📜 شعر محلی مازندرانی "تیرِ ما سیزّه شو تِه رِه مِوارک؛تِه دل خِش بوشِه آ تِه سر سِلامت " : لالِ شو : بَگِردِم مِن شِه مِلک آ شِه سامونّه مَلِهِ گَت آ خورد پیر آ جِونّه مازِندِرون هَمیشِک سبزه زارِه سِوادکو چِشِ سو دلِ قِرارِه دومبِه پَئیز هَسّه امّا بِهاره مِوارک بوشِه لالِ شو شِما رِه تیرِما سیزّه شو بِمو دِوارِه اَتّا لال هَسّه اَتّی لالِ مارِه مَلِه رِه سر بَزوئن تا صِوائی لال اِنِه لال اِنِه وِشونِ کارِه شعرخون لال بِمو خوندِسّه کَلِک سر لالِ دَس توتِ شیش آ شعرخونِ وَر دوشتورِه دار اِس کِردِه درِ گِندا اَنام گیتِه شیشّه دِمدا دَمِ در نِماشون تا سرِشو تا صِوائی گَپ آ خوندِش بِیّه خنده خِشالی اَتّا خوندِسّه که مِن تِه بِلارِه دشمِنِ دل بَتِرکِه بَوّه پاره اَتّی دیگه وا کِردِه لَلِه وا رِه خوندِسّنِه سر دانِه شِه صدا رِه پِشتِ زیک اَغوذ چِکِه سِرخِ اِنار سِفرِه سر دَچی بِیّه دل بیّه خار تندیرِ گرمِ نون آ تازه کِلوا همِتی اِشائی تِه دل بِیّه وا بوم بِلو بینج آ گَندِم دَیّه آ جو شیشّه دِم دانِه که برکِت بِمو بو همون تا شیش اُندِه دَیّه بومِ لو اَئی سال دیگه بَرِسِه لالِ شو وِنِه زنده داریم اون سال آ ما رِه دَس به دِعا شُکر هاکِنیم خِدا رِه وِنِه دور دور هاکِنیم شِه کَشونّه گوم نَکِنیم شِه نوم آ شِه نِشونّه تِه چراغ سو بوشِه مِه آرزوئه تِه دلخِشی داری مِه لمپا سوئه 📄 شاعر : علی شهمیری سوادکوهی #شعرمحلی_مازندرانی #شعر_تبری_مازندرانی #تیرماه_سیزده‌شو ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 📡✦‎‌‌‌࿐჻ᭂ🇮🇷࿐჻𖣔༅═─ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─

📜 شعر محلی مازندرانی برای تیرماه سیزده شو: لال بِمو لال بِمو ، پیسّه گِنده خوار بمو ، پار بُوردِه اِمسال بِمو . تیرما سیزِه ( لالِ شو ) شِما رِه مِوارِک . شعرخون لال بِمو خوندِسّه کَلِک سر لالِ دوش اَتّا پِشتِه شیش وِنِه وَر دوش تورِه دار خِشالی جا گیتِه پَر اَنام بَیت بو شیشّهِ دِم دا دَمِ دَر .............................. بُوم بِلو بینج آ گُندِم دَیّه آ جو شیشّهِ دِم دانِه که برکِت بِموبو توتِ شیش اَندِه کَدبیّه بُومِ لُو که تا سال دیگِه بَرِسِه لالِ شو ................................. پِشتِ زیک ، اَغوذ چِکِه ، سِرخِ اِنار سِفره سر دَچی بِیّه دل بِیّه خار بِرو هارِش چه بِک آ بوئی کِندِه مِرسِ دُوری ی دِلِه پیسّه گِنده 📄 شاعر : علی شهمیری #شعر_تبری_مازندرانی #تیرماه_سیزده‌شو ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 📡✦‎‌‌‌࿐჻ᭂ🇮🇷࿐჻𖣔༅═─ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─

📜شعر محلی مازندرانی برای تیرماه سیزده شو: دِواره لال ِشو بِمو نمویی پیسِّه گِنده جِلو بِمو نمویی پِشته زیکا کِنِسا بَئو دونه تِه خاطر مِنه رو بِمو نمویی اَرمونِ تِه بَپِتِ دَسِّه پِلا تِه آغوز خِرِشا تِه سیو حِلوا شب چِره وَلیکا پَک پَکی دَس نون اِنار و سِه و سِمیشکه فِراوون هَمه مِه پیش و مِن وِه رِه نِشمبه کِجِه دَری نِنا تِه داغ وِشِمبِه مِه زندگی دَنیّا خَله سخته بِبا هَم دَنیّا تینار نیشِم 🌸🌸🌸🌸🌸🌸🌸 🔰 دوبیتی : بَزِن لَلِه وا ره سیزِّه شو بَیِّه دَچین شَب چِره ره مه دل او بَیِّه بَوین لاله ماره دَسّه اِنار شیش بَخوند سِما هاکِن که دل نو بَیِّه 📄 شاعر : حسن رجبی #شعرمحلی_مازندرانی #تیرماه_سیزده‌شو ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 📡✦‎‌‌‌࿐჻ᭂ🇮🇷࿐჻𖣔༅═─ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─