✳️ شعر زاغ و روباه در قرن جدید : " زاغکــی قالب پنیــــــری دید به دهان برگـــرفت و زود پــــرید بردرختــی نشست در راهـــــــی کـــــه ازآن می گذشت روباهــــــی روبـــــه پرفــــریب و حیلت ساز رفت پــــــای درخت و کـــــرد آواز گفت بـــه به چقدر زیبــایـــــی چـــه سری چـه دمی عجب پایی پـــــرو بالت سیـاه رنگ و قشنگ نیست بالاتـر از سیاهــــــی رنگ گرخوش آواز بودی و خوش خوان نبُدی بهتر از تو در مرغــــان "1 زاغ سرگرم گـوش کـــردن بود سـر تکانیدو بـال و پــــربگشود زیـــــر بـالش پنیرکـــــرد نهــان روبهک شد زکــار اوحیـــــــران گفت ای غــافل از روند زمــــان سخت مـاندی میـان جهل نهــــان کهنـه شد آن حکـایت و نیــرنگ بـرو ای بیسواد بــی فـــــرهنگ قصــه ی کهنه ی قدیمــــــی را خــــوانده ام دور ابتدائـــی هـــا سود بــــردید ازجهالت هـــــا فقــــــرفکری و ازحماقت هـــا عصر اینترنت و فضاست عمو نیست چــونان گذشته ها هالو! پشمکی، دور دور رایانــه است زاغ امروز بیش فـــرزانــه است درس خواندیم سال هـــای دراز آن حماقت دگـــر نیاید بـــــاز دانشــی زاغ عصــر اینترنت نیست چون پیش صامت وساکت جنگلــی مانده ای و نـــــاآگاه غافل از درس وبحث و دانشگاه زاغمـــــردان همه پــــژوهشگر! زاغ زن هـــا مساوی همســــر فکرکـــــردی که حیله های شما مـــــی کندهمچنان اثــر برما؟ آری، این زاغ هـــــای دانشور اوستــــادند جملـــــه درکشور زاغ امـــروز زاغ احمق نیست ساده و بـی اراده و لق نیست اهل علمیم و درخــور تحسین راه خودگیرو رو همین وهمین متمدن شدیم و بافـــــرهنــگ بی اثر پیش روی ما نیـرنگ جای تزویر رو پــی تحصیل روبــــهِ زار و بینوا و محیل پس سرخـــود گرفت در بالا گوشه ای خواند از ردیف نوا از نـــوا رفت کم کمک درشور! دلکشی خواندو رفت درماهور گفت این هم ســرود و آوازم دیــر شد وقت سیرو پروازم! زیر بالش بـــرون کشید پنیر قورت دادو فــروکشیدش زیر گفت بی رنگ شد حنای شما نیست پای درخت جــای شما بال بگشود و پرکشان شد دور روبه افتاد از فسون و شعور! #حجت‌الله_حیدری‌سوادکوهی ⭐️ به کانال #اخبارلفور بپیوندید 👇👇👇 @akhbarelafoor 📱 رسانه باشید کانال #اخبارلفور رو به دوستانتون معرفی کنید 👆👆👆👆👆👆👆

درود برارون خواخرون انجمن قلم شمال برگزار می کند رونمائی و جشن امضا کتاب «عروض با نگرشی به موسیقی» #نویسنده #حجت‌الله_حیدری‌سوادکوهی #زمون_یکشنبه ۲۳ مهر #گدر_ساعت ۳ تا شش #گذر_قائمشهر_خیابان_ساری_پارک_ولیعصرسالن_آمفی_تئاتر_کتابخانه_جمشیدی 🔰 به کانال #اخبار_لفور بپیوندید 👇👇👇 @akhbarelafoor 📱 رسانه باشید کانال #اخبار_لفور رو به دوستانتون معرفی کنید 👆👆👆👆👆👆👆

