به نام خدا #شعر_ترکی #مدح_روضه #حضرت_زهرا_سلام_الله_علیها ÷÷÷÷÷÷÷÷÷÷÷÷÷÷÷÷ هـربانـو ، بـوعالَـمـدَه کی زهـرا اُولابیـلمَـز قطــره نَقَـدَر سعی اِئـدَه ، دریـا اُولابیـلمَـز خالق نظـرینـدَه ، اوجـادور هـر آنـا شـأنـی امّــا ، هـــر آنــا ، اُمّ ابیــهـــا  اُولابیـلمَـز هــر قیـز ، نَقَــدَر ، رُتبـه سی والا اُولا امّا طاهـا قیزی تک رتبـه سی والا اُولابیـلمَـز زینب یاراشار دامن زهــرایــَه کی هر قیز دنیــادَه گَلـیـب زینــب کبــــرا  اُولابیـلمَـز گرچه آدیمیـز شیعـه دور امّا بیلیریک بیز زهـرا کیمی ، بیــر ، شیعهٔ مولا اُولابیـلمَـز نیسگیـلّی آنا چُوخـدی بو عالَمـدَه ، ولیـکن گۏل مثلی صُــولان فاطمـــه امّـا اُولابیـلمَـز ایثـــار ِائلَــدی بـال و پـریـن شمــعِ  ولایـَه پـروانه دَه هـچ بیـر بئـلَه شیـدا اُولابیـلمَـز معنــا اِئـلَدی عشـق اُودونا یانمـاقـی زهــرا عشّــاقْ ئورَگینــده بِئــلَـه معنــا اُولابیـلمَـز یاندیردی جوان داغی علی سینه سین اوّل داغـلار ییغیـلا ، بـو داغـا همتـا اُولابیـلمَـز بـو آتــش کینــه یتیـشیــب کـرب و بـلایـَه عالَمـده بو صحرا کیـمی صحرا  اُولابیـلمَـز طوفان بلا صبــر اِئوینــی ییـخدی ولیــکن زینب کیمی ، هر درده ، شکیبـا اُولابیـلمَـز زینــب نظــرینــدَه بـو بـلالَـر گـۏزَل اُولـدی هرکـس ، نظـری بیـر بِئـلَه زیبـا اولابیــلمـز محمل ده باشین یاردی حسین عشقینه خاطر زینب کیمی هِچ باشدا بو سودا اولا بیــلمـز تفسیــر و بیـان درسیـن آلوبـدور آناسیـنّـان هر عالمَـه نین خطبـه سی غَـــرّا اولا بیــلمـز عالَــم باشـینـاسـایَـه سالیــب پرچـم زهــرا هر سـایه  بلـــی ، سـایـهٔ طـوبـا اولابیــلمـز درگاهــی یانان فاطمه سَـسلیر گَلَـه مهــدی او گَلَسَــه ده ، گۏل قبـری هویـدا اولا بیــلمـز ÷÷÷÷÷÷÷÷÷÷÷÷÷÷÷÷ رقیه سعیدی

❁﷽❁ #شعر_ترکی #حضرت_عباس_علیه_السلام ─‌═‎‌‌‌‌‌‌༅࿇༅🌼༅࿇༅═‎─‌ هر گؤلؤن بیر عطری وار ، اما گؤل یاس آیری دور عاشقین قلبینده کی دریای احساس آیری دور هر داشین وار قیمتی ، اما ابالفضل عشقینه گؤزیاشی قیمتلی دور چون اشک الماس آیری دور دین یولوندا گرچه واردی چوخلی پرچم ساخلیان رسم پرچم ساخلاماقدا ، دست عباس آیری دور ─‌═‎‌‌‌‌‌‌༅࿇༅🌼༅࿇༅═‎─‌ ✍رقیه سعیدی(کیمیا)

❁﷽❁ #شعر_ترکی #زمزمه_روضه #شهادت_امام_باقر_ع #سبک :ای وای باشی دالدان کسیلن قارداشیم ای وای ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ای خاک بقیع ده پُوزولان قبریوه قوربان بی زائر اُولان تُپراقِ خوش عطریوه قوربان ای طـاقت اِئـدن واقعــــهٔ کــرب و بلایه ای بو غم عظمایه اُولان صبریوه قوربان سَــــن اِیلَـــه روایت/ صـــحرای بلادن قوربان کَسیلَن وقت/اُول دشت مِنا دن تاخیمه لر اُودلاندی سَنون گؤز قباقوندا آتش اثری قالدی سَنـون دیل دُوداقوندا ازبس کی بیاباندا قاچوب گَه ییخیلیب سان قالمیشدی تیکانلار اثری ،اَل اَیاقوندا دشمـــن لر اِئدنده /معجــرلری غـارت سیلی یِری گؤردون/باشلاندی اسارت دشمن سَنی مسـموم اِلَـدی زهــر جفایه یِر ،گؤی بو مصیبت لَه گَلیب آه و نوایه بو ضـربتی کی آل اُمیّــه سَنــه ووردی اوت ووردی بو غــم سلــسلهٔ آل عبـایه بوغملــی عـــزاده / آغلار سَنه زهرا اُول یاره لی قلبین/داغلارسَنه زهرا ای وای آقام ای وای مظلوم آقام ای وای ─‌┅═‎‌‌‌‌‌‌✧❁࿇❁✧═‎‌‌‌‌‌‌┅─‌ ✍رقیه سعیدی(کیمیا)

