اوتانموبلار خدادن امان یا حجة الله (3) مجروح ایاقیله او حیالی بالا قیزلار دیمولله دانشموللا او دلخسته سوسوزلار ویرانه ده قیزلار هامی باش قویدی ترابه قمچی یری قولاردا دمادم ایله سیزلار هامی دیلدن تالانمیش شرار ظلمه یانمیش حیادن چوخ اوسانمیش امان یا حجة الله (3) بیر خردا قیزون تک واریدی کهنه لباسی علت بودی یغمایه گیدوب جمله اساسی ویرانه بوجاقیندا دوروب اللری باشدا گویا که قولاقیندا قالوب شیهه صداسی مطیع اولمور نهایت ایدور غملی حکایت دیور باشلاندی غارت امان یا حجة الله (3) شکوه ایلیوب گوز یاشی خون دیله قاتدی باش قویدی صد افسوسیله تپراقلارا یاتدی رویاده گوروب گلدی باباسی باشی اوسته پیشوازه قاچوب هولیله بیردن سس اوجالتدی پریور دور بو ساعت عجب اولدی سعادت بابا اولدوم نه راحت امان یا حجة الله (3) شامه کیمی باشون دالیسیجا قاچانم من غم تیرینی بو قلب حزینه ساچانام من زخم ایلوب ایاقیم بابا جان خار مغیلان مجروح ایاقا معجری باغلوب آچانام من بابا گیتمه اوزاقه بسند ایت بو فراقه منی بیر آل قوجاقه امان یا حجة الله (3) آغوشه باسا اوز قوناقین قولارین آچدی دوردی ایاقا اولدم حسینه ساری قاچدی دیسگیندی او قیز هولیله رویادن اویاندی ناچار فراقت اوخونی قلبینه ساچدی سسی عرشه اوجالدی ایله سولدی سارالدی حرمدن طاقت آلدی امان یا حجة الله (3) پرونده اعمالین اولوب (زلفی) مکدر یالوار حق منانه اگر اولسا مقدر بلکه قلم عفوینی الله چکه پی در زهرایه گوره عفو ایلیه خالق داور بو سن بو شور و غوغا بو سن بو شعر مولا بو سن بو آل زهرا امان یا حجة الله (3) #ورود_شام #خرابه_شام #حضرت_رقیه #کانال_ترکی_مجمع_الذاکرین