✳️ شعر مازندرانی ترجیع‌بند " شوسیوئه " 8⃣2⃣ بند بیست‌وهشتم ثل لمپا وشتم و سوکــــــردمه عین مردم روزّه من شوکردمه گنم تیم داشتم و لتکـــــــــا دلـه من ندومه ای چراجوکردمه؟! سرخ شاهک داشتم و امس دو گالشی با چنتا منگو کــــردمه سر ره شه جر گیتم وچشه دَوس عمره انتی روزوزوشو اوکردمه وختی نامردونه دیمه کار ســــر هفته هفته سوتمه ، تو کـــردمه چنه بون مشملی کنـــــــــه ولی یک زمونی مثل گل بوکـــردمه هرسواهی زومه سر افتاب جور دیم به مغرب خش خشون روکردمه شوسیوئه گــــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتی دین آرزوئــــــــه جان مار؟ 1374/8/18 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه #بند_بیست_و_هشتم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه " 9⃣2⃣ بند بیست‌ونهم هـــــــرکسی ایمون بیارده بورده لو اون که ایمون ناشته کرده کنگ سو اینّه کـــه دونی ، تره بوّم مگه؟ باتیلندو ننشنــه بیـــــری وضو دنگ چــال اوج وِر پکــی دنه کنــه ورزا ماس وسه دو به دو مشک وعنبر خاره ناُمه بونکن تــــه ونوشه خیل بتّر کنــــه بو کـــــی گنه بیه کناری مه فنـــر؟ پت پتی بیـه ولیکن کنــــــه سو با دتا منگو تــه کلز نانـه مشت عمره مفتی خرج هکردی مش ببو تاشه ایمونــــه نداری مرد نــــی یـــــــرفـــــع الله الــــــــذین آمنوا شوسیوئه گــــوسیوئه جــــان مار  این خنه خوا مس خوئه جان مار خوامّه بوم کی به کیه کی به کی انتی دین آرزوئــــــــه جان مار؟ شاعر :#حجت‌الله_حیدری‌سوادکوهی #شعرمازندرانی #ترجیع‌بند_شوسیوئه #بند_بیست_و_نهم 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه " : 6⃣9⃣ بند نود و شش چشمه، جنگل، دشت و کوره کمه ونگ اون تــــلارِ مشت اوره کمـــــــه ونگ نون، پـــــــلا، امیــد واری، آرزو اتا کترا ماس و دوره کمـــه ونگ هــــی تجمّه نون وســه ماه وسال اته خار روز و شوره کمـه ونگ دومه داری نَجمنه اون ملک ســـر من ولی رمضون ببوره کمه ونگ شوسیوئه گـــــــوسیوئه چش دَوس اته لمپا مشت سوره کمـــــه ونگ شهر ور، نا چشمه وینــــی نا چلو من شه سر پیش چلوره کمه ونگ شوسیوئه گوسیوئه جان مار این خنه خـوا مس خــوئه جان مار خــــــوامه بوم کی به کیه کی به کی انتــــــی دین آرزوئـــــه جــــان مار؟ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه #بندنودوشش 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه" : نیشته درون کنه شه کرکونه هیش اینجه ور نانه کسی بپر هنیش تا شه جیف دارنه، نیه محتاج کس اینه که دنیاره هرگز نی نه ریش او ونه پیش،بینج و گنم پشت بوم دشمن دل لاب ولیب وآش ولیش دل بخواهــــه کنه وا روجین ودر دل نخواهه هــــــردتاره کنه پیش دسه این و اون پیش بـــی تن بده تن ره آجیش یارنه نامردون نیش چون که جیف مشتسا آرومه خیال دشمن این آرامش جا خرنه شیش گنه زود تر بند انــه جخت شلاب کی بونه تا خش بگردن ورگ ومیش شوسیوئه گـــــــوسیوئـه جان مار این خنه خوا مس خوئه جان مار خوامه بوم کی به کیه کی به کی انتـــــی دین آرزوئـــــه جان مار؟ 12/6/1381 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه" : آسمون غظ دانـــــه میها کنه لج دیر وارش راهه کم کم کمه کج آدمــــــی سازش پذیره روزگار مثل میوه آدمی هم زنـــــــه پج رسم دنیائـــــه ونه دین ولـــــی تا دری هسی همین عمر په تج مرگ انه هرجا دواشی عاقبت اینجه، لاکوم ، لرزنه یاسنگرج اتا دسگردون جا مشتی اِنـــــه اتا هسه محـــــرم هرساله حج نوم آدم موندنـــــه دمبال ســــر مثل ته انگوس مال، ته دسّ رج دیم به مغرب روهدا آفتاب عمر تا به اینجه عمر حجت نی ته غج شوسیوئه گــــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتی دین آرزوئــــــــه جان مار؟ 