به نام خدا #شعر_ترکی #شب_هفتم_حضرت_علی_اصغر_ع #احوالات_رباب_علیها_سلام ─‌═‎‌‌‌‌‌‌༅࿇༅❖ ༅࿇༅═‎‌‌‌‌‌‌─‌ هرگؤل چمنده ناز اِیلِیَر ئوز هَزارینَه بلبل گؤزل ترانه لر اوخشار نگارینه هرگؤل صُولاندا رنگی ،گلستانه غم گَلَر بلبل تؤکَر سرشکِ غمین گؤل عذارینه بیر غملی بوستان بو دیار نوا ده وار گَل یُول سالاخ کرب وبلانین دیارینه بیر اذن آلاق دوباره اُوغولسوز ربابیدن تا اُوخشیاق جماعتی لَن حال زارینه نیسگیلّی غنچه سی سو کنارینده جان وِئریب لایلای چالاخ اُول پرپر اُولان شیرخوارینه هردم دِییر بیلیرم صؤد حسرتینده سن منده سَنون کیمین باخورام سو گذارینه سَندن صُورا سَرین سویی داخی ایچمَرَم اُغول تاب اِیلَرَم حرارت و ایستی فشارینه گهوراره وی ده گؤر نِجَه چوخ گؤردیلَر منه دلخوش اُولانمادیم بالامون یادگارینه هر دم سنی سالوب یاده گهواره ترپَدَم تسکین وِئرَه مادریوین قلب زارینه نیسگیل قالوب ئورَکده منیم باغلی اَللرون صیّاد باخمادی قوللاری باغلی شکارینه یاندیردی سینَه می بیچیلَن حنجرون ،علی قوربان اولوم گؤزل بالامین گؤل مزارینه ─‌═‎‌‌‌‌‌‌༅࿇༅❖ ༅࿇༅═‎‌‌‌‌‌‌─‌ ✍رقیه سعیدی(کیمیا)

❁﷽❁ #شعر_ترکی #شب_نهم_تاسوعا_حضرت_عباس_ع هرگؤلؤن بیرعطری وار،اما گؤل یاس آیری دور عاشقین قلبینده کی دریای احساس آیری دور هرداشین وارقیمتی ،اما ابالفضل عشقینه گؤزیاشی قیمتلی دورچون اشک الماس آیری دور دین یولوندا گرچه واردی چوخلی پرچم ساخلیان رسم پرچم ساخلاماقدا ،دست عباس آیری دور ✍رقیه سعیدی(کیمیا)

❁﷽❁ #شب_نهم_تاسوعا_حضرت_عباس_ع #شعر_ترکی احوالات امام حسین ع بربالین حضرت عباس ع(ترکی) ─‌═‎‌‌‌‌‌‌༅࿇༅❃༅࿇༅═‎─‌ دوراباالفضلیم اویان سیندی بِئلیم جان قارداشیم چاره م اَلدَن گِئتدی ای هر درده درمان قاداشیم پاره پاره سَپدیلَر گؤل جسمیوی تپراقلارا آیه آیه پخش اولان آیات قرآن قارداشیم ای دلاور ای اباالفضــل شیر حیدر ای اباالفضل ─‌═‎‌‌‌‌‌‌༅࿇༅❃༅࿇༅═‎─‌ گؤزلرون آچ ای منیم لب تشنه سرداریم اویان غم گؤنؤنده ای منیم غیرتلی غمخواریم اویان قُویما گؤلسؤنلر منه میدان دا یالقوز قالمیشام رحم اِئلَه گؤز یاشیمه یار وفاداریم اویان ای دلاور ای اباالفــضل شیر حیدر ای اباالفضل ─‌═‎‌‌‌‌‌‌༅࿇༅❃༅࿇༅═‎─ ✍‌رقیه سعیدی(کیمیا)

(بسم رب الحسین) #شعر_ترکی #شب_جمعه #شب_زیارتی #امام_حسین_علیه_السلام ─‌═‎‌‌‌‌‌‌༅࿇༅❖ ༅࿇༅═‎‌‌‌‌‌‌─‌ حسینین عاشقینین آیری بیر شرافتی وار حسینی مدح اِئلییَن شاعرین نجابتی وار دیلی دولانماز آغیــزدا اجـازه اولماسا گر قلم کی اولدی حسینی بیـلؤز اجازتی وار روا دی یازمیــا حتی آدین بدون وضـــو او شــاعری کی حسینه گؤزل ارادتی وار توســـل اِیلَسَه هر کیم یازاندا مدح و ثنا حسین اؤزی بو توســـل لره عنایتی وار او کس کی اولمادی قلبینده عشق کرب و بلا نه اعتبــاری اولار دنیــادا نه عــزتی وار هر آن گؤزی کی تَر اولدی حسینه خاطر اونون آناسی فاطمـــه دن برگهٔ شـــفاعتی وار جهاندا تک دی رواقی صفالیدور حرمی امیــر کرب و بلانین عجب عمــارتی وار آچیخدی سفره سی خوان کرم مهـیادی سخاوت اهلی دی هر سائله کرامتی وار اؤزی سِئچَر قوناقین کربلایه دعوت ائلَر همیشـــه زائرینـــه لطف بی نهــایتی وار دییَر اؤرک سؤزؤن هر کیم دؤشه یُولی حرمه قَییدمز اللری بوش هر کیمین کی حاجتی وار زیارتین نن اؤتور گؤر نقدر اؤرک تلسـؤر کیمین بئله شب جمعه ، شب زیارتی وار نظــر ائدَه آقا ، تپـــراقه "کیمــیا"یه دؤنَر خوشا به حال او ذره ، عجب سعادتی وار ─‌═‎‌‌‌‌‌‌༅࿇༅❖ ༅࿇༅═‎‌‌‌‌‌‌─‌ ✍رقیه سعیدی(کیمیا)