#ورود_به_شام #ترکی #کانال_ترکی_مجمع_الذاکرین

احوالات مجلس یزید آند اولا الده ئولن قارداشیمون غیرتینه اگمرم باش اموی زاده لرون دولتینه غرفه لردن سپولوب گل یرینه کول باشیما جرمی آیا ندی توهین ائدوسن قارداشیما خیمه میز گر چه یانوبدور دل آبادیم وار قوللاریم باغلیدا اولسا اوجا فریادیم وار گر حسین ئولدی یرینده هله سجادیم وار باتمیشوق یاس کیمی گر چه غمیندن یاسه جانشینوک او حسینه من ئوزوم عباسه آز تکبر ائله آللانما یالان دنیادی بیزی چولدن چوله قولباغلی سالان دنیادی یار و انصاریمی بیر گونده آلان دنیادی جام آمالیوی فکر ایلمه دائم دولاجاق بیزی کیم خوار ائلییوبدور ئوزیده خوار اولاجاق جاه و اجلالیوی فکر ائتمه فلک آلمیاجاق تختیدن حق الی فکر ائتمه سنی سالمیاجاق یرده ناحق توکولن قانلاریمیز قالمیاجاق اصغرین قانی سنون تختووی تابوت ائده جک بو جلالی که وارون باد فنایه گئده جک خاریله برگ گل جنتی ظالم قیروسان حقون آئینه سینون حرمتینی سیندیروسان آغلاشور قیزلاری سن یاره لی باشی ویروسان قلبیده کینه نون او قانلی باشا نسبت چوخوموش سنده هئچ عاطفه و رحم و مروت یوخوموش صدمه ویرما او حقیقت دانیشان قانلی لبه شفق ایجاد ائلمه چهره ماه ادبه عترتین گوندوزینی رحم ائله دوندرمه شبه او امامت آئی قیزلار اونون اولدوزلاریدی سن ویراندا ملشنلر او باشین قیزلاریدی قانه غرق اولسا خیال ائتمه یوزی تار اولاجاق معرفت اهلینه بو نقطه ی پرگار اولاجاق هارا دفن اولسا ، ملائک اورا زوار اولاجاق انبیاء مرقدینون یوز قویاجاقدور داشینا دولانار کعبه کیمی بیر گونی عالم باشینا هامی عریانه ویرن جامه برد یمنی اوزینون اولمادی دفن اولماقا حتی کفنی باشی طشت ایچره دی چوللرده یارالی بدنی کسیلنده باشی دگمیشدی فقط آلنینا اوخ گور سالوبسان نه حالا جسمی کیمی صاف یئری یوخ خولی قویموشدی تنور ایچره بیلنمیشدی کوله بیلمدی حیفدی گول اوستونه کوللر دوزوله قوجا راهب یوویب عطریله ، اونی بوکدی گوله عطری قرآنی آلوب تابع قرآن اولدی درک ائدوب حقیمیزی دوندی مسلمان اولدی اوزیده قاره گییوب دیره ده چکدیردی قرا صبحه جک سینه سینه ویردی اولوب نوحه سرا او حسین وای دیدی آغلاشدیلا یورقون اسرا نا مسلمان یودی آغ خدینی ئوپدی دارادی سن مسلمانسان اگر ویرما دوداقی یارادی

#شمہ‌اےازشجاعت‌حضرت‌زینب_س #درمجلس‌یزیدملعون خیزران دگدی حسینون‌قوریان لبلرینه اعتنـــا  ایلمـدی نغمـــه‌ے یــارَبلرینه لعنت اولسون اُموی زاده‌لرین دبلرینه زینبون‌کاسهٔ‌صبری‌جالانوب، ‌اسدی اودم دئدی ظالم او دوداقلاره ویروب بوسه ننم دوردی فــــورا ایــاقــا نــائبــهٔ فخـرِ ‌زنـان شیرِ تک غُرّش ائدوب خواهر عبّاس جوان چوخ شجاعتله خانم سوزلرینی قیلدی بیان بویوروب بسدی اهانتله دولاندیرما زبان کَس سسون ای طلقازادهٔ آشفته روان ای یزید آچ گوزوی منده بو تاب و تبه باخ خیزرانیله قانا غرق ائلیوبسن لبه باخ غصّه‌دن گوزیاشی القانه دؤنن موکبه باخ اوجالان نغمهٔ تکبیر و دَمِ یاربَه باخ آسمان عَلَویده بو گوزل کوکبه باخ نَسَبیم هاشمیدور بو نَسَبِ اَطیَبه باخ آل هاشیمده اولان غیرته باخ منصبه باخ بیز شهادت طلبوک سن بو درخشان دَبَه باخ آتام حیدردی آنام فاطمه اُمّ و اَبَه باخ زینبی شیر بِجَردن عَلَوی مکتبه باخ او خدائیکه شرف عرش مُعَلّایه وئروب تپراقی دشت و کویره، سویی دریایه وئروب هر کسه اوز چیخاری قَدْری خمیرمایه وئروب بیز بنی هاشمه ده غیرتی سرمایه وئروب یِدّی قارداش گوجونی زینب کبرایه وئروب #رحیم_فیضی_اردبیلی