12/6/1381 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند "شوسیوئه " : بند 2⃣0⃣1⃣ وختی ویمــــه آشنایون دنـــــه ور دومه راحت، چی گذرنه پشت سر حف که گودینگونه آزادی ی باغ ننشنه دیگر بکوسن شه په خــــــر منزل سر، گالش وماس و کباب؟! تف به ریش گالش نامـــــــرد شر کار ورزا هسا منگــــــوی وشــل کی دکاشته؟ کــــی بَورده باروکر؟ آبرو مثقال به مثقال بیــــــــه جم دانه هرکس این متاع ره شه پکــر اون دتا کل مـــرغنه شت در بمو وسه پلتیک وسه مردم نی نه خر چاج کله وختی بیـــه لاکوم صدا من پل او رد نوونـــــه فیل نــــر! شوسیوئه گـــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتــــــــی دین آرزوئه جان مار؟ 20/6/1381 شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند " شوسیوئه " : بند 3⃣0⃣1⃣ من خدا دونه ته جــــــــا خارسمه تا قیامت هم تــــــــه غمخوارسمه این زمونِ قحطی ی خشک سلوم تا سواهـــــــی تسه ویشارسمـــــه سر ره راس دارمه خداره پیش رو انتطــــــار آخــــــــرکـــارسمـــه مهـــــربونی هرکجه دانی نشون مر بئوحتماٌ خــــــریدارسمـــــه اتا قیلون نیمه غافـــــــــل تا اسا فکرشه پـــــر فکر شه مارسمـه ظاهراٌخندونمــــــه باطن ولــــی ناخش و بــی حال وتب دارسمه دل هلاله جاره بیرون سبز دشت جنگل من عین ســــــــردارسمه. شوسیوئه گـــــــوسیوئه جان مار این خنه خوا مس خوئه جان مار خوامه بوم کی به کیه کی به کی انتـــــی دین آرزوئــــه جان مار؟ 21/6/1381 ✍ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند " شوسیوئه " : بند 6⃣0⃣2⃣ من ته خواهونسمه اما ته نا مرد ایمونسمه اما ته نا من بدو خوب میون کمه گذر خیل انسونسمه اما ته نا گل تتیمه ارکما ، سرما دله شادو خندونسمه اما ته نا سال های ساله که دس زمون مات وحیرونسمه اما ته نا من خدره خوندمه آزاده مرد اهل ایرونسمه اما ته نا بَیمه اسّا روزگار دس بن مشت ارمونسمه اما ته نا شوسیوئه گوسیوئه جان مار این خنه خوا مس خوئه جان مار خوامه بوم کی به کیه کیه کی انتی دین آرزوئه جان مار ✍ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر مازندرانی ترجیع‌بند " شوسیوئه " : گلببو درشونه لس لس انگلیس دارنه پاسپورت و مدارکّه شه میس مر گنه سختسه ایران زندگی بیّه کشور جای اهل لفت و لیس باُته من دمبال دانش گردمه انگلیسی خوندمه دت، ایز، دیس باُتمه خارسه دانش ، یاد اٍنه؟ کردی شه گسفنّه هی، هی ها و هیس باُته شو مه تا که بوم موندنی اینه کمه این آفیس واون آفیس باتمه سر بشتی شونی گلببو کی ونه کشور ره داره راس وریس؟ با ته لیسن اکسیوزمی مای فرند! این وطن ته خوا دواش اینجه بپیس شوسیوئه گو سیوئه جان مار این خنه خوا مس خوئه جان مار خوامه بوم کی به کیه کی به کی انتی دین آرزوئه جان مار؟ ✍ شاعر : #حجت‌الله_حیدری‌سوادکوهی #شعرمازندرانی #ترجیع‌بند_شوسیوئه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

