📜 شعر محلی مازندرانی "تیرِ ما سیزّه شو تِه رِه مِوارک؛تِه دل خِش بوشِه آ تِه سر سِلامت " : لالِ شو : بَگِردِم مِن شِه مِلک آ شِه سامونّه مَلِهِ گَت آ خورد پیر آ جِونّه مازِندِرون هَمیشِک سبزه زارِه سِوادکو چِشِ سو دلِ قِرارِه دومبِه پَئیز هَسّه امّا بِهاره مِوارک بوشِه لالِ شو شِما رِه تیرِما سیزّه شو بِمو دِوارِه اَتّا لال هَسّه اَتّی لالِ مارِه مَلِه رِه سر بَزوئن تا صِوائی لال اِنِه لال اِنِه وِشونِ کارِه شعرخون لال بِمو خوندِسّه کَلِک سر لالِ دَس توتِ شیش آ شعرخونِ وَر دوشتورِه دار اِس کِردِه درِ گِندا اَنام گیتِه شیشّه دِمدا دَمِ در نِماشون تا سرِشو تا صِوائی گَپ آ خوندِش بِیّه خنده خِشالی اَتّا خوندِسّه که مِن تِه بِلارِه دشمِنِ دل بَتِرکِه بَوّه پاره اَتّی دیگه وا کِردِه لَلِه وا رِه خوندِسّنِه سر دانِه شِه صدا رِه پِشتِ زیک اَغوذ چِکِه سِرخِ اِنار سِفرِه سر دَچی بِیّه دل بیّه خار تندیرِ گرمِ نون آ تازه کِلوا همِتی اِشائی تِه دل بِیّه وا بوم بِلو بینج آ گَندِم دَیّه آ جو شیشّه دِم دانِه که برکِت بِمو بو همون تا شیش اُندِه دَیّه بومِ لو اَئی سال دیگه بَرِسِه لالِ شو وِنِه زنده داریم اون سال آ ما رِه دَس به دِعا شُکر هاکِنیم خِدا رِه وِنِه دور دور هاکِنیم شِه کَشونّه گوم نَکِنیم شِه نوم آ شِه نِشونّه تِه چراغ سو بوشِه مِه آرزوئه تِه دلخِشی داری مِه لمپا سوئه 📄 شاعر : علی شهمیری سوادکوهی #شعرمحلی_مازندرانی #شعر_تبری_مازندرانی #تیرماه_سیزده‌شو ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 📡✦‎‌‌‌࿐჻ᭂ🇮🇷࿐჻𖣔༅═─ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─

📜 شعر محلی مازندرانی برای تیرماه سیزده شو: لال بِمو لال بِمو ، پیسّه گِنده خوار بمو ، پار بُوردِه اِمسال بِمو . تیرما سیزِه ( لالِ شو ) شِما رِه مِوارِک . شعرخون لال بِمو خوندِسّه کَلِک سر لالِ دوش اَتّا پِشتِه شیش وِنِه وَر دوش تورِه دار خِشالی جا گیتِه پَر اَنام بَیت بو شیشّهِ دِم دا دَمِ دَر .............................. بُوم بِلو بینج آ گُندِم دَیّه آ جو شیشّهِ دِم دانِه که برکِت بِموبو توتِ شیش اَندِه کَدبیّه بُومِ لُو که تا سال دیگِه بَرِسِه لالِ شو ................................. پِشتِ زیک ، اَغوذ چِکِه ، سِرخِ اِنار سِفره سر دَچی بِیّه دل بِیّه خار بِرو هارِش چه بِک آ بوئی کِندِه مِرسِ دُوری ی دِلِه پیسّه گِنده 📄 شاعر : علی شهمیری #شعر_تبری_مازندرانی #تیرماه_سیزده‌شو ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 📡✦‎‌‌‌࿐჻ᭂ🇮🇷࿐჻𖣔༅═─ #آوات_قلم http://mohsendadashpour2021.blogfa.com 📡✦‎‌‌‌࿐჻ᭂ🇮🇷࿐჻𖣔༅═─

📜شعر محلی مازندرانی " بَوین چه ها،بَوین چه ها " : به روز و شو حضور دار بَوین چه ها،بَوین چه ها شِّه دلّه سویِ نور دار بَوین چه ها،بَوین چه ها اَتی مِه حرفه گوش دار،اَتی شه جا سروش دار هراسِ مرگ و گور دار بَوین چه ها،بَوین چه ها همیشه ذِکرِ یار دار،زبون و گوشّه خوار دار دو چشّه مثل کور دار بَوین چه ها،بَوین چه ها پَرت و پِلا نَأو نَأو، چون و چرا نَأو نَأو نا زَرِّ دار،نا زورِ دار بَوین چه ها،بَوین چه ها بَأو خِدا خِدا خِدا، تِه پادشاه و مِن گِدا مِره به عشق و شور دار بَوین چه ها،بَوین چه ها دِل هَس و جایِ دِلبَره، نا جای شَخص دیگره شِطونّه از شِه دور دار بَوین چه ها،بَوین چه ها اَتی شِه سَر کتی بَزِن، تِرِه نَمِّه چِتی بَزِن تو شِه عقل و شعور دار بَوین چه ها،بَوین چه ها حَسِن تو در بِرو زِ خِد، نوین شِه خِدّه یک نِخِد شِه کارِّه جمع و جور دار بَوین چه ها،بَوین چه ها 📚منبع : ابیات تبری 📝سروده : علامه حسن زاده آملی #شعرمحلی_مازندرانی #شعر_تبری_مازندرانی ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 🔎منحصرترین کانال در ایتا 📡✦‎‌‌‌࿐჻ᭂ🇮🇷࿐჻𖣔༅═─

📜 شعر محلی مازندرانی: ته دل دریا مِ دل خِشک زمینه ته خنده ته نگاه چه دلنشینه ته وسته من بزومه دل به دریا که او دریا میان مردن شیرینه   من اتا کهنه زخم بی دوامه شه تن زخم جا من آشنامه مه جا هی تپه تپه خون کلنه من اتا تیر بخرد چلچلامه هلا تِسِّه روز و شو برمه کمه همش نیشتمه بی تو برمه کمه اته شو بی خبر برو مه پلی هارش تِسِّه چه هو هو برمه کمه کَکی دارِ کِتم مه دله خو‌نه بلبل هلی سر دل ناره کنه تش هایته دل بسو ته سوجه! بسوتی سوج تش هایت ویشه دنه  شِ یاد ایونِ سر بیشتِ بوردِ شِ درده مه دلِ وَر بیشته بوردِ دِنِسِ ویشاری نیلارمِ بوری بِن نیسرِ چر مِنِ سر بیشته بوردِ  #شعرمحلی_مازندرانی #شعر_تبری_مازندرانی ─═༅𖣔❅ ⃟ ⃟ 📚 ⃟ ⃟ ❅𖣔༅═─ #پژوهش_تبارشناسی_اِدمُلّاوَند @edmolavand ﷽ 🔎منحصرترین کانال در ایتا 📡✦‎‌‌‌࿐჻ᭂ🇮🇷࿐჻𖣔༅═─