شهادت حضرت رقیه (س) .   . علومی تبریزی . . آدی رقیه دی سنّی صغیره دور او بالا حسین قیزی اوزی اما مصیبتی کبرا . خرابه نین قاپوسوندا دوراردی افسرده توکردی اشکنی آهسته عارض زرده . کچن اوشاقلارا بیربیر باخاردی اول گل یاس گورردی اگنینه قزلار گیوبله تازه لباس . دیردی آه منیم زیب و زیوریم واریدی مدینه ده نچه زر دوز معجریم واریدی . هزار حیف او گونلر دولاندی خوار اولدوم خزان یتیشدی بیزیم باغه گل کیمی سولدوم . دینده عمه مه نولدی آتام که دوشدوخ اوزاق دیر سفر ایلیوب صبر ایله قزیم گله جاق . دینده من عموم عباس هانی که یوخ اثری دیور عموندا آتاوین اولوبدی هم سفری . خیال ایدور اوشاقام بیر خبر یوخومدی منیم ولی اوزوم بیلورم اولموشام جهاندا یتیم . بو دللریله او قز صبح وشام آغلاردی باخاردی عمه لری سینه سینی داغلاردی . او قدر آغلادی قلبی ملالیله دولدی بابا بابا دیدی آخرده غصه مرگ اولدی

#شمہ‌اےازشجاعت‌حضرت‌زینب_س #درمجلس‌یزیدملعون خیزران دگدی حسینون‌قوریان لبلرینه اعتنـــا  ایلمـدی نغمـــه‌ے یــارَبلرینه لعنت اولسون اُموی زاده‌لرین دبلرینه زینبون‌کاسهٔ‌صبری‌جالانوب، ‌اسدی اودم دئدی ظالم او دوداقلاره ویروب بوسه ننم دوردی فــــورا ایــاقــا نــائبــهٔ فخـرِ ‌زنـان شیرِ تک غُرّش ائدوب خواهر عبّاس جوان چوخ شجاعتله خانم سوزلرینی قیلدی بیان بویوروب بسدی اهانتله دولاندیرما زبان کَس سسون ای طلقازادهٔ آشفته روان ای یزید آچ گوزوی منده بو تاب و تبه باخ خیزرانیله قانا غرق ائلیوبسن لبه باخ غصّه‌دن گوزیاشی القانه دؤنن موکبه باخ اوجالان نغمهٔ تکبیر و دَمِ یاربَه باخ آسمان عَلَویده بو گوزل کوکبه باخ نَسَبیم هاشمیدور بو نَسَبِ اَطیَبه باخ آل هاشیمده اولان غیرته باخ منصبه باخ بیز شهادت طلبوک سن بو درخشان دَبَه باخ آتام حیدردی آنام فاطمه اُمّ و اَبَه باخ زینبی شیر بِجَردن عَلَوی مکتبه باخ او خدائیکه شرف عرش مُعَلّایه وئروب تپراقی دشت و کویره، سویی دریایه وئروب هر کسه اوز چیخاری قَدْری خمیرمایه وئروب بیز بنی هاشمه ده غیرتی سرمایه وئروب یِدّی قارداش گوجونی زینب کبرایه وئروب #رحیم_فیضی_اردبیلی