#دوبیتی_تبری خَله‌ِ ساله که دل، کنّــه گلِ بو خَله‌ِ ساله شِه تنهایی شونه کو خَله‌ِ ساله نَدیمــه گــوپِنــو ره خَوِر دارْمه اِسـا کو نَشونه گو! #برگردان_فارسی👇 سالهای زیادی است که دل بوی گل می‌دهد سالهای زیادی است به تنهایی کوه می‌رود سالهای زیادی است گاوبنه را ندیدم میدانم حالا گاو به کوه نمی‌رود ✍ #حجت‌الله_حیدری‌سوادکوهی #شعر_تبری 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر تبری " اون قدیما "  نیمایی مازندرانی اون قدما همه چی دیه شه جا هرکه شه مرز رج سر شیه راه مهربونی چش پیش دیه ته دی بزونه بوردنه اون خاطره سازون،  چی بموندسه بوینم دکفم یاد قدیما؟ اون قدیما امه صحرا که ونه دار چلا چو شیه تا عرش خدا دس به دعا خاطره داشته دارسر بلبل حونش ونه ور کوکی ی کو کو همه باهم گتنه هسنی و قصه، امه داشتی و نداشتی، امه افرا امه اون سبزه ی وسه. قصه ی کاوه وضحاک وفریدون قصه ی شاه پریون، قصه ی قارن و وندا امید امه اسپهبد قصه،مازیار ، شهریار امه وسه امه بلبل امه قصه،امه محله،امه غرسه امه وسه،غلطه؟ دشتِ صحرا بیه شوکای پرش کل وبز، زرد پلنگ و اش وورگ و خی وشال، همه باهم تتنه. پیته صحرای میون گوی چمر لم و لتکا بیه ایای مجش بهاره کرده تیرنگ ونوشه مشت گلام اوجی ی بو کیله لو کرده سلام خار خارک اون گوشه نیشت بیه زولنگ سرسم بو دیاری دا تره ونگ داربن ،سنگ میون، کوه دله، در زوئه او، چشِ اسلی ی واری کته روش، کشیه راهّه شیه بابل دوش شیه این ور اون ور اموئه راسه تلار، راسه هراز، راسه تجن شیه سجرو ،  همه تا ، بال به گردن شینه دریوی کشه. گوفراوون بیه صحرای میون هرکسی خواسه شه وِرداشته کتول شیرو سرشیرو کره منزل سر فتّ و فراوون گوجمر، تال صدا ونگ تلا ،  دم به ساعت اموگوش جنگل و محله مره یادسه امه کو-لاکوم - سنگرج،لرزنه ور تا به سرین، لیندو الاشت، کنگلو گردن سر، سمت چرات  تا رجه باُ کل سوادکو همه ی کوه و کمر،  تاته چش کرده کنار،  گسفن و گوکرده چرا همه جا بع بع و مع مع بیه مشت للـه وا کرده صدا همه ور چرده فراوون همه ور مشت علف بزو گسفن، گوی انگل پر شیر کی شیه پوسه ی وسه کی شیه مغزه ی وِر؟ هج کسی دارره نزو بزو بو اتا دِ تا ده تا قتل عام؟! نا ولله ناهرگز،که خدا شاهده دونه. اون قدیما  همه دونسنه که جان خدا وینه وشونه. زندگی نوج زوئه صحرا دله مثل این نخشِ علف اون دره په زندگی نوج زوئه افرای واری وختی مه جان سواد کو انه یاد وختی که ویمه غم وغرسه همش کمه کوفا اتا مر نانه چیه دل درد شندنه پت پت اسلی دِتا چش، سخته مره زندگانی خله خاره اگه ته دل بوه خش فکروذکرودل وچش بوه درس مشت ایمون بوئه دل آدم دس برسه تاونه تک. اون قدیما سر شو ماه ، مثل هر دورو زمون شه زونه دائه یور کم کمک لشته سیوئی ره درس ستاره در امو این ورون ور زوئه سوسو زوئه چشمک آسمون مثل کهوجل ونه تن تیب تیب میرکا کشکشون هم زوئه خنده اگه دل دی بو