استمداد از حضرت زهرا در شهادت حضرت رقیه(س) زبانحال حضرت زینب س ایاقون ئوپدی حسین کرب وبلایه گده سن یومِ عاشوریده اول قانلی منایه گده سن ئوپورم منده الون بذرِ محبت اکسن اولسا امکانی اگر شامه ده بیر باش چکسن دئمورم باشیمیزه کول توکولنده گلَسن دئمورم قامت لیلا بوکولنده گلَسن بالامین رختینی غساله سویاندا گل آنا اوچ یاشیندا نَووی قبره قویاندا گل آنا توکدی سویی غساله ایسلاندی قراتلر ایسلاندقیجا تللر آغلور قره معجرلر سسلندی خانم زینب غساله الین ساخلا زینب گوزونی اوپسون اونان کفنین باغلا (زینب دیدی قیزیم دردین ندی؟ دییر بالانی دانشدردم الیمی چکیرم باشنا جواب منه ویرمیر. قیزیم رقیه آی ننمه بنذر بالا سنون نیوندی بو گئجه؟ دیدی عمه جان یاپش الیمنن ایسترم گیدم بابامن دیدارینه ایلشدی دیدی عمه سنده ایلش یورقونسان یورقونام دیدیم رقیه به نیه منه جواب ویرمیرسن دیدی عمه الیوی قوی یوزومه ) عمه با سمت چپ صورت من حرف نزن سیلی زجرگرفته شنواییه  مرا آنجا رقیه فهمید بابا دوبخش دارد بخشی بروی صحرا بخشی بروی نیزه آی قلبیمون قراری لای لای رقیه لای لای عاشقلرون نگاری لای لای رقیه لای لای سینم سنون یروندی تپراقلار اوسته یاتما آی خوش صدا قناری لای لای رقیه لای لای الله نگاریم ئولدی دل خسته یاریم ئولدی قالدی الیم بلیمده دارو نداریم ئولدی لای لای یارالی لای لای #خرابه_شام #شهادت_حضرت_رقیه_سلام_الله_علیها

#خرابه_حضرت_رقیّه_س #زبانحال_حضرت_رقیّه_س #به_راس_مطهر_حضرت_سیدالشهدا_ع 》《》《》《》《》《》《》《》《》《 بابا سن گیتدون اما آتش هجرانه من یاندیم اولوبدور منزلیم بو گوشه ی ویرانه من یاندیم یتیمه قیزلارین گویلون آلاللار رسم عالمدور انیسیم روز و شب ویرانسراده غصه و غمدور سسیمه سس ویرن یوخدور منیم ،بیر تک بو عممدور بی بیمدور شمع محفل، من اونا پروانه من یاندیم او گون کی سن خِیَمدن آیریلوب گئتدون ملالیله منه بیر سوز دیدون رام ایلدون شوق وصالیله دولاندیم چوللری مجنون کیمی آشفته حالیله گیجه گوندوز او گوندن گردش دورانه من یاندیم یارالی باشووین آردینجا منده چوللره دوشدوم دولاندیم کعبه ی مقصودیله تا دللره دوشدوم بو یولدا بیر نچه یول ناقه دن اما یئره دوشدوم دایاندی نیزه ده باشون گلوب افغانه من یاندیم الینده تازیانه دشمن بی رحم و بی پروای امان وئرمزدی بیر لحظه دییم من اصغره لایلای چکم ناله، دییم جدّیم شبیهی اکبره ایوای گلوبدی قمچی لر هر بیر زمان جولانه من یاندیم بیر عده یئتمدی شامه بابا یولدا دوشوب ئولدی خدنگ غم دل آل رسولی ظلمیله بولدی گلنده شهره شام اهلی شمادت ایلدی گولدی بئله بیر میزبانه اُفّ اُولا، مهمانه من یاندیم نه مدتدور یانوردوم من سنون نار فراقینده خوشیدیم من بو مدتده وصالون اشتیاقینده گلوب ایندی کسوک باشون یارا واردور دوداقینده باتوبدور صورتون گوردوم سنون القانه من یاندیم سفردن شه گلنده رسمیدور کی یار و اعوانی چخاللار پیشوازه تا اُولا اِعزاز شایانی سنه من پیشوازه چخمادیم عفو ائت بو نالانی گذشت ائت اولمادی بیر مجلس شاهانه من یاندیم گلوبسن بو گیجه دیداریمه ای شاه زهرا خو بهشت عطری گلور سندن مُعطّر بیر گل خوشبو یازوب بو سوزلری حاجت امیدیله بیزه "دلجو" گیجه گوندوز اونون اشکی آخور دامانه من یاندیم اصغر گلمحمدی متخلص به دلجو @turki_nohemajma #کانال_ترکی_مجمع_الذاکرین