امید اون قدیما همه چی دَ یّه شه جا بئو شال یا به قولی روک شال زوزه زوئه گتنه ای کی بمرده؟! وک غرغر اموئه دشت روآر دل وس سک لوئه کرده دیاری بوی نون پیتئ نماشون همه ور همتی بوی پلا چاشتِ گدر خنه سر هیمه ی دی خورِ مردم دینه مدام ، ورده تا عرش خدا همرکت داشته شه پرکای دله اتا کم برمه واره دل گب خیلی فراوون سه چهار پنشتاگوآل شکرو عبادت دی یِ همرا نداری مردم جا داشته رفاقت مردمون درونِ سر گب زونه باهم گتنه ایل و توار خورو پاکی ی شه اصل و نسبّه. سره سر ناشته حصار ناشته پرچیم و پرن،     هنّ و هلوم ، لوش و کلک کوچه سر، تیل و تپیل، دسّ وپه مثل چچیکل فنی زک درائیت اموئه لوشه ی پشت. پیر مردا بینه گت پر،گت پا،دایی عامی پیر زن ها همه گت مار، خاله،عمه،عامی زن یا دای زن ، یا دوسّی سک وسول دای وچه ، عامی وچه یا خرزا برازا همه همدیگر خواهون، همه همدیگرفامیل، محرم شه فقیری ره رسد کردنه باهم شه میون دین و ایمون چشِ پیش دیه ته شه دی. مثل راسّی یُ صداقت مثل افتاب، یاهمون جنگل جور، سبزه ی جور شه نمازه همه خوندسنه بادل پاکی شینه تا اهل قبورفاتحه خون تکیه سر سینه زنی هرکه داشتبو شیه مشهد پاندا بو شینه عبدالحق زیراب سوادکو شینه آ مل شینه ساری خواسّنه عرض ارادت هاکنن نسل رسولّه شه نبی ره شه وصی ره وشون زا و زکاره شه امامون ریکاره،حضرت فاطمه زهرای بتولّه مردم دل بیه دریای واری پاک وزلال مثل مازرون واری سبزو وشا، اون قدیمای خور درگمه نا این گدره. خله حرفسه نداشتی ی دله دس و دلبازی ومردانگی و عزت نفس. اره انتی بیه اون دور قدیم  ونه بوردن که جهان جای عبوره منا ته هرده ی جا یک وجه گوره چه که این رسم زمونه اون چه اون خاطره هاره و نه مه یاد بیاره بزونه بوردنه هیاهیا وختی مریادانه اون دوروزمون غرسه میهای واری نیشته مه جان و دل سر چش اسلی انه یور روش کشنه، جر انه تب تب بیصدا  راسّی راسّی چی بموندسّه بوینم دکفم یاد قدیما؟!        25/4/1373 #حجت‌الله_حیدری‌سوادکوهی #شعرتبری #شعرمحلی_مازندرانی #شعر_نیمایی_مازندرانی 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر محلی مازندرانی درباره #بهارمازندران      #قصیده گونه_مازندرانی ورف نفس بن بمو درانــــــــه لس لس بهار اون شونه باغ ولته این شونه دشت و روآر پس بزو اسپه میـــــــا بوردنه سرخ و سیو بیه قلــــــی آسمون هسه دیــــــــاری دیار اون سرکــــــــو ورف او دریوره کنـه هدار کف بـــــزه دریـوی او روش کشنه تا کنار برمه گلی ورف ویخ خنـــه زنون گل تتی این وره بلببل سروش اون وریــه غارغار ممرزبن زنجیلک خوند نا سرسر تیکا این گله بن نرتلا اون گله بن کـرج مار نوج بزو اسپه تتـی لالــه بمو سرخ تش مثل طلا زرد گل سید جــل سبزه جــار نا دمشه نــا اوزر ناخــــورِ ورف ویخ نا اثـــــرِ لرزو تو نا بونــه ته دس کتار گل همه رنگی دره بو انه صحرای ور غنچه همن تا همن سبزه دوس کوهسار بلبل خونش انه دشت زمون گـــــــوش بن درسه عسل ماز کـارهی تجنه هشت وچار فصل بهــــــاره ننیش موقع کـــــاره ننیش دون کــه هنیشتن نیه این گدری تِسّه خـار کایّرسر هـــــرکسی بادل و جـان کنه کار اته بونه دسمره اته دیگــــــــر چاشت یار غرسه ره شه دل نکن خنّـــــه ره شه دیم دکار من که تره دارمه دوس پس ته چه نی مه برار؟ فصل بـهــاره اســا موقعِ  کـــــاره اسا فکر زمسون دواش هسـه اسا وخت کار گالش دوش تورکله کـاسب دوش سـر بلو اون شونه‌شه چرده‌گیر این انه شه تیم جار قــــد بلاره ببـــو برکت دسِّ گـــــــره  گوره بَور گوخسون گوکه دون کل تلار کـاسب د سُّ بلومعجــــز عیسا دنه مرده پلوج زمین  زنده درانه شوآر عشقه امه بینجِ تیم عمره امه بینجِ جار فصل بهارسه هی تیمه زمی سر دکار فصل بهاره برارغرسه ره بهلین کنار بل برسه آسمون شونگ وشِوَنگ وهوار غرسه نخر نرزنه عمره هدی غرسه ور ای اگه باشه بهارسبزِ جمه خشک دار حجت مازندرون نشته شه ســـر ادعا کنه به شه مردم وگــــــویش جا افتخار     26/3/1339 #حجت‌الله_حیدری‌سوادکوهی #شعرتبری #شعرمازندرانی #بهارمازندران #قصیده_گونه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید

📝 شعر محلی مازندرانی " راسه نمیر بهار انه " :      #قصیده_گونه_مازندرانی هوشته مره پلای سر گنه تنٍ نگار انه سفره ره جم نکن نَوِر، یاره سرٍ نهاراِنـه در‌ انه دس پا هکن بور همه ره صدا هکن چکه بزن سما هکن سرزده باوقار انه تشته بَور لگن‌بیار طبل و دِ سَر کُتن بیار دشمن وٍرکفن بیار بُورده ی پار پِرار انـــه دهره بیارگلن‌بزن گـو ره بَور همن دَون  خارک پیرهن دَکِن یارٍسمن سوار انـه لمتک و متکا بیارکاسه و پیله‌کـــا بیار بزکل و جونکا بیار مظهر کــردگار انه زهره انه روجـا انه نقــره انه طلا انه خنده انه صفا انه جلوه ی شام تار انـه لینگٍ نشون گنه انه دسّ و دهون گنه انه  دور زمون گنـه انه  بلبلٍ بی قـرار انه اسپه میاره با نرو وارش و واره با نـرو سردٍ هواره با نرو چـرده دوسه دار انه حجله نشین هلی‌ره باُ ممرزو ولولی ره باُ پج بدا انجلی‌ره باُ ککی و ککی‌مار انــه غرسه نخر سوا انه روز دهـــون الا انه یاره؟ بئو خدا انه دلبر غرسه خــوار انه چله شونه میا شونه وارش وورف ووا شونه چکه شونه سما شونه یاره تنٍ کنار انـه سبزه پرس چمن پرس درّه پرس همـن پرس مرده‌ی درکفن! پرس چله سـر بهار انه زرد کلاکئـی انـــــه سرخ اَیــی انــــــه ورف دهــــون هئی انــه باغ انه نپار انـه تازه بچا بچاره باُ تــرنه ونـوشه هــاره باُ پهلم وگند یماره باُ سوزی ی سبزه زار انـــه درد انـه دوا انه عشق انـه جفا انـــه برمه وونگ ووا انه غرسه ی بی شمارانـه ظلـــم دره سـتم دره محنت دمبدم دره غم دره گاهه کم دره گاهه هزارهزار انه لالــه همن همن انـه سنبل و یاسمن انه قاصدک چمن انه ســرخ تتی انار انـه حافظ خش سخن گنه عمرٍ دراز ره بخوا راسه نمیر بها رانـه کمبزه باخیـار انه این همه ره‌فنا بوین همّه‌ره جا بجا بوین جای همه خدا بوین عشقه که پایدار انه حجت دل دماغ دور باتـه امید وار باش عمر نٍنه زمون نٍنه گـردش روزگار انـــه. #حجت‌الله_حیدری‌سوادکوهی #شعرتبری #شعرمازندرانی #قصیده_گونه 🔰 به کانال اخبار #لفور بپيونديد 👇👇 @akhbarelafoor 👆 با ما همراه باشید